تنصحـونـي بالهـدد ( الاندكـروزر ) ..؟؟

[F . A . D]

سـلآم عليـكم

ناويـن على جيـب ان شـآء الله ,

و محتـآر .. بين الاندكروزر و الاف جي ,

الاندكروزر 8 سلندر .. شكل , هيبه , وسيع , نصب .. بس مشكلته مكينته ضعيييف مقارنه بوزنه (هذي المشكله!!)
الاف جي .. نشآاط , قوووه , شبابي , .. بس مشكلته صغير و ما يسرع بالحيل و احسه موب ذاك العملي , مثلا اهلك بيروحون معك وين تركبهم

احترت و الله افزعولي

~



~



~

http://dc05.arabsh.com/i/00957/57y8ebo257qg.JPG


~


~


~


http://www2.0zz0.com/2010/02/03/09/597621589.jpg

[رفيع المقآم]

طع شوري لا تبعد عن اللاند لا تبعد موتر المطانيخ

[الادعج]

ياطويل العمر وش تبي بالموتر ..
اللي ماتعرف وجه من قفاه ... على قوله شايب من اهل حايل ^اف بــ؟؟؟!!!^ >>> مالها داعي نكمل ...
يوم شاف احد عيال عياله &احد احفاده& شاري مثله ..قاله/ ياوليدي وانا جدك وش هاللي معك ياربي لك الحمد هذا لاهوب دتسن ولاهوب جيب..... هذا معايد القريتين ياوليدي اللي لاعايد جماعته ولا عايد ربعه
.
.
وهو صادق الشايب..
لا شكل ..لامركب ..لافخامه ..لاتصميم مثل الاوادم..لا وسع ..لاراحه ..اما الديكور كلااااام ثاني تقل مطبخ المنيوم
الـــ الاف جي ياغالي عندي مثل اللي يقول #لاوجه ..لاقفا#
طق لك لاندكروزر وتعوذ من الشيطان الرجيم ....
.
.
وانا لو اني بثوبك ولي خاطر بالجيوب الصغيره واللي تصنف من فئه جيب الربع او حوله ..
لا اطق لي احلى جيب ربع سواء نيسان او تيوتا

[RPM..5800]

الهدد Gx ..ماله مثيل ماشاءالله تبارك الله


ان بغيته
طريق..تطعيس..قنص..نصب..راحه بالقياده

ومواصفاته حلوه
فتحه..ونش..دفلك..
...........
وش تبي بعـد ..





موفق

أخـوك /
RPM..5800

[العسكري]

اخي الحبيب.... لاندكروزر... نصيحة من محب. بارك الله فيك.

[الغريب 2000]

غير النيسان لاتدور موتر خط وبر

[abo turki]

تبي شوري لك ,,

رح وانت مغمض وخذ لك لاندكروزر هدد ,,

أما الأف جي فالحقيقه ما يقارن ولا بكفرات اللاندكروزر ,,


هذا ما عندي ,,

[الكونترولCONTROL]

الــ Fj حسب مشورة سابقة ميزته بــسعره الأقل من الهدد بكثير
كما ان الإخوان مدحوه من ناحية قلة المشاكل و طلبات الصيانة
واحد من الأقارب اشترى رقم 2 موديل
2008 مثل الجديد ما شاء الله
و سعره أقل من 90.000 ماشي 85,000 كم
مع العلم انه جديد بحوالي 125 حسب علمي ....
لكن يا أخي .. الهدد يكسر الخاطر !! مهما قالوا !!

[سفاري959]

والله مع اني من عشاق الباترول بس اقولك شور من شار عليك وش جاب الثرى للثريا وش جاب اللاند للاف جي حرام تحطهن في مقارنه الاف جي مع احترامي اصنفه من فئه السياكل خذ لاند وخل عنك موتر النواعم ولاتقول ما فيه مشاكل انا اعرف واحد معه2008 مخبط مع انه محافظ عليه

[التعـ King ـديل]

اذا المقارنه بين لاند واف جي

انا اقولك لاند

لكن اذا تبي خيارات اخرى

خذ عندك اكتسيرا قير عادي 6 نمر مكينه 4.0 سته سلندر اطلق محل مايرده

باثفيندر نفس اللي فوق بس للقير التماتيك والفخامه افضل

وعلشان مااحد يقول متعصب نيسان لا يفوتك البرادو 2010 عز الله انه موتر فير 6 نمر ومكينه 4.0 مثل الاف جي واخف حركه منه

هذا بالنسبه للمواتر الصغيره اللي من طقه الاف جي

اما اذا تبي منافس للاند ويطربك بر وديره وخط فخذ شيخ المواترالباترول اذا دراهمك قليله خذ من ال 2005 وعليها واذا دراهمك واجد طق الجديد 2010

وصدقني راح تدعيلي واسئل مجرب للهدد والباترول

[ريثان القصيم]

