( الفزعة يا أهل الشرقية ) أبي أركب تلفزيون بالسيارة للبزران وين أحصلها ( الأفضل ) !!!

[سواليف]

السلام عليكم

ابي اركب تلفزيون وين أحصله الي هو سي دي ودفيدي وبي شاشة كبيرة وش نصيحتكم يالحبايب اركب لها قاعده في السقف والا فيه طريقة ماتخرب لي السقف

شورو علي يالاحبة وين احصله الارخص والافضل وليت بعض الاسعار الي تخبرونها

في انتظاركم يامال الغنيمة

[الجيب الربع]

وعليكم السلام ورحمة الله وبركاته

أخي سواليف

انصحك انك تشتري الشاشة لوحدها والـ دي في دي لوحده وكذا تطلع عليك أرخص كثير لان أهل المحلات اللي يركبون يضربون الأسعار بالعالي وانا عملت كذا وما كلفتني الشغلة 450 ريال

والتركيب يعتمد على نوع السيارة اللي عندك.... انا عندي لاند كروزر ثبت القاعدة ( قاعدة التلفزيون لا احد يورطني) مع لمبة السقف والشاشة اركبها وقت ما احتاجها مع الـ دي في دي

لك أجمل تحية

[ميراب]

وعليكم السلام ورحمة الله وبركاته

أخي سواليف
تلاقيها في الدمام شارع الملك سعود بجانب عمارة سيكو جميع الموديلات و بمختلف الاسعار
و الاسعار على حسب كبر الشاشة وكم يشيل الدفي دي وطب وتخير

[ابوبرقاء]

اهلين بالشباب وكل عام وانتم بخير
اخوي سواليف ولا يهنون باقي الشباب..

اذا كان عندك درج تحت المسجل مباشره ( حق الشرطان) فيه نوع من الشاشات تدخل جوه زي المسجل
بالضبط واذا حبيت تشغلها تسحبها وتنفر يمين ولا يسار ولها عصي تتحكم في تحريكها (زي جوال ألأباتشي الظاهر) وقيمتها تقريبا650 /700 ريال وانا شفتها في مكه والدفي دي اهم شي اللي يشغل جميع الأنظمه
اغاني ولا افلام
ولك تحياتي

[سواليف]

حياك الله يالجيب الربع ......ياولد القاعدة :good2:

اشكرك حبيبي على تفاعلك الله لايهينك اخوي

رحت وسمت الي تقول وطلع على المجموع حول 650 بس بدون تركيب

وودي اسئلك القاعدة تجي مع الدفي دي والا يركبها لي الفني ووش يحتاج الفني للشغلة ذي

علماً السيارة الي عندي يوكن 2005

شاكر لك التواصل

[سواليف]

الاخ osa2k

اشكرك على المعلومة فعلاً وجدت محلات هناك لكن التركيب وين افضل مكان لو تكرمت

فيه احد تثق فيه تخبرني عنه


حفظك الله من كل مكروه

[ابو حسام]

اخوي سواليف
رح لصناعية الثقبه. اول المحلات من جهة خط العزيزيه بجانب المسجد. هناك محل صاحبه سعودي واسعاره اخبرها قبل سنه كانت معقوله. قارن وشوف الخيارات قبل ماتتهور :)
المحل والله ما اذكر اسمه لكنه واضح بجانب المسجد.

[سواليف]

الاخ ابو البرقاء

اشكرك على تجاوبك ونصحك ......وشورتك طيبة من وجه طيب

والله يعيننا على الحوسة لين نطب في الزين والسعر المعقول

تحياتي الحارة