الكشتة الربيعية مع أفضل شقردية ~ [ القصيم ، حايل ] ..

[راصد الحوطة]

بسم الله الرحمن الرحيم
السلام عليكم ورحمة الله وبركاته

أحس بطعم العطلة صح لما أشوف الطلاب يدرسون وأنا أودي إخواني الصغار للمدرسة والموظفين يداومون http://www.anageed.com/upload/uploads/4ccaf8393e.png
وبما إنا كنا فاضين في عطلة الربيع حبينا نستغل ذاك الوقت في شيء زين <- لا تفهمون من كلامي إني بأستغل وقتي في شيء شين ض5
المهم ارسل لي خالي رسالة وقال نبيك تكشت معنا وحجزت في الدرجة الثانية لأن كلش تفلفل
إتفقنا إننا نطلق بعد صلاة الفجر بتاريخ 1431/2/27هـ الموافق ليوم الخميس عاد مثل ما تخبرون لازم الموعد يختلف في الواقع
إنطلق في هالرحلة من أعضاء المنتدى
الشيخ والإمام / راشد بن محمد
الشيخ المبجل / ملاحق الخير
التلميذ المخلص / محمد الضفيان

بعدها توجهنا لرياض عشان الإجتماع النهائي وثم نقرر وين نروح له بالضبط
ترددنا في البداية وين الوجهة له لشمال أو للغربية
لأن كان فيه توقعات قوية على المنطقة الغربية بس في الأخير صملنا على الشمال
لأن مثلكم خابرين ما نعرف شعبان في الغربية وحتى بعد أهل الغربية ما يحطون تقارير ولا هم يحزنون
إنطلقنا وإنطلقنا وإنطلقنا وثم إنطلقنا


نقاط حبيت أذكرها قبل ما أبدى بالتقرير
* فيه الكثير من الصور ما حطيتها بالرغم من جماليتها لأن أصحاب الصور لا يحبذون نشر صورهم في الشبكة
* بعض الصور ألوانها باهتة لأن عملية النقل لجهاز الكمبيوتر ما تمت بالوجه المطلوب وإنعدمت الجودة
* تغاضيت عن تغطية بعض الأيام لأن بعض الصور ذكرها مثل عدمها
* ممكن أغلط في تسمية بعض الشعبان أو الروضات لأن من كثر ما مرينا على الشعبان والروضات والفيضات ضيعنا


وبسم الله من جديد

http://www.anageed.com/upload/uploads/88ed3e60dd.jpg
وهذي صورة وإنا نازلين مع نزلة الغاط


http://www.anageed.com/upload/uploads/9c1938f3c0.jpg
وهذي عاد مدري عنها وينها فيها بالضبط بس إنها في الطريق

وبعدها سمعنا إن فيه روضة فيها ربيع زين في أبا الورود وكتبناه في الجيرمان وصاروخ لها

http://www.anageed.com/upload/uploads/ce9abf68c0.jpg
وهذي أول ما وصلنا لروضة أبا الورود ماشاء الله الغدران للحين ما برح الماء فيها

ترددنا وين نمسي فيه نجلس في الروضة ولا نروح لمكان قريب
لأن المحوط عليه فيه خيام ورواقات واجد وفيه عوائل كثار وإزعاج بالليل ولانا نايمين زين
وحتى بعد لا إنا اللي بناخذ راحتنا ولا هم بياخذون راحتهم
قلنا بنصد لنا في أحد هالأماكن القريبة ، لين إنا دايخين ولا تغدينا
ونروح لطعس ونحط الرواق
ويصلح لنا راشد بن محمد ( أبو عمر ) اللي وجهه مثل القمر ذيك المريقيقة اللي ما بقي منها إلا حكاكة وشيء بسيط


http://www.anageed.com/upload/uploads/b018c598f1.jpg
وهذا هو المكان بعد ما أصبحنا


http://www.anageed.com/upload/uploads/b00c54c88a.jpg
وأهم شيء النظافة ثم النظافة


وثم مشينا بعد ما أفطرنا وعينّا من الله خير ورشت علينا سحابة رش خفيييف بس أهم شيء إنه مطر http://www.anageed.com/upload/uploads/4ccaf8393e.png
ونمشي بعدها وندخل في هالشعبان تقول كننا ندل لولا الله ثم هالجارمن ولا كان تشوفونا في الربع الخالي


http://www.anageed.com/upload/uploads/c6132b58d1.jpg
وقفنا عند هالرملة اللي توسع الصدر وتحت هالظلال والجو كان خبال في ذيك الحزّة


