تحذير لرواد الفاو الشمالي بحفر الباطن .

[اورنس الشمري]

أحياناً يدخل بعض المهتمين بالفقع إلى مناطق ممنوع الدخول فيها , فمن الأولى عدم الدخول كما إن الشرطة العسكرية لا ترحم في هذا الموضوع , وقد تصل إلى التوقيف .

هذا إجراء إداري لكن إلي بحذركم منه , هو "الديبان" الي بالشبك , وفق أكثر من رواية إنذكرت لي , فالديبان تكثر وهي ديبان خطيرة بمعنى , واحد قبل فترة انقرص وتم إسعافه ولله الحمد .

والي تأكدت منه إني أتمشى حول الفياض "فياض حسنا" أنا وولد عمي قبل يومين , مصفطين السيارة وببالنا نتمشى حوالين الشبك , فالحاصل إننا لقينا داب واقف وقوف , وخذيت حصاه وحذفت عليه والله وكيلكم قام يهوش وجانا , وعندها ما تشوف إلا نعولنا طايره فوق وثيابنا بأفامينا ..

وويلي يا بعد السياره :d :d

ودايركت للحفر ...الهجه يبعد حي ..

بالله يالربع انتبهوا , وخصوصا إلي يدخلون الشبك , فالإنسان ينأى بنفسه عن المشاكل , وكذلك يحمي روحه -بعد الله- من الأفاعي , تخبرون الأفاعي من سنين ما شافن أوادم

[الرصد الجوي]

اللي كاتبه ربك بيصير
توكل على الله ومن يتوكل على الله فهو حسبه

[روح الانوثه]

يممممه
اعوذ بالله
الله يكفينا شرهاااااا
داب واقفه :( :(

وحذفت عليها حصااااة :eek: :eek:

كانك تقولها الحقيني :D :D

انت حارشتها اكيد بتلحقك

الحمد لله على سلامتك يا اخوي

ياجعلي ما اشوفها عمري كله لاحيه ولا ميته

[RaaDaaR]

الســلام عليكم ..
اورنــس الشمري ..

تســلم يمييينك على التنبيــه .. وكويس اني انتبهت لموضوعك ..

لان فيه كشاته الان متواجدين في تلك المنطقـه ...

سيتم التبليغ ولــك مني كل الشكــر ..

[روح الانوثه]

اللي كاتبه ربك بيصير
توكل على الله ومن يتوكل على الله فهو حسبه




معك حق يا اخوي
بس لابد الواحد يتقي المخاطر
حفاظا على النفس
واهم شي الواحد يذكر الادعيه والاذكار
ويحصن الصغااااار

[ابو ابراهيم]

الفقع مايستاهل انك تخاطر بحياتك من شانه نعم هناك افاعي سامة وكثيرة اجارنا الله واياكم من كل شر

[جهام القصيم]

بارك الله فيك ولكن الافاعي فقط داخل الشبك في كل مكان, كانك اتخوف الناس من الفقع داخل الشبك (خل الناس اترزق الله)

[زعيم المقناص]

يعطيك العافيه والحذر زين

[من متى]

جزاك الله خير

[شمال النفود]

ياوالله البلشة
عاد هالسنة الجو دافيء والله يستر

[a1Ruwais]

يعطيك العافية والحذر زين

[اعقل المجانين]

واحد له اسبوع بالعنايه المركزة

واليوم تعافا قليلا

والاخر توفي ولم يتم اللحاق به

رحمه الله تعالى

شكر لك

[وادي بن شعيب]

والله يا جماعة اليوم العصر وانا راجع من جهة لينة قبل سامودة بحوالي 10 كم على الزفلت تلوى والله العالم انها ام جنيب ودعستها من دون ما ادري ورجعت صورتها.... ان كتب الله ولقيت وقت نزلت الصورة في المنتدى

[مروي الظامي]

بيض الله وجهك وما قصرت

[نديم السهر]

وعندها ما تشوف إلا نعولنا طايره فوق وثيابنا بأفامينا ..

وويلي يا بعد السياره :d :d

ودايركت للحفر ...الهجه يبعد حي ..




يعطيك العافيه على التحذير:butt3: :alarm: :butt3:

دايركت للحفر...زين اللي ما تعديت الحفر من الخوف :D

والحمدالله على السلامه ياروح ما بعدك روح

[كاشت بالصيف]

عافاك الله صاحب الطرح وقانا الله واياكم شر الدواب

[القنـاص2008]

بيض الله وجهك على النصيحة

[ابويزيد111]

نصيحه طيبه من رجل طيب
واضيف عليكم بحمل عصاء اثناء التجول للبحت عن الفقع فالدواب لايمكن ان تهاجمك وانت تحمل عصاء بيدك

[سما وماء]

الله يكفينا شر الدواب

والله ذكرتني ايام الفقع الواجد اللي جاء قبل سنين والله مدري عام 16 او 18

المهم داخل شبك حكومي هههه بالليل مامعي غير كشاف وسكروب

والله شفت داب الله لا يوريكم والله تركته وما جيته بس اكشف عليه من بعيد

قلت نوم هنيئا وجعلك ماتقوم

ويعطيك العافيه على التنبيه

اخوك
سما وماء

[هاوي غماره]

هههههههه
والله ياانت منسم خبل تحلت حصاته

[سيف الظفير]

مشكور يا بعد حيي