صور من البومي لرحله الدهناء والصمان.. [الأرشيف]

مشاهدة النسخة كاملة : صور من البومي لرحله الدهناء والصمان..

بــرق الشمال

31/01/2005, 04:54 AM

حبيت ان اطلعكم على بعض صور رحلتي للدهناء وآمن ان تحوز على اعجابكم..

هذي اول مادخلنا النفود وقابلنا جذع هالأرطى وقلت يلزمنا ولا وش رايكم..؟؟
http://www.mekshat.com/pix/upload/images6/mk5619_11..JPG

وهذي صوره حوارين وحنا قاطعين الدهناء شوفو وش ملحهن..
http://www.mekshat.com/pix/upload/images6/mk5619_12.JPG
وهذي بعد ماغابت الشمس وشبينا النار وحوله الحليب والقهوه والشاهي..(ياللي تقرى ابعد افمك عن لوحه المفاتيح مليته سعابيل :p
http://www.mekshat.com/pix/upload/images6/mk5619_13.JPG
وهذي صورتي وانا حول النار وشوفو جذع هالسمر وش كبره طبعا شبينا هالجذع الساعه 5,30 مساء ولا جمر الى الساعه 2,15 ليلا(صباحا)لاومفوحين بريق الشاهي عليه الصبح

http://www.mekshat.com/pix/upload/images6/mk5619_14.JPG

وهذي صره للجلسه من جهه أخرى طبعا الكشته كانت مقتصره علي انا وخويي ابوصالح
http://www.mekshat.com/pix/upload/images6/mk5619_15.JPG
بس الحين الصوره شكل ثاني هذي صوره لعشانا ثاني ليله (طبعا اللحمه من باقي ذبيحتنا)لاتقول ضحيه..؟؟ ;)
http://www.mekshat.com/pix/upload/images6/mk5619_16.JPG
وهذي صوره ابوريااااح موتري (على باله اسم الدلع حق موتره).. :rolleyes:
http://www.mekshat.com/pix/upload/images6/mk5619_17.JPG

ولكم خلاصه الرحله:
كانت مده الرحله 5 أيام انا وصاحبي فقط ولكن واجهنا اثنين من الاصدقاء بالصدفه في الآيكوم ومضو معنا ليله تقريبا. طبعا تم الانطلاق من مدينه الرياض الى الدهناء(عرق الحمراني-وعرق الكناسيه)بعدها توجهنا الى الصمان
(فيضه ام دغيم وام قرين)وكان فيه ربيع لابأس به وارتفاعه 1 سم عن مستوى الارض ولكن للأسف كانت ذاكره الكمره ممتلئه بسبب كثرة تصويرنا الفديو والذي سوف اضيفه فيما بعد وموجود فيه بعض الربيع على العموم كان اول يوم في العيدوحنا في الدهناء ممتع وثاني يوم عجاج للأسف بعها هطلت علينا امطار استغرقت يوم تقريبا.وكان مستوى الماء في بعض الفياض لابأس به..
هذا مااحببت ان اضيفه ولكم جزيل الشكر..

كشات

31/01/2005, 05:29 AM

بسم الله

الاخ الغالي برق الشمال

كثر الله خيرك ياغالي
صور حلوه وحطب زييييييييين
وشوي لحم بعد هذا اللي قوطر سعابيلي

وياخساره ليتك مصور لنا المناطق الباقي

ومن باب الميانه( وش نبي بالفيديو والا لازم نسمع صوتك وانت تعلق) :p

الله لايهينك نزل كل الصور والملفات بجهازك وفض الذاكره وارجع صور لنا من جديد
ماشاء الله وش يبي يردك
موتر اللهم بارك وشباب ونشاط
والدوام لاحقين عليه :hot:

عاشق ريم

31/01/2005, 05:47 AM

أخوي برق الشمال

يعطيك الف عافيه على الصور ورحله موفقه انشاءالله

معمرها

31/01/2005, 06:00 AM

......)(بسم الله الرحمن الرحيم)(........

.............)(السلام عليكم ورحمة الله وبركاته )(.............

ــــــــ:: يعطيك ألف عافيه اخــي

(((( بــرق الشمال ))))

على الصور

شـــكـــراُ

4X4

31/01/2005, 10:07 AM

مشكور على هالصور الحلوه.....

المراكي وينك جايبها منه ....اول مره اشوفها.

تحياتي

شاهد عيان

31/01/2005, 10:40 AM

ما شاء الله صور رائعة جداً ...

وياليت لو عندك المزيد ( واحد طماع )

بس !

