المساعد الشخصي الرقمي

مشاهدة النسخة كاملة : شفروليت ( سلفرادو ) 2010 غمارتين ( رأيكم بسرررررررررعة ) !! يوجد صور !!


LUTF
27/02/2010, 03:06 PM
السلام عليكم



أتمنى تفيدونني بأسرع وقت


أنا نويت أشتري ( سلفرادو ) 2010


لأني أفضلها على الونيت والنافارا من ناحية :


1/ القير الأتوماتيك
2/ الراحة
3/ كبر الحوض



دفع خلفي


بدون دبل

أبواب وقزاز تماتيك


6 سلندر


ماكينة 4.3


س / وش أفضل 6 سلندر او 8 سلندر ؟؟؟ ولماذا ؟؟





قيمتها 83 ألف


غمارتين



أقل نوع



مثل هذا النوع



وش رايكم تكفوووووووووووووووووووووووووووووووووووووووووووون



مثل هذه بالظبط



http://images.cars.com/supersized/DMI/99291/7021.jpg



http://images.cars.com/supersized/DMI/99291/7021.02.jpg



http://images.cars.com/supersized/DMI/99291/7021.13.jpg



أنا راعي سفرات خاصة في الصيف للجنوب


ومحتاجها لتحميل



وش تنصحوني




وشكراً
سرهيد
27/02/2010, 03:10 PM
السلام عليكم

هلا بك طال عمرك

انا عندي جمس سييرا 2009 z71 غمارتين

والحقيقة انا الآن استخدمة ومرتاح معه من حيث التنقل صحيح كبير شوي بس ما تضايقت منه

في الخط ما يحتاج مريح ، وبالعائلة وما شفت اي ارهاق ..

لكن مسألة الفرق بين 6 و 8 يفيدك راعي الخبرة مع ان اشوف 8 اريح لك من حيث صوت المكينة

ما شاء الله قيمته رخيصة

هل جديد والا مستخدم طال عمرك

تقبل مودتي
LUTF
27/02/2010, 03:15 PM
السلام عليكم

هلا بك طال عمرك

انا عندي جمس سييرا 2009 z71 غمارتين

والحقيقة انا الآن استخدمة ومرتاح معه من حيث التنقل صحيح كبير شوي بس ما تضايقت منه

في الخط ما يحتاج مريح ، وبالعائلة وما شفت اي ارهاق ..

لكن مسألة الفرق بين 6 و 8 يفيدك راعي الخبرة مع ان اشوف 8 اريح لك من حيث صوت المكينة

ما شاء الله قيمته رخيصة

هل جديد والا مستخدم طال عمرك

تقبل مودتي


هو جديد من وكالة بالبيد

بس وش تقصد بصوت مكينة الـ 6 سلندر وهل هو عيب في السياراة ؟؟
أبوالمثنى
27/02/2010, 03:18 PM
والله يالغالي الحوض الامريكي السته سلندر ما يمدحونه

زود قروشك شوي واشتر 8 سلندر

ولا اشتر 2009 متسخدم 8 ودبل برضه

الله يرزقك الموتر الي في بالك
الركن الهادي
27/02/2010, 03:20 PM
اتوقع ان ثمانيه اسرندل يكون افضل لامن ناحيت الصوت والقوه
وأنت ابخص...............
LUTF
27/02/2010, 03:21 PM
والله يالغالي الحوض الامريكي السته سلندر ما يمدحونه

زود قروشك شوي واشتر 8 سلندر

ولا اشتر 2009 متسخدم 8 ودبل برضه

الله يرزقك الموتر الي في بالك


من ناحية وشو ؟ العزم يعني ؟ ولا خلل في الصنع ؟ ولا ثقل في السيارة ؟


وتسلم يالغالي
LUTF
27/02/2010, 03:32 PM
أتمنى من الجميع ابدا الراي بما يعرف
التعـ King ـديل
27/02/2010, 04:06 PM
لاتاخذ الا ثمانيه سلندر ودبل .. بكره تندم اذا شفت ربعك يغزون وانت موترك على الزفلت واقف

