من 15000 إلى 40 ريال ؟؟؟؟؟؟؟؟؟؟؟؟؟؟؟؟؟؟؟؟؟

[الغبيسي]

السلام عليكم ورحمه الله وبركاته

اليوم أنا عندي موضوع ما يخش بالمخ قبل تقرونه أنا كنت متواجد بالطايف فتره مانزل علهم الامطار الغزيره وكنت راح أطول بالطايف وفتره هطول الامطار كنت طالع أتمشى بسارتي الجيب ( هدد 2007 ) وبعد الامطار بيوم طلع عندي صوت بالسياره كانه صوت شي عالق بالسياره قلت أوديه للوكاله لعدم معرفتي بورشات ممتازه بالطايف قلت أظمن لي لكن تبين لي شي غير معقول ولا يدخل الراس وديته وبعده بيوم رحت أناظر وش فيه قالي الجيب فيه عطل كبير ( توضيب جربوكس وتوضيب دفرنس ) وقالي المهندس من دون ذكر أسماء أنه يكلف (15000 ) ريال قلت الكلام هذا موهب معقول والجيب ما أختلف علي بشي اللهم الصوت بس قال هذا الي عندنا قلت ما يلزم نصلحه نشحنه للقصيم لان هناك فيه ورشه معاملهم ممتازين شحنته للقصيم ويوم وصل كلمت أخوي بعد ما وداه للورشه وقلت كم راح يكلف توقعت ما بين ال (5000 إلا 4000 ) مقارنه بالقيمه الي عطاني إياها راعي الوكاله تفاجات يوم قالي أخوي إنه يكلف ( 40 ) ريال قيمه رمان بلي بكره المكيف فقط لا غير والجيب هالحين معي
والحمد لله على السلامه خبر ما ينطاق ولا يسكت عليه من قبل وكاله تويوتا

[_دربيل_999]

أخوي
الوكالات كلها تنهب الناس..
والله ونخوك ماهي تويوتا بلحالها..كل الوكالات حرامية..
حسبنا الله ونعم الوكيل,,
والحمدلله على سلامتك منهم,,
تحيتي لك..

الروقي

[S4500]

لا حول ولا قوة الابالله

من 15000 الى 40 والله حرامية

قيمة شحن اغلى من تصليح السيارة

الحمد لله على سلامة سيارتك

[ظافرآل فراج]

اسال ان يبتليه بمرض يتمنى من بعده الموت امنيه ولا يأتيه عليه من الله اشد الغضب .

[M7AL]

والله وانا اخوك حنى شعب مهضوم حقنا وبقوه

نفس طريقتك شريت سفاري وكان زر الخزان الأضافي يشتغل ويطفي بعد دقيقه

مافيه ولا كهربائي الا وجيته كلهم يقولون وده الوكاله

بعد ماوديته قالو لي احتمال الطرمبه بس لازم فحص

قلت كم تكلف تقريبا قالوا 2500 قلت هين

وفزعت يم هالنشاما اللي في المنتدى وماقصروا وضحوا لي المشكله وبلالالالالاش بعد

الله يبيض وجيهم

على هالرابط http://www.mekshat.com/vb/showthread.php?t=275024

[الوادعي 2008]

بيض الله وجهك على التنبيه المهم .. فعلا ً الواحد لايستعجل وعليه ان يتحرى اكثر قبل يقع الفاس بالراس ..واعجبني فيك الاناه .. وهي صفه يحبها الله ( الحلم والاناه ) وان شاء الله انها اخر عهدك بالخرابات والله يبارك لك فيه .. بالتوفيق يالغالي ..

