المساعد الشخصي الرقمي

مشاهدة النسخة كاملة : أهل الخبره الله لايهنكم احتاج إلى دينموا نشتغل على محول الكهربائي 300 شمعه


داود الهاجري
20/02/2010, 08:49 PM
أخواني الأعزاء عندي محول كهربائي يوكوهاما 300 شمعه وابغلى اشغل عليه دينموا ماء صغير وش افضل شي يمكن أنه يتحمل تشغيله نوعه وقوته لأن الماطور كثر الأعطال ويسرف بالماء
الله يعطيكم العافية وشكراً للجميع
زعيم الصيادين
20/02/2010, 11:02 PM
مشكوووووووووووووووووووووور
رفيع المقآم
21/02/2010, 01:25 AM
اذا قصدك تبي دينمو صغير فيه دينمو السمحان الصغير يجي لونه ازرق وفيه اسود صغير ترى ادري فيه كبير بس طلعو صغير
داود الهاجري
21/02/2010, 12:05 PM
الأخ منوتي الشاص
هل المحول سوف يشغل الدينمو الذي ذكرته لأن اهم شي عندي يشتغل على المحول
اصيل نجد
21/02/2010, 12:25 PM
اخوي انت ذكرت ان قوه المحول 300 شمعه بس لزم تذكر كم امبير علشان تعادل القوه على كل حال فيه دنمو ايطالي صغير وعملي وانت لم تذكر هل تستخدمه بالكشتات او تبيه لمكان اخر اذا كان للكشته فيه نوع حلو ومجرب واحجامه كثيره بس يشتغل على 12 فولت وبصراحه وذف وصغير تحياتي لك اخوك ابو محمد التميمي
داود الهاجري
21/02/2010, 12:32 PM
اخوي ابو محمد التميمي الله لايهينك
ابي استخدمه بالكشتات أو عند الأبل أرشها بالجره ، ياليت تذكر النوع المجرب مكان بيعه ومواصفاته
البوابه
21/02/2010, 12:54 PM
بسم الله الرحمن الرحيم

الاخ الفاضل

اسهل طريقه استخدم ماطور المساحات هو عملي وممتاز ممكن ترهم اي ماطور وحط له اي دبه وعلى البطاريه

اما مواطير الكهرباء فهي تسحب كهرب قوي ويبي لك تشغل السياره والاهم مثل ماقالو الاخوان القوه للماطور الوات والامبير وبالطبع لازم يكون صغير مررررره

او انك تحاول في مواطير المكيفات الصحراويه
داود الهاجري
27/02/2010, 01:13 AM
هل الدينمو الربع حصان نفس النصف الحصان نفس القوه الكهربائية بأمكانه تشغيله على المحول الكهربائي وهل يوجد محول كهربائي يمكن تشغيل الدينمو لأكثر من نصف ساعة
وشكراً للجميع
سدير1400
27/02/2010, 01:24 AM
هل الدينمو الربع حصان نفس النصف الحصان نفس القوه الكهربائية بأمكانه تشغيله على المحول الكهربائي وهل يوجد محول كهربائي يمكن تشغيل الدينمو لأكثر من نصف ساعة
وشكراً للجميع
مرحبا اخوي اللي اعرفه ان الحصان 750 وات يعني نصف حصان 375وات والربع حصان تقريبا 175وات
اما انه يشغل نصف ساعة هذا يعتمد على البطارية المحول ما له دخل إلا إلى كانت السيارة تشتغل
ارجو اني افدتك
داود الهاجري
27/02/2010, 01:28 AM
يعطيك العافية ياأخوي راعي سدير على معلومتك ونحتاج من الخبراء أعطائنا فائد أكثر
arrow
27/02/2010, 01:45 AM
هلا اخوي داود ...

شف هالموضوع مع الردود اللي فيه يمكن يفيدك :
http://www.mekshat.com/vb/showthread.php?t=218063

واذا عندك اي استفسار انا بالخدمة ...

وفقك الله ..
داود الهاجري
27/02/2010, 02:02 AM
الله لايهنكم بس لازم يكون دفع الماء قوي جداً يعني أبي اشغل دينمو نصف أو ربع حصان على محول كهربائي أبي أفضل محمول كهربائي يمكن يشغله مهما كان سعره لأني مليت من ماطور الكهرباء وماطور الماء بثكر أعطاله وصوته المزعج
arrow
27/02/2010, 02:27 AM
يمكن الحل انك تركب بطارية اضافية لسيارتك مع محول 600 وات ....

بس اهم شي ركب البطارية عند احد شغله نظيف مثل ورشة سوافي اللي بالرياض لان الكهرباء خطير ...

وفقك الله ....