غير كذا لو جيت تبيع كلن بيعذربه لان مافيه دبل
hamido
27/02/2010, 04:43 PM
ثمانيه احسن من ناحيت كبر المكينه السته يالله تشيل عمره اما الثمانيه تزبنك وقصدهم صوت المكينه يعني الحنه وبعدين الثمانيه بالبيع افضل ومن ناحية قطع القيار اسهل للعثور لا بالتشليح ولا بالوكاله
لن أمل من العطاء
27/02/2010, 09:28 PM
على كلامك يا حبيبي
انك راعي سفريات وتحميل

عليك
مقاس 2500
دفع رباعي لكل الظروف ومهم عند اعادة البيع
محركه 6 ليتر
متوفره قطع غياره
قوي وينفع في الجنوب في الطلوع كأنك في طريق مستوي

لا تقرب من 6 سلندر

واخيرا
طالع في التوقيع يمكن تغير رأيك
الجندي2005
27/02/2010, 10:14 PM
ما قصروا الأخوان:

1ـ 8 سلندر
2 دبل
بدوي جنوبي
28/02/2010, 12:19 AM
خذ 8 سلندر يطرب راسك فى الازفلت والبر
6 سلندر انحش عنه

ولا تنسي الدبل

بالتوفيق
سوبر VTC
28/02/2010, 01:57 AM
نصيحة لك
8سلندر :good: => قوة + قلة صرفية :good:
المكينة مرتاحة و ما تحن :good:
له زبون عند البيع
المميـز
28/02/2010, 03:20 AM
الـ 8 سلندر افضل

لأنه أقوى وأخف وخاصه الطرق في الجنوب تحتاج إلى قوة قير ومكينه

وانت تبيه للتحميل ... يعني غير الـ 8 سلندر لاتدور

وعليك بالدبــــل

والسلفرادو غني عن التعريف

وعليك بالاستخاره بعد الاستشاره
والله يكتب لك اللي فيه الخير
الوادعي 2008
28/02/2010, 04:38 AM
فالك التوفيق من رب العباد .. وياجعلك راعيه .. ويامدور للهينه ترى الكايده احلى .. ادفع الفرق وخذ اللي يطيب خاطرك دامك تبي وكاله ..
عرق رملان
28/02/2010, 09:02 AM
8 وانت مغمض ولا تفكر في 6
وان حصل دبل افضل لك ارغب في بيع السيارة في المستقبل
عبدالعزيز-1
28/02/2010, 09:51 AM
8 سلندر افضل بسبب :

1- كبر حجم المكينه وبذلك تكون اكثر قوه في التحميل والطلوع وايضا اكثر راحه.
2- مصروف البنزين معقول نسبيا مقارنة بحجم المكينه.
3- الدفرنس في مكينة 6 لتر اكبر واقوى في حالة التحميل او الجر والسحب.
4- صوت المكينه اقل من 6 سلندر.
5- مرغوب عند البيع اكثر من 6 سلندر.
سيف الظفير
28/02/2010, 10:17 AM
8 سلندر + دبل + فئه 2500 = هذا الجمس الحقيقي


لا تبعد عن هالثلاثة تراني مجربها وغيرك وااااجد نصيحة لوجه الله
الربذي
28/02/2010, 11:04 AM
وعليكم السلام زين استشرت
الافضل 8 سلندر

ودبل افضل من كل ناحية...
اما سته وبدون دبل اشوفه ناقص كثيييييييييييييييييييييييييييير
ahmad_ang
19/10/2010, 02:36 AM
الـ 8 سلندر افضل
أبو نوآف
19/10/2010, 03:51 AM
شكرا لك على الموضوع القيم

وبارك الله فيك أخي الكريم
كم كيلو باقي
19/10/2010, 07:28 AM
انصحك بـ 2500 دبل مع انه يحتاج مهارة بالسواقه داخل المدينة .. بس شوي وتتعود عليه

دفرنساته اقوى.. وقيره 6 تعشيقات ومكينته 6000 لتر

الـ 6 سرندل جربه ابن عمي ومايمدحون عزمه ابد خصوصا بالطلعات