http://www.anageed.com/upload/uploads/3ab765adeb.jpg
هذا هو خالي اللي مرسل لي رسالة


http://www.anageed.com/upload/uploads/71625da920.jpg
يا عيني يا عيني على الرومسنية بس http://www.anageed.com/upload/uploads/0efedc7a21.gif ما يمديني
ويقولون الشعب السعودي جَلف وما يعرف هالأمور http://www.anageed.com/upload/uploads/770d8bd648.gif


http://www.anageed.com/upload/uploads/8094a36651.jpg
وهذي إن ما خاب ضني في بركة الأجردي


http://www.anageed.com/upload/uploads/06600322e5.jpg
وهذي نفس الحكاية


http://www.anageed.com/upload/uploads/ad745ee7cf.jpg
وحتى ذي بعد لنفس المكان

وفي الطريق إلا نشوف بير ووقنا عنده


http://www.anageed.com/upload/uploads/1ce218c9c4.jpg
هذي صورة البير من الخارج


http://www.anageed.com/upload/uploads/01a001ae3c.jpg
وهذي مناظر إعتدنا عليها للأسف بدل ما يخلونه منظر تراثي يوسخونه .!!
ولو تلاحظون إنهم شارين مشروب إل سي http://www.anageed.com/upload/uploads/0efedc7a21.gif مبين إنهم مقاطعين الببسي


http://www.anageed.com/upload/uploads/4a46fd5e13.jpg
وهالروضة مدري وش اسمها بس لقطتها وإنا متوجهين لروضة البسيتينات


وبعدها طلعنا من البسيتينات لأن المكان ما صلح لنا + الأماكن الزينة متخسة بالزبايل (وإنتوا بكرامة)


http://www.anageed.com/upload/uploads/6a9b639f1f.jpg
شوفوا ماشاء الله الطريق صالب مو مثل طريق الحوطة - الدلم الله يخلف تقول كنه لَيْ مطوي في حوش الغنم



يتبع ..

[راصد الحوطة]

تابع ..


وفي هالفترة ما ندري وين نروح له وندور لنا في هالجيرمان مكان نتوجه له وإلا ويشوفون لهم فيضة بالجيرمان على ما اضن التيسيات
سبحان الله في هالروحة حصل موقف غريب شوي
نروح لهالروضة مع إنها بعيدة شوي إلا وندخل في هالردمية ونمشي ونمشي ونمشي ونشوف هالطرش ( القطيع الكثر من الغنم )
والربع يمشون قدامنا إلا ويوقفون وينزلون
ونشوف واحد منهم يغلفص ويغلفص ونقرب منهم إلا ونلقى شاة ناشبة في أسيام وداخل راسها في الشبك وحالتها حاااالة
وحتى يوم قربت منها وإلا عيونها حمر من كثر ما صقعت في الشبك
إلا ونجتمع عليها ونفكها وسرحناها ويوم راحت مع ربعها تو الزول يوصل يقول ما قصرتوا وجزاكم الله خير
وثم تفاجأنا إلا ما في الفيضة لا عشبٍ زين ولا مكان زين ونرجع
يعني سبحان الله ساقنا الله لهالمكان عشان ننقذ هالشاة ونروح
وعقبها أنا سحبت سيفون ونمت ض1
وما قمت إلا يوم جينا نصلي الظهر العصر جمعاً وقصراً



http://www.anageed.com/upload/uploads/e827076522.jpg
وهذي صورة بعد ما صلينا ويتبين إن السحاب زان



وخيمنا في مكان زوين لأنه حدنا الليل ولا تغدينا وصلح لنا الغشاء الشيخ والإمام / راشد بن محمد <- طالع شيفتنا



http://www.anageed.com/upload/uploads/8e86a9f4af.jpg
وهذي صورة الخيمة في الليل



http://www.anageed.com/upload/uploads/3df2759e48.jpg
الله لا يخلينا منها في البرد :D



http://www.anageed.com/upload/uploads/be3bbe4979.jpg
تزاينت شكلها هي ويا طليها وقلت صور بس



http://www.anageed.com/upload/uploads/18feb174c7.jpg
هذي الصورة بشعيب الحسكي على ما أضن ماشاء الله العشب مد بصرك بس ما هو طويل


والناس الله يهديهم كل واحد مخترع له طريق ويخربون العشب


http://www.anageed.com/upload/uploads/fea560843f.jpg
هذي مثل ما قال واحد من الشباب صورة إنبطاحية :D



http://www.anageed.com/upload/uploads/64a833391c.jpg
وهذي لشعيب الحسكي ويلاحظ كثافة الشجر


