وش افضل انواع الكفرات لليوكن مع ذكر السبب ؟؟؟؟؟؟؟؟

[ابونايف77]

السلام عليكم

يا شباب عندي يوكن وابغى اركب له كفرات ولكن من خلال مشاهدتي لاغلب المواضيع لقيت فيه ناس تسب الميشلان مع اني مجربه في الكابرس واليوكن وزي العسل لكن ما خاب من استشار

ابغى كفرات تحقق لي المميزات التالية :

يكون فيه ليونه ومريح للسيارة بحيث ماتحس بالحفريات الصغيرة والشقوق اللي بشوارعنا الجميلة
يكون مضمون بعد الله سبحانه وتعالى
يكون عريض ومرتفعه الدعسه عن الارض
يتحمل السرعة والحرارة

مايهمني السعر المهم الجودة والحماية بعد الله سبحانة

:)

[ريان2002]

وعليكم السلام ورحمة الله وبركاته
شوف هذا الرابط لموضوع لي عن الدنلوب أتمنى يفيدك
http://www.mekshat.com/vb/showthread.php?t=264200
وقبل الدنلوب جربت البرجستون وهو ممتاز بس قاسي جداً على عيون القطط والحفر والطرق الترابيه ولا تستعجل لحد مايفيدونك باقي الإخوه ممن جرب الأنواع الأخرى مثل البرييلي والميشلان وغيره ودمت في رعاية الله

[حسين السبيعي]

ابو نايف فيه نوع كوري جربته ممتاز اسمه ردستون وسعره طيب يصلح لليوكن ولجميع سيارات دبل بشكل عام نفس البرجستون نقشه ودعسه واداء ؟؟؟؟ هذا مالدي ولك تحياتي

[ذيب زلفاوي]

اللوالد معه جمس سوبر بان عليه كفرات هانكوك لهن سنتين والي الحين النقشه زينه وصرحه كفرات لينه مررره بس اضاهر سعرها غالي شوي وعلى فكره ترا الكفرات مافيها ولا رقعه من ركبناهن

[ابونايف77]

مشكورين والله يبيض وجيهكم على الردود ... كفيتم ووفيتم يالذيابه

وعلى فكرة ترا موتري مافيه دبل ,,,, وين البقية ياليت ماحد يبخل علينا بالمشورة والتجربة

[م مهندس]

يقولون قوديير مش كويسة تتسلخ ..هل هذا صحيح ؟

[الشنه]

اخوي لاتقرب الهانكوك لو تضرب بريك تزحف ولد خالي باغي يجيب العيد

معه كابرس كفرات خط (هانكوك مخيسه)

خذ دنلوب ممتازه قاعده معي سنتين ونص وانا كل اسبوعين او 3 اسابيع في البر

ولا شتكيت منها وباكي فيها عمر

ولينه وجوده لو تمشي عليها 170-190 مافي مشكله بأدن الله

[ابونايف77]

م.مهندس الشنة


الف شكر والله يعطيكم العافية

الى الان اثنين متفقين على الدنلوب بس اللي اعرفه الدنلوب للجيوب ما شفته راكب على يوكن

مين اللي مجرب الدنلوب على اليوكن يعطيني رايه...

[tahoe_120881]

كفرات انتركوتننتال رهيبه وكد ومد

[humod]

عندي يوكن 1993م
يعني له حوالي17سنه
جربت انواع عديدة من الكفرات

وافضل نوع مر علي هو ماكسس
وقد انتشر في الآونة الأخيرة بشكل قوي

يتميز بالليونه التي لن تجدها في أي نوع آخر
والسعر المعقول

بس أهم شي انتبه لمقاس كفراتك

جرب وانت الحكم

[ريان2002]

شكلك مادخلت على الرابط اللي أعطيتك هوه من يوم تسأل عن اللي جرب الدنلوب على اليوكون

[زعفراني]

ما اعتقد فيه احسن من الميشلان الفرنسي
وعلى فكره ... مافي كفر يجمع بين الارتفاع و الليونه وتحمل الحفر والصخور والسرعه العاليه والرمال... لان لكل كفر مواصفات خاصه تتناسب مع طريقه الاستعمال المطلوبه يعني فيه كفرات مصممه للرمال والصحاري بس. وفيه كفرات مصممه للارض الوعره والصخور بس .وفيه كفرات مصممه للطرق المسفلته بس.

