معي 50000 وش تنصحوني

[abrahim]

السلام عليكم
انا ودي اشري موتر ب50000ولا ادري وش آخذ
ودي باترول ديزل ولا بنزين وش رايكم
وعطون اذا كان فيه سياره حليله وزينه:good2:

[abo-lma]

السلام عليكم ورحمة الله

الله يرزقك السيارة الطيبة والمبروكة

و أذا تبي نصيحة لاتشري نيسان باترول الا بعد ماتكشف عليه

خلك تدفع الى 1000 ريال كشف ولا تخسر 50000 الف ريال

لان النيسان أذا جاك تعبان الله يعينك على الورش وعلى التصليح وقطع غيار نار

وان جاك نظيف يانعومك

وأنتبه من الشريطية وتراهم غزو مكشات بعروضهم

موفق خير

[بروق سدير]

ياهــلا بك اخوي ..

اسمح لي بالرد على إستفساراتك ولو ان خبرتي قليله لكن مجرد مساعدة يالغالي ..

بالنسبة لاتفكر تأخذ ديزل أبداً , البنزين أفضل بكثير :good2:

إلا اذا كنت من عشاق الديزل :) , أو أن كنت راعي سيول وتقطيع شعبان فـ الديزل أفضل مع اني ما أنصحك به نهائياً ..

وبالنسبة لسعرك مميز وحلو ..

لكن ما أدري وش تبي بالظبط هل هو باترول فتك ؟ ولا سفاري ؟ ولا سوبر سفاري ؟

بالنسبة سعرك يتناسب مع فتك بابين 2003 .. لأن اسعاره النضيف تترواح مابين 53-58 الف ..

وأما بالنسبة لسوبر سفاري ما أتوقع بتحصل شي بسعرك ..

لأن النضيف واصلن سعره الـ 75 وفوق !!

اذا كنت تبي جيب وكشخه خذ لك لاند رنج روفر :D

فـ عندك الرنج روفر موديل 2001 نضيف يوصل بالكثير 48 الف !!

اي استفسار حاضرين يا بعدي ,,

:)

[abrahim]

الله يجزاكم خير لاكن معي اول باترول باب 2003 كلبليتر
وحليل لاكن الدبل تعبان وذبحن بنزين وقلت ادورلي موتر ثاني
والفتك كم يمشي اذا فللت
حقي يمشي 300كيلو اذا طق بوزه

شاكرين

[الكونترولCONTROL]

أتوقع تلقى بال 50 ألف باترول نظيف جدا
الله يوفقك لما ينفعك ... و لما يحب و يرضى

[مزن الصيف]

تباالنصيحه كب عنك النيسان واهله وطقلك الفوت شنرجديد6سرندل عطهم 50الف مقدم وقصد الباقي ورتح من الورش وجع الراس والله يوفقك ويكتب لك الخيره

[abrahim]

فكنا جزاك الله خير

[عاشق االجمس]

تبي نصيحتي

ابعد عن النيسان وانت بخير

طق لك ياطويل العمر جمس رفرف غماره دبل ارضي تلقاه 2002 ولا 2003 بالاربعينات والنظيف النظيف يوصل الخمسين

[ابوطاقية]

معك خمسين الف ريال
طق حرمه وكمل نص دينك واترك عنك الحديد
انت توحي

[شمالات نجد]

دور لك باترول صالونsgl 2000 بخاخ واحرص على النظيف أو لا تقربه

وحط في بالك حتى لو شريت الموتر نظيف تراك بتحط فيه من 500 إلى 1500 تصفيه وتشييك على الناقص.

سلام

[abrahim]

وشرايكم بالvtc

[أبوعلي الجاسر]

والله أنصحك أخوي بالبنزين وبقوة

أما بالنسبة للسعر فأنا أعرف شخص شاري فتك 2002 بـ 47 ألف

وأعرف شخص آخر شرى باترول 2001 بـ 52 ألف

لكن النظافة تفرق

[ناصر955]

تبي نصيحتي

ابعد عن النيسان وانت بخير

طق لك ياطويل العمر جمس رفرف غماره دبل ارضي تلقاه 2002 ولا 2003 بالاربعينات والنظيف النظيف يوصل الخمسين




اتفق مع عاشق الجمس وخصوصا GMC Z71

[الاصلي]

انصحك تحطهن باحسابي انميهن لك وبشر بالسياره هههههههه
اخوي يمكن تحصل باترول نضيف قد افلوسنا قصدي افلوسك
الله يوفقك

[رفيع المقآم]

الله يعينك لاكن 200 سوبر سفاري بالراااااحه فل كامل

[جمل المحامل]

معك خمسين الف ريال
طق حرمه وكمل نص دينك واترك عنك الحديد
انت توحي


والله يابو طاقية كلامك عين الصواب

[العبله]

اول شي يا خوي توقيتك للشراء مهوب مناسب ابدا لاننا الان في موسم الربيع واسعار الجيوب غاليه اصبر لك شهرين او ثلاثه تنزل ان شاء الله الاسعار..