اخوي D E V I X
تحية من الله رب العالمين
في الحقيقه شاهد هذه الروابط وقارن بنفسك
1-مقارنه بين VXR و FJ على هالرابط

http://www.youtube.com/watch?v=6eelTEJa5ho&NR=1&feature=fvwp
________________________________
2-قصيده تمدح الهدد

http://www.youtube.com/watch?v=5eP5Avt7E7s&feature=related
______________________________
3-نشيد تمدح الهدد

http://www.youtube.com/watch?v=UjNxbuJDmnQ&feature=related
______________________________
4-مقاوم بين يوكن 2007 وFJ

http://www.youtube.com/watch?v=xLAX9h7pDwE&feature=related
____________________________________
5- FJ يقطع شعيب

http://www.youtube.com/watch?v=Tj7-ItNIpRs&feature=related
_________________________________________
6-وهذا مقطع عن الFJ لن تنساه

http://www.youtube.com/watch?v=2IVjPVz4kJ4
_____________________________________

تحياتي وتقديري
ريثان القصيم

[القبقب]

علشان ماتندم في المستقبل أنصحك أشتر لاند جي اكس ار 8 سلندر .

[F . A . D]

جـزآكم الله خير كل وآحـد باسمـه ما قصرتوا

انـا دآري ان الهـدد افضل من الاف جي من النواحي اللي ذكرتوها

لكن مـافي واحد فيكم تكلم عن قوه الاندكروزر مقارنه بحجمه .. ضعيف جـداً , عكس الاف جي

و هـذي اهم نقطه و مشكلتي مع الاندكروزر خايف انه ضعيف

ولا وشرآيكم؟

[كاشخ 24 ساعه]

الهدد يالغالي من 2007 وتحت انصحك فيه

اما من موديل 2008 وفوق انصحك بالابتعاد عنه

اذا مصمل زد شوي وخذ Vxr اقل فئه وبترتاح له جدا وبيجلس معك 10 سنوات وبتبيعه بمبلغ طيب


اما ال اف جي والسفاري وطقتها ابعد عنها واهرب فكلها مشاكل وتعب وقيمه سيئه جدا عند البيع


وتقبل تحياتي

[الكونترولCONTROL]

اما ال اف جي والسفاري وطقتها ابعد عنها واهرب
فكلها مشاكل وتعب وقيمه سيئه جدا عند البيع وتقبل تحياتي
كلام منطقي .. يعني الــ F-J للإستعمال جيد و لكن للإستثمار ما يصلح
و بعدين لو تسمح لي : أنت لا تؤيد الــ F-J
و لكن توقيعك صورة F-J فهل هي عن قناعة ؟؟

[كاشخ 24 ساعه]

كلام منطقي .. يعني الــ F-J للإستعمال جيد و لكن للإستثمار ما يصلح
و بعدين لو تسمح لي : أنت لا تؤيد الــ F-J
و لكن توقيعك صورة F-J فهل هي عن قناعة ؟؟


حياك الله اخوي

ال اف جي كان معي وجربته اول ما جا من امريكا موديل 2007 وجلس معي فتره وبعته بعدها لذلك اقول كلامي عن تجربه

اما التوقيع فهو فقط كعلامه لتيوتا واعجبني فوضعته كتوقيع

وانا يالغالي لا انصح احد الا بما اراه لنفسي وبعد تجربه والمستشار مؤتمن

[الشنه]

طق لك لاندكروزر وتعوذ من الشيطان الرجيم

[الكونترولCONTROL]

اما التوقيع فهو فقط كعلامه لتيوتا واعجبني فوضعته كتوقيع

بارك الله فيك ... قمة الإحسان في التفهم
لك مني الشكر و التقدير

[الصخرة]

بسم الله الرحمن الرحيم

صراحة أخوي لا توجد مقارنة بين السياراتين أبدا....

الفئة مختلفة لك سيارة ....

السعر مختلف

بس نصيحة قبل لا تشتري تستأجر كل واحدة وتجربها أقل شيء يومين في المدينة والبر وانت الحكم

[أبوعلي الجاسر]

الله يهداك أخوي 8 سلندر ضعيفه كم تبي 12 سلندر

إلا الهدد وأنت مغمض إلا وش هالمقارنة

الهدد بـ 170 ألف

الـ إف جي 120 ألف

[النايف999]

معي لاند جي اكس 2 سلندر اوتوماتيك وعليه بالون 900-17
وماشاء الله مافيه شي عزمه كويس مع ان البالون يثقل شوي

رحت عليه مكاشيت الموتر ماعليه كلام

انت بتسخدم استخدام عاقل .. اذا تبي مطامر وتطعيس خذلك جيب صغير

توكل على الله وخذ لاند

[HAS5SAN]

اذا تبي هدد حر
خذ 2007 أشهب
وسلملي على شيبانك

[شاص 4500]

يابوي خذ لك Gxr سلندر8 وانت مغمض حتى لوماشي 200 الف مايهمه

[اهل الردات]

اخي الحبيب.... لاندكروزر... نصيحة من محب. بارك الله فيك.