[أبوالمثنى]

انا كنت مركب ميشلان على اليوكن الله يذكره بالخير

ممتازه جدا

والماكسس جربتها على الجيب ممتازه وسعرها رخيص جنط 16 سعره 375

[هاوي غماره]

فيه كفرات عليهن علامه عقر
عمي شاري تاهو 2005 بوقت 2006 كان مخزن والا قبل ثلاث شهور مانسمن عليه ولا رقعه ولا هم يحزنون بس غااليات

[ابواديم]

الله يعينك على تدوير الكفرات ماكسس

[سهيل 55]

http://file8.9q9q.net/Download/67959949/---------------.pps.html

[كبسولة2]

ماكسس برافو 670 ممتاااااااااازة جداً

للجمسات والجيوب مركبها لها 3 سنوات وكنها جديدة ولا رقعه ولا تنسيم

ماشاء الله وسعرها طيب 370 ريال فقط

الشركة المانية والصناعة تايلندية

[جساس1]

أنا من عشاق كفرات ماكسس خصوصا للفردات وألان مجربها على جيب ربع سيوزو والحمد لله بدون مشاكل

[ابونايف77]

الله يعطيكم الف عافية جميعا وعلى التفاعل والنصيحة الف شكر لكم

بالنسبة للرابط اخوي ريان والله دخلت عليه اول ما رديت ولكن التجربة خير برهان

والاغلب هنا يمدح الماكسس وانا والله ماعمري شريته لكن الله يكتب اللي فيه الخير

اكرر الشكر والتقدير للجميع

ابو نايف

[سداااااح]

بالنسبه لي ارشح الدنلووب
وبقووه بسبب التحمل من كل النواحي
ينفع للسفر والرمل والحجره ماخذ من كل شي شوي
ولاكن بعض الكفرات تلقاها مخصصه لشي معين
مثل الميشلان لايصلح للحجره بسبب ضعف اجنابه
والاخوه يفيدونك اكثر

[ابونايف77]

يعطيك العافية سداااااح على المرور الطيب وشاكر ومقدر يالغالي

[قمة افرست]

اخوي اذا مايهمك السعر
كفرات اليوكون الافضل بالترتيب هي
1 بيرلي جميع المواصفات فيه ليونه راحة سرعه عالية مريح ماله صوت
2 ميشلان يصبر قاسي شوي بس سرعات عالية ممتاز امن بالخط
3قوديير مريح لين ماله صوت امن بالخط
الانواع الاخرى تجي بعد هذه من وجه نظري
وكلها السابقه مريحة فقط الهواء 35 مايزيد ولاينقص

ا

[ابونايف77]

الله يبيض وجهك اخوي قمة افرست والف شكر لك

لكن انت مجرب هالانواع من قبل ؟

انا جربت الميشلان وكلامك صحيح يصير قاسي لكن سرعه وامن بعد الله اوكي ما عليه كلام

[المكان]

اقول خذ هانكوك ورح لهلك مجربة وحلوة جنط 17 مقاس الوكالة وسعرة مناسب 400 ريال

[قمة افرست]

الله يبيض وجهك اخوي قمة افرست والف شكر لك

لكن انت مجرب هالانواع من قبل ؟

انا جربت الميشلان وكلامك صحيح يصير قاسي لكن سرعه وامن بعد الله اوكي ما عليه كلام


نعم اخوي كلها مجربها
بالنسبة للبيرلي لوسعره ماهو عالي ماغيرالاهو
الان بسيارتي قوديير شد بلد وصراحة مالاحظت عليها شي ممتازة

موفق ان شاء الله

[ابونايف77]

وفقك الله والله يكتب اجرك ويسهل لك امورك

يعني اتوكل على الله واغير قوديير ؟ او بريللي؟

بالترتيب اللي قلته انت ان البريللي ماهو بدرجة الامان اللي في القوديير فانت ترشح القوديير .