[هوايتي مكشات]

ماهي غريبه على الورشات وانا اخوك

[333]

الحمد الله على سلامه موترك
والوكاله معروفه نصب×نصب
الله لا يوفقهم
تقبل مروري
اخوك:333

[أبومنصور512]

ياكثر المواقف اللي زي كذا ..
بالتوفيق أخوي

[اسهيل]

الله يخلي لنا اخوتنا في مكشات يعلمونا عن كل شي والله ان الي فتح المنتدى هذا له اجر عظيم منها الناس تتعلم الشياء كثيره ومنها مخاوات الرجال بعد الله يوفق الجميع لمايحبه ويرظاه

[الريصي]

السلام عليكم ورحمة الله
بالفعل أخي الوكالات جميعها مع الأسف دائما يكبرون المشكلة ويفخمونها وهذا والله من قل الرقابة وتهميش الشكاوي الي يقدمها المواطنين فمن واقع التجربة ثبت يقينن انهم حراميه يستغلون الناس ويلعبون بهم ومن الضروري التحذير من الوكالات وعلى الشخص ان يمر على أكثر من ورشة ويختار بنفسه السعر المناسب له ويسأل عن الورش الجيده من أهل التجربة ومن فضل الله علينا هذا المنتدى المبارك فقط أطرح المشكلة ويأتيك الحل

[ميكا مكشات]

وكّالة الشده فوق الكاف هذا هو الاسم الصحيح للوكالات

تحياتي......

[الربذي]

وعليكم السلام
طيب وش للهم من فك القير وهو سليم ليه ولا يبي يلهف منك اقل شي 5000قطع غيار ويحطهن بجيبه لان فيه ناس مايصدق الا الوكاله وكانهم هم من صنعوه ناس متحجره عشان كذا يسرقون على كيفهم ....
فعلا شي غريب من 15الف الى 40

[كاشت وحداني]

يمكن هم عارفين المشكله انها بسيطه ويكبرونها على الزبون ويحطون المبالغ الزايده بجيوبهم .
احد الاصدقاء لديه كامري
وحصل عنده ضعف في دفع هواء المكيف وذهب للوكاله قالوا له نظام التكييف عندك يبي له ويب له وبيكلف 2700 ريال
ولحسن حظه قابلني وعلمني وساءالته عن الفلتر اللي خلف الدرج قال ما غيرته ورحنا قطع غيار وغيرناه والحمدلله بدال 2700 ريال 50 ريال تجاري طبعا لان الاصلي ب230

[ابو حسان الجنوبي]

وكّالة الشده فوق الكاف هذا هو الاسم الصحيح للوكالات

تحياتي......


أتفق اخي الكريم معك

[الصمان 2]

الحمد لله اللي فكك من هالوكالة

وحسبي الله عليهم يأخذون أموال الناس بالباطل .



.

[أبو محمد2010]

الحمد لله على السلامة...

[سيف الظفير]

ابو جميل الوكيل *****

[الجندي2005]

اسال ان يبتليه بمرض يتمنى من بعده الموت امنيه ولا يأتيه عليه من الله اشد الغضب .

اللهم آمين ،،،،،،،،،،،،،،،،،،،،،،

وكل من هو على شاكلته ،،،،،،،،،،،،،،،،،،،،،،،،،،،،،،،،،،،

[ابورايف]

انا لله وانا الية راجعون
انا ناس ملعوب علينا الى متى هذا المهزلة
وتقبل مروري

[أبويحيى]

السلام عليكم
قبل 3سنين شريت جيبgxr من احد الوكالات اللي بطريق خريص(اللي مشهوره انه ماتجيب الا بريمي). وبعد كم يوم مع الامطاردخلت بمنقع بمخرج 9 ... من بعده سمعت صوت بالموتر ... رحت لهم على اساس الضمان ... قالوا انت مركب تانكي ماء تحت مكان
الاستبنه لذلك مالك ضمان والصوت يبغى لك تغيير دينمو كامل وعلى ما ذكريكلف 2800
... رحت لكهربائي سعودي حبيب اسمه عبدالله بالصناعيه القديمه غير رمان بللي حق الحذاف والسسسسسسسسسسسسسسسعر 40 ريال .
واسولف مع رفيق لي خليجي كان يبي يشري جيب قال بالحرف الواحد ان سفيرهم بالبحرين كلم له هالوكاله علشان يعطونه خصم خاص ... قلت وش دخل البحرين قال يجيبون سيارات من البحرين...وانا شخصيآ اسمع انهم ما يجيبون الا بريمي عماني وعلشان كذا شاري منهم... وبعذرنا حموضه وقولون والله المستعان وسامحونا

