عيآآآآآآآآل : كم يسوى هالموتر ذا ؟ وهل له شعبية ؟ احتمال أبيعه بالأيام القادمة

[القاع البارد]

هلا بالشباب كلهم :f

مادري وش رايكم بالموتر هذا لأني معي فان أبتبادل مع واحد ويعطين السيارة هذي

نوعه / دايهاتسو ( يابانية ) أتوماتيك
موديله / 2007

www.jthab.net/abuomar/12122007312.jpg



www.jthab.net/abuomar/110220091601.jpg


مادري كم تعطونه السيارة ؟ وهل تتوقعون إذا بعته تجيب لي سعر طيب ؟

أتمنى تفيدونني على عجل ..:)

[صقرحايل]

ماشاءالله تبارك الله
والله يرزقك البيعه الطيبه
بس اول مره اشوفه ويش صناعته وشركته ولو شفته با السوق ما التفت لمه من شكله ولا تزعل من كلامى وانا اخوك هذى وجهة نضرى يمكن تكون خاطئه
وشكر لك

[غافي]

شكلك كاسبها من جريده الرياضي :)

والله يالغلا مادري عن اسعارها

بس شكلها رياضي .

موفق اخوي

[باني طوية]

يارجال اترك عنك علبة الجبن وشف لك موتر احسن منه

[القاع البارد]

حبايبي أنا قصدي إني اتبادل معه وأبيع سيارته على طول يمكن شعبيتها أكثر من الفان وتنباع على طول ولا مالي رغبة في السيارات هذي ..

فهمتوا يالغالين

[خادم الربع]

ابعدددددددددددددددددددددددددددددددددددد

ان كانك تبي الراي
تراك بتبلش بها والفان له ناس يبونة نقل وما نقل اما هاذي تراك بتقعد بهااااااا
مجرد راي والميدان يا حميدان

[فارس شمال]

هي سيارة اضن وكيلها عبداللطيف جميل ... لاكن الي بيشتريها اضن يابياخذها بسعر رخيص او لها واحد يبيها !! والله اعلم ..

بس وش الفان الي معك ؟

[القاع البارد]

خادم الربع / والله إني خايف من الديهاتسو وأميل لكلامك كثير وأتوقع رايك سديد .

فارس شمال / إيه أنا حطيت ببالي إنه ياباني وعلى طول يمشي لكن الديهاتسوا مادري عنها
والفان موديله 99 أزرق نظيف ماجاوه رش أبد بحمد الله وهذي صورته /
http://www.jthab.net/abuomar/fan.JPG

[صاحب ام صتمه]

يا اخوي سو استخاره ..

اما بالنسبه لي شكلها ماناسبني ابد ..

[القاع البارد]

والله شكلي أبهوّن ياصاحب أم صتمة :)
والصراحة ما اقتنعت فيها

والفان للبيع وهذا إعلانه /
http://www.mekshat.com/vb/showthread.php?p=4021959#post4021959

[z71.]

الله يوفقك

[أبو عبدالله التهامي]

الله يرزقك أخي ..

[الربذي]

انحش لو 2011شعبيتها تقدر تقول صفر الفان افضل واحسن بيعة

[بومروان]

سبحان الله بعض البشر يفتي وماهو بعالم
ياخوان السياره مكسبه وافضل من الفان
هذه اسمها تيريوس وهو جيب دايهاتسو
يجي بدبل وبدون
وديهاتسو ترى غنية عن التعريف حتى قبل ياخذها ابو جميل كانت تبيع نفسها بنفسها
تخيلو كنت مندوب مبيعات في معرض بالبيد
وكان ابو حضرم مايجيب قطع غيار لها
وكنت اعاني من شكاوي الناس اللي يشترون السياره عن طريقي لانه مايعرف الوكيل يعرف المندوب اللي باعها له
المهم سئلت المهندس اللي مشرف على قسم الصيانه
قال لي بالحرف الواحد
القطع نفس قطع التيوتا
يعن العميل اللي يشتكي من ان القطع غير موجوده
يروح لابو جميل بنفس القطعه اللي يبغى يطلعونها له
وصدق المثل
مايردها عن الشارب الا الرأي الخارب

[الشميسه]

خلك على قردك لا يجيك اقرد منه

[القاع البارد]

عموماً استخرت عن تبديل السيارة

والفان معروض للبيع وانسام بـ 30 ألف واللي يفرق السوم الله يبارك له

[ابو سمسم]

بكل صراحه انا مجرب هالجيب وله سنتين قير عادي والله سيارة من واقع تجربه ماخليت مكان الارحت من صيد وتمشيات بس مشكلته ماهو حق سفريات لانه بطي شوي اما سياره فخذ وانت مطمن

[metub1404]

انحش عن الديهاتسو نصيحة

[سفاري فتك2009]

أنا راي أنك تستخير والله يوفقك ويرزقك:good2:

[ولد أشيقر]

نصيحتي خذ الموتر اعرف واحد من الشباب معه من 2007 وهو مشاءالله واضعه تمااام التمااام فيه نشاط

والله يوفقك

[أبو حطب]

صح لسانك يابو مروان

[أبو حطب]

الله اكبر الله اكبر الله اكبر لا اله الا الله ألا بذكر الله تطمئن القلوب

[كعمور]

نفتح الباب 16000

[مشاغب السقالة]

الله يرزقك البيعة الطيبة

[ابورايف]

الله يرزقك

[فكسار الأزرق]

الموتر تلقاه عند عبداللطيف الفل الكامل ثلاث مراتب حول السبعين ألف
ويجي مرتبتين , وهو موتر نظر ومنتشر في الرياض
بنظري هو أصرف من ان الواحد يشتري هونداي , كلهن صغيرات وهذا فيه دبل

[تـقوى الهجـر]

&&.,*"آلـله يـرزقـك.,*"&&

[قنيص غير]

الله يرزقك