استفسار ياملوكـ الشروكي ...؟

[مكاشو]

السلام عليكم ..

ماابغى اطول عليكم ...

انا عزمت ان شاء الله اشتري شروكي http://jeep-ksa.com/vb/images/smilies/drive1.gif وحصلت موديل 98 أمريكي ..؟ بس بسئلكم كم سؤال شاغليني شوي ؟؟

مثل ماقلت لكم حصلت 98 امريكي وحاده راعيه بـ 18 الف ريال....

وركبت فيه ودعست دعسه قووويه واحد من الشباب عند الشكمان وقالي انه يطلع شويه مويه مع الشكمااان ..؟ وهذا اعتقد انه من نظافه المكينه ولا لا؟؟

نقطه ثانيه لمااا ادعس عليه مايطلع دخاان بس في اخرر الدعسه يطلع دخااان خفيف لوونه ( ابيض ) يعني اش يدل عليه هالدخان ؟

فياليت توضحوون لي هالنقااط واذا كان سعره مناسب اوو غااالي ...

وأنصحووني اش اسووي قبل اشترري يعني اخاف اطب بموتر يجيبلي الهم http://jeep-ksa.com/vb/images/smilies/frown.gif

انتظرركم ياابطال ....

[شروركي 111]

انحش عن شي اسمه شروكي .... عظ ثوبك

[مكاشو]

انحش عن شي اسمه شروكي .... عظ ثوبك

والله كثير قالو هالكلام لاكن مافيه موتر مايشتكي لازم تحط فيه عشان يسلك
وان شاء الله بيطلع ok >>

غريب ردكـ ونكك (شروكي 111)

[hamido]

شف اما من ناحية الدخان الي يطلع اذا كتمتله الى الصاجه عادي بس اول شي ابيك تناضر افتح الكبوت وناضر اللي الي طالع من المكينه شف حوله زيت ولا لا اذا ماكان حوله شي حلو فك الفلتر شف اذا كان جايه زيت ولا لا اذا ماكان فيه فالمكينه ان شاء الله نظيفه بعدين نفحص العكوس وشلون .... تروح لم مكان ترابي وتعشق الدبل وتكسر الطاره لاخر شي يسار وتمشي اذا طقطق فمعناته فيه شي بالعكس وسو نفس الحركه من الجهه الثانيه والدبل طبعا مايحتاج عشق الخفيف ومسه ال 80 او 90 عموما افضل مكينه مرت علي مكينة الشروكي مافيه امل تخرب حتى لو هي تنقص وخذ هذا الشي من مجرب لكن الخوف من عكوسه وكارونته وصوفه على طول تهرب لاتنس تشيك عليهن ...
وان كان فيه شي نسيته ...الاعضاء مايقصرون

[مكاشو]

شف اما من ناحية الدخان الي يطلع اذا كتمتله الى الصاجه عادي بس اول شي ابيك تناضر افتح الكبوت وناضر اللي الي طالع من المكينه شف حوله زيت ولا لا اذا ماكان حوله شي حلو فك الفلتر شف اذا كان جايه زيت ولا لا اذا ماكان فيه فالمكينه ان شاء الله نظيفه بعدين نفحص العكوس وشلون .... تروح لم مكان ترابي وتعشق الدبل وتكسر الطاره لاخر شي يسار وتمشي اذا طقطق فمعناته فيه شي بالعكس وسو نفس الحركه من الجهه الثانيه والدبل طبعا مايحتاج عشق الخفيف ومسه ال 80 او 90 عموما افضل مكينه مرت علي مكينة الشروكي مافيه امل تخرب حتى لو هي تنقص وخذ هذا الشي من مجرب لكن الخوف من عكوسه وكارونته وصوفه على طول تهرب لاتنس تشيك عليهن ...
وان كان فيه شي نسيته ...الاعضاء مايقصرون

الله يعطيك العافيه اخووي ماقصررت ...

بس ياليت توضحلي (الكارونه والصوف) كم اعدادها وين مواقعهااا اما العكووس معرووفه ..!

اعذرني ترى اخووك عليمي بهالحاجات يعني من النوع اللي يدق سلف ويمشي ماعنده مشكله :D اهم شي المكيف والمسجل شغال :p

[hamido]

ياطويل العمر الكوارين وحده ورى ووحده قدام الي ورا تبان اذا مشيت عليه والي قدام تبان مع الدبل طبعا ونه اما الصوف فمنتشره في كل مكان فيه زيه يعني الق نضر على دفرنس قدام والمكيه به وحده سابكه مع القي يعني غير مرئيه وايضا القير به تقريبا اربع ودفرنس ورا به ثلاث وطبع واضع من نز الزيت تحته ... طبعا ان كانه قير عادي يكون فيه نحاسات اعتقد اسمه بدفرنس ورا غالبا يطلع منها صوت اول ماتقوم السياره وهاذي عاديه ولا فيها مشكله بس اهم شي مايكون فيه ونه

[faiz-111]

كان معي شروكي بصراحه يكد كد مو طبيعي لكن فيه بعذ العذاريب والسيارات ماتخلى
وقت السفر لما يكون فييه هوى قوي حده بالكثير 140 ياصلها لكن اذا الجو زييين خذ راحتك
اثناء التطعيس اذا اغرز وشديت عليه ترتفع حرارته بسرعه وييطفى نظام حمايه على شان المكيينه وياخذله ربع ساعه ييبرد ويشتغل عادي
ميزته خفيف و قيادته مرنه بالاخص داخل الديرة وقطع غياره رخيصه ومتوفره وسياره صبوره ماقصرت معي كديتها كد الويل وماقصرت

[مكاشو]

الله ينوور عليكم .... ماقصرتوا :)

مانستغني ..َ! الى الان ننتظر المزيد من الاراء والنصائح ...!