الآن تستطيع أن تطفئ لمبة التشيك انجن بإستخدام جهاز Memoscan ميموسكان

[(وطن1 )]

بسم الله الرحمن الرحيم
السلام عليكم ورحمة الله وبركاته,,,
أسعد الله أوقاتكم أخواني ادارة مكشات وكل المشاركين والزوار في هذا المنتدى المحبوب الى قلبي,,
حبيت اني اشارك بهذا التقرير وأبين فيه طريقة تشغيل واستخدام جهاز الــ MEMOSCAN ميموسكان واللذي يخص فحص المحركات والجيربكس في أغلب أنواع السيارات,,,,
وأرجو من الله أن يستفيد الجميع من هذا التقرير


تعريف بالجهاز:
*هذا جهاز يخص فحص المحرك وصندوق السرعات(القير)فقط, من موديل 1996م وحتى2009م تقريباً



مميزاته:
*سعره مناسب ورخيص في حدود الـ 120دولار$ تقريباً500ريال سعودي
*يركب على جميع السيارات تقريباً,
*حجمه صغير ووزنه خفيف
*هذا الجهاز يجي معاه CD دسك فيه جميع أرقام الأعطال لأغلب السيارات اللي يفحصها,



الفائدة :
*يستطيع أن يشخص الأعطال في السيارة ويعطيك اسم ورقم العطل,
*يستطيع أن يطفئ لمبة التشيك انجن أو اللي تجي على شكل محرك في الطبلون,عادة بعد تصليح العطل تضل هذه اللمبة والعه ففي هذه الحالة يستطيع اطفائها, ولكن اذا ضل العطل ماتصلح فالجهاز يطفئ اللمبة ولكن احتمال بعد فترة ترجع وتولع,
*يستطيع ان يمسح بعض الكودات,
*تقدر تفحص سيارتك في أي وقت وتعرف الخلل ,رقم الكود واسم المشكلة بدقة وتروح تصلح أو تغير القطعه مباشرة ,وأفضل من كلام الورش اللي كل واحد يقولك شي,,,

(يعني اذا فيه 3 أشخاص ومافوق من عائلة واحده ,أنصحهم بإقتناء مثل هذا الجهاز)
(تشييك باستمرار على سياراتهم)
وهذي صور الجهاز:

http://www.mekshat.com/pix/upload03/images148/mk151286_1...1.jpg

http://www.mekshat.com/pix/upload03/images148/mk151286_2...2.jpg

هذا شكل الفيشة تبع الجهاز
http://www.mekshat.com/pix/upload03/images148/mk151286_3...3.jpg
طبعاً طبقت اختبار للجهاز على سيارة تريل بليزر م 2009 وقبل ما أشبك الجهاز قمت بفصل حساس عمود الكامات وبعدها شغلت السيارة عشان يتم تسجيل العطل في ذاكرة الكمبيوتر الخاص بالسيارة وبعدها طفيت السيارة وشبكت الجهاز وهذه بداية الصور لإجراء الإختبار وطريقة التشبيك
http://www.mekshat.com/pix/upload03/images148/mk151286_1...jpg

هذي الصورة تبين فصل الحساس,,
http://www.mekshat.com/pix/upload03/images148/mk151286_2...jpg

بعد مافصلنا الحساس قمت بالتشغيل وهذي لمبة المكينة شغالة بنت اللذين :mad: وبعدها طفيت السيارة وشبكت الجهاز
http://www.mekshat.com/pix/upload03/images148/mk151286_3...jpg

هذا الفيش اللي نشبك فيه الجهاز ودائماً يجي تحت الدركسيون,,
http://www.mekshat.com/pix/upload03/images148/mk151286_4...jpg

بعد التشبيك,,,
http://www.mekshat.com/pix/upload03/images148/mk151286_5...jpg

نقوم ونشغل الجهاز من هذا الزر الأحمر طبعاً والسيارة تكون طافية,,
http://www.mekshat.com/pix/upload03/images148/mk151286_6...jpg

