يا أهل الخبرة هل أركب فرارات لجيب سفاري 2009 أو لا

[sohil100]

أحبتي الكرام بغيت اركب فرارات لجيب سفاري 2009
أحد يقول ركب واحد يقول لا تركب
وانتم وش رايكم

[alanaziB52]

توكل على الله ... وركب الفرارت ... والله يفرق معك الموتر

[راعي الطلعات]

خذ العلم من مجرب ولا تاخذ العلم من طبيب

وركب وبتحس بفرق براحة الموتر

الله يوفقك

[تميراوي]

ركب وماراح تحسف ابد ان شاء الله

[بواسامه]

ركب
مهيب حسوفه

الا اذا انت عجاز ولا ماتبي تنزل من الموتر فهذا شي ثاني

[sohil100]

شكرا للأخوة على الافادة
والجميع يأيد التركيب
لكن فيه من يقول ان تركيب الفرارات في المديلات الجديدة ما تفرق
ويقول احتمال يصير لها صوت
أو تفرط
هل هذا صحيح

[wafian]

والله انا مالي خبرة بالفرارات

لكن استخر ربك

[S4500]

اخواني ابي اعرف وش فايدة الفرارات ؟؟؟؟

معي باترول 99 وش رايكم اركب ؟؟؟

اتاسف من صاحب الموضوع على المداخلة

[لاتكب البيالة]

الفرارات مفيده جدا وما اعتقد به ضرر

لكن فيه من يقول ان تركيب الفرارات في المديلات الجديدة ما تفرق
اسمح لي اللي يقول هالكلام ما يعرف وش فايده الفرارات وشلون ما تفرق وانت بتخفف على السيارة عامود ودفرنس وكم ترس

[أبوناصر]

طيب لو بغا الواحد يركب


هل فيه انواع ولا هو نوع واحد ؟؟


سمعت فيه تماتيك ما يجي الا على السيارات التشليح الي تجي من اليابان


والسؤال الثاني وين نلقا الفرارات وكم سعرها

[رفيع المقآم]

يالربع اللي يبي يعرف وش فايده الفرارات تفصل الدبل حتى ان صرفيه البانزين تخف واجد بعد

[مدمن فتك]

انا ركبتها على فتك 2009 ولافرقتها واجد
تبي رايي استخر والله يدبرك الخير

[بواسامه]

الفرارات مفيده جدا وما اعتقد به ضرر

اسمح لي اللي يقول هالكلام ما يعرف وش فايده الفرارات وشلون ما تفرق وانت بتخفف على السيارة عامود ودفرنس وكم ترس
صحيح ان المواتر الجديده الفتك خصوصا
ماتدري ان شابكها ولا فاصلها
وتفرق مع القديم لكثرة مشاكله ورجته وصرفيته
وتفرق اكثر مع 4 سلندر المكاين الضعيفه

الفرق لبين اللي بتلاحظه حرة الجيوب بتختفي اللى وانت تمشي 140 وفوق
بما ان موترك جديد لن ترى فرق واضح

وبجيك ايام تنسى تفصلها لين توصل للبيت وانت شابك

يعني استخر ورايي ركبها:D

[باترول2008]

الله الله


طع شور الشباب

أنا مركبه لي سنتين على فتك 2008 طبعا ما تلاحظ فرق إلا شي بسييط من ناحية الصرفيه
وكذلك بعض المواتر بهن صوت بعد الـ140 بتركيب الفرارات يختفى

وفايدتها يا طويل العمر تحافظ على الدفرنس الأمامي
لأن هالدفرنس ما تستفيد منه إلا بالبر بينما بالأوضاع العاديه خارج البر يبي يكون يتحرك من دون فايده بالعكس
يقلل من عمره شي واجد يعني تخيل كرونه مهيئة للدبل بسرعات بسيطه قد لا تفوق 100 كيلومتر بالساعه
فما بالك لو تمشي بالموتر سرعات عالية على مدى فترة طويل طبعا أكيد الدفرنس الأمامي يبي يُستهلك


