مرآآآآوح كهرب للباترول..........................

[N1998N]

ياشباب معي باترول 1998 وودي اركب مراوح كهرب لان صوت حنته قويه وهل هي تقوي العزم وبكم اسعارها؟وبكم تركيبها ؟ووين احصلها بالرياض وشكراااااااااا

[محيسن1]

اخوي مر علي ورشه التركي بالصناعيه القديمه
عنده واحد ابن حلال يقاله ابوصالح
شغل يحبه قلبك وتكلفك حدود 600 ريال

[ابوصالح1399]

السلام عليكم رح لورشة ابواسامة الدغيري شغل ذمه وهذا رقمه بعد اذن الادارة 0552222006 في صناعية السلي

[][][زلفاوي][][]

حياك الله اخوي بالنسبة للحنة بتخف وبتلاحظ هالشيء اما العزم يعني شيء خفيف ، وبالنسبة للي يشتغلون عندك الخطيب والدغيري معروفين بالشغلة هذه من زمان ، وبالتوفيق إن شاء الله .

[روقي]

رح لورشة ابواسامة الدغيري شغل ذمه وهذا رقمه بعد اذن الادارة 0552222006 في صناعية السلي

ماجاك علي

السعر 600 ريال

[waleed300]

مرحبا اخوي انا انصحك تركبها عند الدغيري بحكم تجربتي صار لها 4 سنوات ما اشتكيت منها ابد وشغله مظبوط والرجل فاهم ما شاء الله .....

[N1998N]

يعطيكـــم آآآآآلف عافيه ماقصرتوا بس سؤال وش فايدتها؟؟وش الايجابيات منها للسياره وشكرآآآآآ

[سوبر VTC]

المرواح ناجحة للباترول خصوصا مرواح سوبارو :good2:
اما الفتك يركبون له قراند شيروكي
اذا الدينمو تعبان ركب دنمو مكسيما 100امبير :good:

عندك الكهربائي سليمان الخطيب بالصناعية القديمة بجانب
مركز ترايستار
محله بنفس ورشة التركي ابو صالح صيانة نيسان
ان بغيت رقمه علمن
او الدغيري

نقاش سابق :good2:
على هذا الرابط
عزيزي صاحب الباترول رايك يهمنا (( مراوح الكهرب )) - منتديات مكشات (http://www.mekshat.com/vb/showthread.php?t=222802)



للفائدة

لأصحاب الباترول بالصور طريقة تركيب مروحة إضافية مع فاصل ومؤشر مضيء داخل الطبلون (http://www.mekshat.com/vb/showthread.php?t=115536)






السلام عليكم ورحمته وبركاته

كان معك باترول من 97 وتحت والجديد مأدري عنه بس كانه على حجم الرديتر مضبوط ركب لها مراوح سوبارو وأنتبه تركب غيرهن مروحتين وقويات والكهرب يالي تاخذه مو واجد
وزينات مره أخف على الموتر وأقل صرفيه


انا بموتري هلي وأخوي ياترول 93 مركبين مراوح سوبارو



وبعدين البطاريه مالها دخل كهربها يجي من الدينمو وماعليك انشاءلله ارقد وآمن
http://www.mekshat.com/vb/images/misc/progress.gif




اخوي نصيحه اذا كان الموتر جديد لا تركب له اما اذا كان قديم ركب مراوح ..
انا معي باترول 98 مركب عليه مراوح سوبارو ..







السلام عليكم
اخوي الوافي معي 2001 مثل موترك وركبتهن الحقيقة شفت الفرق
خف الموتر
خف صرف البنزين
خف صوت الموتر
العزم صار اقوى
بالخط الموتر راحت الحنه
ركب يارجال وانت مرتاح وقيمتها 680ريال مع التركيب سوبارو تأخذ يوم عند الرجال الدغيري مخرج 16 شرق بعد سادس او خامس إشارة ناسي والله يوتيرن تجيك محطة السعوي على اليمين المحل فيها بين البنشر ومحل التلميع يقاله ابو اسامه .
اي استفسار امر تبي تجرب الموتر او تشوفه عطني خبر وراسلني على الخاص برقمك وبشر بعزك .



