أبغى شي يقوي فزة الفتك

[SE.3500]

سلام عليكم ورحمة الله وبركاته
يا شباب عندي فتك 2009 تماتيك
أبغى شي يخلي فزة(قومة) الموتر قوية من أول دعسة
وش الخيارات المطروحة والمجربة
وما أبغى شي يخرب السيارة
شاكر لكم تفاعلكم
س:فيه واحد يقول فر الديلكو من جرب وهل هو يخرب الموتر؟

[كيري ميري]

فرة الديلكو ينشطه . ولا يضر .


* اذا بغيتوه يصير انواع النشاط : غير الكوارين حقاته ....ركب حقات قير عادي .

[SHA9]

مشكوور اخوي ..

لاهنت .

[S4500]

اخوي الدلكو وظيفتة توزيع الكهرب على السيارة

اخوي رح للورشة وقلهم يسون لك وزنية دلكو بجهاز خاص فية وراح يفرق العزم

انشاء الله

مع العلم انة ما يخرب سيارة بالعكس ممكن تخف صرفية البنزين

s4500

[من البدائع]

قد يكون سؤالي غريب

وش المقصود بالفتك؟؟

[الثويرات]

هو وضيفته نفس وضيفة الديلوكو يعطي الكمبيوتر اشارة والكمبيوتر يعطي اشارة الى الكويل باعطاء البوجي شراره

لاكن اذا فريته وزت الفره رايح يلقلق الموتر لاكن فره شعره وحدة واقولك كيف.

حل المسامير مقاس 12 بس حل.
خل شخص ثاني يشغل السيارة وانتظر 10 ثواني ثم فره شعره شعره لاحسيت ان صوت المكينه زاد شوي قل لصاحبك طف الموتر وانت ماسكه وبعديت شد المسمار بيد واليد الثانيه خل ماسك الدلكو زي ماقلت وشد المسامير بس تاكد انه لم يتحرك وانت تربط وبذالك شغل الموتر وحط رجلك.
بس انتبه من المروحه لاتظرب ايدك

[asdali]

الله يعينك اخوي 2009 وكويل عادي !! اغلب السيارات الحين اكتروني لو تقطع نص مليون كم مايضعف عزمها ولا يحتاج وزن .. غريب امر الفتك .

اشوف تخلي الموتر مثل ماهو ولا تعبث به وان كان تشوف به ضعف راجع الوكالة احسن.

[شمالات نجد]

نصيحه لا تتعبث في الموتر

وإن كانك غاوي فزات خذ لك قير عادي

سلام

[ابو انس111]

قد يكون سؤالي غريب

وش المقصود بالفتك؟؟
الباترول 4800
يعني من موديل 2002 وطالع
تحياتي لك

[أبو محمد2010]

نصيحة اذا تبي الموتر يعيش معك خل عنك هالأمور..

[سيف الظفير]

العيب في الجيب نفسه


التماتيك في الفتك فاااشل العادي هو اللي عليه العلم

وفر الديلكو يمكن يتغير عليك

[عمر المختار]

هلا اخوي ركب جهاز اسمه مني شب هو عباره عن كمبيوتر بشاشه صغيره تتحكم بنفسك بكميه البترول والهواء والكهرباء لدي المحرك في اي وقت انتى تحتاجه اوتخليه طبيعي ومايضر المحرك وانشاء الله بحاول انزل صورته وانا استخدمته من قبل شكراا

[جهام القصيم]

خل عنك الخرابيط تبي عزم خذ لك باترول من 90 الى 97 او ركب علية مكينة كابرس يصير(اسرع من الطيارة) او خذ باترول 2010 400حصان حول الطيارة

[SE.3500]

الله يعطيكم العافية
وننتظر البقية من الخبراء

أنا أعتبرها متوسطة لكن من يوم يوصل السرعة 30 خلاص وخر عنه
أنا الي قلته أني أبغى أقوي فزته
ياليت يكون الكلام واضح

[محمدالعريني]

هبل بولد العم وش اخبارك وعلوم الفتك معك
وعندي لك نصيحه بس بتكلف شوي
1/ فرارات 550 ريال
2/ كمبيوتر هالتك وبرمجة الخضير في بريده يكلف فوق ال 5 الاف ثم يصير موترك طياره

[التعـ King ـديل]

اذا تبي الفرق غير الكرونه وركب كرونه قير عادي جربناها على فتك 2002 ينتف المواتر تنتيف

[محمدالعريني]