طريقة العمل

طبعا الحركه اللي تكون بالدفرنس الأمامي في حال إن الموتر وكاله (بدون فرار)
عند المشي العادي (بدون دبل ) تقوم الكفرات الخلفيه بدفع السيارة مما يؤدي إلى حركة الكفرات الأمامية واللتي بدورها تؤدي إلى حركة التروس الموجوده داخل الدفرنس الأمامي (طبعا بدون فايده)
وعندما تشغل الدبل يكون العكس بحيث إن التروس تتحرك داخل الدفرنس الأمامي وتحرك الكفرات


أما بالنسبه لشغلة الفرارات
تكوم بفصل الكفرات الأمامية عن محور التروس الأمامي داخل الدفرنس بحيث إن الكفرات الأمامية لما تدور من خلال المشي العادي (بدون دبل) تدور بدون ما تحرك تروس الدفرنس الأمامي لأنها مفصوله عنه
وحتى لو تبي تشبك الدبل وأنت فاصل الفرارات (حاطهن على وضع 4×2) بتكون التروس داخل الدفرنس تدور
لكن لا تستطيع أن تحرك الكفرات لأن الكفرات مفصولة

طبعا فايدتهن لا تُنكَر شف الشيصان الفل يجي عليهن وكاله
وبالنسبه للباترول موجود بكتالوج السيارة شرح عنه على إن الموتر المفروض يكون فيه فرارات وكاله
لكن خبرك الوكلاء الحرامية

وبالنسبه لمكان البيع أنا شريتهن من عند السليماني فرارات برازيلية
مع التركيب بـ450 قبل سنتين
لكن الآن على كلام الشباب بـ550


أتمنى إني أفدتك ولو تبي تتأكد راجع كتلوج الوكاله وعلى فكره بالكتلوج إسمه يختلف وكذلك الأوضاع على ما أذكر
فيه لوك وما ادري وش الثانيه



دمت بود بالغالي...:d

[سوبر VTC]

ركب و انت مرتاح

ميزة الفرار
توقف عمود الدبل + الكارونة متوقفة + العكوس متوقفة :good2:
+ خف الموتر + قلة الصرفية نسبيا
الموتر يخف
لان عمود الدبل و الكارونة و العكوس متوقفة تماما

[سيف الظفير]

خبراء الجيب بالمنتدى كلهم تواجدوا للخدمة واعطوك الراي يا الذيب

توكل على الله وركبها ترا الجيب جديد ويستاهل

[عاشق الغضا]

أحبتي الكرام بغيت اركب فرارات لجيب سفاري 2009
أحد يقول ركب واحد يقول لا تركب
وانتم وش رايكم
والله يالحبيب اني ماانصحك بالتركيب وموترك جديد 2009 الااذا كان فيه حره بالعمود لكن انصحك ان بقى الموتر معك ثلاث سنين او اربع وكنت من الاحياء ان شاءالله ركب

[sohil100]

شكرا لكم على الرد والافادة لكن يا جماعة حيرتوني
فآخر ردين
واحد يقول

خبراء الجيب بالمنتدى كلهم تواجدوا للخدمة واعطوك الراي يا الذيب

توكل على الله وركبها ترا الجيب جديد ويستاهل

والي بعده يقول

والله يالحبيب اني ماانصحك بالتركيب وموترك جديد 2009 الااذا كان فيه حره بالعمود لكن انصحك ان بقى الموتر معك ثلاث سنين او اربع وكنت من الاحياء ان شاءالله ركب

[قناص خلاوي]

من تجربه مانصح بتركيبها الا اذا كان العمود فيه رجه أو عره
واذا ركبت لا تنسى تحط حقات الوكالة معك
لان الفرارات يفرطن خصوصا مع النتل أو الجور وأحيانا مع المطاعس الخفيف
فرطن معنا بثلاث سيارات لاند و باترول فيهن فرارات الغرابي وفيهن وكالة

[محسن اليامي]

أنا مركبه على 2003 والله اني أحس بالفرق

[صقرالبيداء]

طيب ياجماعة الخير

هل يكفي تركيب جهه واحد فقط

ولا لازم تركيب فرار للجهتين

[VTC-209]

من تجربه مانصح بتركيبها الا اذا كان العمود فيه رجه أو عره
واذا ركبت لا تنسى تحط حقات الوكالة معك
لان الفرارات يفرطن خصوصا مع النتل أو الجور وأحيانا مع المطاعس الخفيف
فرطن معنا بثلاث سيارات لاند و باترول فيهن فرارات الغرابي وفيهن وكالة
انا مع قناص خلاوي
ولازم تشييك عليهن كل ثلاث شهور او ست شهور
تشحمهن وتتأكد من سلامة الصوفة هي سليمة او لا
وانصحك تركب فرارات كهرب اللي تشتغل اذا عشقت الدبل واذا فصلت الدبل فصلنه معه
اذا حصلتهن ولااعتقد تحصلهن بسهولة..

