مفخــــرة الأرض×الباترول الجديد...سيارات للمدينة فقــط***

[_دربيل_999]

http://elsmt.com/upup/uploads/9329624bff.gif (http://elsmt.com/upup/)
إخــواني فــhttp://www.3zotie.com/uploads/uploads/99fd53922c.jpg (http://www.3zotie.com/uploads/)ـي
خلونا الله يحفظكم نتكلم بمبدأ العقل والمنطق..بعيداً عن العواطف الجياشة لحب السيارة وماركتها..
يعني اللي بيتكلم بمبدأ تحيز مانبيه يرد..:D
يقراء ويتوكل على الله.ونبي اللي يجاوبون أهل البر فقط..:s
أما أهل طعوس الثمامة ومغاسل وتلميع السيارات يقراء ويأخذ سندوتشة يأكلها بس ولايرد..:D
.
عندي أسأله بطرحها لكن تتبعوا معي شوي..
أعتقد أن أكثرنا في هذا المنتدى الرائع راعين بر..صح..
طيب ياراعين البران..السيارات الحديثة من البترول والكروزر..طلت علينا بوجه آخر..غير سياراتنا اللي كنا نستخدمها اللي تضرب بها البران وانت مرتاح...!!
سيارات الدفع الرباعي صارت خمس كاميرات وخمس شاشات لكل بزر لعبته وشاشته..:) ماشاء الله..
والسيارات بشكل عام واطية جداً يعني إرتفاعها عن الأرض زي أي سيارة ثانية...والبودي صار ضد اللمس مجرد اللمس قادر على إحداث شيء فيه..والدليل المفخرة..والباترول الجديد اللي يشيل التراب على كبوته هذا في أحد مقاطع الفيديو له..


اسأله
هل أنت مقتنع فيها بأنها تصلح للبر...!!
هل أنت في حاجة للشاشات والكمرات لسيارة برية أم لقوة ومتانة..!!
هل تثق فيها ثقتك بالقديم منها..!!والسبب



من المتعارف عليه بأن المزايا التكنولوجية في السلعة تأتي على حساب شيء أخر فيها يكون جوهري وهام..
بصفتها سيارة للدروب الوعرة..!!
وقريب بنشوف بطل الدروب بيصير بطلها والا بيصير بطل الحواري والورش..زي أخوه المفخرة...!!:mad:



********
*
http://www.3zotie.com/uploads/uploads/c7e15ab6f4.gif (http://www.3zotie.com/uploads/)


ودي ووردي لكم
http://www.yesmeenah.com/smiles/smiles/48/1%20(34).gif (http://www.yesmeenah.com/)
الروقي

[التعـ King ـديل]

عزيزي انا توني راجع من ابوظبي امس .. وجربت الباترول الجديد في طعوس عوافي وفي خط راس الخيمه - دبي

سياره لا يعلى عليها بر وديره على الخط التسارع حقها كنك راكب بورش بالتجاوب والسرعه

في طعوس عوافي يوجد طعس ماترقاه الا السيارات المرهمه وحاولت كثير بعده سيارات ارقاه في وقت مضى وعجزت

مع الباترول الجديد رقيته وانا غير مصدق ومع العلم طلبو مني افرمل وادعس من جديد ولقيت الباترول ثابت بمحله مادحدر

ومع دعسه خفيفه كمل مشوار لأعلى الطعس

خلاصه كلامي في ناس تصنع وتطور وانت يمكن تشوف النيسان من موديل 88 لحد 93 شكل ومحركات ومن 94 الى 97 شكل اخر ومن 98 الى 2001 شكل اخر

ومن 2002 الى 2004 شكل اخر ومن 2005 الى 2009 شكل اخر وكل موديل احسن من اللي قبله وجاك 2010 بيمسح كل المواتر اللي قبله واللي بتجي بعده

تصريح اخذته بنفسي من كبير مهندسين نيسان في احتفال المسعود في ابوظبي قالي بالحرف صنعنا الباترول الجديد لمنافسه السيارات الغاليه الثمن مثل البورش

واللكزس وقلت له والمنافس القديم الاندكروزر قال جعلنا منافسته مع الاكستيرا والباثفيندر لان هذا مستواه

[برق البطين]

والله مالي مصلحه بس لاندكروزر ينافسه الاكستيرا والباثفيندر صعبه شوي وياليت يكون الكلام واقعي شوي

[بن سليمان]

