اللي يعرف أسعار اليوكن يدخل ضروووووري

[ابوتركي1431]

السلام عليكم
شباب فيه يوكن2005
نظيف جدا خالي من الصدوم والسمكرة
العداد 124 الف كم سعودي وكيل العيسى
اللون ذهبي فل كامل ماعدا جلد وفتحة
شاشة DVD
مثبت السرعة
تحكم بدركسون
دعاسات كهرب والله فيه أشياءماأعرفها
المراتب مخمل بدون فتحة
دبل
مكيف لمس
مقعد السائق والراكب منفصلة ((ملكي))
العيب الوحيد فيه فيه رشه على البيبان أثنين بدون صدمة
بسبب امشوخ
كم تتوقعوووووون سعرة
تكفون يا النشااااااااااااما

[ابوتركي1431]

23 واحد دخل ولا أحد منهم علق؟؟؟؟؟؟؟؟؟؟؟؟؟؟؟؟؟؟؟؟؟؟
الله يعين

[اتفاق الطائف]

اتوقع سعرة بين 65 الى 70 الف حسب النظافة

[ابوتركي1431]

هلاااااااااا والله باتفاق الطايف
لا هنت أخوي
سعر السيارة مقارب (حاده 70000 ريال ويمكن ينزل شوي )

بس هل الرشة تقلل من القيمة
وانا بإنتظارردك

[راعي المجاهيم]

وانا اخوك لا يلعبون عليك جديد 2005 من الوكالة كان علية عرض ب 95

الان له خمس سنوات وتقولون ب70

لا يلعبون عليكم ترى الصالات و الشريطية يلعبون على الناس

اتركوها لهم و تشوفون اسعارها الحقيقة


سعره مايتعدى 57 الف

رفعوا السعر و الصالات رفعت الاسعار لان التصدير صار من 2005 و طالع


نصيحة لاتحط 70 في موتر راح علية خمس سنوات دور موتر مضمون

==============نصيحة==============

[الجارح618]

عندي بعض الاسئلة

كيف دعاسات كهرب
وهل الديفدي وكالة والا مرهم
هل انت مستخدم والا تترزق الله فيها

الرش ينزل من قيمة السيارة اكيد

اليوكن سيارة تمسك سعرها ولا يهمك من لايعرفها والدليل ندرتها بالسوق وغلاها

اقدر احدد لك سعره اذا جاوبتني

[جليس القمر]

اخواني بالنسبه لليوكن موديل2005
سعره من 50,000 الى 55,000 ومواصفات النوع هذا sle
يعني موصفات عاديه مقاعد كهرب وتحكم بالدركسون والدبل يضاف مبلغ 10,000 ريال تقريبا فرق عن 4*2 بسعر الجديد . اما بالنسبه للدعسه كهرب يعني تتقدم للامام وترجع للخلف تحكم بالمسافه لدعسه الرجل وانتم بكرامه .
وبالتوفيق ,,,

[ابوتركي1431]

هلااااا ةالله براعي المجاهيم
والله أسعارها نار ماكنت متوقع هالاسعار لكن الله يرحم الحال
لا قدرنا على الجديد لا القديم
توني مكلم واحد باع اليوكن حقه 68000ريال ؟؟؟؟؟؟؟؟؟؟؟؟؟
تعرف أحد ببيع 57000 تراني شراي تكفااااااااااااااااااااا

[ابوتركي1431]

هلاااا الجارح
الدعاسات الله يكرمكم كهرب
الشاشة والله مدري هو مركبها وإلا من الوكالة (ماجا فيها كلام )
والله أنا بأستخدم وخاش في راسي اللون الذهبي

[ابوتركي1431]

هلااااااااا والله بجليس القمر
والله اليوكنات غالية مرة
واحد من الشباب
خذاله يوكن 2005 بدون دبل
أمريكي والنظافة يعني
واللون رصاصي
55000 ريال
من واحد مو شريطي ؟؟؟؟؟؟؟؟؟؟؟؟؟؟