[sohil100]

انا مع قناص خلاوي
ولازم تشييك عليهن كل ثلاث شهور او ست شهور
تشحمهن وتتأكد من سلامة الصوفة هي سليمة او لا
وانصحك تركب فرارات كهرب اللي تشتغل اذا عشقت الدبل واذا فصلت الدبل فصلنه معه
اذا حصلتهن ولااعتقد تحصلهن بسهولة..

واين احصل يالغالي فرارات الكهرب
وهل تجي فرارات الكهرب أنواع : وكالة - برازيلي ...

[عشق البر]

اخوي اذا انت راعي خطوط وموترك تماتيك
ركب ولا تشاور احد صدقني بالخط راح تلاحظ الفرق بالصرفيه وخفة الموتر
اما بالديره مافيه فرق يذكر
تقبل مروري

[ابو خالد 1992]

توكل على الله وركب اقل الاحوال تطول من عمر الدفرنس الامامي

[سوبر VTC]

طيب ياجماعة الخير

هل يكفي تركيب جهه واحد فقط

ولا لازم تركيب فرار للجهتين


جهة واحدة تكفي
طبعا تتوقف الكارونة + عمود الدبل
لكن
الجهة الاخرى يدور العكس + ديشالي الكارونة لنفس الجهة
يعني الكارونة و العمود متوقف

الافضل تركب جهتين :good:

[صقرالبيداء]

الله يعافيك اخوي سوبر VTC

ولا تنسون سؤالي ياجماعه على الرابط

http://www.mekshat.com/vb/showthread.php?t=273626

تراني دخت مالقيت جواب ؟؟؟!!!!

[ذgggق]

وين القى الفرارات يإخوان

[مقلع الرمث]

انا عندي حقات 98 ركبتها شهر وفكيتها هل تركب على الفتك 2004 ؟

[LANDCRUISER40]

طيب الشاص يركبن عليه 2009 ؟

[مجنون باترول4800]

طيب الشاص يركبن عليه 2009 ؟

اية يركبن وموجودات عند السليماني بالرياض

[LANDCRUISER40]

اية يركبن وموجودات عند السليماني بالرياض
جزاك الله خير

[التعـ King ـديل]

قبل تفكر تركب او لا

اعرف فوائد الفرارات
1/ توفير استهلاك البنزين لانها توقف دوران عمود الدبل
2/ تحافظ على عمود الدبل مثل الجديد لانه يدور بوش مع السياره
3/ بتلاحظ فرق بالنشاط

وفي الختام اقولك ركب وتوكل على الله اذا مانفعت ماتضر

[العذال]

توكل علي اللة وركبها مركبها لي سنة ونص فرارات تماتيك عند سعودي والحمدللة من افضل شي للسيارة السيارة 2007 باترول سوبر

[ذgggق]

^


صباح الخير ومبارك عليكم الشهر


اخوي وين لقيت الفرارات التماتيك

[خالد ...]

توكل علي اللة وركبها مركبها لي سنة ونص فرارات تماتيك عند سعودي والحمدللة من افضل شي للسيارة السيارة 2007 باترول سوبر


ما شاء الله

اخوي العذال وين ركبتها في اي محل وكم رقمه والتكلفه

[ثلج]

كان معي سوبر سفاري خليجي ....فرق معي واجد بعد ماركبت له فرارات اصليه بسعر1250 ريال واهم شيئ راحة السيارة وخفة الملف وانخفاض استهلاك الوقود...توكل على الله وركب...

[العذال]

المحل صناعية الدائري الشرقي بعد اذن الادارة ورشة الشنيفي رقم 0500117060واللة يوفق الجميع