محتار فأين المستشار

[ابوعبدالمحسن]

يالربع الله لايهينكم

ودي بكفرات للجيب لاند كروزر بس ابغا شي صح حتى لو غاليه

انا قريت موضوع بس اختلفت فيه الآراء


وودي بعد بتانكي يتوافق معه خصوصا ان الجيب كفر الاستبنه فيه اسفل


محبكم عبدالله المهيدب

[اعقاب]

:good2: بالنسبه للكفرات اذا انت راعي نفود ومناطق رمليه يمدحونmaxes وايضاseamtire وصناعتها تايلنديه

اما التانكي لايطري لك الا الالمنيوم لانه خفيف ولا يصدي وهناك اكثر من ورشه تصلحها في الرياض :good2:

[الجيب الربع]

أخي ابوعبدالمحسن

أنا أرى أن البيريلي يأتي بالمقدمه وبعده الميشلان ثم القوديير والباقي بعدها

أجمل تحية

[ابوعبدالمحسن]

اخوي اعقاب واخوي الجيب الربع

مادري وش اقول لكن الله يبيض وجيهكم

انا والله راعي نفود وبران

بالنسبة للبيريلي وش مميزاته الله لايهينك يالجيب الربع

بالنسبة للكفرات دنلوب اللي تجي شد بلاده وشلونها

ابوعبدالمحسن

[المِشْقر]

أخوي أبوعبدالمحسن

حياك الله والحقيقة فرحت بشوفة اسمك بين أحبابك

بالنسبة لما احترت فبه

الكفرات يالغالي تختلف حسب طبيعة

طلعاتك هل هي نفود أم حزوم أم وعر

لكن إن كان الموتر للديرة وللبر " يعني صالون وجيب "

فأنصحك بكفرات تكون لينة شوي تحافظ على الموتر لا يقربع

أما التانكي أحد إخواني عنده جي إكس آر خلفية لكزس "استبنة تحت"

وحاول يشوف له تانكي باللي هي به لكن عجز حتى فصل له تانكي

على جنب الموتر الأيسر تحت الدعاسة بس موب شي معفطه وطالع ونازل وفي الأخير

صار يهرب ولا مسك زين في الموتر والآن مفكوك وفي المستودع ، لكن

لكن وش ، ،

يا راي"ن" عندي لك خذ لك جيك 40 لتر وافتحه من الأسفل بالدريل وركب فيه بلف كفر تيوبلس

وركب في البلف من الخارج لي صحراوي وفي آخره حنفية بلاستيك من شركة الوسائل الزراعية

بطريق الأمير عبدالله وحط لي بالطول اللي تبي وافتك من تخريم موترك وتشويهه

ومتى ما بغيت نزل الجيك

ومتى ما بغيت ركبه .

واسلم لمحبك ، ،
المشقر

[نمر بن حثلين]

في نظري احسن كفرات هي الميشلان والبريجستون

اذا انت راعي خطوط ورمل خذ ميشلان
واذا راعي حصى وشعبان خذ بريجستون


وبالنسبه للتانكي مثل ما شار عليك الاخ المشقر مهب جاي بموترك على سنع وعليك بالجراكل تراها اصرف واوفر
وخذ مثل هالنوعيه الي حط صورتها الاخ البدر تراها ما تسرب خصوصا اذا صارت السنه داخليه

http://www.mekshat.com/vb/showthread.php?t=26483
وتراه يجي جاهز عند بعض محلات الرحلات
http://737badr.jeeran.com/images/Gal2.jpg

واذا ملزم بالتانكي فصل داخلي مثل هذا ولبسه بس الظاهر مراتب ورا لازم تشيلها

http://www.mekshat.com/pix/upload/images3/watartank1555.jpg

[الوشاح]

انا اشوف ان كفرات شد بلد هن انسب شي للجيب

للحصى والرمل والخط بختصار ( بتاع كله)

اما التانكي ما مثل الالمنيوم ويكون في الشنطه

............

[Bader-M]

مشلان الفرنسي وبس


ولا تاخذ الا من الوكيل



وكل عام وانت بالخير

[كتاب]

عندي ملاحظة لو تسمحون ، هناك حنفيات تركب على الجركل مباشرة ، إذا وصلت البر افتح الغطاء ، وركب الحنفية مكانه ، واسدح الجركل أفقي ، وبس .

هالحنفيات موجودة عند محلات أبو عشرة ، تلقى لونها أبيض وأحمر ، وفيها أنبوب صغير حق تنفيس الهواء إلى داخل الجركل مع نزول الماء . وإذا خلصت ونويت تشيل العفش، شيل الحنفية ، ورجع غطاء الجركل مكانه، ووقف الجركل عمودي . و لا عاد تخاف من تنسيم ماء و لا شي ، و لا حتى تخرب الجركل . أيضا يمكن زيادة فايدة أنك تحمل ثلاثة أو أربع جراكل ماء ، وكل ما فضى واحد تشيل الحنفية وتحطها على الثاني .