اخوي الروقي اول شيء انت منتب ملزوم انك تسوي بالموتر مثل اللي في المقطع والمقطع مجرد توضيح دعائي للقوة واغلب اللي يشترون الجيوب ما يسون مثل سوات المقطع بل بالعكس اغلب وقتهم في المدينة وسفريات اعرف اكثر من شخص اشترى جيب وباعه وهو ما جرب الدبل
وشركة نيسان وتويوتا حطت سيارات اقل تجهيزات تصلح للمطامر في البر والقنص والمكاشيت وايضا قابله للتعديل للي يبي يعدل مثل رفع السيارة الخ......
الشركات ما تنتج سيارات إلا بعد دراسة الواقع وحال السوق وتوجهات المستهلكين علشان كذا تشوف الجيوب تجهيزاتها تختلف علشان متطلبات السوق وتلبية حاجة الناس

[بن سليمان]

والله مالي مصلحه بس لاندكروزر ينافسه الاكستيرا والباثفيندر صعبه شوي وياليت يكون الكلام واقعي شوي
الاكستيرا ادائه في البر والوعر افضل من اللاندكروزر لكن بالفخامة اكيد اللاند افضل

[دله وفنجال]

السلام عليكم


اخوي الغالي ـــ دربيل ـــ 999

كلامك صحيح الزياده في التكنولجيا راح تكون على حساب شيء اخر بس بنفس الوقت راح تفيدك اكثر بشياء ثانيه .


اعتقد ان السياره على حسب الي يبي يشتر .. مثلاً الي راعي بر ومقناص وطيور ومكاشيته بكل وقت ماراح ياخذ vx-r او لكزس اكيد انه يبي يشري اقل فئة او نصف فل ويبي يحرص على الاشياء المهمه اكثر من الاكسسوارات مثل الكمرات والشاشات وغيرها من المواصفات الزائده عن حاجته .

اما من ناحيت ان البدي مايتحمل فنا اعتقد ان الاندكروزر نفس الموديل الاول بس اختلاف الشكل لاكن المضمون نفسه ماتغير .. ومن ناحيت الارتفاع فسيارات من يوم تاخذه وهي اصلن نازله شوي .. ولا وشوله العالم تركب وتعدل بليايات الا دليل على ان مواترهم طامنه ..


تسلم يالذيب على الموضوع ...

[رفيع المقآم]

يالربع راعي البر ما ياخذ فل يبي ياخذ ما جلان وبعض اللي يحتاجه بس

[قنوع]

الله يعطيك العافيه أخوي دربيل

وفعلاً اللاند من تالي ولحقه السفاري اتجهة للرفاهية لكي تواكب التنافس اللي صاير في السوق

وأغلب المواصفات توضع لكسب الزبون

وراعي البر المفروض ياخذ اللي يناسبة من المواصفات من هالمواتر

وحط في بالك ماكل من طلع للبر قناص.................. ولا كل من شرا جيب راعي مكاشيت

الناس تختلف في وجهات نظرها لشراء الجيبوب

ناس تبيه يشيل العائله ........... وناس تحب الموتر الرفيع...............(((( خاصة اللي تصبح أحيائهم مناقع وفيها حفر )))) وناس تفكر في مسكة السعر............... وناس تبيه رزه وكشخه وهيبه

واللي سبق هم اللي يبحثون عن الرفاهية لأن الجوهر اللي انت تتكلم عنه مايهمهم.................علشان كذا مشى سوق الكميرات والحركات وجنوط 20

أجل جنوط 20 للبر .................... والكفر فوق 800 الى 1200 الأنواع العادية

مواصفات الجيوب للبر معروفه ............ ومن شهرتها صاروا حقين الأرصفه يسابقون اهل البر عليها

وفي الختام

أرجوا ان لا ينحني الموضوع منحنى آخر ...................................... نبي نقاش بعقلانية

[باثفندر]

رأي الشخصي جيل اللاندكروزر إنتهى منذ عام 1997 م
وجيل النيسان إنتهى منذ عام 2009 م

[بارود سدير]

بسم الله الرحمن الرحيم

انا معك اخوي دربيل في كلامك خاصة اللاند كروزر 2008 وطالع. مايصلح مايتحمل سواقة اهل البر اللي متعودين انهم مايهدون للجرفه وغيرها مثل الطلوع مع بعض الطلعات الوعره
القصد المتانة تغيرت وين متانة الجديد والgx97 مثلا
الباترل خفه وقدرة افضل في الطعوس والبطاحي لكن عمر خدمته اقل من التويوتا
والجديد منه مابعد جربوه اهل البر بس فيه اشياء اكيد ماتصلح لاهل البر مثل الطمن والبدي الرهيف