اخوي كنق التعديل
كارونة العادي ثقيله ومحشوره وا متنفع للقومه تنفع للنفود اما القومه والسرعه ما اذكر يوم من الايام راح علي فتك عادي دايم يلقط الذرى مع ان العادي يفصل 210 والتماتيك 200 مع العلم كل المواتر بدون تعديل شد بلد

[سوبر VTC]

اخوي اي موتر مايفز و لا يستعز العزم
الا اذا وصل الابنص او الار بي ام 3 :good: تقريبا
اذا فريت الديلكو اكثر من اللازم تلقلق بلوف المكينة
فانتبه
لتقوية فزة الموتر اشياء كثيرة
تركيب طرمبة بنزين رياضية تعديل و بعضهن سعره يتجاوز ال3000ريال
اسلاك بواجي رياضية + بواجي رياضية + كويلات لكزس
مرواح كهرب + فلتر رياضي + تيربو + غاز + كوراين رقم 10 او 11 و عكوس
طرمبة زيت كهرب و تجي طرمبة تعديل + تدبيل سربنقات البلوف + ثلاجه المنيوم +
كمبيوتر هالتوك => تتحكم بكمية البنزين و الهواء....الخ
+ فرارات
بساتم و اذرعة و عمود تيمن و ...الخ

[راعي الفتك 9]

ركب هدرز كامل وراح يفرق معك

[محمدالعريني]

اخوي اي موتر مايفز و لا يستعز العزم
الا اذا وصل الابنص او الار بي ام 3 :good: تقريبا
اذا فريت الديلكو اكثر من اللازم تلقلق بلوف المكينة
فانتبه
لتقوية فزة الموتر اشياء كثيرة
تركيب طرمبة بنزين رياضية تعديل و بعضهن سعره يتجاوز ال3000ريال
اسلاك بواجي رياضية + بواجي رياضية + كويلات لكزس
مرواح كهرب + فلتر رياضي + تيربو + غاز + كوراين رقم 10 او 11 و عكوس
طرمبة زيت كهرب و تجي طرمبة تعديل + تدبيل سربنقات البلوف + ثلاجه المنيوم +
كمبيوتر هالتوك => تتحكم بكمية البنزين و الهواء....الخ
+ فرارات
بساتم و اذرعة و عمود تيمن و ...الخ






كم يوجد من نوع لكوارين الباترول هل تزيد عن 3 انواع
علىحسب علمي كوارين السفاري البخاخ من 98 الى 2009 القير العادي وحده
والسلقه كوارينه نفس كوارين ال97 وتحت
والفتك التماتيك كارونته لحاله
ارجو التوضيح

[icom15]

السلام عليكم ورحمة الله وبركاته

كيف الحال يأخوان

والله اني منصدم من ردودكم
ياشباب الى ما عنده خلفية والا يدري لا يفتي "من استشارك دخل في ذمتك"
وش الى ديلكو يا شباب الفتك من 2002 وطالع ما فيه ديلكو والتحكم يكون عن طريق الكويلات وكل بوجي له كويل.... وش الى تفر ديلكو وتمسكه بيدك وما ادري ايش انت يا خوي ما وضحت بالضبط وش تبي من الموتر بس فزه اول القومه اذا كذا عندك حلين يا تبرمج الموتر وتغير توقيت متى يفتح الفتك وهاذا يسمونه "phase timing" الى هو تغير فتحت الكام
الطريق الثاني انك تغير طريقة سواقتك عشان تفز السياره معك بريك وبنزين وترفع الاربي الى1.5 او 2.5 على حسب الطنجره حقت الوكاله
اما اذا تبي شي ثاني ياليت تحدد عشان نقدر نخدمك لا تخلي السؤال مفتوح وبس

ومره الثاني الفتاوي ياشباب الى مالها داعي تدخل في ذمتكم

تحياتي

[سيف الظفير]

اخوي اي موتر مايفز و لا يستعز العزم
الا اذا وصل الابنص او الار بي ام 3 :good: تقريبا
اذا فريت الديلكو اكثر من اللازم تلقلق بلوف المكينة
فانتبه
لتقوية فزة الموتر اشياء كثيرة
تركيب طرمبة بنزين رياضية تعديل و بعضهن سعره يتجاوز ال3000ريال
اسلاك بواجي رياضية + بواجي رياضية + كويلات لكزس
مرواح كهرب + فلتر رياضي + تيربو + غاز + كوراين رقم 10 او 11 و عكوس
طرمبة زيت كهرب و تجي طرمبة تعديل + تدبيل سربنقات البلوف + ثلاجه المنيوم +
كمبيوتر هالتوك => تتحكم بكمية البنزين و الهواء....الخ
+ فرارات
بساتم و اذرعة و عمود تيمن و ...الخ