طبعاً بعد التشغيل بيطلب منك الجهاز وضع مفتاح تشغيل السيارة على وضع on بدون تشغيل المحرك,,
http://www.mekshat.com/pix/upload03/images148/mk151286_7...jpg

بعدها وفي هذي الصورة نختار الاختيار الاول تربل كود(طلب اظهار ارقام الاعطال)
http://www.mekshat.com/pix/upload03/images148/mk151286_8...jpg

هنا طلّع الجهاز مبدئياً عدد الأرقام,, وبيطلب منك انك تظهرها بالظغط على زر انتر,,
http://www.mekshat.com/pix/upload03/images148/mk151286_9...jpg

هذا العطل الأول:خلل في دائرة مشغل وضع عمود الكامات
http://www.mekshat.com/pix/upload03/images148/mk151286_10...jpg

[(وطن1 )]

هذي باقي الاعطال:
هذا يقولك عندك عطل في حساس الضغط المطلق لمجمع السحب
http://www.mekshat.com/pix/upload03/images148/mk151286_11...jpg

وهذا العطل الثالث وتقريباً نفس العطل الأول لكن فيه رمز طالع في رأس الشاشة pd الصراحة اني ماعرفت حق ايش لكن تقريباً يكون نفس الاول وتبين بأنه فيه مشكلة تخص عمود الشفت,,,
http://www.mekshat.com/pix/upload03/images148/mk151286_12...jpg

وفي هذي الصورة نبين كيف نطفي لمبة التشيك انجن ونعيد خطوات تشغيل الجهاز وبيقولك وضع مفتاح التشغيل في حالة on,,,
http://www.mekshat.com/pix/upload03/images148/mk151286_0001.jpg

بعدها بتطلعلك الاختيارات ونقوم نضغط على الاختيار الثاني 2(طلب مسح الأخطاء)(ارقام الاعطال) ,,,
http://www.mekshat.com/pix/upload03/images148/mk151286_0002.jpg

بيطلب منك الجهاز س/هل تريد بالفعل مسح أرقام الأخطاء؟؟ تقوله أكيد نعم وتضغط على أنتر
http://www.mekshat.com/pix/upload03/images148/mk151286_0003.jpg

هنا ولله الحمد تم اطفاء اللمبة
http://www.mekshat.com/pix/upload03/images148/mk151286_84.jpg


أرجو اني قدرت أفيد الأخوان بهذا التقرير ولأي استفسار أنا جاهز


وعالعموم انا بصدد عمل تقرير كامل عن جهاز مشهور لدى شركة جنرال موتورز(الأمريكية GM)بشكل الخصوص وسأبين فيه انشاء الله طريقة التشغيل والفحص,,


وهذا الجهاز يمتاز بأنه قادر على فحص جميع الأنظمة في السيارة بما فيها الـ ABS الفرامل والـ SRS الايرباق
وبرمجة مفاتيح السيارة وجميع الدوائر الكهربائية في السيارة,,وغيرها الكثير
وتقبلو تحياتي,,,,

[لحظةوداع]

طيب الجهاز وين ينباع
وهل يفحص الافلانش 2007

[1231]

فيه مثل هالجهاز قطعه اسمها يوني شيب.

بس غاليها.

تحفظ فيها برمجه السياره مثل زياده الهواء والاربي ام.
واذا فكيتها ترجع السياره مثل الوكاله.