لكن انا اشوف ان شبيه الربع ابو أربع بيبان من افضل الجوب الآن لاهل البر والمفانيص :good2:

[ظل الماء]

أخي العزيز كلامك فيه الكثير من الواقعية والدليل تعديلات السيارات الكثيرة بتركيب واقيات أسفل السيارة وصدامات حديد بينما الكماليات التي قد تكون في الغالب في البر مضرتها أكثر من منفعتها لأنها تجعل السيارة حساسة أكثر من اللازم
وأتمنى عودة السيارات الروسية التي كانت مجرد ماكينة وقير مصنوعان من الحديد :good2:

[GS5]

وعليكم السلام و رحمة الله و بركاته

شف اللاند حكمنا عليه
بس الباترول للحين ماشفناه ماتقوا تحكم ..
و الباترول اصبر خله ينزل بكل فئاته و انواعه همن احكم :d

[شمالات نجد]

والله أني حاس فيك يا أخوي..

وأتفق معك 100%

ومن جرف لدحديرررررررررررررررره

والرجال اللي يقولون ما بعد جربنا الموتر عشان نحكم عليه أقولهم يا الربع ما يبي لها نشدة شيخ الكتاب من عنوانه كثرة الخرابيط والتنكلوجيا والمقصات وكبر الموتر مافيها مجال للحيرة في الحكم على السيارة.

وهالصور هدية لك وللجميع

http://up.arabseyes.com/upfiles/JL839364.jpg (http://up.arabseyes.com/)


http://image.motortrend.com/f/new-cars/nissan-360-day-1-things-ive-learned/9498650+w315+cr1+re0+ar1/2008-nissan-patrol-swb.jpg

http://www.4x4offroads.com/image-files/2002-nissan-patrol-y61-denmark-2.jpg


[/URL]

[URL="http://www.netcarshow.com/nissan/2005-patrol/800x600/wallpaper_01.htm"]http://img1.netcarshow.com/Nissan-Patrol_2005_thumbnail_01.jpg (http://www.netcarshow.com/nissan/2005-patrol/02.htm)

http://img1.netcarshow.com/Nissan-Patrol_2005_thumbnail_02.jpg (http://www.netcarshow.com/nissan/2005-patrol/800x600/wallpaper_02.htm)

http://img1.netcarshow.com/Nissan-Patrol_2005_thumbnail_03.jpg (http://www.netcarshow.com/nissan/2005-patrol/800x600/wallpaper_03.htm)

http://img1.netcarshow.com/Nissan-Patrol_2005_thumbnail_04.jpg (http://www.netcarshow.com/nissan/2005-patrol/800x600/wallpaper_04.htm)

http://img1.netcarshow.com/Nissan-Patrol_2005_thumbnail_05.jpg (http://www.netcarshow.com/nissan/2005-patrol/800x600/wallpaper_05.htm)

http://img1.netcarshow.com/Nissan-Patrol_2005_thumbnail_06.jpg (http://www.netcarshow.com/nissan/2005-patrol/800x600/wallpaper_06.htm)

http://img1.netcarshow.com/Nissan-Patrol_2005_thumbnail_07.jpg (http://www.netcarshow.com/nissan/2005-patrol/800x600/wallpaper_07.htm)

http://img1.netcarshow.com/Nissan-Patrol_2005_thumbnail_08.jpg (http://www.netcarshow.com/nissan/2005-patrol/800x600/wallpaper_08.htm)

http://img1.netcarshow.com/Nissan-Patrol_2005_thumbnail_09.jpg (http://www.netcarshow.com/nissan/2005-patrol/800x600/wallpaper_09.htm)

سلام

[ناصح]

موضوع وطرح رائع بمعنى الكلمة


وأنا كان في خاطري الكثير مما ذكرت


لكن مع تجارب السنين الماضية
تغيرت بعض القناعات
طبعا أنا أتكلم عن السيارات اليابانية فقط


لا سيما تويوتا ونيسان تحديدا


فعلى سبيل المثال


أنا كنت أخرج للبر بسيارت قديمة نوعا ما
ونظامها كاربوريتير وكويل ودلكو وبلاتين
ونوافذ يدوية وقفل يدوي,,إلخ


ثم جاء نظام حقن الوقود الالكتروني - البخاخات والكهرب الالكتروني
ونوافذ كهربائية وقفل مركزي


ولم نجد إلا كل خير ومن أفضل لأفضل ولله الحمد والفضل والمنة


فشتان بين الكاربوريتر والبخاخ في الصبر والتحمل حيث لم نعد تشتكي من صعوبة تشغيل المحرك ولا من التقطيع


وشتان بين نظام الكهرب القديم والحديث
فالحديث أفضل اداء وأصبر بكثير.



