المساعد الشخصي الرقمي

مشاهدة النسخة كاملة : طريقة تجهيز عزبة السفاري الربع 99


nasser00
20/02/2010, 05:09 AM
السلام عليكم ورحمة الله وبركاتة


مساء / صباح الخيرات على الجميع


واسعد الله واقاتكم بكل خير


مع سفاري ربع 99 واحد ان العزبه في الخلف مكركبة


فياليت لو تعطوني طريقه لترتيب مع اني ابغى اركب تانكي ثابت للماء


طبعآ عشان ما ادوخكم


كل اللي انا ابغى اجهزه هو


تانكي ماء ارضي مثبت >> بس وش الافضل استيل او الالمنيوم
عزبة طبخ مثبته يعني ما انزل العزبه نهائيآ اي شي اخذه ارجعه بعد الانتهاء منه بس ابغى ترتيب او طريقه مثل ترتيب المطبخ في البيت اذا امكن
مكان للحطب
اذا امكن خيمة مثل اللي في السنيدي اللي بدون عمدان المقوسه
وتجهيزات الكهرباء وماطور الهواء
الادوات اللي قد احتاجها في الكشته


يعني بشكل عام كيف ارتب سيارتي لاني اعاني من الانوار والترتيب في الخلف


واذا كان فيه صور يكون افضل


مع خالص الشكر والتقدير لمجهوداتكم
عاشق الفتك 20
20/02/2010, 10:37 AM
انشااء الله يفيدوونك الاخوااان
nasser00
21/02/2010, 06:23 AM
حياك عاشق الفتك
سرني مرورك
وفي انتظار اهل الخبره
روقي
21/02/2010, 08:35 AM
شل المرتبه الي خلف السواق

وفصل التانكي بحرف L

ولا يتعدى ارتفاعه 30 سم

ثم حط اغراضك فوق

افضل شي من التوانك الستيل بس غالي

والالمنيوم ممتاز ورخيص
nasser00
22/02/2010, 05:00 AM
يعطيك العافية روقي

بس انا سمعت في احد المحلات انه يرفعون لك المرتبه الخلفيه شوي وتحط التانكي تحتها مدري سمعتوا عنها
روقي
22/02/2010, 08:20 AM
فكره جيده ممكن اي ورشة تسويها لك

لانه يحط قواعد المرتبه على التانكي
فهد بن مشبب العاصمي
22/02/2010, 03:54 PM
مرحبا بك ياغالي

سلمك الله بحكم ان اهلي يجون ويروحون معي مااقدر افك المرتبه الخلفيه

ففصلت تانكي الومنيوم الحمد لله وحده بوحده .. وفوقه عزبة الطبخ وعزبة الشاهي والدافور والعينين وفوقهن كلهن فرشه متينه شوي وزينه ولينه على الجزء الخلفي كامل والحطب فوقهن كلهن وثابت والحمد لله وافكر في تفصيل شنطة للحطب بمقاس في بالي ..

وإذا كان ماعندك مشكلة في فك المرتبه الخلفيه فعندك مساحه كبيره ماشاء الله بتفك ازمه

واي سوال انا حاظر
nasser00
24/02/2010, 12:18 AM
حياك روقي

وكلامك على متمه ما يحط القواعد على التانكي بل يفصل قواعد جديده طويله شوي

حياك فهد

والله يعافيك انا مسوي زيك الان لكن في بالي التانكي تحت يكون اكبر شوي لان التانكي الان يستوعب 80 لتر فقط وفي نظري انه قليل

فالفكره ان التانكي يكون اكبر شوي بالاضافة الى العزبه والاغراض تكون مثبته ومرتبه في الخلف مثلآ اغراض المطبخ تكون مثبت بصندوق يفتح مع الواجهه زي دواليب المطبخ

بشكل اوضح
اذا فتحت الباب الخلفي تكون الواجهه زي الدالوب (مقسمه عدت ابواب ) الجهه اليمين تكون ادوات الطبخ بباب مستقل طبعآ الجهه الوسطيه تكون للحطب والجهه اليسرى للفرشات والمراكي طبعآ راي تكون فيه مساحه فوق شوي راح تكون لفراش النوم التنزاني والخيمه المتوسطه الموجوده عند السنيدي اللي بدون عمدان

بس اهم شي ايش راح افصل الدالوب منه الخشب راح يتكسر من المناقز في البران والحديد راح يكون مزعجه

وما ادري وش تنصحون به لتفصيل الدالوب
رفيع المقآم
24/02/2010, 01:13 AM
طيب رح لحقين الرحلات ويجهزووون الموترلك
nasser00
25/02/2010, 03:29 AM
حقين الرحلات اذا وليتهم نفسك راح ياكلونك

فانا ادور الان الاشياء اللي احتاجها في الكشتات لسافر

مثل ما انتم عارفين السفار شنطته صغيره شوي

وانا من الناس اللي ما احد اشيل مراتب احب اركب الشباب معي في سياره واحد بدل اكثر من سياره ^_^
abo rashed
26/02/2010, 09:30 PM
حياك اخوي بالنسبة للربع كان معي ربع باترول 97 ركبت تانكي موية 150 لتر ومركب عزبة الطبخ وعزبة الشاهي ودافور وشراع وزوالي وفصلت سلة علوية اركب الحطب والخيمة والرواق والحمدالله ماقصر كل شي شايلة واحيانا اخذ اهلي معي واطلع مع ربعي واركب اغراضهم وفرشهم ونطلع على موتري ثلاث ايام الحمدالله مانقص شي
افضلك فصلك سلة وقت الطلعات ركبها واذا مابغيتها فكها وخلها على جنب الين يجي وقتها
والله يسر امرك
nasser00
03/03/2010, 06:46 AM
حياك ابو راشد
فعلآ فكره السله حلوه

بس انا ابغى كل شي داخل السيارة

هي لو تتقدم المراتب الخلفيه كان تمام
بجرب حضي يمكن تضبط

الله يوفقكم