اخوك المحب راعي كيف
ابو ناصر
ابو فهد المكسيما على علمي تركب قدام الرديتر سحب هي مو دفع هواء

ومراوح القراند غاليات مره ومروحه وحده بس
يعني السوبارو ارخص ومروحتين لو خربت وحده لا سمح الله الثانيه بإذن الله توصلك لديره


انا رحت لرياض وخلص شغلي ورجعة على مروحه وحده http://www.mekshat.com/vb/images/misc/progress.gif
اخوي الوافي

اذا انت بالرياض مااوصيك رح للدغيري

معي باترول 86 ولي اكثر من شهر صحيح مده قصيرة لكن الحمدلله ماشفت منها اي شي يضر

اخوي معه 93 وجلس معه حول سنه وسافر عليه كم مره للأمارات وهي ماتغيرت ولا اشتكى منها

خويي معه ددسن 96 وفرقت معه السيارة وموترك بيكلف 680 عند الدغيري





هذا راي معارض :)


الســـــلام عليكم أخوي الوافـــــي 99 .......................................
بأنقل لك تجربتي مع المراوح ومع الدغيري ومع السفاري وأنت لك الخيار في ذلك ............................
ركبت مراوح سوبارو عند الدغيري على موتري السفاري وبعد سنه بالتمام والكمال انشعر راس المكينه وتقوس
وقمت بأصلاحه ورجعت للدغيري وطلبت ان يرجع مروحة شد البلد ...................
اتصل بي واحد من الربع واخبرني ان سيارته الجيب باترول بالورشه والسبب انشعر الراس ومركب المراوح من 8 اشهر وبعد فتره ايضا احد جيراني ابلغني انه فك الراس ومعه سفاري ومركب مراوح .....
فأتضح لي مايلي :
1_الجيب يختلف عن الهايلكس يحتر يحتر ... مكينة الهايلكس صغيره مثل مكينة الخياطه والسوبارو مناسبه لها اما الجيب يختلــــــــــــــــــــــــــــــــــــــــــــــ ـف !!!!!!!!!!!
2_الرباضات والشعبان والتطعيس يحتر اكثر بمراوح السوبارو من شد البلد
3_كانت حرارة موتري نايمــه نايمـــــــه وبعد ماركبت السوبارو بدأت بالتغـير خاصه بالحر وارتفع ظغطي انا بعد
4_اذا طفت المراوح عشان الحساس ورجعت تشتغل مره ثانيه الوقت اللي طفت فيه يضر المكينه !! والمكينه تبي هواء مستمر غير منقطع ابد
5_ الحنه والثقل اللي رجع لموتري بعد مافكيت المراوح صار عندي شي عدي جدا للحفاظ على راس المكينه
6_ اليابان ابخص بحرارة الموتر وبمراوحه واذا كانت مروحة شد البلد تنكسر كما يقول البعض بدلها بجديده
كل ما انكسرت .. كل ما ذكرته وحصل لي ولزملائي صحيح والله على ما اقول شهيد ..

http://www.mekshat.com/vb/images/misc/progress.gif




معلوميه عن مراوح السوبارو
إذا ركبوها على الهايلكس يخلونها سرعه وحده يعني اذا ارتفعت الحراره اشتغلت السرعه الاولى وإذا شغلت المكيف والمروحه شغاله السرعه الاولى تشتلغل السرعه الثانيه دايركت


أما الجيب الباترول يخلونها على السرعه ثانيه خلقه على طول يعني إذا ارتفعة الحراره ولا مكيف كلهن سرعتهن الثانيه

تعقيب على قولت مكينه الهايلكس صغيره


وبعدين معلوميه إذا كنت تبي تطعس

فيه فاصل عندك بالغمره وفايدته بان المرواح مايفصلن ابد إلى إذا فصلت الفاصل


وبعدين علشان قولت المراوح عندك بعض الحيان مايشتغل السبب يرجع إلى الفيوز ماهن اصليات


اخوي الراس ماينشعر إلى إذا بدت تلعب الحراره ووينك عن الانبير ماتشوفه ؟ وإنا مأضمنلك شغل الدغيري لأني اسمع فيه بأنه يركب مراوح

وبعدين وش الحساس يالي مركبه 65 ولا 75 ولا 80 تراهن يختلفن

ولا أفضل 75 http://www.mekshat.com/vb/images/misc/progress.gif





قمت بتركيبها على على سفاري 90 قبل خمس سنوات أو ست قبل ما يعرفونها الناس .. وحاط مراوح سوبارو .. وجلست أربع سنوات أوخمس زي الألف ما خالفت أبدا وما اشتكيت منها .. وبعت السفاري وهي فيه ..