لكن أكثر ما يقلقني نظام السير الموحد لكل البكرات


يعني لو أنقطع في سيارتك تكون كوم حديد ولن تتحرك..!!


بينما النظام القديم لكل بكرة سير لوحده



وكذلك نظام المفتاح الالكتروني والآمان


بحيث لو تغيرت البرمجة في البر فأنت في مشكلة حقيقة ..!!


هذا ما لدي الآن مع شكري لك على هذا الموضوع .

[راعي الطويلة]

خلنا على سياراتنا القديمة
هذه الجديدة للشباب اللي يفهمونها

يازين القزاز العادي ........ والمكيف المفاتيح ..... ولا يوجد Abs

والحد الأعلى لسيارة البر 30.000 ريال

أما اللي يقدر يدفع 200.000 ريال في سيارة بر الله يقويه ويعينه ويرزقه من خيرها

المهم خلونا من الزين والشين ترونا نعرفها منذو مبطي

[بن شمروخ]

صدقت يالغالي وسنه عن سنه الكلام نفس الكلام ....

مثال .. الهدد

يوم نزل الـ 98 وش كانت تقول الناس ... كان تقول : الجيب خفيف وصدامه بلستك ومدلعينه ..
ويوم نزل الـ 2008 نفس الكلام وهو بالفعل كل جيل جديد من السيارت نجد انه نسبة الحديد فيه قليلة ...

ولا ننسى الكابرس .. سنة الثمانين كان موتر حديدي وويم نزل كابرس الصابونة الناس قالو خربوا شكله وبديه فيبر .. وبعدين نزل الـ 2000 واسمع الكلام ونزل الـ 2004 ونزل الـ 2007 قصدير مقووووووى ..

[بوادر الخير]

أنت جبه و أنا أعلمك يصلح وإلا لا خخخخ

[أبوعلي الجاسر]

شاكر طرحك الجميل أخوي

بالنسبة للسيارات الحديثة أنا لو أكشت عليه من أخذ الأسباب راح أستأجر سطحه تكشت معي :p

الدبل أصبح أزرار مو زي أول عصا من الناحية ذي أفضل اليوكون والتاهو لأن الدبل أزرار منذ عشر سنوات
:f هذا رأيي :f

[NOYEB]

كلما زادت الاكسسوارات كلما زاد الخراب ...
سيارات هذا الوقت اغلبها بلاستيك وفيبر..بالاصح هي سيارات مدينة اكثر مما هي سيارات دفع رباعي للبر

[سوبر مكشات]

اهم شيء يطلعون شيء للبران


والمشكله الاكبر
حنا ما عندنا الا نيسان وتيوتا وجمس من قرن جدي


ما فيه وكالات جديده
تطلع مواتر بران

هذا اللي مستغربه

[كاشخ 24 ساعه]

وقلت له والمنافس القديم الاندكروزر قال جعلنا منافسته مع الاكستيرا والباثفيندر لان هذا مستواه


معليش ياخي بس انت تفقد مصداقيتك بكلامك هذا


اذا هذا كلام وكيل نيسان وانت نقلت منه فمع احترامي لكلاكما لن اقتنع بما قلته مطلقا


الحين الانفنيتي والارمادا لا تقارن باللاندكروزر ابدا وتجي انت وهالوكيل وتقولون الكلام هذا



على الاقل راع ان هناك في المنتدى من هم افهم واعلم منك بالسيارتين وستفقد حتما مصداقيتك لديهم


وشكرا لصاحب الموضوع واتفق معه في جميع ما ذكر

[وشو ذا]

وانا اخوك احذر من السيارات هذه صنعت ليقضي بها الانسان حوائجه ليس اكثر
لاني شخصيا كنت مغرما بها يمكن اكثر منك ولكنها قتلت اعز الناس وربع غالين
بعد ان تتزوج ستخف عندك هذه الهوايه لان في الدنيا اشياء اهم منها بكثير وهي تربية اولاد صالحين ومخافة الله واشياء اخرى
فاحذرك وانا اخوك من هذه الدرامات ههههه

[مواسي الطعوس]

اولا: الباترول الى الان يجي دفرنس امامي .وهذا بعد انقطاع الدفرنس من تويوتا منذ 13 سنه .