ووقفنا في في مكان يوسع الصدر وكان حولنا طرش ونادينا الراعي يتقهوى معنا
وراح واحد من الشباب وركب الحمار http://www.anageed.com/upload/uploads/bce6fa7701.gif وهو يمشي والجرس اللي مع الحمار يرن
إلا والغنم يلحقنّه :D عاد ما أدري كيف دربوهن على هالشيء


http://www.anageed.com/upload/uploads/5b6d295773.jpg
شوفوا الجرس معلق على رقبتهن طبعاً مو الكل معلق على رقبته
فحول الغنم وشيوخهن هن اللي بس معلق بس صراحة إستغربت من هالشيء
ولا وإنت تسمع صوت الجرس يذكرك بهايدي الجميلة هايدي الجميلة هايدي الجميييلة :D


وطلعنا من شعيب الحسكي وياليتنا ما طلعنا منه وأمسينا فيه
لكن لعلها خيرة وثم أرسل لنا واحد من الشباب الله يهدية ويصلحه ويوفقة في زواجة http://www.anageed.com/upload/uploads/6ccbe338b3.png <- إدعوا له إن الله يوفقه لأنه توه متملك :D
وسائط ويقول إن روضة في جبّة شمال حايل والصور ماشاء الله توسع الصدر
وإنطلقنا لها وفي الطريق إلا ويقول لنا راشد بن محمد ترى فيه راليات حايل في هالدرب ونمشي
وإلا نشوف هالعالم والخلق والخبال وتكسير السيارات


يتبع ..

[راصد الحوطة]

تابع ..



http://www.anageed.com/upload/uploads/acb67f3ad4.jpg
وهذي أول ما تبين لنا آثار الزحمة


عاد لبقنا وقلنا نشوف هالخبال


http://www.anageed.com/upload/uploads/dfe037ef54.jpg
شوفوا الشاص متعلق إدواه أحد قال له يطعس http://www.ankawa.com/upload/1095/71.png



وثم بعدها وأشوف واحد بينقلب إلا شوي ويمسك فرامل ويكسر وإلا يتقلب قلبة قلبتين ثلاث http://www.anageed.com/upload/uploads/bce6fa7701.gif
وإلا تشوف هالملاقيف كنهم بيفزعون يتجمعون


http://www.anageed.com/upload/uploads/4e31ed0245.jpg
أنا أجزم إن 99% ما عندهم ما عند جدتي بس جاين كذا
وأهم شيء إن الشباب طلعوا وما جاهم شيء



http://www.anageed.com/upload/uploads/e00df9fb06.jpg
وهذي لواحد قدامي صورته وبس :D


http://www.anageed.com/upload/uploads/14c8aa6ba2.jpg
وهذي محاولة تصوير سوليت


وبعدها شغلنا ومشينا لجبّة تبعد عن راليات حايل تقريباً 50 كيلو
وإلا ونوصل ونسأل أهلها عندكم روضات زينة قالوا هالسنة ما جانا زود بس فيه روضات داخل النفود بس ما فيه ربيع يستاهل العنوة
أثاري الصور اللي في الوسائط صور لروضة يقال لها الروضة
بس لعلها خيرة ومنها شفنا هالخبلان اللي في الراليات
وفي الطريق لرجعة كنا دايخين وتعبانين وسحبت سيفون ونمت ولا قمت إلا يوم وقفوا وفرش خالي فراشي الله لا يخلينا http://www.anageed.com/upload/uploads/08a29199af.gif
وقمنا وأفطرنا وعينا من الله خير ثم مشينا جهة جبال سلمى



http://www.anageed.com/upload/uploads/99fc873e38.jpg
يوم شفت هالجبال إشتقت لجبال الديرة :D أحس هالجبال خربوطة



وإنا في الطريق شفنا راعي ابل ومعه القطيع وقنا عنده واستاذن واحد منهم يشرب من حليب الابل لأنه مشتاق له


http://www.anageed.com/upload/uploads/d6c9833955.jpg
تقول كنها بتحبّه



http://www.anageed.com/upload/uploads/2c82b573bc.jpg
فاتتني ما سألته هي شبكة STC ولا موبايلي



http://www.anageed.com/upload/uploads/04de6c6156.jpg
وهذي الناقة على قولة السوداني مسيومة بـ 170 ألف ريال سعودي عربي مسلم
قولوا ماشاء الله :D



http://www.anageed.com/upload/uploads/1788312dd4.jpg
وهذا هو خالي جالس يعطفها بس ما عطفت معه http://www.anageed.com/upload/uploads/ad0abbddd6.gif



http://www.anageed.com/upload/uploads/40b061155c.jpg
يشرب من هالصبوح



http://www.anageed.com/upload/uploads/bbf45f81bf.jpg
الشباب بالدور يصورون معها


وثم رجعنا وإنا في الطريق شفنا فوهات براكين قديمة



http://www.anageed.com/upload/uploads/94959953b6.jpg
وهذا اللي في الصورة محدثكم جالس قِبال الفوهة
لو تلاحظون الرمل البعيد هذا هو المنبع للبركان وطبعاً الجبل على شكل دائري حول الفوهة