ركبتها على سوبر سفاري 98 بخاخ .. والحمد لله حنة ما فيه .. ولا مشاكل .. الحرارة في أقصى الأجواء توصل أقل من الثلث ..

سوباروا كل التكلفة أني رحت لتشليح الصناعية وشريت مراوح سوباروا .. كبير .. ( الهايلوكسات يحطون صغير) وهي تجي سرعتين .. شريت 2 بـ 125 ريال فقط .. وركبتها عند ابو عبد الله في صناعية النسيم ..

شريت كتاوتات يا باني أصلي ( صفرا) 2 ... وحساس مرسيدس .. وسلمتها الرجال وأظن خذ 250 ريال .. يعني جميع التكلفة مع القطع ما وصلت 450 مع ماء أديتر تويوتا أصلي وماء مقطر للأديتر
http://www.mekshat.com/vb/images/misc/progress.gif

الذى اعرفه ان مروحة الكهرب مفيده حيث يزيد عزم السياره على السرعات الدنيا فقط...بعد ذلك تصبح مثلها مثل المروحه الميكانيكيه الذى يفصل كلتشها على السرعات العاليه ويصبح دفع الهواء هو المبرد للمكينه اما المروحه فتصبح خامله اى كانها غير موجوده ما عدا من الوزن.

عموما المروحه الكهربائيه مريحه للمكينه ولكن قد تخرب فى اى لحظه خصوصا اذا كانت مرهمه اى ليست اساسيه من المصنع .اما المروحه العاديه فتسبب حمل على المكينه لكنها امنه جدا!

اذا يأتى اى موديل من السياره بمراوح كهربائيه من المصنع فهناك امكانية لتركيبها..غير هذا مجازفه كبيره
اذا كنت تستخدم السياره فى البر وتذهب بعيدا وممكن تدخل فى وحل او ماء او نفوذ..فالمروحه الكهربائيه تصبح عدوك وعدو سيارتك واذا هناك تجارب جميله فهذا لا يعنى اى شىء غير ستر الله

اعتقد هذه زبدة الزبد والقول الفصل بأذن الله والله اعلم
بعد ذلك تصبح مثلها مثل المروحه الميكانيكيه الذى يفصل كلتشها على السرعات العاليه ويصبح دفع الهواء هو المبرد للمكينه اما المروحه فتصبح خامله اى كانها غير موجوده ما عدا من الوزن.


معلومة خاطاءه المروحه الي على المكينه تدور لو تمشي طبلون موترك علشان كذا تلاحظ بأنك تمشي 20 ولا 200 نفس الحراره وإذا صرت واقف يعني على دعسة المكينه تخذ شوي ويزود الكبرشن تدعس لحالها ثم يرجع

بالعكس تدفع هواء حار نار من المكينه للرديتر


اما مراوح الكهرب اذا مشى الموتر مسك خط المراوح تطفي وتنزل الحراره لتحت الربع يعني يستفيد من الهواء الخارجي

وبالشتاء مايشتغلن المراوح إلى قليل يمكن دقيقه ويفصلن هذا بوسط الديره


اخوي تحسب الدعوه اخمطلك اي مروحه وركبها


أو شي المراوح هذي لها حساس حق مرسدس و كتاوت 2 لتنظيم الكهرب وفيوز 2 علشان لا سمح الله اي شي يقصن يركب فاصل بالغماره يوصل سلك لحساس المكيف بمعنى إذا شغلت المكيف اشتغلن


وللعلم المرواح الي عندي لهن اكثر من خمس سنوات يعني بموتر قبل موتري
وانا ركبتها بموتري يوم مشى 11 ألف والحين موتري ماشي اكثر من 100ألف مشاءلله عليهن مثل اللوز http://www.mekshat.com/vb/images/misc/progress.gif