تم تركيب المراية وتشغيل درجة الحرارة ولله الحمد

[أبو مسفر]

السلام عليكم ورحمة الله وبركاته
استكمالاً لموضوعي السابق
حصرياً : تركيب مراية 3×1 درجة حرارة وبوصلة وتعتيم آلي على أي سيارة
على الرابط هذا
http://www.mekshat.com/vb/showthread.php?t=273529


تم هذا اليوم الثلاثاء ولله الحمد استكمال تركيب المراية في السيارة ونوع سيارتي هايلكس 2006 ولقد يسر الله تركيب المراية خصوصاً ان المراية القديمة مثل الامريكي عبارة عن قاعدة حديدية تلزق على القزازة وبمجرد فك غطاء قاعدة المراية القديمة بسكروب لكن انتبه لا تكسر الغطاء البلاستيكي الاسود وجد مشقبية ضغطتها باصبعي ثم رفعت المراية الى الاعلى وطلعت بسلام .
الان ما علي الا اني ادخل المراية الامريكية في القاعدة الحديدية ولله الحمد ركبت كأنها شد بلد وربطت على المسمار اللي في المراية لين تك على الحديدة .
ولقد كان لفتحة اللنبة اللي فوق المراية اللي سبق ان نزلت موضوعها
اللي يبي يركب لمبة مراية
في الربط هذا
http://www.mekshat.com/vb/showthread.php?t=87774


اقول لقد كان لفتحة اللنبة فائدة كبرى حيث سهلت علي تسليك الاسلاك في التندة
وهذي المراية يوم دخلتها في القاعدة الحديدية


http://www.mekshat.com/pix/upload03/images149/mk9305_1.jpg


وهذي فتحة اللنبة قشعت اللنبة علشان يسهل علي التسليك


http://www.mekshat.com/pix/upload03/images149/mk9305_2.jpg


هذا الواير الحديدي اللي يسهل تسليك الاسلاك يستخدمونه الكهربائيين في تسليك العماير
تلقونه عند محلات الكهرب


http://www.mekshat.com/pix/upload03/images150/mk9305_9.jpg


وهذي المراية دخلت سلكها من فوق السقف واطلعته مع فتحة اللنبة علشان التشبيك


http://www.mekshat.com/pix/upload03/images149/mk9305_3.jpg


صورة من وراء القزاز
http://www.mekshat.com/pix/upload03/images149/mk9305_4.jpg



صورة بعد تشبيك اسلاك المراية وارجاع اللنبة لمحلها وبانتظار التشبيك النهائي


http://www.mekshat.com/pix/upload03/images149/mk9305_5.jpg



صورة بالليل بعد تشبيك الاسلاك وتشبيك الحساس وتشغيل البوصلة والتعتيم ودرجة الحرارة بشكل ممتاز
ويلاحظ ان الارقام ضعيفة الانارة وانا لاحظت ان الارقام مرة تضعف ومرة تقوى واظن المشكلة في قوة الفيوز اللي وصلت منه الكهرب


http://www.mekshat.com/pix/upload03/images149/mk9305_6.jpg


صورة وقد ولعت اللنبة وكل شي شغال ولله الحمد


http://www.mekshat.com/pix/upload03/images149/mk9305_7.jpg


صورة أخيرة


http://www.mekshat.com/pix/upload03/images149/mk9305_8.jpg


واخيراً اتمنى ان يستفيد اخواني اعضاء المنتدى وغيرهم
وترى الشغلة ولله الحمد ليست بالصعبة وبالنسبة لسيارات التويوتا واي سيارة مرايتها ملزقة بالقزازة سهل جداً اخراج المراية بدون الحديدة والاستفادة من الحديدة لتكون قاعدة للمراية الامريكية ( مراية يوكن او تاهو او سوبربان ) من موديل 2000 الى 2006


والله الموفق

[abuud]

انا اول واحد يرد مشاء الله اخوي شغل مضبوط
والله انك افدتنا طيب التسليك الي خلف المراية انا اذكر يجي معة مثل الحلق يدخل بوسطة الاسلاك علشان يخفي التسليك هذي اشوفها في الجموس 2005
مجرد فكرة

[دنيا...]

ما شاء الله تبارك الله شغل تمام أخوي الله يعطيك خيرها ويكفيك شرها وأفدتنا كثيرا الله يجزاك خير....

[crozman]

تسلم اخوي على الفكره لاكن ماقلت كم سعر المرايه

[ابو ناصر2020]

ماشاء الله تبارك الله

شغل مضبوط

يعطيك العافيه يارب

[المغيض]

مشاء الله تبارك الله...والله يعطيك العافيه وبيض الله وجهك..شغلك تمام وفن...
تقبل مروري

[بطناج]

تسلم اخوي على الفكره لاكن ماقلت كم سعر المرايه
مثل ما قال ,, كم سعر المراية لاهنت؟ وتبع أي موتر في الأصل؟

[ابوتركي1431]

ماشاء الله تبارك الله
شغل مهندس

[أبو مسفر]

أخي abuud حياك الله
ولي الشرف انك اول من يرد
صدقت اخوي اللي مثل المجرى الاسود مافكرت به الا عقب لان اهم شي نجاح التجربة ولله الحمد

هلا اخواني / crozman - بطناج : يقول الشاعر : إذا كنت في حاجة مرسلا .. .. .. فأرسل حكيماً ولا توصه
اللي شراها يقول بـ 100 ريال وانا يوم دورتها في التشاليح ما لقيتها دون الـ200 ريال من دون الحساس


هلا اخواني / دنيا - ابو ناصر2020 - المغيض - ابوتركي1431 جزاكم الله خير وبارك الله فيكم

[سهم قيادي]

ماشاء الله تبارك الله عليك

شغلك مرتب 100%:good2:

[أبو مسفر]

هلا اخوي سهم قيادي
ومنكم نستفيد وانت صاحب خبرة

[myking]

ابومسفر

لتميزك وهج يسطع في أرجاء المنتدى

حقيقة عندما أرى مواضيعك المتميزة أحس أننا لازلنا بخير

نعيش في بحر التطور بموجود المتميزين امثالك

بارك الله فيك ونفع المسلمين بأبداعك

اتمنى من المشرف الكريم تثبيت هذا الموضوع

تقبل تحياتي........

[راعي الصطحه]

الف شكر على الصووور وتقرير جيد والله يبارك لك

[brenc]

الف شكر لك على الموضوع الجميل ويعطيك العافيه

[أبو مسفر]

الاخ :
myking
اشكرك كثيراً على تفاعلك وقد استفدت منك اخي ومن المامك باللغة الانجليزية اللي استطعت ان تترجم بعض المواقع الاجنبية اللي علمتنا طريقة تشبيك اسلاك المراية
وجزاك الله خير

[ابو_حمد]

ماشاء الله شغل مضبوط تسلم
موفق بأذن الله تعالى

[أبو مسفر]

الاخوان :
راعي السطحة
brenc
ابو حمد
اشكر لكم دعاؤكم ووفقنا الله واياكم لما يحبه ويرضاه

[GXR2010]

الله يعطيك العافيه والف شكرعلي الفكره الرائعه وتحياتي لك اخوك ابوتركي

[* ابو باسل *]

مشكور على الموضوع المفيد للكل اخي لو سمحت ابي اسالك الحساس وين وضعته وهل هو يعطي درجة الحراره الصحيحه مقارنه بالسيارات الي جاي معها شد بلد .