[ابوتركي1431]

جليس القمر
تكفاااااااااااااااااااااااااااااا
إذا تعرف واحد عنده نفس المواصفات واللون ونظيف لاتخليني

[أبوالمثنى]

حياك الله ابو تركي

الوالد عنده يوكن 2005 من دون دبل

ماشي 128 الف

بأسم الوالد وكاله

البدي نضيف لافيه رش ولا سمكره ابدا

والمحركات برضه نضيفه وافحصه بأي مكان

لونه كحلي وتحت ذهبي

مسيوم بـ 56 الف

مراتب مخمل .تحكم بالدعاسات .مثبت سرعه .تحكم من الدركسون .

كان لك نظر هذا رقم جوالي 0552252269

[ابوتركي1431]

هلاااااااااااا والله وابو المثنى
ممكن ترسلي على الخاص صور السيارة
بسرررررررررررررعة

[ابوتركي1431]

أخوي أبو المثنى
ألف شكر على التفاعل
والله السيارة نظيفة مرررة
لكن مالي في هذا اللون
الرغبة في اللون الذهبي
الله يعطيكم من خيرها ويكفيكم شرها

[Riyadh City]

أبوتركي

تكفى الله يرحم والديك إذا بتاخذ يوكن خذلك دبل
الدبل يفيدك وما تشيل هم الغراز إن طلعت تمشيت مع أحد ويحافظ على سعر موترك
اليوكن 2005 دبل بيكون حول 65000
إذا دراهمك أقل خذلك تاهو 2005 دبل تحصله بالخمسين ألف وتراه أخو اليوكن بس هذا شفر وهذا جمس

بالتوفيق

[ابوتركي1431]

هلا والله بــriyadh
والله إنك صادق لكن لا توصي حريص
لكن السيارات مولعه النظيف من 70000 ريال وفوق
إذا حصلت شئ ما يخلونها الشريطية يطيرون السعر ولاهم شارين
بس يعلقون صاحب السيارة

[a7l002]

مساء الخير كل شي وله سعر انا معي 2006 وارد العيسي ذهبي ماشي 232000 فية رش بسيط رفرف وكبوت مغيرة جديد دون سمكر ة دبل

مسيوم 60000 الف اللي يبية يفرق السوم وانا حادة 65000 جوال 0547528280

[أبوعلي الجاسر]

أضم صوتي لأخوي الرياض سيتي

إذا الرش مضبوط والموتر محركاته نظيفة ولافيه قرقعة ولاقرشه

أنا أعطيه 65 ألف بس خلك على ذا سعودي أفضل من الإستعمال الأمريكي

وإلا عزّ الله إنك صادق اليوكون أو اليوكون إكس إل والسوبربان والتاهو النظيف والله غآآآآآآآآالي أسعاره نآآآآآر

[ولد العرينات]

حياكم الله يا خوان

اليوكن موتر بطل يمسك سعره ويجيب دراهم

من مدة وانا ادور النظيف وبعطيكم نبذه عن الاسعار

2005 سياحي بدون دبل ماشي 95الف تم بيعه ب 68500 ريال بدي ومحركات شرط نظيفه

2005 سياحي ماشي 120الف سوم 65000 ريال بدي ومحركات شرط وحد صاحبه 70 الف

2006 سياحي لونين فضي وذهبي بدون دبل ماشي 135 الف السوم وصل 70000 ريال شرط نظيف

2006 سياحي دبل لونين اسود وفضي ماشي 80 الف تم بيعه ب 78500 ريال شرط نظيف

طبعا كلها سعووديه وباسماء اصحابها وكالة

هذي الاسعار من اسبوعين واكثر من الرياض - النسيم

وحتى الان وانا ابحث عن النظيف والله يرزقنا

[دواك عندي]

فعلا اسعارها غاليه مره أنا لقيت واحد 2004 ذهبي ماشي 220 الف سعودي مع واحد شاريه من اللي فاكه وكاله حده علي 65 الف