روضة أبو حيد بوادي برك ~ جنوب حوطة بني تميم ..

[راصد الحوطة]

بعدالسلام عليكم ورحمة الله وبركاته

نقل لي أحد الإخوة هذه الصور لروضة ( أبو حيد ) بوادي برك جنوب حوطة بني تميم
ولكنني في باديء الأمر لم أصدقه وضننت أنها قبل أعوام
ولكن بعد التدقيق وجدت أنه صادق فيما يقول

ولن أكثر من الكلام كالموضوع السابق :D
وهاكم الصورة

http://www.anageed.com/upload/uploads/474632b78c.jpg


http://www.anageed.com/upload/uploads/11ccaa0040.jpg


http://www.anageed.com/upload/uploads/2a70a35eeb.jpg


http://www.anageed.com/upload/uploads/0f5ebb56e6.jpg


http://www.anageed.com/upload/uploads/bb903bdd8a.jpg

[أبو جاسر؟]

الوصف لا هنت ..

أبيك توصف من الحوطة .

[جفيل]

ماشاء الله

ربيع طيب .. في ارض اهل الطيب والشجاعه احفاد مضر

وياليت الوصف اوالأحداثيه .. ودي اشقر على هاك الديار منها نزور عيال العم ومنها نستمتع بالربيع

يعطيك العافيه ياخوي

[راصد الحوطة]

هذي الله يسلمكم
بالقرب من مزارع الشيخ علي أبو حيد
ما أتوقع إن أي أحد يدخلها لأنها في أرض ملك :)

[ابورايف]

لاهنت لاهنت رحلة موفقة وصور رائعة ومميزة
وتقبل مروري

[فيض العطاء]

وعليكم السلام ورحمة الله وبركاته
ماشاء الله تبارك الله
مناظر رائعه بيض الله وجهك
تقبل تحياتي

[رحال طويق]

ما شاء الله تبارك الله أثر الربيع حولنا وأنا من أسبوعين ما غير مطارق في الصمان

[محمد الصرير]

ما شاء الله تبارك الله
وزين يوم إنها محمية




وصل اللهم على سيدنا محمد وعلى آله وصحبه وسلم أجمعين . ودمتم سالمين

[سعود محمد]

هذي دخل المزرعه وبعدين شف الرشاش المحوري في الصوروة

[هواي البر فهد]

ماشاء الله تبارك الله
الله يعطيك العافيه يــــاذيب
وتسلم يمناك على صور

[مروي الظامي]

ماشاء الله تبارك الله
صور تسر العين وتشرح الخاطر
بيض الله وجهك وماقصرت
انا اشهد ان الحمايه زينه واقولها من شي شفته هالسنه
فرق واجد بين الاراضي المحمية وغيرها في الربيع والفقع وغيره
تقبل مروري

[ابن دهيمان]

مشكور ..
ماشاء الله ,, تبارك الله..

[أخت مبارك]

ماشاء الله الصور تجنن تسلم اخوي على الموضوع والمجهود الحلو

[بن محفوظ]

اخوي الله يبارك فيك على النقل


لكن وش نوع الربيع هذا ؟؟

لاهنت وبارك الله فيك

[ناصر البداح]

بارك الله فيك وماقصرت

[المخلفي]

ماشاء الله ربيع طيب الله يبارك فيك

[من أهل الحوطه]

ماشاء الله تبارك الله انا رحت لها اليوم العصر ماصبرت وحصلتها
وتقهويت الشاهى فيهاوريحت النفل تلا قينى مع ان الجوماساعدنى وبرجع مره ثانيه لها

[القنـاص2008]

ماشاءالله روضة جميلة بيض الله وجهك

[محمد506]

الله يعطيك العافيه

[VXR.2007]

الله يعطيك الف عافية

[مجنون باترول4800]

بيض االله وجهك ما قصرات

[أبو إبراهيم !!]

عافك الله على ها التقرير الرااااااااااائع
الف شكر لك ،،

[صقرحايل]

مشاء الله تبارك الله
رحلة موفقة وتقريررائع
وشكر لك

[مقناص 20]

بارك الله فيك
صور الربيع جدا روعه شي فظيع
جزاك الله خير الي امتعتنا بالصور
الف شكر لك
وتقبل تحياتي وتقديري

[ابومحيميد]

تسني اشوف محوري يمين الكامري خخخخخخ

يعطيك العافية يالغالي صورة رائعة



http://www.anageed.com/upload/uploads/bb903bdd8a.jpg

[عشانا]

اعتقد انها مزرعة جرجير

[abto93]

ماشاء الله تبارك الله
ربيع طيب
في ملك خاص لرجل الاعمال المعروف
علي ابوحيد

بارك الله فيك اخوي

[عاشق بوضه]

الله يعطيك الف عافيه
على النقل المتمز

[مرفــأ]

ما شاء الله تبارك الله

ربيع جميل ومميز

[المصطفق]

مشاء الله اخوي عليك
بس انا سمعت ان الشيخ ابو حيد يشغل على الارض رشاش الماء
والله الموفق

تقبل مروري

[همايل برديه]

ربيع طيب وماشاء الله روضه تسر الناظرين لكن يااخوي ابغاك تتأكد هو ربيع السنه هاذي او العام لان السنه هاذي الرياض وجنوب الرياض جفاف عظيم الارض ميته الامطار السنه هاذي تركزت شمال المملكه

[المغيض]

مشاء الله تبارك الله والله يعطيك العافيه على هذا التقرير....
تقبل مروري

[النادر 9]

لاهنت رحلة موفقة وصور رائعة ومميزة

[عبدالله آل بريك]

مساء الخير للجميع

اخي انا من سكان وادي برك

مدري من وين جبت الصوره منه الله يهديك تأكد في إى سنه

من قرابة 10 سنوات والمنطقه قحط في قحط

الله يرحمنا برحمته

السنه هذي والماضيه لم يأتي سيل إلا مره واحده وتمركز على جنوب برك
ثم راح الخيال جنوب يم شطاب

لكن انا لا أكذب موضوعك

ربما تكون الصور في احد اطراف الرشاشات يمكن يكون جائز

والصوره واضحه

تقبل مروري وشكراً

!!!!

[ابشرو بالسيل]

انا كذللك من برك واعتقد ان الصوره من اطراف الرشاش المزروع فيه القمح او البرسيم
وبالمناسبه سكان اهل برك من الدواسر آل بريك والشكره وفي اسفله مزارع لجيرانا صبيان تميم ومنها مزرعة ابو حيد

[مرقاش]

مساء الخير للجميع
هذا رشاش اذا جاء الوسمي يشغل علية من قبل اهل المزرعة كل سنة وكل سنة يجي احلى من السنة الى قبلها وممنوع الرعي حتى من قبل اهل المزرعة
اخوكم من اهل المزرعة

[الرحا ل]

ما شاء الله بس ليه راز الكامريhttp://www.anageed.com/upload/uploads/bb903bdd8a.jpg

[راعي الصطحه]

يعطيك العااافيه ونتظر القااادم

[النجم الهاوي]

http://www.anageed.com/upload/uploads/bb903bdd8a.jpg

كني اشوف رشاش مزرعه خلف شنطه الكامري

الله يعطيك الف عافيه على النقل

[بن رمال]

شكرااااااا

[بيبابيبا]

ماشاالله عليك طلعه ولا احلا
ربيعن طيب

[سفير الحلوة]

مشكور اخوي على الصور الرائعه

وهذي داخل مزرعة ابوحيد واكيد انه يشغل عليها الرشاش المحوري

لان المنطقه المذكوره من مده ماجاها سيل