صور من الصمان بعد امطار السبت من مكشاتي يوم الاثنين 14/12/1425هـ

[نفل]

السلام عليكم ورحمة الله وبركاته

هذه رحلة خطافية على ما قالوا :) للصمان لشوفة اثار المطر عليها .

الرحلة مع الوالد الله يحفظه والابن محمد وبدات من فجر يوم الاثنين الموافق 14/12/1425 هـ

ومررنا بروضة خريم وافطرنا بها وبعد ذلك توجهنا الي الصمان مرورا برماح والرمحية والحفنة

وتوقفنا بالدهناء وكان اللي مرينا ماطرهن واحد والارض تبشر بربيع زين ان شاءالله تعالى

وبعد ذلك دخلنا الصمان حول الساعة 11 صباحا ومرينا كم فيضة والحمد لله الارض رويانه

والارض منقعة خاصة في بعض الفياض ويظهر والله اعلم ان شدة المطر تختلف من مكان لمكان

لكن عموما الارض كلها ممطور والربيع قادم ان شاءالله بالفياض والحزوم وهذه بعض الصور .


الاولى لروضة خريم مع الصباح ولاحظ قطرات الماء على العشب من آثار الطل عليها

http://www.mekshat.com/pix/upload/images6/mk2692_nefl2.jpg

والثانية صوره مقربه للعشب مع قطرات الطفل ( الطل )

http://www.mekshat.com/pix/upload/images6/mk2692_nefl0.jpg

والثالثة للنفود بعد المطر ماشاءالله رويان .

http://www.mekshat.com/pix/upload/images6/mk2692_nefl1.jpg

والرابعة لاحد الفياض صلينا فيها وارتحنا قليللا .

http://www.mekshat.com/pix/upload/images6/mk2692_nefl3.jpg

والخامسة والسادسة لنفس الفيضة

http://www.mekshat.com/pix/upload/images6/mk2692_nefl4.jpg

http://www.mekshat.com/pix/upload/images6/mk2692_nefl5.jpg

والسابعة والثامنة والتاسعة لفيضة اخرى كانت ممطورة مطر طيب وعشبها مقبل ان شاءالله .

http://www.mekshat.com/pix/upload/images6/mk2692_nefl6.jpg

http://www.mekshat.com/pix/upload/images6/mk2692_nefl7.jpg

http://www.mekshat.com/pix/upload/images6/mk2692_nefl8.jpg

وهذه لفيضة اخري ونحن بطريق العودة

http://www.mekshat.com/pix/upload/images6/mk2692_nefl9.jpg

ان شاءالله تجوز لكم الصور وآسف لكثرة الصور

اخوكم نفل

والسلام عليكم ورحمة الله وبركاته

[ربيق]

ما شاء الله رحلة موفقة أخوي -------> نفل
.
والله يبشرك بالخير
.
والصور قمة في الروعة وخاصة الفيضة ما شاء الله
.
كان ودي أن الصور أكبر من هالحجم علشان نستفيد منها أكثر
وانا عارف أن سبب التصغير علشان ما تثقل على المتصفحين
.
أيضا كان ودي أنك عطيتنا اسم هالفيضة ولا احداثيتها ولا وصفها وبعدها وجهتها على الأقل
.
عرضت على أبوي نفس المشروع بس قال أصبر أسبوع ولا أسبوعين وخل الأرض يبان ربيعها أكثر وأكثر ،،،،،
وصورك هذي خلت نفسي تتلني تل للصمان بس ما ادري أصبر ولا أمشي
مع السلامة أخوي

[الجيب الربع]

أخي أبومحمد

بارك الله فيك ومشكور على هذا التقرير والله يخليك لوالدك ويخليلك محمد

وبعدين خريم وش قصتها معك ؟؟؟؟؟؟؟؟

اجمل تحية

[المطلق]

بارك الله فيك أخوي نفل

ويعطيك العافية

وكل عام وأنت بخير

(((الرياعي)))

[آل حسين]

السلام عليكم
ماشاء الله تبارك الله صور رائعة بالذات الأولى والثانية

[ابو دحيم]

مشكوووور اخوووي وما قصرت نفل على هالصوررر الحلووووه

و المكاان ماشاء الله ربيع و الخير زين انشاء الله

بس ياليت تقول لنا اسم الفيضه ومكانها و احداثياتها اذا ما يكلف عليك


وشكرا........

