ما الافضل بالسفر والخطوط السوبربان ام الاكسبدشن ؟

[الصافي2]

كيف الحال يا النشاما
انا بيطق فيني عرق بصراحة ، ولا ادري فين ارمي دراهمي من كثر المقارنات بينهن ؟
ابي اشري لي سيارة للعائلة والسفر واحترت بين السوبربان LT2 دبل (التاهو الطويل) او الاكسبدشن القصير XLT دبل ايضا ؟
اخاف اشري احداهن واتحسف
مع العلم اني سألت عن القيمة ووجدت الاكسبدشن موديل 2010 بـ 130000 ريال والسوبر بـ 145000 ريال
ولا يهمني الزيادة لان السيارة بتقعد معي باذن الله سنين طويلة
وبصراحة جربت السيارتين ووجدت الاكسبدشن اكثر عزل واقل ضوضاء من السوبر ولكن السوبر افضل من ناحية التبترونيك والوسع بعد المرتبة الثالثة ؟
فقلت في نفسي لا يطق فيك عرق ولا شي روح استشير ابو المفهومية مكشات يمكن تجد الشووووووووور الزييييييين
ابغى منكم ذكر الميزات والعيوب لكلا السيارتين وبحيادية يعني مو يرفع الواحد الاكسبدشن في السماء عشان انها سيارته والعكس
وبعد استشارتكم والاستخارة باتوكل على الله واشري باذن الله
واهم شيء عندي في المقارنة ((اكثر عزل واقل ضوضاء في السفرررررر))
معليش الكلام غير مرتب

[captin999]

اتوقع السوبر يغلب وهذا من تجربة

[ساري 111]

انا سبق لي تجربه الموديل السابق من الجمس مقاس 1500
الحقيقه كان رائع

لكن بالمقارنه مع الفورد ماادري لاني ماجربته

[زمزم 100]

عند الوالد فورد اكسبدشن 2009 دبل

احلى مافيه ان القير 6 تعشيقات يعني المكينة ترقد بالسفر ولا تسمع لها صوت

و سواقته تشبه الفكتوريا سهل و خفيف

العيب فيه ان المراتب الثانية غير مريحة

[_دربيل_999]

أخوي..
يدلك على الخيل أثمانها,,
تحيتي لك..

الروقي

[قمة افرست]

اليوكون 2010 xl عند بالبيد 141 الف
واليوكون مجربة من القديم و 2007 و2008 والان 2009 الي تغير القير
مافيه وجه مقارنه بين الاكسبديشن باليوكون ولا السوبر بان
اليوكون والتاهو افضل بكل شي
من الشكل الى الاستخدام
وبالبيع الرغبة يوكون وتاهو
وزي ماتفضل الروقي دربيل 999
يدلك على الخيل اثمانها

بالله هذا نقارنه بالاكسبديشن هذا الي تعب تويوتا :good2:

http://www.carid.com/images/grilles/giovanna/GIO-8340XX.jpg

http://www.carid.com/images/grilles/t-rex/GC-GMC-2021-SW.jpg



وهذا الشيفي

http://www.carid.com/images/grilles/asanti/ASN-104000.jpg

يبطي الفورد توكل على الله وخذ تاهو ولايوكون وان شاء الله ماتندم
والله يوفقك :D

[ميمون111]

الاكسبدشن
اقوى
واريح شي

ويعجبك في الطلعات
ولا تنسى الأستخارة

[عاشق القمم]

ياقمه افرست لا تتفلسف وتقول اليوكن افضل من الاكسبدشن وتقول احسن شكل اليوكن الاكسبدشن وبس أســـــــــــد الصـــــــــحـــــراء

[أبوعلي الجاسر]

أخوي من واقع تجربه

سوبربان 2003
يوكون 2004
سوبربان 2008

أنا أقولك لاتأخذ غير سوبربان إل إس

لكن ترا دفرنس واحد أفضل من دفرنسن

لكن ترا الراحة ماشاء الله خيالية إذا مسكت ماودك تاصل ماشاء الله

والإكسدبيشن موديل 2000 أو 2001 دوره أختصر عليك المشوار تلقاه محلوت بالصناعية

واليوكون أو التاهو شفهن مقطعات الخطوط راح جاي

أنا أقولك الشفر وبس وآسف على الإطالة بالكلام

[باني طوية]

