من جرب الكعكات الاسترالية (الربل الأصفر) على الباترول؟؟؟

[شمالات نجد]

بسم الله الرحمن الرحيم

يا أخوان نويت اليوم إن شاء الله أرفع الباترول من الخلف 3 سنتي ولقيت كعكات ربل لونها أصفر استرالية الصنع

اللي يعرف عنها وجربها يعطينا علومها

مع العلم أن كل كعكه = 1 سنتي يعني يبي لنا 6 قطع

بانتظار الإجابة يا أخواني بارك الله فيكم

سلام

[ذيب السرايا]

نصحتي أخوي لاتخذها الربل جربت الأسود ماتمت أسبوعين وتقطعت نصيحه خذ يايات أستراليه أفضل من الكعكات وسعرها 550 الخلفيه الثنتين ولو تخذ مع اليايات مساعدات استراليه يكون افضل لكن سعرها غالي 700 الخلفيه وافضل ركب يايات فقط وهذي نصحتي وانا خوك
*ملاحظه:إذا بغيت اليايات توجد في محلات الرماية@ تقبل مروري

[N1998N]

حياك اخوي ترى حقت الرمايه غاليه الوحده ب45 وانا مركب كعكات المنيوم مقاس 4 سانتي ب150 والصراحه ماشفت منها شي اللي يقولك مب راسيه واللي تطلع صوت ابد ماطلع منها الا كل خير واذا جيت تركب كعكات انتبه لا يرمي الربله حقت الياي هي اللي تخلي الكعكات ماتطلع صوت وراسيه وحلوه واللي يكتبلك اللي فيه الخير

[شمالات نجد]

الله يعطيكم العافية ما قصرتو

شكلها بترسي على بالون

(الله من الطواري)

شكراً لكم

سلام

[ابو ناصر2020]

ركب ياي استرالي وانس كل هم

بالون على كعكه الربل كله ماهي عمليه

[الستانس]

انا مركبها على باث

هي زينة

ولكن انها غاليه

وفوق كذا بعد تقريب 6 شهور تقطعت جلب الوكاله

والألمنيوم تؤدي نفس الغرض وارخص


وافضل شي تركب يايات استراليه من عند الرمايه

[التعـ King ـديل]

الربل الاصفر يحطونها فوق الياي الاسترالي ماتركب لحالها ..

[خب النقع]

اخوي الي اعرفه انها مخصصه للياي الاسترالي مثل ما تفضل الاخ كنق التعديل

[جهام القصيم]

حياك اخوي ترى حقت الرمايه غاليه الوحده ب45 وانا مركب كعكات المنيوم مقاس 4 سانتي ب150 والصراحه ماشفت منها شي اللي يقولك مب راسيه واللي تطلع صوت ابد ماطلع منها الا كل خير واذا جيت تركب كعكات انتبه لا يرمي الربله حقت الياي هي اللي تخلي الكعكات ماتطلع صوت وراسيه وحلوه واللي يكتبلك اللي فيه الخير
كلام سليم 100%

[البدايه]

اسمعني بس وخذ كلام المجربين النصوحين .. ~

الكعكه حلوة بس خذ الالومنيوم .. وما يجيك منهــآ اي غثــآء ..

او ركب يآي استرآلي .. بدل يآي البلد .. بس انتبه احيآنآ يكون مرتفع مررة الموتر . ويبدأ عمود الكردان بالفضآوة واحتمال ينطلق بعد فترة

فإذآ جيت تركب اليآي اسأل اللي يركبه لك الرفعه عسى مهيب وآجد مرررة

[قطب 999]

اذا تبي ترفعه بزود يجب انزال مستوى القير ليتوازن وتكون الزاويه غير حاده وتتلف الدفرنس

[بطناج]

يا زين البلد وبس

أخاف تسوي شي وانا اخوك وينحاس عليك موترك

[قرم العيال]

افضل شي يا كعكات المنيوم اذا كنت راعي حمل خفيف

ولا ياي اذا كنت راعي حمل ثقيل تانكي ماء على طول والسبير

والماطور والحطب

[النايف999]

عليك بالياي انا مركبه ممتاز








من الرمايه

[راعي الصطحه]

بالتوفيييق للجميع

[شمالات نجد]

الله يعطيكم العافيه جميعاً