كفيت ووفيت يالغالي وانصح راعي الجيب خلك على مجنوونك وحافظ على حلالك

[ابوو زيد]

8
8
انت الي لا تفتي من راسك خخخخخخخخ امزززح

بس لتاكيد معلومت الشباب الفتك فيه ديلكو وتفره وتوزنه

بس يا شباب سمعت انه يضر فرت الديلكو افضل شي تخليها على وزنية الوكاله

[ابوو زيد]

الكلام مو موجه لك اخوي سيف

سبقتني بدقيقه

[icom15]

ما ادري اخوي وين الديلكو الى تقول عنه ويا ليت تجيب لي صوره
القصد مو اني مكذبك بس انا ابي اعرف وين موقعه وشلون شكله
http://i182.photobucket.com/albums/x145/houston999/IMG_4356.jpg

[سوبر VTC]

ما ادري اخوي وين الديلكو الى تقول عنه ويا ليت تجيب لي صوره
القصد مو اني مكذبك بس انا ابي اعرف وين موقعه وشلون شكله
http://i182.photobucket.com/albums/x145/houston999/IMG_4356.jpg



جابك الله اخوي :)
جالس ابحث عن صورة مكينة فتك و سبقتن انت :good:
الديلكو شفه فوق غطاء الاديتر بصدر المكينة
راكب عليه فيش رمادي من الاعلى
الديلكو تحت الجرجور الاسود الكبير
الديلكو ياخذ دورته من عمود التيمن
وظيفة الديلكو
يعطي كهرب او معلومة الى الكمبيوتر
الكمبيوتر بدوره يعطي كهرب الى البخاخات و الكويلات
يعني الكويلات و البخاخات تاخذ كهرب و معلومة من الكمبيوتر
بناءا على امر و طلب من الديلكو
و زبدة مكينة الفتك و اساسها الديلكو
لو خرب الديلكو ماشتغل الموتر

اذا بغيت تقوي فزة الفتك
تفر الديلكو تقريبا من نص الى 1سم او اقل
تصير فزة الموتر قوية

لو انك قدمت فريت الديلكو فوق اللازم
اللي يحصل
تلقلق البلوف و يضعف العزم و قد يحتمي
لانك قدمت الشرارة و البستم مابعد وصل اعلى نقطة
اللي هي النقطة الميتة
بمعنى ان التفجير => بنزين + اوكسجين+ شرارة
يحصل و البستم مابعد وصل النقظة الميتة
و بالتالي العزم تعبان

ايضا لو اخرت الديلكو
البستم يصل النقطة الميتة و
ينزل و بعد ماينزل يحدث الشرارة => التفجير
يعني بعد مايتعدا البستم النقطة الميتة يحصل التفجير
و في هذه الحالة يكون التفجير متاخر
لان البستم نزل
و العزم صفر تعبان

اذا كان الديلكو متاخر
صرفية بنزين يحتمي الموتر ضعف عزم

مكاين الفتك الان مركبه على بواترل سلق م91
و بعضهم مركبه على صالون م97 و تحت
و البعض مركب LS1
طبعا عندنا بالقصيم
غالبيتهم بنفود ام حزم و خل حسين
و نفس كلامي السابق من ناحية الاضافات و التعديل

[راعي الصطحه]

بالتوفيق للجميع

[سوبر VTC]

كم يوجد من نوع لكوارين الباترول هل تزيد عن 3 انواع
علىحسب علمي كوارين السفاري البخاخ من 98 الى 2009 القير العادي وحده
والسلقه كوارينه نفس كوارين ال97 وتحت
والفتك التماتيك كارونته لحاله
ارجو التوضيح


حقت عادي 9/43
التماتيك تجي 11
تجي كوراين تعديل 10 ماني متاكد من الرقم طلبية
الطنجرة تجي تعديل طلبية

[سوبر مكشات]

اذا فريت الديلكو تخرب الوزنيه ثم تروح للوكاله عشان يضبطونه



واحد من اعيال
فر الديلكو كله

طبعا صوت المكينه عاااالي
ثم رجعه لوضعه الاول لكن ماضبط

كان اذا دعس ثم خلى الدعسه مايرجع الضغط للوضع العادي يالله يرحع ويوقف عند1.5


ركب فلتر ازين