الفزعه ياهل المواتر

[مغترب جيزان]

يالربع لقيت لي GXR 3 موديل 2003 ( فتحه _ هزاز _ خلفية لكزس _ قير تماتيك ) نظيييف بس المشكله القير التماتيك مالي فيه رغبه وحبيت اللي يعرف عنه شي وكيفه بالبر هل هو عملي والا لا يفيدني بأسرع وقت
وسلامتكم

[السالمي]

اول شي الله يرجعك سالم غانم

وتنشب بديره اهلك لين تروح لربك

واذا على الموضوع

المواصفات اللي انت ذكرتها توب الصراحه

والقير الاوتماتيك ازين وازين لك

فيه ناس تقول ان القير الاوتماتيك يصلح لل vxr

وان الجي اكس ار يصلحله قير عادي

لاكن القير الاوتاميتك مريح في البر وفي المدينه اكثر من العادي

والراي رايك

انا معي شروكي قير تماتيك والصراحه مرتاح معه

واحس لو اني اخذت قير عادي كان اببلش كل شوي محترق الكلتش

[نمر بن حثلين]

توكل على الله واجزم

ترا الناس الحين تغيرت نظرتهم للتماتيك
واسئل بالمعارض والوكالات تلقى الجيوب العادي نشبة بحلوقهم عجزين يصرفونها
والقير الاوتو ما يمديه ينزل من التريله الا وزباينه صافين سرا :D

اول كانو الناس ما يبون الاوتو لان المكاين ضعيفه مافيها عزم لذلك الموتر التماتيك ما يزبن بالنفود

لكن الحين المكاين قويه لذلك صار الموتر حتى وهو تماتيك يزبن بالنفود ولا يرده شي

[السالمي]

عز الله انك صادق يانمر

قبل الاوتماتيك ما احد يبغاه سواء في جيب والا غيره

وماكان ناجح الا في السيارات الامريكيه

الحين صار يعتبر ميزه سواء سياره امريكيه او غيرها

[مغترب جيزان]

ماقصرتو وبيض وجيهكم يالسالمي انت ونمر بس مازلت ابغا توضيح الجيب سته سلندر والقير اوتماتيك هل تتوقعون ان العزم مايفشلنا بالبران (( مالها داعي لاندكروزر ناشب بالنفود :bounce: :bounce: ))

[السالمي]

والله يالغالي الكذب خيبه

انت حطيتني في وضع محرج

وانا سواقه ماسقته ولا جربته

لاكن اسمع الناس تمدحه

والدليل على الشي ذا ان قيمته اغلى من العادي

انا جربته بالشروكي والصراحه عز

لاتقعد كل شوي تعشق ولا شي

حطه بالدي وامش