المساعد الشخصي الرقمي

مشاهدة النسخة كاملة : الفزعه ياخبراء مكشات .... في تنظيف اللهات لليوكن 2007


RASHED1384
28/02/2010, 09:15 PM
السلام عليكم ورحمة الله وبركاته
توهقت ونظفت اللهات الخاصه باليوكن 2007
كل شي طلع ممتاز بس طلع عندي مشكله بعد التشغيل
لان السيارة تعلق ولا تنزل سرعة المكينه على طول على ضغط 3
الا اذا شغلت المكيف او عشقت الجير بأي تغيير
ارجوا الفزعه ياشباب لاني متوهق مرررررررررررره
قمة افرست
28/02/2010, 09:20 PM
انت اش الي نظفت
وضح الهاه
تقصد الثروتل
او حساس الهواء الي باللقربه جنب الفلتر

اذا تقصد الثروتل هل فكيته ولانظفته وهو مكانه
هل فكيت حساس الثروتل
واحتمال ان الاوساخ صارت تسكر الثروتل مايقفل صح او السسته جاها وسخ

او كرر الدعس للسيارة بدون ماتشغل ممكن علق الدعسه
جرب فصل اصبع السالب لدقايق

وهل اذا شغلت المكيف الامر يرجع طبيعي ولافوق الواحد
RASHED1384
28/02/2010, 09:30 PM
اخوي قمت افرست اشكر مرورك علي مشكلتي واتمنى لك وللخوه المكشاتي كل خير
اللي نظفت اللهات اللي فوق الثلاجه مباشرة اللي تحت غطاء البخاخات بالضبط
اذا شغلت المكيف يرجع شبه طبيعي
نظفته بدون فك وهو في مكانه
كررت الدعس عليى الابنص بدون فائدة
فيش الكهرب الخاص بالثروتل لم افصلها
لاكني فصلت اصباع البطارية السالب اثناء التنظيف
RASHED1384
28/02/2010, 09:39 PM
وينكم ياخبراء مكشات تراني متوهق
يعني يمكن ماروح للعمل بكره
والسبه اللهات
قمة افرست
28/02/2010, 09:42 PM
هلابك اخوي
عموما مايحتاج هذا التنظيف فصل البطارية ولاكن انت من باب الاحتياط فصلتها

انا اعتقد ان المشكلة بنفس اللسان الي بالثروتل ممكن جاه وسخ وصار مايرجع
اراى انك تفك الهاه وبعدين ترش بسيط مع الدعس وتحريك اللسان للداخل
وان شاء الله ترجع الامور طبيعيه
RASHED1384
28/02/2010, 09:46 PM
اخوي قمت افرست
البخاخ الخاص بتنظيف اللهات هل يضر السياره اذا دخل للبخاخات
وهل ارش المنظف والسيارة تشتغل والا مطفأه
ال مقرن
28/02/2010, 09:47 PM
ان شاء الله يفيدونك الشباب

ونحن اصحاب اليوكن نستفيد من مثل هذه المواضيع
RASHED1384
28/02/2010, 09:50 PM
اخوي قمت افرست ولا يهون المكشاتية جميعا
ابنص اليوكن 2007 كرب وليس واير
قمة افرست
28/02/2010, 09:53 PM
اخوي قمت افرست
البخاخ الخاص بتنظيف اللهات هل يضر السياره اذا دخل للبخاخات
وهل ارش المنظف والسيارة تشتغل والا مطفأه

المفروض تستخدم منظف بخاخ اي سي دلكو
منظف للبخاخ
بالنسبة للتنظيف على هواك تبيه تمام تفكه وتغسله ببنزين وبخاخ اهم شي تنتبه للوجه حقه
رشه والسيارة شغاله عشان مايروح للبخاخ او ياثر بحركة اللسان تحرقه السيارة على طول مع الدعس
وحسب الاتساخ
بالنسبة للي عندك البخاخ سليم مافيه ان شاء الله شي بس اللسان هو الي علق
شوف شغل السيارة ونت تدوس لاحظ حركة اللسان بتفهمها
بعدين تاكد لايكون فيه فيش فصلته حق الدعسه او الحساس

بضيف لك مقاطع فديو لتنظيف الثروتل او الخانق
قمة افرست
28/02/2010, 09:55 PM
هنا فك للثروتل كامل مع التنظيف
http://www.youtube.com/watch?v=KwdYzWzc170

وهنا بدون مايفك
http://www.youtube.com/watch?v=jwLBI-ieeMg&feature=related


وهذا له علاقة

http://www.youtube.com/watch?v=Z2yGKq1ycVo&feature=related



ربك يسهلها

موفق
عاشق المقنااص
28/02/2010, 10:01 PM
الله يعينك والله انا مالي بالجموس
ولا اقدر افيدك
قمة افرست
28/02/2010, 10:04 PM
اخوي قمت افرست ولا يهون المكشاتية جميعا
ابنص اليوكن 2007 كرب وليس واير

نعم كلامك سليم كهرباء وبحساس
لحظةوداع
28/02/2010, 10:44 PM
صارت لي من أول
ويعلق ال Rpm على 2 تقريبا
والله وأمشي وأدوس على الموتر والضغط مرتفع
ومع مرور بضع دقائق يمكن 15 دقيقة وتعود الأمور مثل ماكانت
وسع صدرك مافي شئ يستاهل الضيقة
قمة افرست
28/02/2010, 11:07 PM
اخوي الحل الاخير
افصل البطارية 10 دقايق
او امش فيه زي ماذكر الاخ لحظة وداع ولاتخاف ادعس له بيعيد البرمجة مرة ثانية
الكمبيوتر للدعسه

موفق ان شاء الله
RASHED1384
01/03/2010, 12:22 AM
اشكرك اخوي قمت افرست واخوي لحظة ودع وجميع من تفاعل مع موضوعي
تم تجربة السيارة مره اخرى وقد تحسن الوضع عن ما كان اول
التعليق خف كثيرا وسوف اجرب السيارة انشاء الله غدا صباحا ان الله احينا في مشوار العمل
RASHED1384
01/03/2010, 11:25 PM
اخوي قمت افرست ولايهون الاخوان المتواجدين
الحمدلله زالت المشكلة من السيارة وبدء ضغط المكينة يتحسن عن التعليق