المساعد الشخصي الرقمي

مشاهدة النسخة كاملة : يا هل الخبره لا تخلوني ؟؟؟!


Impala
16/02/2010, 03:25 PM
بسم الله الرحمن الرحيم

السلام عليكم ورحمه الله وبركاته

يالله حيهم وتو مانورت الصفحه

هذا اول موضوع لي في هذا المنتدى وإن شاء الله مايكون الاخير

ياوجيه الخير انا ناويلي على سياره بر ومدينه في نفس الوقت يعني اذا نويت البر ماتفشلن وبالمدينه تونسن

محتار بين الباترول &&& الباث <<< لايمانع من إضافه خيار ثالث
ابي اللي يعرف ومجرب هالسيارات ينصحن نصيحه اخو لخو يقولي العيوب والمميزات

القروش اللي معاي حول 40الى 50 الف قوريشا

بنتظار ردووووودكم
في امان الرحمن
Impala:good2:
eng.tarek
16/02/2010, 03:50 PM
اخوي اول شي يشرفني اني اكون اول من يرد على مشاركتك بها المنتدى وحياك الله ضيف علينا عين فراش وعين غطا والمهلي مايولي وابشر بسعدك انشاالله انا واللحى الغانمة اللي مثلك وشرواك بهالمنتدى ماهم بمقصرين معك الامر الثاني ان كنت تبي موتر بر ووناسة وخط بنفس الوقت واذا انت مو من النوع اللي تاخذ اهلك معك توصلهم وتجيبهم فالباترول السلق من 2004 وانت طالع يمدحونه لان المكينة بخاخات وان كنت تاخذ اهلك فلاتبعد عن الباثفندر قير عايدي 2005 وعز الله بتستانس نصب وبر وعندي لك خيار ثالث اللي هو الاكستيرا تراه موتر جنان قير عايدي ست نمر عز الله مقاوم وبر ووناسة على كيف كيفك بس ترى على ماقال النيسان مايمسك سعره ابد لكن انت بتستخدم منت راعي بيع شرا انشاالله اني افدتك ودعواتك لي بالموتر اللي يطيب خاطري
Impala
16/02/2010, 08:34 PM
يامرحبا بالغالي
انشهد انك وافي وبيض الله وجهك ولا يهونون اعضاء مكشات
سوال كم تتوقعون اسعار البترول سلق تماتيك 2003و انت طالع والباث تماتيك 2005
معي حدود 45 الف تجيب لي سياره نظيفه

وينكم يارجال ،،،،،.
eng.tarek
17/02/2010, 08:49 AM
اخوي سعر الباث الاوتو 2005 نص فل النضيف بالحيل على ماقال شغل وامش ياصل سعره ال55 اما اذا تبي نضيف بالقيمة اللي معك فخذ لك 2003 اتوقع انك تلقى بهاالقيمة ولاتاخذ 2002 وانت نازل لان المكينة 3000 اما من 2003 وانت طالع نفس مكينة 2005اما الباترول سلق تماتيك اتوقع انك تقصد البابين ماهو الباب الواحد الصراحة ماعندي فكرة عن اسعاره بس اتوقع بالخمسينات او اول الستين ان ماخاب ظني بس ترى الباث اخف لك من الباترول بكثير وموتر شبابي والتضبيط لراعي النصب ازين انشاالله اني افدتك والشباب ماهو مقصرين معك