بعدها طلعنا من حايل وما إنتهت الرحلة على كذا
مرينا على ينبع وثم أملج وختمّناها بالمدينة لعل الله يغفر لنا


أتمنى إنكم استمتعوا بالرحلة معنا واعذرونا على القصور

[القنـاص2008]

ماشاءالله رحلة موفقة يعطيك العافية

[الفالكون]

الله يعطيك العافية
تقرير رائع

[WiLWiLz]

رحلة جميلة

تسلم يمينك على ما أتحفتنا به

[الرفيع]

يعطيك العافية
تقرير ممتاز
وتعليق روعة

[البنتلي]

ماشاء الله تبارك الله

اخوي راصد الحوطة ماقصرت صور جميله والصراحه الصورهذي اعجبتني

تقبل تحياتي

http://www.anageed.com/upload/uploads/ce9abf68c0.jpg

[كيلو 10]

ماشاء الله تبارك الله
رحله جميله
وتصوير دقيق
وربع نشاما
ومسار ممتاز
وش خليت وش خليت

[ذgggق]

صور مميزه وموضوع متكامل. بيض الله ونعم


وسلّم لي على خالك عزالله انه شنب ههههه

[راصد الحوطة]

حياكم الله وبياكم كلكم من أولكم لآخركم
وجعل الجنة مثوانا ومثواكم :D

[ملاحق الخير]

:
:
:


ماشاء الله عليك


تقرير وافي وجميل


وأيضا طرج جديد ..لاحرمك الأجر والمثوبة


وبرك الله فيك أينما كنت
:
:
:

[البرفسر]

مشكور على هالصور الرائعه

والله يديمها علينا وعليكم من نعمه .

[بدراني جلاجل]

وعليكم السلام ورحمة الله وبركاته

حياك الله اخوي ما شاء الله طلعه ما عليها

كلام اما الرمانسيه شي ثاني الله يعطيك العافيه

اخوي راصد الحوطة ويرحم والديك عن النار

تقبل مروري

[سحابة بردية]

ماشاء الله تبارك الله
تقريررائع وصور جميلة
بارك الله فيك والله يعطيك ألف عافية
الحمد لله على السلامة
رحلة موفقة وتسلم يمينك
تقبل مروري

[alraid-الراعد]

عز الله تقرير راااااااااااائع جدا .. وتصوير أروع .. //

بارك الله فيك وجزاك خيرا .. //

حفظك ربي

[a1Ruwais]

ماشاء الله
تقرير رائع وصورجميلة
يعطيك الف عافية

[أبو إبراهيم !!]

عافك الله وتقرير اكثر من رائع
الف شكرلك ،،،

[سفير الشمال]

السلام عليكم ورحمة الله وبركاته
حمدالله على سلامتكم اخوي
راصد الحوطه
الله يعطيك العافيه على تقريرك الجميل والجهد المبذول
سلمت يمينك
رحلة ممتعه وموفقه ان شاء الله
تحياتي وتقديري

[مروي الظامي]

ما شاء الله تبارك الله
رحلة موفقة
صور تسر العين وتشرح الخاطر
تقبل مروري

[المخلفي]

الله يعطيك العافيه تصوير ولا اروع

[ولهان الصمان]

بارك الله فيك
رحلة جميلة وموفقة ماشاء الله

[بو اليازية]

وعليكم السلام ورحمة الله وبركاته

ماشاء الله رحلة طيبه

و تقرير 100% :good2:

الله يعطيكم الصحه والعافيه

[ناجل سمار]

ماشاء الله تقرير يبيض الوجه

[ابورايف]

رحلة موفقة
وصور رائعة وتقرير مميز
وتقبل مروري

[فريدي القصيم]

مشاءالله تبارك الله

رحلة موفقة وجميلة

وتسلم يمينك على التصوير

والتقرير الاكثر من رائع:good2:

ولاهنتم

والف الحمدلله على سلامتكم

ودمتم بحفظ الله

[ياعين ابوي]

وعليكم السلآم ورحمة الله وبركاتهـ ...

