ابـــــــــــــي كـــــــفــــــــــــــــــرات

[وين يبون بنا]

السلام عليكم ورحمة الله ..

كل عام وانتم بخير وعيدكم مبارك ..

باختصار ابي كفرات للـ VXR تكون كبيرة شوي بس بشرط ماتكون بالون .. يعني اكبر من الدنلوب حق شد بلده .. مع العلم انه جنط 16 .. ياليت اللي عنده خبر يفيدني .. وشكرا ..

[وين يبون بنا]

:( :( :( :( :( :(

[طارق الحربي]

انت شف الارقام اللي مكتوبه على الكفر وابشر بعزك

[وين يبون بنا]

هلا وغلا اخوي طارق ..

وانا واخوك مافي بالي كفر معين ولا شفت شي غير البالون .. علشان كذا ودي الاخوان ولا تهون انت يفيدوني لو كان احد جرب والا شاف كفرات اكبر من شد بلاده بس ماتكون بالون وتكون جيده .. تحياتي لك وسلامتكم ..

[طارق الحربي]

المقصد وانا اخوك اني اعرف المقاس عشان ادور لك مقاس اكبر بالعرض يعني المسافه بين الجنط والارض عشان يكون مثل كبر البالون بس كفر عادي

[مطحن]

السلام عيكم ورحمة الله وبركاتنه

القديير GOODYEAR يجي منوه مقاسات ضخمه انا شفت على فرد F350 حوض كفرات مقاس 305/70/16 ولقيت بموقعهم 315/70/16. ابحاول ان شاء الله اجيب لك الموقع. بالنسبة لنوع الكفرات هو GOODYEAR Wrangler AT 315/70/16 الكفر هذا ضخم جدا لدرجة ان الرجال راعي الفرد مرهم للصدام قطع حتى يفتح مجال لحركة الكفر. والكفر هذا ما يعتبر من انواع البالون. المشكله فيه انه غالي بالحيل ..... الرجال اللي انا شفته على سيارته يقول جايبوه من دبي ومكلفه بحدود 400 ريال اذا ما خانتن الذاكره .......... رحت للوكيل اللي هو الراشد (فرعهم اللي قدام اسواق المجد مخرج 15 ) وعطيتهم المديل والمقاس وبعد فتره قالوا لي يبي يكلفك واصل الرياض بحدود 1200 ريال!!!!!!!! للكفر الواحد

الفرق المهول هذا ما ادري وش سببه ،،،،،، والمشكله ان وقته ما كنت اقدر اطلع لدبي اجيبهن من هناك ..... فتجاهلت الموضوع.

اتمنى اكون جبت لك معلومه تنفعك.
اخوك عبدالرحمن

[وين يبون بنا]

اخوي طارق .. انا مره شفت بالون يوكوهاما راكب على سفاري والظاهر ان مقاسه 265/90/16 بس اعلمك انه نقشه ناعمه مثل الشاهين او اردى شوي ..

أخوي مطحن .. اشكرك جزيل الشكر على ردك وبيض الله وجهك ..

ننتظر المزيد من المشاركات ..

[طارق الحربي]

265/90/16


حاول تركز على رقم 265 هذا

كل ماكبرته كل ما كبر الكفر

انا ابحاول ادور لك كفر كبير بس ماقلت لي وش تبي نوع؟

[وين يبون بنا]

هلا وغلا اخوي طارق .. وشكلي ازعجتك معي لكن تحملني ..

بخصوص النوع ابي شي زين ويكد مثل الميشلان وحوله يعني القاسي مره مايصلح مثل القوديير ومطباته قاسيه .. والله يعطيك العافيه ..

[طارق الحربي]

طيب جرب الدنلوب
كفرات حلوه وناعمه

[عريدان]

السلام عليكم ورحمة الله
أرجو أن تعطينا المقاس المطلوب والدعسة التي ترغبها هل تكون ناعمة أم وعره وهنا مقاس من المشلان كبير شوي يعني رفيع بدون عرض زياده.

[وين يبون بنا]

هلا اخوي عريدان ..
اشكرك على اهتمامك .. ومثل ماذكرت للاخ طارق مرة شفت بالون 265/90/16 والصراحة اني فكيت معه .. بس مشكلته انه بالون .. النقشه ودي تكون وسط تصلح لزفلت وبر ..

وسلامتكم كلكم ..

[شاص]

الهانكوك عندهم موديل بنفس حجم البالون وقريب من شكلها لكن يسمونه رملي حجري مركبه واحد من الشباب ويمدحه

[شايب الصمان]

المشلان الفرنسي ممتاز بالحيل ولين وبر وديره