مكشاتي للدهناء والصمان وموقف لاينسى

[نفل]

السلام عليكم ورحمة الله وبركاته

من العايدين قبل الزحمة وكل عام وانتم بالف خير والله يتقبل منا ومنكم صالح الاعمال

هذه الصور من رحلتي الاخيرة للدهناء والصمان ( بعض فياض الصمان ) وكانت بداية
الرحلة من الرياض في المساء الساعة الثامنة ووصلنا طرف الدهنا ( عرق الحمراني )
حوالي 10.5 وامرحنا به في الصباح تمشينا بالنفود ودخلنا الصمان حوالي الساعة 11.5
صباح الثلاثاء ومشينا حوالي 40 كم شمال حتى فيضة ام الهيمان وفي الطريق لها صورت
كم صورة للفياض ولكن بصراحة العشب ما زاد منذ آخر رحلة لي قبل شهر ويظهر ان
الرعي والبرد كان له الاثر الاكبر . وكنت ناوي اتمادى شمال لكن حصل عطل للسيارة
( انشق الاديتر بسبب حجارة ضربت المروحة وحولتها للاديتر ) وكان موقف صعب لكن الحمدلله ربك هونها
وكان معنا ما يكفي من الماء وقمنا بتعبئة الاديتر اكثر من مرة ومن ثم الاسراع قدر الامكان قبل نفاذه
حتى وصلنا خط الرفيعة ( مشينا حوالي 40 كم جلد والاديتر بهذه الحال ) المهم وعند وصولنا
مبيعة العلف اللي بنهاية خط الصمان قديما وجدنا راعي بنشر5 نجوم :) ولقينا عنده اللحام اللي يخلط مع
بعض عبارة عن عصارين وسعره بعشرة يا بلاش ولو قالي بمية اخذته المهم قلنا هذا الامل الاخير وخويي بصراحة كان ملم بمثل هذه الامور وسبق ان مر بمثل هذه التجربة لكن في حالتنا كانت اصعب لان الشق كان في اسفل االاديتر وبمكان صعب جدا لكن الله لطف وقام زميلي بجهد كبير لسد الفتحة وجزاه الله الف خير والحمد لله حتى الآن والامور تمام واللحام لم ينفك والله يستر باكر عيد ولا هناك احد فاتح ....... وانصح الجميع بأخذ هذا العصار وسعره لا يتجاوز العشرت ريالات ووضعة ضمن العدة .

المهم كنت اتمنى اني اصورلكم الفياض اللى مرينا لكن الظروف لم تسمح والحمد لله على كل حال

واتركم مع الصور علما ان الصور الخاصة بفياض الصمان والخضرة اللي بالنفود لم اقم بالتعديل
عليها سوى وضع اطار .


الاولى شروق الشمس بمكان امراحنا

http://www.mekshat.com/pix/upload/images6/mk2692_aldhna.jpg

وهذه بأحد الخبب وكانت ممطورة مطر طيب واتوقع انها تخضر زيادة لانها رويانة

http://www.mekshat.com/pix/upload/images6/mk2692_IMG_5702.jpg

والصور الثلاث التالية صورتها بطريق الذهاب قبل العطل وبصراحة اطيب فياض مريتهن
فياض طليفيحات وفيضتين دون ام قرين مدري وش اساميهن .

http://www.mekshat.com/pix/upload/images6/mk2692_IMG_5737.jpg

الثانية
http://www.mekshat.com/pix/upload/images6/mk2692_IMG_5739.jpg

الثالثة
http://www.mekshat.com/pix/upload/images6/mk2692_IMG_5741.jpg

وهذه الصورة وانا مسفهل بعد تصليح العطل .

http://www.mekshat.com/pix/upload/images6/mk2692_IMG_5764nefl.jpg


وهذه اعجبني منظر اشعة الشمس قلت لقطة ما تنتفوت :)

http://www.mekshat.com/pix/upload/images6/mk2692_IMG_5755nfl.jpg

وهذه صورة الموتر اللي بغى يوهقنا :)

http://www.mekshat.com/pix/upload/images6/mk2692_IMG_5766.jpg

واخيرا وقفنا وصلينا بهذا المكان

http://www.mekshat.com/pix/upload/images6/mk2692_IMG_5780.jpg

والسلام عليكم ورحمة الله وبركاته والله يتقبل منا ومنكم صالح الاعمال

[كشات]

بسم الله

الاخ نفل
كل عام وانت بصحه وسلامه ياغالي
والحمد لله على السلامه
كثر الله خيرك على هالتقرير المصور
صور ماشاء الله تبشر بخير
والصوره الثانيه بصراحه تهيض القلب وكاني اشوف الربله فارشه تبي الدفا مع لون الارض

جزاك الله خير

[ريف النشاما]

السلام عليكم

الحمد لله على السلامه يابو محمد

وعساك ماتشوف شر وفعلا مرهم الصدوع مال الحديد مهم

دمت سالمن غانمن

بعدين أشوفك حاطن حرتك بالغروب والشروق وش السالفه :)


سلام يالغالي

[صقر عليه]

السلام عليكم

وكل عام وأنتم بخير

ماشاء الله عليك أخوي نفل والله أنك مبدع دائماً

في إلتقاط الصور وفي علوم البر

والحمد لله على السلامه

[السحاب]

الحمدلله على السلامة يابومحمد :o
وماشاء الله عليك دائما مبدع
صور في غاية الروعة
أجل لو الموتر ماتعطل وش تصورلنا؟
تسلم يابو محمد ماقصرت.
وكل عام والجميع بخير وعيدكم مبارك

[ابوغانم]