يارجال اليوكن صار حق رزه مهوبحق سفر وطلعااات

خذ لك اكسبدشن ياخي وخل المصخره هههههههههههههه تحريف عيني عينك

بس الاكسبدشن حق خطوط وسفر وبران وكل شي والله ولااحسن منه

الله يرزقك بالاكسبدشن الطيب

تحياااتي

واهم شي الاسستخاارة

[حزوبر]

وعليكم السلام
من واقع تجربه لي كع السبربان 2001 ما لقيت اريح منه على الخط، وقطع غياره رخيصة مقارنه بلي ما يتسماش
:d لاكسبدشن
والمثل يقولك إشتر تبيع
والناس ما رغبو الصوالين من فراغ أو تحيز، من واقع تجارب ، رح المعارض وشف الفرق بالأسعار بالمستعمل
أمس طببت الصالون للمعارض رغم إنه مافي سوق إلي تبيه ، لكن سيم 47 رغم إنه 2001
تخيل لو كان سيارتي اكسبدشن كم تبي تجيب؟

[البرتقالي]

الاكسبدشن بلا منازع
ودليلي مر على المعارض وشف كيف التاهو واليوكن متكدسه ولا تلقى اكسبدشن الا استعمال امريكي
والا خذ لفة على موقع مستعمل ماتلقى معروض للبيع اكسبدشن الا قليل جدا جدا مقارنة بغيره

اخوك اللي مضيع يوزره ومالقاه الا اليوم :)

[البرتقالي]

استدراك
الاكسبدشن الفين وعشره ايدي بور
عنده تخفيض وسعره بالوكالة 162 الف

[riyadhali]

اليوكون 2010 xl عند بالبيد 141 الف



واليوكون مجربة من القديم و 2007 و2008 والان 2009 الي تغير القير
مافيه وجه مقارنه بين الاكسبديشن باليوكون ولا السوبر بان
اليوكون والتاهو افضل بكل شي
من الشكل الى الاستخدام
وبالبيع الرغبة يوكون وتاهو
وزي ماتفضل الروقي دربيل 999
يدلك على الخيل اثمانها


بالله هذا نقارنه بالاكسبديشن هذا الي تعب تويوتا :good2:


http://www.carid.com/images/grilles/giovanna/GIO-8340XX.jpg


http://www.carid.com/images/grilles/t-rex/GC-GMC-2021-SW.jpg




وهذا الشيفي


http://www.carid.com/images/grilles/asanti/ASN-104000.jpg


يبطي الفورد توكل على الله وخذ تاهو ولايوكون وان شاء الله ماتندم


والله يوفقك :D



أخوي صاحب الموضوع
هاذا الرجال اذا أعطاك مشورة(ولايهونوا الاخوان)
طيعة وأنت مغمض عيونك


قمة افرست أشهر من نار على علم


وفق الله الجميع

[jasser]

يا اخي منت توك تقول انك جربت الاثنين !!!
انا مستغرب ليه باقي تستشير ؟؟؟
شف وانا اخوك ترى المبلغ فوق المية الف يعني بتحط دراهمك في شي بتستخدمه ولا تفكر في البيع
رح الصناعيه وشف الورش واسال عن الخرابات
ورح الوكاله واسال عن قطع الغيار
وانا ما بمدح لك واحد واذم الثاني فيقولون تعصب وعنصريه ولو تبغى تريح نفسك رح للرابطتين - الاكسبديشن واليوكون وشف بنفسك وش الانسب

وترى القرار الاخير لك وحدك وما بينفعك اللي يقول شكل والا رزه وهذي صوره بسيطه للمقارنه

http://www.mekshat.com/pix/upload03/images149/mk127932_mk63546_expedxtho.jpg

[f450]

اخوي اذ كنت تبي نصيحتي ونصيحت مجرب الاكسبدشن مووووووترررررر من كل النواحي خذه وانت مغمض

[حصن زحام]

أخي الفاضل
بعد مقارنة عام 2007 فضلت الأكسبيديشن, لأشياء تهمني:
-الراحة لأن تعليقه مستقل.
-الوسع, خصوصا المقعد الثالث..... ما شاء الله يركب فيه 3 بالغين بالراحة.
- خاصية طي المقعد الثالث( لأني صاحب أسفار فيتحول إلى غرفة نووووم)...... يعني ما تحتاج تفك المقعدة مثل الشفر وجي إم سي.
هذا ما كان يعنيني...