ماشاء الله عليكم .. لآتعبتوا أخوي ,

تقرير رآئع وتعليق أروع .

تسلم يمناك على هالصور المميزه,

والله يهنيكم ويجمعكم على طاعته ,,

[قوي العزايم]

هههههه ما خليت شي الا قلته وذكرته

من عقب تقريرك ذا كني رايح معكم

الحمد لله على السلامة ولا تعبتوا وعقبال روحة ثانية ان شاء الله

[alsat3]

السلام عليكم ورحمة الله وبركاته
بيض الله وجهك اخي
راصد الحوطه
تقرير جميل وصور رائعه
امتعتنا يالغالي وشرحت صدورنا بهذه الصور الرائعه
متعك الله بالصحة والعافية وحفظك
شكرا لمجهوداتك بارك الله فيك
لك تحياتي وتقديري

[هوايتي مكشات]

بارك الله فيك تقرير غاية الروعة

[قلب الداهيه]

ما شاء الله تبارك الله
رحلة جميلة أستمتعت فيها من أولها إلى آخرها خشيت جو معك
صراحة مناظر رائعة تفتح النفس وتستحق أن الواحد يعنالها
سلملي على خالك اللي فرش فراشك أنا أشهد أنه كفو:good2: وسلم على جميع أعضاء الرحلة المميزيين وأنت أولهم:good:
الله يعطيكم العافية على نظافة المكان هذا يدل وعيكم وعلى أخلاقكم الطيبة والتربية الصالحة
بارك الله فيك على التقرير المميز ..

[دوسريه كول]

ماشاءالله ..
كشته رائعه وتقرير ممتع وتعليقات طريفه
يعطيك العافيه اخوي الكريم
وبارك الله فيك
دمت بحفظه
~

[MOHAMMED..]

رحله جميله والتصوير
زادها جمال ومشكور ياراعي الحوطه

[صقرحايل]

ماشاءالله تبارك الله
وشكر لك

[محمد الضفيان]

يعطيك الف عافية على هذا التقرير وماقصرت بيض الله وجهك
كانت رحله موفقه اللهم لك الحمد ولك الشكر
مشكووور وماقصرت

[راشد بن محمد]

شكرا على التقرير أخوي الوااافي

رحلة ممتعة جداً قضيناها معكم ..

تحتوي على ذكرى لن تنسى بإذن الله

فلقد استفدنا واستمتعنا بصحبتكم ,,

وللنا نحضى بصحبتكم في الرحلات المقبلة ..

وشكرا لك ولجميع أحبتنا الكرام

[majed_92]

ماشاء الله تبارك الله منظرر فيضة اباالورود اكثر من ررررائع
جزاك الله خيرا

[بنت الريح]

ياسلام عليك ياعبادي

الا ليه ماخذتني معكم ؟؟؟؟؟؟؟؟؟؟؟؟؟؟؟؟

[الشيخ قوقل]

موضوع رائع يحمل بطيّاته روح الطرافة الحقيقيّة والحس البيئي الجميل والتصوير الرهيب والغذاء المفيد
كل الشكر لك وننتظر القادم وفقك الله

[mzarkash2000]

ماشاءالله رحلة موفقة يعطيك العافية ,,,,

[شانيل22]

[بارك اللة فيك على هالتقرير وننتظر مزيدك انشاللة

[حمد آل حسين]

الله يعطيك عافية
تقرير رائع وتستاهلون كل خير
بلغ سلامي لزميل الدراسة راشد بن محمد والنعم فيه

[رحال نجد1111]

تسلم يمينك والله يعطيك العافيه

[رحال نجد1111]

تسلم يمينك 0000 والله يعطيك العافيه

[راعي العفرة]

شكوووووووووووووور

[ابوتميم123]

رحلة جميلة

تسلم يمينك على ما أتحفتنا به

[abto93]

هلا وغلا براصد الحوطة

صراحة تقرير مميز

هههههههههههههه صدقت والله في طريق الحوطة الدلم
الللي تقول كنه لي خخخخخخخخخ

وتصويرك راائع خاصة السوليت

وبالتوفييق

[العابر سبيل2]

كل شي في التقرير مميز صور شرح تعليق وهذا يدل على انك مبدع ومميز رعاك الله

[عاشق بوضه]

ما شاء الله تبارك الله
رحلة موفقة
صور تسر العين وتشرح الخاطر
تقبل مروري