عطنا رايك في اليوكون مديل99

[سحاب1]

بسم الله الرحمن الرحيم
اخواني الاعزاء عرض على احد الاقارب جمس يوكون مديل 99 استخدام ويمدحه ويقول بانه نظيف وسعره مناسب .
اتمني من اصحاب الخبرة واللذي جرب هذا الموتر يقول لي رأيه وهل هي سيار عمليه ..
وجزاكم الله خير.

[باني طوية]

انا الصراحة ماجربته بس هو قوي وعملي وافضل من الموديلات الجديدة من ناحية التحمل والصبر هذا ماسمعته من اللي استعملوه

[ريثان القصيم]

تحية من الله رب العالمين وبعد
اذا هو
1- دفرنس واحد
2- وارد العيسى
3-باسم راعيه وكاله
4-مخزن اخو الجديد

صل الاستخاره والله يدلك على خير برحمته غير هذا تراى ما انصحك ابد

تحياتي لك


ريثان القصيم

[stranger]

انا معي جمس 99 استخام والآن له معي 3 اشهر تقريباً والحمدالله ما واجهتني اي مشاكل فيه ما عدا طرمبة البنزيز خربت علي اول ما شريته وغيرتها . ونصحني ميكانيكي وهذي معلومه لكل من يملك جمس انه ما يشغل السيارة الا بعد ما يطفي جرس السوتش يعني بعد فتح السوتش وتضاء اللمبات في الطبلون تنتظر حتى يطفي الجرس وبعدها شغل لأن الطرمبة تخرب بسرعه .... هذي معلومه من الميكانيكي .... وفي حالة خرابها غير طرمبة vxr موديل 98 واتمنى لك التوفيق

[سحاب1]

اخ باني طوية شكرا لك والله يعطيك العافيه

[شقاوي بر]

انا معي اخوة تاهو 99 اذا منت راعي وعر الموتر حليل راحة مع الخط خفيف اقتصادي ويشيل العائلة في المقابل يهربد مع البطانيج والمطبات لازم تسمعلك طقطقة في البودي والجهاز الامامي واما طرمت البانزيم فالله يعينك لازم يقطعك في احد الديار ولكن لقيت لها حل يساعد في تركيبها بسرعة وبدون سطحة وشيل وحط سويت فتحة من الاعلى لها وتعلمت كيف فكها وتركيبها واخذت معي احتياط ولكن للاسف بعد ماقطعني في البر بعيد عن الزفلت ب 120 كيلو والحمد لله على كل شي هذي تجربتي معه وباقي معي المتر ومغنيني عن غيرة
واي استفسار انا في الخدمة بالي اعرف واقدر وسلامتك

[سحاب1]

تحية من الله رب العالمين وبعد
اذا هو
1- دفرنس واحد
2- وارد العيسى
3-باسم راعيه وكاله
4-مخزن اخو الجديد

صل الاستخاره والله يدلك على خير برحمته غير هذا تراى ما انصحك ابد

تحياتي لك


ريثان القصيم
جزاك الله خير اخي ريثان القصيم

[سحاب1]

انا معي جمس 99 استخام والآن له معي 3 اشهر تقريباً والحمدالله ما واجهتني اي مشاكل فيه ما عدا طرمبة البنزيز خربت علي اول ما شريته وغيرتها . ونصحني ميكانيكي وهذي معلومه لكل من يملك جمس انه ما يشغل السيارة الا بعد ما يطفي جرس السوتش يعني بعد فتح السوتش وتضاء اللمبات في الطبلون تنتظر حتى يطفي الجرس وبعدها شغل لأن الطرمبة تخرب بسرعه .... هذي معلومه من الميكانيكي .... وفي حالة خرابها غير طرمبة vxr موديل 98 واتمنى لك التوفيق
بارك الله فيك اخوي stranger من ناحية طرمبة البنزين انا عندي كابرس مديل 92 ركبت له طرمبة بنزين حقت صني والي الان الحمد لله ما خربت لها حوالي سنتين ونصف يمكن تفيدك هذه المعلومه.

[سحاب1]

انا معي اخوة تاهو 99 اذا منت راعي وعر الموتر حليل راحة مع الخط خفيف اقتصادي ويشيل العائلة في المقابل يهربد مع البطانيج والمطبات لازم تسمعلك طقطقة في البودي والجهاز الامامي واما طرمت البانزيم فالله يعينك لازم يقطعك في احد الديار ولكن لقيت لها حل يساعد في تركيبها بسرعة وبدون سطحة وشيل وحط سويت فتحة من الاعلى لها وتعلمت كيف فكها وتركيبها واخذت معي احتياط ولكن للاسف بعد ماقطعني في البر بعيد عن الزفلت ب 120 كيلو والحمد لله على كل شي هذي تجربتي معه وباقي معي المتر ومغنيني عن غيرة
واي استفسار انا في الخدمة بالي اعرف واقدر وسلامتك
وفقك الله وما قصرت اخوي شقاوي بر. من ناحية طرمبة البنزين جرب تركب حقت الصني او المكسيما