ثانيا : نيسان اعلنت ان الشكل القديم سيستمر واللي يحب المطامر نقول له غير الباترول لاتدورررررررررررررررررررررررررررررررررررر.

ثالثا: الباترول يزداد صلابه فموديل 92م اثقل من 91 واللي قبله . والدليل اضغط بديه او ارفع كبوته . او مر به على الميزان . واهل التطعيس والتخفيف ادرى .

وموديل 98م اثقل واصلب من اللي قبله . وهذا عادة نيسان في كل سياراتها الجديده. عكس التويوتا كلما تم تغيير الموتر تم تخفيف البدي .

رابعا : الحكم النهائي على الموتر بعد تجربته .والحكم عليه من الان غير صحيح اطلاقا. شركه تتطور بشكل رهيب وصنعت الموديل اللي قبله وتحمل كل الجور مارايح تصنع موتر مايتحمل الجلد والبر . وموتر يجرب وجاهز من سنتين وهو في البر وتم اجراء تجارب قويه عليه .... مانحكم الا بعد التجربه .والموتر كلما زادت قوته (المحرك) يحمي نفسه من الخراب في النفود لانك لاتحتاج عزم من بعيد (مثل الفندر 2002 و 2003م ) القديم يذبحك بالنفود لان عزمه ضعيف ولازم تسرع علشان ترقى الطعس فيتكسر الموتر . لكن ال 2003م قوي ولاتدعس الا اذا وصلت النفود فلا يصدم الموتر الطعس . وهذا اللي رايح يحصل مع الباترول الجديد محرك جبار ماتدعس الا اذا لمست الطعس .
وفرق بين شركه تتطور سياراتها بقوه وشركه كل يوم تستدعي سيارات ومشاكل مميته .

**** عندي لم موضوع جديد بعد هذا الموضوع :
بعد تجربتهم للباترول الجديد يقولون على سرعة 120 يمشي الموتر 1000 كيلو . وهذا محرك ابو 400 حصان .والثاني قريب منه ابو 320 حصان (حق الارمادا) وزاد خزان الوقود 5 لتر الى 140 لتر . والارمادا 100 لتر واسأل اصحابه كم يمشي بالخط .
** شف الفرق بين السيارتين في المواصفات وهذا يدلك على فرق الموترين .


** استمرار الشكل القديم علشان الجديد مافيه قير عادي منه . واحتمال استمراره بعد الحاح اهل الفتك على وجود الشكل القديم .. ومع الباترول : اللي يبي القديم موجود ... والجديد موجود . قمة الونااااااااااااااااااااااااسههههههههههههههههههههه ههههههههههههههههههههه.

[نقا هشال]

هلابك ياغالي

يعطيك الف عافيه

ابتكلم عن مفخرة الارض

بحكم تجربتي الطويله

موتر مافيه كلام ابد ابد لافي الخطوط ولا في البران

من العيوب الموتر طامن و يدخل الغبار بعض الاحيان في البر

ومميزاته لاتعد من راحه وانسايبيه في كل شيء

وبعدين انت ماتحب التكنلوجيا

تقدر تشتري موتر بدون مواصفات اي بدون كبييوتر وشاشات وكمرات وتلقاه متوفر في السوق

[شاص99]

اتا اقول الي يحب التكنولوجيا حنا ما قلنا له شيء واطلع للبر يوم وارجع خذ راحك بس خيم بالبر بالباترول الجديداو الاند تاخذ راحك؟
اتحداك ماراح تسانس ولا بعد تبي تناظر التلفزيون وانت بالبر؟
اما اطلع لك بشاص قديم شوي قوة ويطربك بالبر مع صندوق وتوانكي ماء ودفرنسات :good2: :good2: :good2: :good2: :good2: :D :D :D:D تقدر تلقى هالأشياء بالباترول او الاند:( :( :( :( :( :( ;);) ;) ;) ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[ابو هلال2008]