وبالنسبه للموتر انت اللي تحدده لان محد يعرف وش حاجتك له هل انت تبيه للبر او للتحميل او للاستخدام اليومي.

الله يكتب لك اللي فليه الخير .

[كبسولة2]

يوكن دبل فل كامل 2001

تحصل نظيييييييييييييييف مرة سعره مابين 48 ألف إلى 50 ألف

[شاص 4500]

شف يابعدي خذلك فورد اكسدبيشن دبل موديل 2004 - 2005 من صالة يكون نظيف وكد ومد والله الاسد مجرب
الله ويوفقك،،

[مخاوى ابوه]

معك خمسين الف ريال
طق حرمه وكمل نص دينك واترك عنك الحديد
انت توحي


انا اشهد انه راى :p
استخر يا بعدى
والله يكتب لك اللى فيه الخير
الا ما فكرت تركب على موترك مكينة فتك؟
تركب فى القصيم شغل وكاله بحول 30 الف >منيب متاكد<

[فارس شمال]

انصحك بالتريل بليزر

موتر جيد

انا كنت بالحره الاردنيه قبل كم يوم وشفت عندهم التريل بليزر 2007 فل كامل Ltz لون عودي نضيف قيمته 12 الف دولار وحط عليهن 1500 دولار جمرك ولوح يطلع تقريبا 50 او 51 الف


مدري عن الاسعار بالرياض كم حدها ؟؟؟

في 2006 و2005 تقريبا على 9 الاف دولار الى 10 بس Ls

طبعاً كل الي سألت عنه دبل ... لك تحياتي اخي واستخير قبل كل شي




ميزة السيارة للخطوط زينه وناعمه وتدخل البر فيها بس طبعا مو مثل الياباني بالبران بس يأدي غرضه وقطعه متوفره


تحياتي

[KHALID 1]

خلك منهم بس خذ سلقة

[abrahim]

ماقلتولي صرفية البنزين الفتك

[abrahim]

الله يزاكم خير

[abrahim]

الله يزاكم خير

[طربان على صوت]

77777777777

[طربان على صوت]

تبي نصيحتي خل عنك التهبد تشري سيارة ماتدري وشجاه وش به وزي ماقال اخوي فورتشنر ولا اكستيرا..

[abrahim]

وين مشاركتك يا.....

[سفاري959]

تبي نصيحتي

ابعد عن النيسان وانت بخير

طق لك ياطويل العمر جمس رفرف غماره دبل ارضي تلقاه 2002 ولا 2003 بالاربعينات والنظيف النظيف يوصل الخمسين
عز الله ما بريته عندنا جمس 2000 ويكون 2005 فاكينهن وكاله ولا جاهن بر ولا مشاوير اكثر شي داخل الرياض وبهذلتنا في الخرابات اليوكون خبط قيره على 70000 وبعدها بشهور خرب الدبل مع ان الدبل ما شغل ولا مرتين والثاني طرمبه البنزين حدث ولا حرج نصيحه ابعد عن الامريكي يرزقك الله ما فيه مقارنه حتى لو تاخذ اردى يابني ازين لك من الامريكي موفق خير

[فاقدخوي]

دفها ستين وتلاقي 99او2000لاندكروزر

[أبوعلي الجاسر]

عز الله ما بريته عندنا جمس 2000 ويكون 2005 فاكينهن وكاله ولا جاهن بر ولا مشاوير اكثر شي داخل الرياض وبهذلتنا في الخرابات اليوكون خبط قيره على 70000 وبعدها بشهور خرب الدبل مع ان الدبل ما شغل ولا مرتين والثاني طرمبه البنزين حدث ولا حرج نصيحه ابعد عن الامريكي يرزقك الله ما فيه مقارنه حتى لو تاخذ اردى يابني ازين لك من الامريكي موفق خير

شكل إستخدامكم بالديرة أردى من البر

[WWS]

يالغالي مثل ماقال بعض الأخوان أصبر لك حراوي الشهرين وتنزل أسعار السيارات .,. و أنـا أدور لي سياره ثانيه وانيت دبل شفر أو جمس منتظر أشوف الأسعار .,.,.
وإنتا واضح إنك تريد فتك و متردد فيه .,.,.

[غريب الريم]

انا انصحك تدور لك باجيرو نظيف والله يوفقك :)