المساعد الشخصي الرقمي

مشاهدة النسخة كاملة : جيب باترول 98 صالون



عود ازرق
27/02/2010, 03:50 PM
السلام عليكم ورحمة الله وبركاته..
مساء / صباح الخير.
يا اخوان انا بغيت استشيركم وابي رايكم بكل أمانه:

معروض علي جيب نيسان صالون موديل 98 اللون زيتي مع ذهبي
العداد مفصول على 38000
يقول راعيه ان باب السائق فيه سمكره فقط وباقي الموتر سليم
الكبوت بويته باهته من الشمس
مراتبه نظيفه
المسجل فيه اثنين من ازراره مفقودات أو مكسورات الله اعلم
محركاته يقول على الفحص
كفراته شبه جديده
الموتر بشكل عام حليل يعني حالته وسط ..
بـ 50000 الف ريال
مقابل اني اعطيه :
فورد فيكتوريا 2001 بـ 20000 الف ريال + 10000 كاش + 20000 تقسيط
كل شهر 1000 ريال
موتري الفورد حالته ماهي ذاك الزود يعني وسط ..
عاد بغيت استشيركم يالنشاما..
واذا بعد عندكم انظف واطيب من الجيب اللي معروض علي فانا بانتظار
ردودكم الطيبة..

على طاري ترا يالربع انا اباستخدم يعني حركات الشريطية و دحاويسهم
ما اعرف لها..


بعد التعديل:
القير عادي ..

aljthab
27/02/2010, 04:12 PM
اخوي معليش مايبي لها حسبة
ومايبي لها شور بصراحة
اذا هو مقتنع ان سيارتك ب20 وتبي تعطية عشرة الاف
وش بقى من قيمة موترة !!!!!
وانت اساسا وشلون اقتنعت
مابقي شي يالغالي على قيمتة على ذكرك لسيارة ب37 وتخب علية
يعني تبي تقسط 7000 بس تقوم تدفع عشرين الف!!!
صراحة ماشوف بالعرض اي اغراء

وانت بالخيار

aooa
27/02/2010, 04:22 PM
اهم شيء يكون الباترول نظيف ويكون فل كامل .. خلنا نقول ان هذا الموتر اذا كان نظيف 38 الف ريال وعلشان ان القيمه بعضها اقساط واصلا قيمه موتر ما تتعدى 15 الف

فبكذا يكون الموتر زايده قيمته عليك 7 الاف ريال ...

مثل ما قلت لك افحص الموتر وتاكد انه نظيف ..

عود ازرق
27/02/2010, 05:02 PM
الله يعطيكم العافية.. ماقصرتم..
لكن نسيت اقولكم ان الرجال يقول ان موتره مسيوم بـ42الف
وهو حاده بـ45ألف
عشان كذا حسبه علي بـ50الف ..
وانا بصراحه احس انه مغليه..
الموتر ماهو فل كامل..

سحاب 10
27/02/2010, 05:29 PM
اخوي كاشت بقوه عندي وجهه نظر اتمنى تتقبلها وحسبه بسيطه

موترك يسوى 18 الف + تزوده 10 الاف كاش = 28 سعراللي بتعطيه

موتره ماهو فل :mad: ومسمكر الباب والكبوت يبي رشه يسوى 35 الف بالكثير

يعني اللي باقي عليك 7 وكيف تبي تقسط 20 الف كثيره جدا ؟؟؟؟؟

وترا موترك احتمال يجيب اكثر من 20 بحسب النظافه :good2:

اميرالصمت
27/02/2010, 07:18 PM
اخوي سعر الجيوب ينزل الوقت هذا

يعني الموتر الي مسيوام قبل 3شهور 42 الحين مايجيب 36
نصيحتي لك بع موترك وطب السوق معك من35الى 38 وتاخذ موتر على نظرك

بندوري666
27/02/2010, 07:32 PM
اخوي سعر الجيوب ينزل الوقت هذا

يعني الموتر الي مسيوام قبل 3شهور 42 الحين مايجيب 36
نصيحتي لك بع موترك وطب السوق معك من35الى 38 وتاخذ موتر على نظرك



اعطاك الزبدة وبالتوفيق

سفاري959
28/02/2010, 07:17 PM
رايي الشخصي موتره غالي بالسعر هذا عند واحد سوبر سفاري 98 فل ممشاه اقل من300000 بكثير على خبري حاده 48000 ونظيف اذا لك نظر راسلني على الخاص واشوفلك الموضوع الله يرزقك

عود ازرق
28/02/2010, 09:03 PM
aljthab
aooa
سحاب 10
اميرالصمت
بندوري666

بيض الله وجيهكم ماقصرتم..
يبدو أنني صرفت النظر عن البيعه والخيره فيما اختاره الله..

سفاري959
بيض الله وجهك.. لك رسالة على الخاص..

NissaN 1990
01/03/2010, 08:55 AM
aljthab

aooa
سحاب 10
اميرالصمت
بندوري666


بيض الله وجيهكم ماقصرتم..
يبدو أنني صرفت النظر عن البيعه والخيره فيما اختاره الله..


سفاري959
بيض الله وجهك.. لك رسالة على الخاص..



أحسن ماسويت لأنك مغلوب كثير ،،،،

الربذي
01/03/2010, 09:02 AM
وعليكم السلام

اخوي سعره ترا مايتجاوز 38 وذا رشيت الكبوت ينزل كثير يمكن 37 اذا سوبر سفاري

اما اذا بدون فتحه وبدون ثلاجه وبدون مثبت ودفلك سعره 35وتحت

وللعلم ترا النظيف من السوبر سفاري يوصل 48الى50

دنقوش
06/03/2010, 01:48 PM
الله يرزقك البيعه الطيبه