السلام عليكم ورحمه الله

انتم عطيتو الموضوع اكبر من حجمه ابتكلم واصير واقعي الحيين الي يسمعكم يقول في الاسبوع يطلع 3 او 4 مراات البر عندك الربيع و صيد الطيور كلها 5 شهور فقط يعني اذا كثرتك طلعاتك يمكن 30 طلعه((فيه ناس عندهم مدارس وناس جمعات وغيرهم كم يوم اجاازه..؟؟)) واذا كان يخااف من الخرباات لا تفجر الموتر ويمشي معك زي الحلاوه
والتعصب ماينفع ابد الي معجبيين بي الباترول حطو لهم موضوع وجاء حقيين تويوتا يقولو ما فيه اززين من تويوتا ههههههه والله مهزله كل واحد له وجهه نظر وهو حر في رااايه
معليش على الاطاله
تحيااتي او هلال

[عاشق الفتك 20]

ماشاء الله عليكم اثركم داااهيه بااا الجيوووب ههههههههه

انا اقوول حق البر البتروول من 94 الى 2001 بس

[سفاري959]

وانا رايي الشخصي ان اللي راعي بران ومقناص مع انهم قله قليله لاتتعدى موديل 97 وتحت في السيارتين كلها ولا جاب لنا التقنيات هذي الا حقين القير الاتماتيك وخلفيه اللكزس وغيرها يعني حنا من اجبر المصانع على تغيير المواصفات على حساب الجوده والتحمل ونجي في الاخير نعيب

[فلر]

مع الاحترام والتقدير للجميع وبعيدا عن التعصب والتوتر والشد العصبي
ارى ان عند طرح اي سياره جديده نرجع للقديم ونمدح فيه الى ان ياتي موديل اوجيل ثاني وبعد ذلك نرجع للي سبيناه ونمدح فيه ونقول هو السياره وهلم جر
واذكر شخصيا عند نزول اللاند موديل1992 رجعه الناس للي سبقه وقالوا اليايات لاتنفع للجيوب وطارت اسعار الخجمه1989
وقس على ذلك كل موديل حديث نفس القصه تتكرر

[ابن هادي502]

رأي الشخصي جيل اللاندكروزر إنتهى منذ عام 1997 م


وجيل النيسان إنتهى منذ عام 2009 م



انا صراحة ائيد اخوي باثفندر صراحة ماعاد فيه سيارات بر اللي عليها الكلام من ناحية القوة والمتانه وتحمل الطرق الوعرة السيارات الجديدة كلها فيبر في فيبر ولو تكيت علي البدي انطعج الله يدفع البلاء الله يعيد ايام الاند 97 والسفاري 97 انا اشهد اللي به موتر هاك الحين

[ابوطاقية]

صناع السيارات بالعالم يتجهون الى الرفاهيه بكل جيل فمثلا
سيارات عام 80 كانت نسبتها للصحراء 70% ومدينه وطرق كانت 30%
وسنة عام 90 كانت 50% صحراء و 50% مدن وطرق
والجيل الحالي 30% صحرا و 70% طرق ومدينه وهذا يرجع لتطور الطرق السريعه بالعالم
بعض المصنعين مثل تايوتا لم يهمش شريحه من الناس ممن يبحث عن قلة الرفاهيه بالسيارات وهي موديلات مثل g . Gx .gxr
هذا والله اعلم

[دل البحار]

انا اقول انها سيارتين من افضل السيارت اللاند والنيسان

[سالم11]

والله يا جماعه هي على الرجال والرجل الي تسوق الموتر

لو اخذت فكسار 2011 الله يرزقني واياكم طبعا ابركب ياي وارفع الموتر واجهزه وبطاريه اضافيه الخ ويطلع الموتر ولا أحسن منه

ولو اخذت سفاري موديل 98 او غيره ابجهزه من إلى وسواقه راكده وتمشي معك باذن الله

وحتى لو اخذت جمس او فورد أو دوج حوض نفس الكلام ويبي يصبر معك الموتر اقل شي 5 سنوات مع السواقه الراكده والمحافظه عليه والتشييك

[اسير الغضا]

بالعكس مناسبه لاكن بعد التعديل المكلف صدامات حديد من شركة اربي وماشابه تبديل القطع البلاستيكيه باخرى حديده كالصاجه اسفل السياره
وياي استرالي وتعديل ويصير الموتر والم للمقانيص

وبعض الاشياء