[جو الشيخ]

حسبنا الله ونعم الوكيل

[رفيع المقآم]

الحمد لله على السلامه الله يهديهم بس من 15000 الى 40 والله شي ما يدخل المخ

[الغبيسي]

أشكر كل من شارك وهالموضوع ما طرحته إلا من حرصي عليكم وأبين لكم وين وصل بنا اللامبالاه بالاخلاص بالعمل

[ابن البكيرية]

الصراحه ( وكّاله ) جبته يالذيب
الله يكفينا شرهم ولايحيجنا لهم

[moooj]

الله يوفقم جميع
انا تعاملت مع اغلب الوكالات القديمة الي لها صولة وجولة في نهب المواطنين
تويوتا ماهي غريبة عليها وكالة في منتهى القذارة وسياراتها توابيت متحركة تشكل خطر على الحياة اليومية(الله لا يعيد ايامها)
نيسان ماتعاملت معها
الجميح شريت منه سيارة في التسعينات طلعت مرشوشة (غش في غش)
التوكيلات افضل السيئين في جنرال موتور (بعد مايرفعون ضغطك وتدعسهم)
الكوري ما جيته والله لا يحدني عليهم
هوندا اقوى سيارة يابانية لكن الوكيل مضيع جمل خالته
الألماني .... يوووووووه ما احب اتكلم عن الكباااااااار
فورد الى الآن ما شفت منهم الا كل خير هم وسياراتهم والحافظ الله
رأي شخصييييييييي

[راعي الصطحه]

الحمدلله بس يحبووون يطلعوون الفلوووس

[سوبر مكشات]

زين ماقال
المكينه يبيله توضيب
والفتحه خربانه
والانوار ماتشتغل

والكمبيوتر يبيله تغيير

والتكلفه الاجماليه 130000

[بر الوالدين]

يا رب خارجنا من هالنصابين يارب

و الله يوفقك يالغالي

[مقلع الرمث]

بس اعجبني فيك بدون ذكر ااسماء

[وراد.]

الله لا يوفقهم
بالنسبه للي يستعجل بقرارهم يتدهور خصوصا إذا ماعنده خبره

[aflaj12]

حسبنا الله ونعم الوكيل

[الغبيسي]

ما نقول إلا الله يهديهم ويحسن نيه هالخلق ولا هم ما ناقصهم شي لكن حسبنا الله ونعم الوكيل

[صقر الفيافي]

حسبنا الله ونعم الوكيل

متى نستطيع المطالبة بحقوقنا زي أي ناس بالعالم

وأنا أخوي معه كورولا 2008 وطلع فيها مشكلة وواضحة في التغيير

ومهندسهم يقول ما فيها شيء سليمة ( يضحكون علينا ) بس إن شاء الله

بروح لهم اليوم أو السبت وننفض وكالتهم نفض (( الموتر عليه ضمان يعني تصلحونه غصب ))

[الادعج]

مافيه شي جديد اخوي الغبيسي ..
..هذا حميدان وهذي خلاقينه..
..لكن من امن العقوبه اساء الادب..

[أبوعلي الجاسر]

هههههههههههههههههههههههههههه

شكلك كرهت اليوم اللي عرفت فيه الطائف

[الوعد الصمان]

معي سيكويا رحت للوكالة وشتريت فحمات قدام وقلت ياولد مر الصيانه خلهم يغيرون الفحمات قال مهندس الاستقبال 550ريال مع خرط الهوبات قلت ياشيخ كيف تعرف ان الهوبات تبي خرط ونت ماشفته قال المهندس اصلا لازم التغيير مع الخرط قلت الشرهه على اللي يدخل موتره عندكم هوبات جدد تبي تخرطهن

طبعا طلعت برا وركبت الفحمات باربعين ريال

[شبح الصحراء]

والله قوية من 15 الف إلى 40 ريال فقط حسبي الله ونعم الوكيل مدري هل هو جهل من مهندس الوكالة ولا نصب وعموماً في كلا الحالتين المصيبة اعظم .

