كيف انظف البدي من القار الاسود اسعفوني

[جزر العرب]

السلام عليكم ورحمة الله وبركاته
يا اخوان انا مشيت على قار على الطريق ولطخ موتري بأسود
وغسلته عند المغسله ولا نفع
ون كان فيه محل ينظفه في الرياض
افيدوني جزاكم الله خير

[abo naseer]

وعليكم السلام ورحمة الله وبركاته
جرب وانا اخوك قطن وزيت عافية وادعك المكان اللي فيه قار
سمعتها من واحد من الربع ولا جربتها
لاتواخذني ...

[صلللوح]

وعليكم السلام
لا محل ولا مغسلة
جبد ديزل وامسحة بة القار

[المخلفي]

عليكم السلام ورحمة الله وبركاته

اخوي جب لك فوطه وبللها بقاز وافرك بها مكان القار مرة متين لين يروح

[باثفندر]

الديزل إذا ماأبطى ومانشف مظبوط ,,,

[_دربيل_999]

أخوي

القاز البنزين الديزل
كلها تزيله..

لك كل التحايا

الروقي

[عذب الروح]

الله يعينك

أنتبه بعض المنضفات تعدم لك البوية وتقشعها

نصيحة لك لاتجرب إلا شيء واثق من فعاليته وعدم وجود أثار له

تحيتي

أبو سليمان

[لن أمل من العطاء]

البنزين
الاحمر وحده وبوحده

وايضا زيت فرامل السيارة
بس اول جرب على مكان مخفي في السيارة لاجل يمكن يزيل البويه


تحياتي لك

[ابوحماد]

حزب العرب

لا تشغل نفسك

أبد طال عمرك انا معي جيب جديد 2009 م جته رشه على الجوانب قار تنقيط يمين و يسار

كلها فوطه ناشفه او قطعه قطن ناشفه

أهم شي يكون القار جديد على البودي

أمسح الفوطه وتروح النقط

[محب النيسان]

حط على البقع ديزل وخله 10 دقائق ومسحه بفوطه

انا مجربها

[ابو كشتة]

الموضوع سهل انا رحت لمغسلة وشاله مباشرة قبل الغسيل اخذ القطعة الي يغسلون فيها وحط عليها يابنزين ياديزل والله اني ناسي بس اغلب الظن بنزين ودعك يعني حرك على كل الاماكن الي فيها قار الجهة اليمنى واليسرى والشنطة وبعدها غسل كامل السيارة غسيل عادي والنتيجة فتاكة دورت لو انها نقطة مالقيت
مع العلم سيارتي 2010 وماكملت اسبوع والحمدلله راح كل القار

[راعي الصطحه]

الف شكر على التوضيح

[aooa]

انا صار معي وإليك الطريقه


اولا : احضر بنقالي ومعه ماء وصابون من اللي يغسلون السيارات


ثانيا : بانزين اخضر واسفنجه ودسوس لليدين


ضع البانزين في الاسفنج ومن ثم حاول تغرق جميع البقع بالبانزين بكامل السياره ومن ثم تعود من الاول وتاخذ بانزين وتدعك بالاسفنجه بقوه وسوف تكون النتيجه ازاله البقع مع تلوين البدي باللون الاسود .. وهنا مهمة البنقالي يجب الغسل بالماء والصابون مباشره حتى لا تتاثر البويه ..

[قمة افرست]

ديزل لمدة خمس دقايق او اكثر تحطه على مكان المتسخ وبعدين بتشوفه ساح اغسله بالماء
اذا بقى شي كررالعملية
فقط الديزل الامن على بوية السيارة باقي المواد بتاثر على البوياء
البنزين اذا البويا ماهي شد بلد بيمسح البويا او ياثر بقع فيه
زيت الفرامل يعمل بقع ويحرق البويا

[naharyfa]

وعليكم السلام ورحمة الله وبركاته

انصحك بالديزل ... والسبب.... ان

سيارتى انعدمت قار من الصدام الامامى الى الصدام الخلفى
من سيارة خاصة لنقل القار وكان غطى التانكر اللى فوق مفتوح وضرب مطب وانا اتجاوزه ورش السيارة وعدمها بالقار
رحت عدة مغاسل بسبب عدم اقتناعى بالديزل خوف انه يعدم البوية وكنت مطلع السيارة من الوكالة ما صار لى يومين وفى الاخير وافقت وغسلوها بديزل لمدة عشر دقائق ثم غسلوها غسيل عادى بماء وصابون والحمدلله طلع القار ولا كانه صار بالسيارة شى

والله يوفق الجميع

[الكونترولCONTROL]

الديزل أو البنزين لكن اتبعه بالماء مباشرة بعد الإنتهاء

[alajmi100]

وعليكم السلام ورحمه الله
للإفاده فيه بخاخ مخصص للقار تجده في ساكو تبخه على نقط القار وبعد خمس دقايق تغسله بهوز(لي)مويه ولاتفركه ولا شي لأن فركه يمكن يخدش البويه خاصه اذا خالطه رمل
اسمه بالإنقليزي
tar removal وفيه عده شركات مصنعه له

[آل زايد502]

الديزل وانا اخوك ومجربه على موتري
تقبل مروري

[همس الغدير]

الله يعطيكــ العافيه

[h93313]

نصيحة
استخدم زيت عافية حق الطبخ بلل مكن القار
يذوب القار