الف الف سلامة
الحمد لله على سلامتكم اخوي نفل
يا جماعة نصيحة
الحذر الحذر من الكشته بسيارة وحدة
بالنسبة لي وربعي حتى لوحنا اثنين نكشت بسيارتين
وهذا ما تعلمناه خلال العمل بالصحراء
لاتبتعد عن خط سيرك المعروف اذا كنت بسيارة واحدة

[آل حسين]

السلام عليكم
اخوي نفل ماشاء الله صور رائعة وبالذات الثانية وياليتك تعطينا احداثيتها مع الاماكن الزينه في النفود
بيني وبينك مافيه مثل النفود وهو مربع

[ربيق]

الحمد لله على السلامة أخوي نفل
.
والله هذا اللي يخوفك في المكاشيت بس ( اعقلها وتوكل )
.
والسيارتين مطلب أساسي للرحلات البعيدة
.
وكذلك ودك الواحد ياخذ دورة ولو بسيطة الميكانيكا وما يتهاون بالعدة
.
والله يستر على الجميع

[نفل]

السلام عليكم ورحمة الله وبركاته

هلا اخوي كشات
انت بالف خير والله يسلمك اخوي من كل مكروه
ومشكور لى مرورك وجزاك الله خير .

هلا اخوي
ريف النشاما
وعليكم السلام ورحمة الله وبركاته
الله يسلمك اخوي والشر ما يجيك ان شاءالله
وبالنسبة للشروق والغروب وش نسوي ما حصلنا ربيع
يشجع قلت نقلبها صور غروب وشروق :D

هلا اخوي صقر عليه
الله يسلمك اخوي ومشكور على اطرائك الجميل
وجزاك الله الف الف الف خير .

هلا اخوي السحاب
الله يسلمك اخوي من كل مكروه
ومشكور على اطرائك وهذا من ذوقك اخوي
وكل عام وانت بألف خير .

هلا اخوي ابوغانم
الله يسلمك اخوي من كل مكروه
وكلامك صحيح اخوي ودك الواحد ما يكشت الا بسيارتين
على الاقل خاصة للصمان لكن وش تسوي اذا كنتوا اثنين فقط ؟
ومشكور اخوي وما قصرت .

هلا اخوي آل حسين
وعليكم السلام ورحمة الله وبركاته
وانت صادق اخوي مابه احسن من النفود اذا ربع
خاصة اذا كان توه ممطور .
اخوي بالنسبة للصورة الثانية ما عندي احداثياتها وعلى كل
حال هي ما تحتاج احداثيات والصورة هذه بجوار الخط يعني
وانت بالخط المزفلت تبي تشوف الخضار وهو تقريبا على بعد من 30 الى 40 كم
وانت متجهه شمال من دوار العتش تلقاه على ايسر الخط وابشرك المكان ممطور مطر طيب
يعني مع الدفوة يبي يزيد ربيعه .

هلا اخوي RBIG
الله يسلمك اخوي من كل مكروه تراه
وكلامك عين الصواب بالنسبة للسيارتين
لكن احيانا تجبرك الضروف على سيارة واحدة .
والحمد لله على كل حال .

[بُرج السفرة]

بسم الله

الاخ نفل
كل عام وانت بصحه وسلامه ياغالي
والحمد لله على السلامه
كثر الله خيرك على هالتقرير المصور
صور ماشاء الله تبشر بخير
والصوره الثانيه بصراحه تهيض القلب وكاني اشوف الربله فارشه تبي الدفا مع لون الارض

جزاك الله خير
عيدكم مبارك ومشكور كل الشكر على هذا الموضوع والوصف الممتع

[رسلان]

الحمد لله على السلامة أخوي : أبو محمد ...
وعافاك الله على الصور مع المتاعب مانسيت أحبابك في مكشات :good2:
مشكور أخوي ....ماقصرت ..

<a href='http://www.smileycentral.com/?partner=ZSzeb008_ZNxdm119YYSA' target='_blank'><img src='http://smileys.smileycentral.com/cat/17/17_6_1.gif' alt='Eid Greeting' border=0></a><a href='http://www.smileycentral.com/?partner=ZSzeb008_ZNxdm119YYSA' target='_blank'><img src='http://smileys.smileycentral.com/cat/17/17_6_1.gif' alt='Eid Greeting' border=0></a><a href='http://www.smileycentral.com/?partner=ZSzeb008_ZNxdm119YYSA' target='_blank'><img src='http://smileys.smileycentral.com/cat/17/17_6_1.gif' alt='Eid Greeting' border=0></a><a href='http://www.smileycentral.com/?partner=ZSzeb008_ZNxdm119YYSA' target='_blank'><img src='http://smileys.smileycentral.com/cat/17/17_6_1.gif' alt='Eid Greeting' border=0></a><a href='http://www.smileycentral.com/?partner=ZSzeb008_ZNxdm119YYSA' target='_blank'><img src='http://smileys.smileycentral.com/cat/17/17_6_1.gif' alt='Eid Greeting' border=0></a>

تقبل تحيات ...

[صقر]

الحمد لله على السلامة يابو محمد

والجيب شكله يبي التقاعد...

عسى راسك سالم يابو محمد والمواقف هذه لاتنسى .. لها طعم خاص.

وبالنسبة للصور مايحتاج تعديل .. اذا كنت انت اللي مصورها.

بارك الله فيك.

[الجيب الربع]

أخوي أبو محمد

الحمدلله على السلامه ومشكور على الصور الجميله وتصويرك ما شاء الله مايبيله حتى أطار

بارك الله فيك

[ابو شكاع]

ماشاء الله

الله يتمم عليه ..... ياخوي يابو محمد النفس ترتاح لشوفة الربيع

والله يجزاك خير وما قصرت

الظاهر عقب هالأمطار اننا نبي نسري

تسلم