استفسار لاهل الاندر كروزر

[اليكي]

اخواني انا ان شاء الله بسافر على الموتر 2010 Gxr
وابي استشيركم هل اركب سلة للموتر ؟؟؟ << وبكم
او اركب سلة خلفية ؟؟<< وبكم وش نوعها وهل فيها تلحيم وشغلات توجع الراس ؟؟ والا فيه حركة اسهل ؟؟
تكفون لاتبخلون علينا بمعلوماتكم وتجاربكم ...

سي يو

[ابورايف]

من وجهة نظري انها خطرة
صفط المراتب وتوكل على الله
وتقبل مروي

[مخاوي 2004]

والله يمدحون السلة الي فوق التندة فيه نوعية تحطها كنك ماحطيت شي

وحلوة على الموتر والي تنبيها نفس لون الموتر تلقها ويفيدونك ان شاء الله الشباب

تحياتي لك

[حر ملهم]

تكملة للأخ الكريم السلة العلوية ممتازة جدا لاكن يقولون الناس أنهاء تطلع صوت وأنت ماشي وفيه هواء لكن أنا معجبتني جداوالشباب مركبينها توجد في الزلفي وفي الرياض والأفضل الزلفي والقصيم

[ذيب زلفاوي]

ابعد عن شغلات الشياب ياخي وخل موترك شد بلد وان كانك مصمم ركبها وقد سفرتك بس وفكها

[صاحب خير]

هذا أفضل حل

[GXR2010]

اخوي اليكي هذاراي انصحك ركب طربال فوق السياره لان السله وانا اخوك خطيره وتضر الموتر وتحياتي لك وتروح وترجع بالسلامه اخوك ابــــوتـــــــــركــــــــــــي

[ابوطاقية]

كل وحده ولها ايجابيات وسلبيات
السله الخلفيه
عيوبها تلحيم + اذا حملتها تنزل بالموتر من الخلف ولو سمح الله ممكن تسبب حوادث
اجابياتها
انها قريبه وبسيطه للتحميل والتفريغ
السله العلويه
عيوبها ارتداد الهواء+ صعبه بالتحميل والتفريغ والتربيط
ايجابياتها
ان السياره مايختلف توازنها

القلص
عيوبه
سرعات خفيفه + التوقيف بالمواقف والرجوع للخلف
ايجابياته
يحمل واجد+ قريب للتحميل والتفريغ

هذا والله اعلم

[عطيب الشمال]

يا اخي فيه سله زي الشبك تركب في الخلف صغيرة وما تاثر على الموتر
وما تشعر اصلا انها موجوده وهي افضل من وضع العفش فوق السيارة يمكن يطيح ويزيد من مقامة الهواء للسيارة

[ريثان القصيم]

ركب سله مستطيله الشكل وعميقة الارتفاع بحيث يكون لها كفرات صغيره بحجم كفرات سيارات

توصيل الطلبات وحاول لا تركب الا فلنجات اصليه حتى ماتنطلق عليك بالطريق
___________________________________________

تحياتي وتقديري

ريثان القصيم

[ابوفهد06]

السله الي فوق الموتر مايمدحونه انا مجربه ومافيه صوت ولا شي واحمل عليه كل شي والا اصوت ولاترد الهواء تحمل الي تبي وبدون حدود شفه يفصلونه في الصناعيه القديمه في نهاية شارع الاربعين في الصناعيه يسمونه القصيميه وتقدار تحط عمدن خيمة صغيره

[ibnassaf]

يا اخي لا تركب سله و لا هم يحزنون

اشحن عفشك مع فيدكس قبل السفر بيومين و لا تكلفك اكثر من 200 ريال

و ريح نفسك و استمتع بالرحله مع عائلتك

و هذا الي اسويها كل مره

و صدقني ما تندم باذن الله