كفرات بالون ماكسس 900

[راعي النياسين]

السلام عليكم ورحمة الله وبركاته


اخباركم يالمكشاتيه عساكم بخير

يااخوان انا رجال يعجبني كفر البالون وتعجبني وقفته وكل مانويت اركبه يجيني واحد ويذمه واشيله من بالي

فيااخوان اشرايكم فيه

هل الرجه الي فيه توصل لدرجه انك تكره السياره ؟؟

واذا كان فيه رجه وش اللحلول علشان تختفي

هل يفرق عزم الموتر كثير اقصد قومة الموتر ؟؟

وانا ان شاء الله اني جازم على تركيبه ولقيته جديد 350 ريال جنط 16 طبعا الجنوط هلل

انا جازم بس مانستغني عن مشورتكم

علما ان الموتر سوبر سفاري 2006

[عقاب999]

يالغالي ..انا مجربه على لاند مايرج ابد ابد ..لاكن السفاري ماادري..وعلى حسب علمي ان ال900 مقطوع من السوق ...اذا كان عندك موزع يبيعه ارسلي الله لايهينك محله..

[_دربيل_999]

أخوي الكريم..
شف مقاس الوكالة..وركبه..
مالك ومال المشاكل مع البالون وغيره اللي مشاكلها أكثر من فوايدها,,

تحيتي لك..

الروقي

[سوبر VTC]

ركب و انت مغمض و سعره زين و رخيص :good2:

موضوع للنقاش - افضل كفرات بالون - منتديات مكشات (http://www.mekshat.com/vb/showthread.php?t=264562)

+


اذا ركبت كفرات البالون لاتنسى هذه التوصيات...للاستخدام السليم """"""" (http://www.mekshat.com/vb/showthread.php?t=142176)

+

كفرات البالون معلومات ومناقشات (http://www.mekshat.com/vb/showthread.php?t=220120)

[ابوصالح77]

ممتاز جداً ، إنس شيء اسمه مطب وبطانيج .
مركبه على لاند ( وتراي راعي خط وجلد لطبيعة الدوام )
لكن له عيوب :
1- إذا كنت في خط وفيه هواء قوي يلعب فيك الموتر .
2- لا تقرب مسار التريلات يلعب فيك .
3- إذا كنت راعي سرعة بالمدينة فالفرامل يختلف عليك .
4- في المطر يلعب فيك إذا أسرعت .
5- أول ما تمشي الصباح يرج مسافة قصيرة لين يأخذ مجراه عقب وقفة الليل .
لاكن مع عيوبه يستاهل التجربة لسببين :
الراحة + الشكل
وإذا طلعت الدراهم : خذ لك نوع :(سيام تاير ) لاكن عيبه غالي ( 550_650)
أكثر عيوب البالون تنساها .

[النايف999]

ركبت سيام تاير900/16 على اف جي جديد وكرهتني في الموتر

ثقيله ورجه مع اني رصصت ارضي كم مره ومانفع وغيرتها بعد اسبوعين ,, بعدها قلت مانيب مركب مره ثانيه

الحين مركب ماكسس 900/17 8غاط على لاندكروزر2008 على جنوط الوكاله ورصصتها عند باكستاني مظبوووط وماشاء الله مافيه احسن منها



انا اشوف من اهم اسباب عدم الرجه هو الجنوط الاصليه - والباترول فيه رجه اصلا

[fj44]

من واقع تجربه
مكسس 8 غاط وترصيص ارضي
100 % الموتر طبعاً اف جي
لا رجه ولا شي لا يوجد منها عيوب نهائياً
اسيام تاير جربتها قبل سنتين كرهتني البالون
وسعر المكسس معقول الواحد 365 ريال
ومتوفر عندنا في الخرج طبعاً 900 /16

[براد نجد]

هلابك اخوي ان طعت شوري هج وانحش عن البالون بجميع انواعة تراك تبي تكرة الموتر منة تراة يبي يعدم عليك الركب والأذرعة والمقاصات والبلاوي اللي مالها مدى ناس جربوة وانا شخصياً جربتة دمر علي الموتر فية رجة تقول ولا انكسر الشاصي ابعد عنة ان طعت شوري وتحياتي لك""

[Mansour4800]

اخي الفاضل انا كنت بنفس حالتك
والناس نصحوني وكل شخص ينصحك بنوع
انا بالنسبه لي معي سفاري ٢
ركبت كفرات هيرو ١٦\٩٠٠ :good2:
الحمدلله من اروع مايكون
بس شوفلك واحد يرصص زين
وواحد من اخوياي مركب سيام على سفاري ٢ نفس الجوده بس اغلى
ومن وجهة نظري النوعين هذي افضل من الماكسس
---------------------
بس فزة الموتر ثقييله
تحياتي

[ابو ناصر2020]

ركب وانت مرتاح واذا على الرجه اهم شي رصص الموتر عند مركز قوي عشان ترتاح

او محل يكون مكينتة الترصيص حقته كويسه موب اي كلام واذا انت ساكن بغرب الرياض او شرق الرياض

ارسل لي رساله خاص وعطيك مواقع يرصصون وانا اضمنهم لك لان شغلهم مافيه اي كلام

[سيف الظفير]

مركبة على سوبر سفاري سيارم تاير

والله اطرق الـ 160 / 180 ولا اعرف الرجة بالسرعات ابد

[جهام القصيم]

الكلام الي يجمد على الشارب إن كانك راعي بر إو صيد خذة وأنت إمغمض وإن كانك راعي ديرة وخطوط لايقربك بنسبة لي في الشتاء والصيد اركب بالون 16 وباقي الوقت شد بلد 17كفر عادي