هناك ملاحظة آمل أن تتقبلها بصدر رحب !

لي ملاحظة وهي على الصورة الأولى ... أشوف إنكم قلعتوا جذع الأرطى بالواير !

وهذه الطريقة خاطئة لتجميع الحطب ...

لأن الواير يقلع النبته مع عروقها وتسبب عدم نباته مرة أخرى .

لذا آمل عدم اللجوء لهذه الطريقة والإكتفاء بتجميع الحطب اليابس إذا أمكن ...

تحياتي

ربيق

31/01/2005, 10:42 AM

الله يعطيكم العافية
.
ما كثرت الصور أخوي
.
أتحفنا بجديدك يا راعي أبو رياح

تالي الاولين*

31/01/2005, 02:03 PM

.

يعطيك العافية اخوي بــرق الشمال

صور رائعة خاصة صورة

الاصياخ

عليكم بالعافية و ماشاء الله

عشان ماتقول تالي الاولين نضلنا

.

رسلان

31/01/2005, 03:03 PM

رحلة موفقة أخوي : برق الشمال ...
وسلملي على خويك أبو صالح ...

عافاك الله .. ونحن بانتظار صور الربيع إذا موجوده ...
تقبل تحيات ،،،

نواف 100

31/01/2005, 04:53 PM

بــرق الشمال

31/01/2005, 05:08 PM

الأخ:كشات وخيرك اخوي وابشر بس ودك تسمع صوتي دق على جوالي الله لايهينك وأسولف معك ساعه. :cool: وابشر بكل ماهو جديد ومثير عندي وشكرا لك على مرورك.
الأخ:عاشق الريم الله يعافيك ويوفقك شكرا لك.
الأخ:معمرها مشووور اخوي على مرورك.
الأخ:4X4 حياك الله اخوي وبالنسبه للمراكي في مدينه بريده عند محل اسمه عروق الشمال بالقرب من الأماره الجديده.
الأخ:شاهد عيان بارك الله فيك اخوي وشكرا لملحوظتك الرائعه وبأمكان اعتبارها غلطه ولكن ابشر ماعاد نسويها
لأنه يعتبر من الحفاظ على البيئه خصوصا انه يوجد حل بديل.اكرر شكري لك اخوي شاهد عيان.
الأخ:RBIG ياهلابك اخوي تقول ماكثرت الصور منب ذاخر شي عنكم وعن هالموقع الرائع وانا اخوك وابشر بكل ماهو عندي من جديد وقديم.يعطيك العافيه على مرورك وماقصرت.
الأخ:تالي الاولين الله يعافيك بس اشوفك مامدحت الى صوره الأصياخ(الشوي)شكلك وانت تقراها جوعان. :)
مشكووووووووووووور على مرورك وتعليقك وترى اذا جانا شي مانعرف الى انت. :what:
الأخ:رسلان الله يوفقك اخوي ويعطيك العافيه وابشر بالجاي ان شاء الله.

ابو عزووز

01/02/2005, 06:47 PM

مشكووووووووور اخوي برق الشمال
وما تقصر
اخوك ابو عزووز :)

بــرق الشمال

03/02/2005, 07:22 AM

ياهلا وغلا بالأخ ابوعزووز الشكر لك كل الشكر على مرورك وتعليقك.

بـلـيـهـان

13/02/2005, 02:41 PM

ماشاء الله تبارك الله

رحلة موفقه وصور رائعه يابرق

بس تدري عاد ان ازين شي برحلتكم هالرواق اللي معكم :cool:

بعدين كم انت حاط بكفرات ابو رياااح ولا مامعكم عيار ؟؟

وهالجذع ماشاء الله تقل اشوف ضرب الفاس مبينن عليه

مشكور يابو ريااااح :j

بــرق الشمال

13/02/2005, 02:53 PM

ياهلا ومرحبا اخوووي بليهان(من طول الغيبات جاب الغنايم)وينك كل هالمده الله يآخذ بليسك...وبعدين وشلون
يجيلك قلب تقطع مكشات كل هالمده..لاعاد تعوده وانا اخوك :no2:
وبالنسبه للفاس والرواق والعيار...كنك معنا يابليهان تخبر عشره انا واياهن وبكل كشته معي حتى لو مااستخدمهن
مااقوى افارق ولا بعضهن غير انهن ضروريات بالكشته..
وابورياح لاتخاف عليه..نسمت ولامانسمت(ماشاء الله تبارك الله)..
شكرا لك اخوي بليهان على مرورك وتعليقك يالغالي..ومثل ماقلنا لاعاد تقطع..