باختصار انظر لما تحتاجه أنت وليس نحن, واستأنس برأي الإخوة هنا, واستخر الله وتوكل عليه واشتر.

[راعي النبات]

والله اني محتار ونا اخوك مادري وش اخذ بس الكثير انصحوني بالاكسبدشن يقولون اقوي في البر ومريح في الخط وسيع

[مطارد القمري]

انا قلت يمكن تاهو والاكسبدشن
لكن مقارنه مي بمحله
السوووووووووووووووووووووووووووبر بدون تفكير وجرب دفرنس وتشوف الفرق

[ابو وليد2008]

عليك بالاستخارة وان طعت شوري مالك غير الاسد كد ومد ما شاء الله تبارك الله

[القنـاص2008]

طال عمرك , احد من اخواني شراه له اكبيدشن 2011 من النووع الطويل الشاص للسفر وماشاءالله يعطية خيرة ويكفية شرة مدح فيه طول الوقت وان شاءالله اني افدتك

[حان الرحيل]

السلام عليكم
طالما الرجال تحدث عن شيئين السفر والعزل للاصوات.....عليك بالكسبدشن الطويل وليس القصير.....واذا احترت وما قدرت تختار عليييييييك بالنافيقيتور...حتى لا يوجد وجه للمقارنه مع الاخرييييييين

[فل ابشن]

ياحبيبي مافي مقارنه بين التاهو والفورد في الخط والبر لأن التاهو قوي وإذا جيت تبيعه مرغوب التاهو اكثر واللهه يوفقك

[فهم العدواني]

والله الفورد عندي افضل في كل المواصفات وغطى على الجموس لاكن الناس تفضل الجموس من ناحيه نفسيه وانا واثق لو كل واحد جرب الفورد بيغير رايه بس اذا صدق مع نفسه وابتعد عن التعصب وذلك من واقع تجارب معي ومع ناس فاهمه في السيارات

[الوسمي44]

الدينالي مامثله لاصار جديد ومساعداته سليمه ماتحس الا انت واصل

[عبدالرحمن السالم]

انا عند الوالد الله يطول بعمره وعمر والديك فورد اكسبدشن 2009 بدون دبل والله ماشاء الله نسافر عليه لحايل ونروح ونجي عليه وماشاء الله ممتاز جداً لا بالديره ولا بالخط هذا عن التجربه حالياً
السوبر بان معروف قديماً بأنه عائلي ومريح بالسفر وانا والله ماجربته الا مديل 92 القديم كان عند الوالد برضو
اهم شى الاستخاره ، والله يوفقك ويرزقك

[ام صتمه 87]

انا مدري الناس وش معجبهم في شكل الاكسبديشن يا عالم والله معوق ..

بالنسبه ماجربت الاكسبديشن .. لكن بالنسبه لليوكون ماشاء الله قوة وعزم ورزه ..

عليك بالستخاره اولا وآخراً ..

الله يوفقك للي فيه الخير ..

تحياتي .. ام صتمه ..

[بدوي جنوبي]

نقص الصوت
مقطع مقارنه



ssBZXeRREGM

[figo_2776]

خلك علي لاندكروز

[راكب الشفر]

اشوف التاهو افضل
بحكم استخدامي له وكرفي بس ماشاء الله مايقول شي
طبعاً علشان يعمر معك سو الصيانة الدورية من تغيير لزيوت المكينة والقير والدفرنس (بانتظام)
وتغيير القطع الاستهلاكية كالبواجي والفلاتر الهواء والبنزين وغيرها من الامور وماراح يشتكي ان شاء الله