[ابو زياد9]

الحمدلله على السلامة اخوي نفل وسلامة الوالد والولد
صور ولا اروع والمصور اروع
لكن لو تحدد اكثر جهات فياض الصمان وين او الاحداثيات
لو تكرمت

مشكور

[الاحداثي]

الله يجزاك خير اخوي نفل وبيض الله وجهك حقيقة وسعت صدورنا الله يوسع صدرك بهذه المناظر الرائعة..أسأل الله لك ولجميع أعضاء وزوار مكشات التوفيق في رحلاتهم ونسأل الله أن يرزقنا شكره في السر والعلن ....

[شقردي 2]

مشكور اخوي نفل على هذه الصور الرائعة والخير قادم بأذن الله

سبحان الله وبحمده سبحان الله العظيم

[الصمان]

بسم الله الرحمن الرحيم
مشكور اخوي نفل على الصور الزينة والى ترد الروح

[بركان]

ابو محمد
كل عام وانت بخير
الا تعلم اخي الكريم
بانك بهذه الصور
سوف تسبب زحمة في الصمان
ياخوي حتى اللي ما عنده نيه يطلع بيطلع
واللي ما عنده جيب بيشتري جيب
وكأنني بكل من اطلع على صورك وقد اقفل جهازه على عجل واتصل باصحابه واتجه للغرابي لشراء النواقص
هالكمره يبي لنا نشوف لها حل نبي واحد يعطيها ( اهبببببببب !!!! ) على شان تخف الزحمه على الفياض .

سلمت يداك ودمت لنا سالما معافى مع كمرتك المشهورة كشهرة مكشات.

[al-nashmi]

صباح الخير ابو محمد.....

ومن العا يدين بعد الزحمه...

وسعت اصدورنا وجددت سرورنا بهذه الصور الزينه الله يوسع صدرك...... خاصه انا وامثالي اللي ما قدرنا نطلع في هذه الايام الممطرة الجميله.... لكن بعد شوفة صورك كأننا طلعنا وتونسنا الله يونسك بالعافيه..

اخوك النشمي

[نفل]

السلام عليكم ورحمة الله وبركاته

هلا اخوي RBIG

مشكور على مرورك وردك الجميل واطرائك وبالنسبة للصور الصغيرة مثل
ما تفضلت اخوي لسهولة التصفح وبالنسبة اسم الفياض ذكرت وحدة منهن
وهي احدى فياض طليفحات ( الصورة 6/5/4) اما الفياض ( 10/9/8/7)
فلا اعرف اسم لها وبصراحة ما ودي احدد او اركز على فيضة محددة ربما يعني
لها الشخص ويجدها عادية او يجد افضل منها وانا ذكرت ان الصمان كله تقريبا ربيعه
واحد والماطركذلك واحد يعني انت توكل على وادخل الصمان واذا تبي نفس الفياض
اللي انا مررت بها اتجهه لام قرين واذا وصلتها توجه الى ام دغيم وان شاءالله تبي تمر
فياض تجوزلك بين ام قرين ودغيم وان كنت افضل انك ما تعتمد عل كلامي علشان تشوف
مناطق اخرى يمكن تكون افضل مثلا رح لم روضة البخراء يمدحونها واللي حولها او
ام المصران شرق . والله اعلم .

هلا اخوي الجيب الربع
مشكور على مرورك واطرائك وجزاك اله الف الف الف خير
وروضة خريم اخوي اذا ما مريتها احس اني ما كشت هاك اليو م خاصة هذه الايام
سابقة ربيع الصمان بشهر واذا ربع الصمان يمكن افكر ما امرها :D


هلا اخوي (((الرياعي)))
وانت بالف خير ومشكور اوي على ردك الجميل واطرائك
وجزاك الله الف الف الف خير .

هلا اخوي آل حسين
وعليكم السلام ورحمة الله وبركاته
ومشكور اخوي على مرورك وردك الجميل وجزاك
الله الف الف الف خير .

هلا اخوي دندوونه
مشكور اخوي على مرورك واطرائك وجزاك الله خير
وبالنسبة لاسم الفياض تجد الرد على استفساراتك في ردي على
الاخ RBIG اما لاحداثيات بالنسبة لطليفحات موجود بكتاب الصمان
واذا ما عند احداثياتها قلي وانا ارسلها لك اما الفياض الاخرى فمريتها مرور
الكرام لضيق الوقت ولم احرص على تسجيلها بسبب ان الربيع عام على الصمان
والفياض المربعة كثير ة يعني باختصار نادر ما تجد فيضة ماربعت لكن يبيلك
تصبر اسبوعين او ثلاثة حتى يرتفع العشب وتحلى الجلسة وعندها ما يحتاج تنشد
عن احداثيات ما عليك الا انك توجه السيارة وتطب وتخير من الفياض وصدقني
تبي تلقى ان شاءالله احسن من الفياض الي انا مريتهن وبالتوفيق اخوي ان شاءالله .