اذكر قبل كم سنة كانت معاي هايلوكس دفرنسين 2005م وطلع فيها صوت اسفل السيارة وهي بحدود الـ 20 الف كلم يعني توها جديدة ، توقعت الصلبان تحتاج تشحيم رحت وكالة الفيصلية بالرياض اشحمها ورفض المهندس ويقول انت ما سويت صيانة من فترة قلت له مالك شغل بالصيانة انا بشحمها بفلوسي ويالله وافق مع انه ماله شغل المهم شحمتها بمبلغ 150 ريال وطلعت الموتر واكتشفت ان الصوت للحين فيه بعدها رحت الوكالة اللي مقابل كوبري الخليج ودخلتها يفحصونها على الضمان وكان المهندس للأمانة متعاون بحكم ان السيارة للحين جديدة واتصل على المهندس بعد فترة وقال عندك مشكلة بالدفرنس الخلفي وأصريت عليهم يغيرونه على الضمان وبعد ما وافق بساعة اتصل وقال تعال خذ موترك الحمد لله سليم وطلعت مشكلة تشحيم لا غير ، طبعاً رحت لهم مصدوم وقلت لهم اني توي مشحمها في فرع الفيصلية ووريته فاتورة التشحيم طبعاً هو انصدم وقال احتمال الفني هناك نسي يشحمها في ذاك الفرع !!!!!! شي غريب كيف الفني ينسى شغله وعموماً نسي قاصد كل وحدة العن من اختها معظم الوكلاء عندنا يبغالهم تغيير !!! .

تخيليوا يا الربع في زيارة سابقة لصيانة تويوتا يطلع المهندس يفحص السيارة ويناظر مستغرب من شكل السيارة ويقول انت ليش رافعها كذا ولا يعرف ان الهايلوكس الدفرنسين تجي مرفوعة وكالة ! الظاهر جايبين المهندسين من الشارع !!! .

[NASA]

اخي وش اسم الورشه الي صلحتها عنده با القصيم وتمدحها وكذلك وصفها

[ام صتمه 87]

فعلا حرامية ..

[لاخلى ولى عدم]

بلا والله ما لقو قدامهم قبيل يلعبون على العالم

انت انسان فطين بس فيه غيرك يلعبون عليه ويطير بالعجه ويصدق كلامهم

حسبي الله عليهم

وحمدالله على السلامه اخوي

[aooa]

الوكالات عندنا تديرها مافيـــا .... قيمة السيارات نـــار وعند الصيانه تجد انواع النصب

لكل الله يا من لا تجد من يدافع عن حقوقك ... !!!!

[حبو 1]

وماخفي كان اعظم

[المتميز999]

حسبنا الله ونعم الوكيل
لا رقيب ولا حسيب ما غير اكل في البشريه

[عقيعقب]

الله لايوفقهم

كيف يسرقوننا نهاراً جهاراً


صحيح الشعب السعودي لا حامي له إلا الله

[ابوخلف الحربي]

انا صارت معي ترتفع الحراره بالكابرس حست قلت اروح الوكاله قالو لازم تغير رديتر ماصدقت رحت عند هندي طلع هوز بـــ60ريال!!!الله يكفينا شرهم تقبل مروري...

[من كبار تجار]

اخوي العزيز في اغلب الاحيان يخرب الرمان الكمبرسور اوالشداد اوالدينمو إذ جاه موية وهي حارة

[عايش الذرب]

اول الحمدلله على سلامة الموتر وراعيه
ليش مايصدر نظام يجبر صاحب الورشه او الوكاله كتاب تفرير بالعطل والقطع المراد تغييرها

يسلم لصاحب السياره قبل البد في اصلاحها .على شان يتحمل صاحب الورشه نتيجة قراره

في حالة خطاء تقريره .

[star4000]

فر من الوكاله فرارك من الاسد

واللي عقد روس الحبال يحلها

[عبد الرحم]

السلااااام عليكم ياخوي الوكاله يغيرون كل شي خربان اما الورشه يغيرون الخربان بس

[ذيب عالية نجد]

ويستمر مسلسل وكالات أبو جميل من دون حسيب ولا رقيب وتستمر المهازل