فزعتكم يا اهل الباثفندر

[anb]

السلام عليكم ورحمة الله وبركاته


حبيت اسأل عن كفرات الباثفندر ماهو افضل مقاس للجنط 17 وماهو افضل نوع من الكفرات لاني سمعت انه الهانكوك ممتاز


هل تنصحوني به مع العلم اني راعي سفريات وبر بنفس الوقت


وشكرا لتعاونكم

[مدمن باث]

انصحك تركب كفرات ماكسس تراها مضبوطات لجميع الحالات للرمل والحصى والشعبان

[escape_man]

الهانكوك زوين لكن مو احسن شي .. ممكن تقول ارخص شي اقولك نعم ..
ولاتنسى انه كوري ..

افضل شي جربته التويو .. ثم اليوكوهاما
ثبات + تحمل سرعة وحرارة
والصناعة ياباني

[رعد حائل]

اقول غير الهانكوك لاتركب
انا معي باث 2005 مركب له هانكوك اربع قبل 3 شهور ب(2000)ريال يعني الواحد ب(500)ريال بصراحه روعه في البر وفي السفر حتى مطبهن خفيف .
أول كان مركب عليه بريدجستون حليلات بس مطبهن قاسي يقطع القلب واذا نزلت الهوى في النفود مايلين بسرعه يعني تحط الهوا 15 وكأن فيه 25 .
الهانكوك تحط الهوا 18 وتتمشى على كيفك بالنفود.
ولا هي اول مره اركب هانكوك الهانكوك عشق قديم من تقريباً 6 سنوات وانا استخدم الهانكوك في موتري الاول هيونداي النترا2004 .
ميزة الهانكوك قليل البنشر .

[نايف7007]

ماكسس عن تجربه

[سحابه]

متابع بشدة

[عربوطة]

ماكسس عن تجربه لكن مايبطي زرعه

[رفيع المقآم]

طع شوري يا هنكووك يا يوكو هاما لا تبعد الزين عندنا والشين فوقنا قصدي حولنا

[anb]

الله يعطيكم العافيه وما قصرتوا


طيب نسيتو شغله يالربع


وهو مقاس الكفر المناسب للجنط 17


وشكرا لتفاعلكم

[همس الشمال]

عليك بالفايرستون ممتاز مره مركبهن لي 6 شهور خفيفه ولينه وناعمه وسعره 480 طبعا ياباني ونقشتهن حلوه

[no fear 78]

السلام عليكم احسن شي ركب دنلوب مقاس 265-65-17 يجي اشوي اعرض و اكبر وله عليه ثابت في الشارع ابشكل ملحوض عن المقاس الأصلي المقاس الأصلي شد ابلاده 265-45-17 و في البر ممتاز ولا اتخاف من كبر الكفرات تراه ما يحك حتى لو امحمل اغراض و السعر 1900ريال و بتوفيق

[مربط القعاسي]

السلام عليكم احسن شي ركب دنلوب مقاس 265-65-17 يجي اشوي اعرض و اكبر وله عليه ثابت في الشارع ابشكل ملحوض عن المقاس الأصلي المقاس الأصلي شد ابلاده 265-45-17 و في البر ممتاز ولا اتخاف من كبر الكفرات تراه ما يحك حتى لو امحمل اغراض و السعر 1900ريال و بتوفيق


طع شور ارجال وركب 265/65/17 دنلب لنه افضل مقاس والدنلب ياباني وزين مررررررة اسال مجرب انا جربته خط وبر ونفود اما في الخط بأذن الله تمسك الخط ونت مرتاح من ناحيه الانفجار لنه قوي ولا تقيس قوي يعني بصير مطبه قوي هذا على حسب الهواء يعني 30 ممتاز وفي التحميل كذالك ممتاز لني حملت عليه حمول هبال وماشاء الله هو عزروبه شوي قاسي بالنفود بس هواء خمسه يمسي براحة وزيدك من الشعر بيت خمسه وواقف تقدر ترجع علية الديرة لن انا انسمه خمسه ولا اتفخة الى في الديرة ومرة رحت عليه الرياض ماديت ان فيه خمسه وله اكثر من سنه حاليا وماشاء الله عزاله كفرك وسترح

هذا والله اعلم وبالله التوفيق


اخووووووووك مربط القعاسي