هلا اخوي ابو زياد9
الله يسلمك اخوي من كل شر ومشكور على دعواتك وجزاك الله الف الف الف خير
والرد على استفساراتك تجد ضمن ردي على الاخوان فوق اما تحديد مكان مكشاتي
( خط السير .. بعد نهاية النفود مشيت حوالي 10 كم بخط الرفيعة ثم توجهة لفياض
مغطيات - طليفحات - ام سنينة - ام قرين - دغيم ) وكان اطيب ما مريت المنطقة
اللي بين ام قرين ودغيم وهذه لا يعني انها الافضل بالصمان هي فقط الافضل من اللي
مريتهن بمكشاتي هاك اليو م .

هلا اخوي الاحداثي
الله يسلمك اخوي من كل مكروه تراه والمسلمبن اجمعين ومشكور اخوي
على دعواتك وجزاك الله الف الف اف خير ومتعك الله بدوام الصحة والعافية .

هلا اخوي شقردي 2
مشكور اخوي على مرورك واطرائك والرد وان شاءالله اخوي المنطقة
تبي تربع ربيع تام وجزاك الله الف خير اخوي .

هلا اخوي الصمان
مشكور على مرورك اخوي وردك وجزاك الله الف الف الف خير .


هلا بالغالي بركان
وانت بالف خير
بلاك ماتدري كل فيضة نمرها نجد عندها كشاته وهذه اول مرة اجد المكاشيت
بهذه الكثافة كنك بالثمامة :D ويمكن الاجازة واخبار الامطار هي اللي دفعت الناس للهروب
من المدينة ... وبالنسبة للكاميرا يمكن احيلها للتقاعد المبكر قريبا ان شاءالله :D والله يسلمك اخوي من كل مكروه ويعافيك وجزاك الله الف خير على دعواتك لي ولكميرتي :D

هلا اخوي al-nashmi
صباح النور اخوي
وش اخبارك كيفك حالك وكل عام وانت بخير والله يسلمك
ومشكور اخوي على مرورك والرد على المشاركة وجزاك الله الف الف الف خير .
اخوي من كل مكروه

اخوكم ابو محمد

[هاجس]

لاهنت اخوي نفل , , , صور تبشر بخير

[رسلان]

أخوي : نفل ...
عافاك الله أخوي أبو محمد ...
صور مافيها كلام والصمان المطر اللي جاه أقل مما جانا ...
كنا خايفين يغطي الماء الفياض وبعدين مافيه كشتة إلا بعد الدراسة :D
وماشاء الله كل صور لعضو مكشاتي أفضل من اللي قبله الفياض في تحسن ...
الله يتمم عليه ويحفظه من البرد ..
تقبل تحيات ....

[نفل]

السلام عليكم ورحمة الله وبركاته

هلا اخوي هاجس

ومن قال اخوي ومشكور على مرورك وجزاك الله الف خير .


هلا اخوي رسلان

الله يعافيك اخوي ويسلمك من كل مكروه
ومشكور اخوي وجزاك الله الف الف الف خير
وفعلا اخوي من طلعت المربعانية والعشب يخلف عليك بيوم .

والسلام عليكم ورحمة الله وبركاته

[محبوب الجميع]

مشكور اخوي نفل صور رائعة والتقاط للصور يدل على خبرتك المعروفة في التصوير

[Bader-M]

ما شاء الله

تبارك الله


صور :good2:



تسلم يمناك يالذيب

[نفل]

السلام عليكم ورحمة الله وبركاته

هلا اخوي محبوب الجميع

لاشكر على واجب وجزاك الله خير وهذا من لطفك اخوي
وبارك الله فيك .

هلا اخوي طايربالعجه
الله يسلمك اخوي وما عليك زود ومشكور على ردك
واطرائك وجزاك الله الف الف الف خير .