[(وطن1 )]

طيب الجهاز وين ينباع
وهل يفحص الافلانش 2007


هلا فيك اخوي,,
بالنسبة للجهاز هذا طال عمرك, فيه واحد من الشباب جايبه معاه من أمريكا,,,
وانت تقدر تشتريه عن طريق الآي باي,,,
وبالنسبة هل يفحص الافلانش ؟؟
نقول اكيد انشاءالله

[64 الحر]

تقدر تطبلبي واحد ؟

[64 الحر]

مارديت علينا ؟

[mazenk15]

والله جهاز رائع ماشاء الله
ولكن هل له تحديث
وش عيوب هذا الجهاز سعره رخييييييييص جداً فما السر في ذلك

[(وطن1 )]

مارديت علينا ؟


صباح الخير اخوي الحر,,,
الصراحة اني نسيت موضوعك لكن عالعموم آسفييييين وارجو السموحة,,,,
بالنسبة لطلب الجهاز اخوي, انا الصراحه اني ماقد طلبت عن طريق النت ,عشان كذا ماعندي خلفية عن طريقة الطلب,
والجهاز اللي انا شرحته,؟ هذا عند واحد من اخويانا في العمل جايبه من امريكا ,,,
لكن عالعموم تقدر ترسلي ايميلك على الايميل هذا:
new.i@hotmail.com (new.i@hotmail.com)


وفي حالة اني لقيت احد مسافر امريكا بحاول اني ابلغك ونتفق عالطلب,,,
وياريت انك اذا لقيت مثله عندنا بالسعوديه انك تبلغنا لأني تعبت وانا اسأل عنه,,,


تحياتي لك

[(وطن1 )]

والله جهاز رائع ماشاء الله
ولكن هل له تحديث
وش عيوب هذا الجهاز سعره رخييييييييص جداً فما السر في ذلك


مراحب اخوي,,,
اتوقع بنسبة 80%ان له تحديث الله أعلم لكن انا اوعدك اني اتأكد من هالموضوع,, وسؤالك جيد لأني كنت ادور على واحد ودي اشتريه وذكرتني انت بسالفة التحديث,,,
الأجهزه هذي طال عمرك منتشرة في أمريكا وفيه منها أنواع كثيرة ,وعيوب هذي الأنواع من أجهزة الفحص السريعة :


1-ماتفحص غير المكينة والجيربكس فقط يعني ماتفحص غيرها.
2-غير متخصصه في برمجة السيارات أومثل المفاتيح وغيرها.
3- مجرد جهاز يحدد لك اسم ورقم الكود الخاص بالمشكلة في المحرك والقير فقط,

بعكس الأجهزة المتوفرة عند الشركات اللي بإمكانها ان تغير برمجة السيارة وتفحص جميع اجزاء السيارة الكهربائية أو تحل بعض مشاكل السيارات,
وكما اسلفت في التقرير بأن فيه جهاز مشهور لدى شركة جنرال موتورز يعني خاص بالسيارات المريكية, اسمه tech2 تيك تو
بحاول ابين فيه طريقة التشغيل ومميزاته علشان يستفيدون منه اللي يملكون الورش,,وهذا الجهاز شااامل وسعره تقريباً من الـ 20.000الى 25.000ريال سعودي,,


تحياتي لك

[abu_owidah]

اخوي الكريم السلام عليكم
طبعا انا جيت متأخر عليكم هنا بحدود 3 سنوات وتقريبا شكلكم نسيتوا هالموضوع من اساسه :)

اخوي انا شريت جهاز اسمه : U380 OBDII/EOBDII Memo Scanner

والصراحة ان سعره رائع لفحص سيارتك وتوني مستلمه اليوم

وسيارتي هي بليزر 2002 ال تي زد
وللاسف ماعرفت اشغله على سيارتي

وصلت فيشه ولا نور الجهاز نهائيا لدرجة اني شكيت انه بحاجة لبطارية معينه وبعد ما شفت مواصفاته تبين لي انه لايحتاج بطارية بل ياخذ كهربته من الفيش

مدري هل الفيش عندي بيكون مفصول عن الكهرباء او فيه مشكلة معينة ؟

اتمنى اخوي اطلاعك على الجهاز وتعطيني رأيك فيه تحصله بهالرابط موجود :

http://www.memoscan.cn/en/showproducts.asp?Cid=1

ومشكورين سلفاً