تنبيه ضروري لملاك الأف جي كروزر ،،

[مطاليع المزون]

مسائكم ، صباحكم عسل جميعاً مالكم بالطويله ،، أنا من فتره طويله معي اف جي فل كامل ماشي حوالي ثمانين الف تقريبا حتى الان وواحد من اخوياي طلع واحد له بعدي بأسبوع ،، المهم في الموضوع من فترة شهرين لاحظت في صوت ( طـــقه ) خفيفه في الأمام ومع مرور الوقت صارت أقوى ومزعجه ( تحسها من تحتك الصوت يجي ،، يعني كأنه بالقير أو الدبل أو الدفرنس الأمامي :(:() وكلنا رحنا الوكاله ولا يدرون اش فيها ،، قالوالي بنفك دفرنس الدبل ونغيره لك يمكن تكون فيه المشكله ؟! قلت لا لا لا طلعوا السياره بس :mad::mad: ،، وخويي نفس السالفه ومافيه ورشه بالرياض ماجيناها ،، كلهم مايدرون شالسالفه ؟! اللي يقول فك الدبل واللي يقول فك الدفرنس واللي يقول غير العكوس واللي يخربط وكلهم من جنبها باختصار:D:D ،، المهم أنا بصراحه طفشت من الصوت ،، أزعجني ازعاج وأرقني وماخلاني أنام ،، صرت أخاف أسرع بالسياره صراحه ؟! :(:( المهم جيتكم ومن الطفشه قلت خلني أخربها وأخربط أنا بنفسي ;);) ،، المهم وأدخل الموتر البيت وأفك الصدام الأمامي والشمعات ،، توقعوا وش اكتشفت ؟!!! v v v v v v v v v v v ماأطول عليكم اكتشفت إن القاعده الأماميه الحديديه اللي تمسك الصدام الأمامي مرتخيه ؟!!! :eek::eek: ووأنواع الأزعاج والطقطقه ،، مع العلم أن الموتر ماكد جاه حكه موب عاد صدمه ولاني راعي مطامر بالموتر ولاشيء ،، مكاشيت وبس ،، المهم ويوم شديتها طلعت زي العسل واختفى الصوت تماماً !! يعني اكتشفت انها مع مرور الوقت ترتخي تلقائياً خصوصاً الأخوان راعين المكاشيت والطعوس ،، أحب أنبهكم تراها ترتخي تلقائيا وتسبب ازعاج لكم غير طبيعي تحسون الصوت بالقير أو الدفرنس الأمامي ،، يعني انتبهو لحد يخرب عليكم سياراتكم ويلعب عليكم اذا سمعتوا هالصووت ،، لذلك حبيت أنبهكم ،، ودمتم




تحياتي

[أبوعذااب707]

نفس الكلام سار مع خويي معاه fg 2008 راح للوكاله قالوا بنفك الدبل فك فقط ويشوفون المشكله ب 3000
المهم فالأخير طلعت نفس المشكله الي عندك
لاهنت على الطرح

[_دربيل_999]

http://www.sahab-alkher.com/vb/mwaextraedit4/extra/107.gif

[moooj]

الله يوفقك على التنبيه
لا (اتعاطى) تويوتا لكن احترم هذه السيارة كثيرا هي والأفالون ولولا وكيلهم الخايس والا فكرت اشتري اف جي والا افالون
والمنتدى يثريه امثالكم بتجاربكم وانا من المستفيدين كثيييير من كثير من المواضيع
الله يوفقك دنيا وآخرة

[جيب العشه]

جعلها في موازين حسناتك

[قرناس صلا]

الله يجزاك خير , افدتنا بارك الله فيك

الف شكر

[لن أمل من العطاء]

شكرا لك اخي الكريم على التنبيه

[sari961]

صباحك مسائك عسل

جعلها في موازين حسناتك

والوكلات اخرطي لهط فلوووووووووس وبس

[مشحن 2009]

الله يعطيك العافية

[المغيض]

الله يجزاك خير وبارك الله فيك على هذا التنبيه...بس لو انك وانا اخوك بلغت الوكاله بحيث يكون عندهم خبر علشان ما يتخبطون في سيارات الناس...(مجرد وجهة نظر لا اكثر ولا اقل)...
تقبل تحياتي ومروري

[GعبدالمجيدG]

مطالع المزون بيض الله وجهك
سيارتي اف جي 2009 مشى تقريبا 35000 وتفاجأت بصوت طقطقة في الجهة الأمامية اليمنى من السيارة وأقلقتني وضيقت صدري لأن واحد من الشباب كان يقول يمكن كراسي المكينة بس مابغيت أوديه للوكالة يلعبون فيه قلت حده يمشي مانيب متعبث فيه..
وهالحين ريحتنا الله يجزاك خير وكثر الله من أمثالك..

[kal8800]

بيض الله وجهك وما قصرت
بس لو انك دعمت الموضوع بصور ....... واحد طماع...........
كل الشكروالتقدير

[مطاليع المزون]

الشكر لكم جميعاً على المرور ،،

وهذا ماأريده أنا ،، أريد أن ينتبه الجميع ويرتاح ،،

لكم حبي

[الجندي2005]

الله يبارك فيك ويكفيك من كل شر يالذيب تسلم ولله يكثر من امثالك ،،،،،،،،،،،،،،،،،،،،،،،،،،،،،

ما دام منتدانا فيه مثلك وشرواك ما عليه خوف ،،،،،،،،،،،،

[الجندي2005]

الله يجزاك خير وبارك الله فيك على هذا التنبيه...بس لو انك وانا اخوك بلغت الوكاله بحيث يكون عندهم خبر علشان ما يتخبطون في سيارات الناس...(مجرد وجهة نظر لا اكثر ولا اقل)...
تقبل تحياتي ومروري


تخبطاتهم مقصوده لشفط ما في جيوب المسلمين ،،،،،،،،،،،،،،،،،،،،،،،،،، :mad:

[المهاوش]

صباحك مسائك عسل

جعلها في موازين حسناتك

والوكلات اخرطي لهط فلوووووووووس وبس

:good2: :good2:

[VXR.2007]

الله يجزاك خير والله يكثر من امثالك

ارجو من المشرف تثبيت الموضوع لتعم الفائدة

[hussam1988]

بارك الله فيك على التنبيه

[AbdulAZiz M]

الله يعطيك العافيه على التنبية أخوي

ويا ليت تذكر لنا بالضبط مكان المسمار لو بالصور

لأن سيارتي ماشية كثير وراعي مكاشيت ولا لاحظت صوت ولا شيء .....

[رسمال]

جزاك الله الف خير على التنبيه وبارك لك بصحتك ومالك وسيارتك

[~ V T A C ~]

http://www.sahab-alkher.com/vb/mwaextraedit4/extra/107.gif

[الرسيفر]

جزاك الله خير على التنبيه

[1من الناس]

كفو يالذيب بيض الله وجهك ووجيه المكشاتيين.

[طلحة]

جزاك الله خيرا على التنبيه

[abusummer]

اللهم اجعلها بموازين اعماله يوم يلقاك ابيض الوجه من الغر المحجلين

[جزر العرب]

جزاك الله خير و كثر الله من امثالك

[راعي الغنمات]

الله يجزاك خير , افدتنا بارك الله فيك