[aflaj12]

مشكور وصور رائعة مثل صاحبها

[بُرج السفرة]

الاخ الموفق نفل
هذه الصور وسام جوده من مصور مبهر
بارك الله فيك وفي والدك وولدك
وتحيه عطره

والسلام عليكم ورحمة الله وبركاته

[نقا هشال]

يعطيك الف عافيه ياغالي

صور رائعه

ويازين الصمان زيناه

[الزعفران]

السلام عليكم00
بارك الله فيك 00 يا فنان التصوير في مكشات 00 وفي عرب ميدي00
صور رائعة 00 وتفتح النفس 00 إلى الأمام يا أبو محمد00
بالتوفيق00

[خالد2001]

الله يعطيك العافيه أخوي / نفل
الحقيقة صور وعرض رائع للرحلة , وبيض الله وجهك والمشاركين.
:good2:

[هاوي الهلي]

مشكور وما قصرت والله يجزاك خير والحمد لله على سلامتكم

[طائر السعد]

]في البدء الشكر موصول لصاحب الموضوع [/size]

أذا سمح لي اخوي نفل وجميع اعضاء مكشات
أخوكم قضب النفوذ من رماح إلى الشمال الغربي (النفود الكبير ) بالشمال مروراً بعذفا وحتى آبار أبو راكان ( جُبِّه ) الشمال ( للمعلومية توجد جِبِة بالقصيم وتسمى جبه الجنوب وتعتمد على النطق ) وغيرها من الفياض والنقر
ولا أنسى البسيتنيات ( وخلووووو بالكم من البسيتنيات اكو شي ) ووادي الرمة والسهول اللي حوله الباذر توه مطلع يبيله الشهر وخذ ربيع الارانب بالغبش وانصحكم بالركاااد الحصاني وبن عواء مساااير عليكم ( هذا في الرمة من الشمال الشرقي من الوادي ) وسوف ازودكم بكل التفاصيل والصور وخصوصاً بحيرات الجبه ( وللمعلومية الخط مقطوع وتحتاج لدريول متمكن حتى تقطع النفوذ ) أعطوني وقت حتى انزل البكتشر :D :D


اخوتي ولو اني ماني بشاعر بس جادت نفسي بها الابيات لابو راكان

نظرة تلاقي وأثرها نظرة افراق @@ رمت بها على النظرة ذكرياتي
واقفت وشمس الحب في وقت الشراق @@ مع كل خطوة تخطوة تختفي من حياتي
أبو راكان عشرتي هي والأشواق @@ وحبي لها مله حدود بذاتي
حاولت اداري لوعة وسط الاعماق @@ ودي بموتي قبل موت أمنياتي
شفاقة بقلبي صحت بالصوت مشتاق @@ خوفي من الله يا محطة نجاتي
أرفض بشدة نظرة كلها اشفاق @@ أعيش فيها أيامي المقبلاتي
الشمري هو خاطري كلما ضاق @@ وتصير همزة وصل للماضياتي
وسلامتكم

إهداء بكل تواضع لشفاقة الشمري ( أبو راكان )
تحياتي للجميع

[طائر السعد]

الحقاً للموضوع السابق
هذه خطة السير وبتحفظ
رماح شرقاً ثم شوية بأتجاه الغرب قطعت الدهناء ^^^^ شمال عرق جهام الارض قاحل
أتجهت لأم الجماجم قطعت جِبِه أباري عرق الدهناء شمال ^^^^ إلى تربه الباذر طالع والمناقع بحر
ومن تربه إلى الحبانية تحتاج الى دريويل متمرس لأن النفوذ راااوي ؟؟
في النفوذ الكبير أتجهت إلى مركز عذفا ( الارض مرتوية والدبش مشاهد )
من عذفا الى ابار أبو راكان :no2: :no2: لك عليه ويبي الهمة


معلومة مهمة من يبي النفود الكبير من جبه ( الشمال ) تراه ممهد وتقدر تقطعة بسهوووولة
واياني واياكم تمشون بدون تفويل التانكي من جبه ولا تقرص على المووتر :good2: :D

وادي الرمة سايل وقطعة صعب ( بالنسبة للوقت اللي انا فيه ) مليان وحل وعليكم بالشعيب
الباذر طالع به
جنوب غرب من الوادي الارض مرتوية
عقبها خذ باذر ونفل وخزامى وطلح بس بعد شهر من شهر الحج
هواة الهدد
البسيتينات لا تبعدون عنها ولا تنسوني من الطعم
تحياتي للجميع

[ريف النشاما]

مشكور يابو محمد على هذه الرحلة وهذه الأخبار الساره

وشكرا لك على هذه الصور الحلوه

حقيقتا يوم شف الوادي ذاك اليوم تمنيتك تجي وتشوفه :no:


وتقبل تحياتي