شورك وهداية الله ولايهونون البقية والف شكر لكم جميع

[VIP-503]

السلام عليكم

انحش عن الدلنوب ثقيله مره على اليوكن

وانا معي يكون 2002 مركب علية مشلان عراض وحلوووة مره وهي مقاسها 275/70/16

وخفيفة وممتازه وبعد الله امينه في الخطوط ونقشه ناعمة

تحياتي

[قمة افرست]

وفقك الله والله يكتب اجرك ويسهل لك امورك

يعني اتوكل على الله واغير قوديير ؟ او بريللي؟

بالترتيب اللي قلته انت ان البريللي ماهو بدرجة الامان اللي في القوديير فانت ترشح القوديير .

شورك وهداية الله ولايهونون البقية والف شكر لكم جميع

هلابك اخوي

مشكلتنا باليوكنات الاكثر
التحبيل . والترصيص

بالنسبة للانواع الي ذكرت
البيرلي ممتاز ولاعلية كلام واامن بعد الله المشكلة سعره عالي
وبماانك تبغى القوديير ممتاز نقشته مرة حلوة اهم شي التاريخ
والترصيص
يفضل ان يكون لصق اذا الجنط كروم او ترصيص ارضي بيضبط افضل

وهذه نصيحة لكل من معه يوكون لاترصص الا ارضي او لصق
الكفر لصق ب20 ريال وبيزبط بشكل ممتاز
والهواء لاينزل عن 35 اي نزول عنه شهرين ويحبل الكفر
لاننسى ان الكفر كبير مقاسه عيار 35 مناسب ولين على السيارة

موفق ان شاء الله

[ابونايف77]

vip 503 مشكور والله يعطيك الف عافية

قمة افرست / الله يسعد ايامك يالغالي

[ابوطارق1010]

بعد بحث طويل وجولات وصولات على بناشر الرياض
وبناشر الغرابي

اغلب اصحاب المحلات قالوا لي "ميشلااااااااااااااااااان" وانت مغمض
عليه ضمان مدى الحياة من الجفالي من زود الثقة
وفعلا ركبته على اليوكن جنط 16 شي غير طبيعي لين لين لين
وتدعس بالخطوط ماتحس بسرعة السيارة
طبعا ان جزمت خذ الفرنسي
والدفرنس الواحد مايصلح له الا جنط 17 ارفع له
لان الدفرنسين مرتفع اصلا فيركب له 16




275/16/65 275=عرض الكفر 16=قطر الجنط 65=ارتفاع الكفر من الارض

[ابو عزيززز]

اخواني الاعزاء

عند التحدث عن جنوط اليوكن يجب ان نفرق بين جنط 17 وجنط 20

جنط عشرين العريض اعتقد ان من الافضل له برييلي او قود يير او ميشلان

اما 17 فاعتقد ان لامنافس لميشلان

هذا في الاستخدام العادي

اما الاستخدام الرملي او الحجري فلا اعلم



وانا عندي جنط عشرين وابغيير الكفرات واحتمال كبير اغير برييلي

وبانتظار رآي مخالف لكي نستفيد

[ابونايف77]

ابو طارق الجنط اللي على الموتر هو 16

وانا افكر اركب 275/65/ 16
او
280/70/16 اذا حصلت بركب احب يكون الكفر ارفع عند الارض

[B A R E K]

انا انصح بالميشلان ..

[ابونايف77]

B A R E K (http://www.mekshat.com/vb/member.php?u=116373)

الله يعطيك العافية على مرورك الطيب

انا من عشاق الميشلان ولكن عيبه انه قاسي وفي احد الاخوان راسلني يقول القوديير يتسلخ يعني ما ينفع والله يكتب اللي فيه الخير

[alsamr02]

انا اخوي الفاضل لدي يوكن مركب علية يوكوهاما وارد الجميح من كيلو 3 بجدة رحة علية المدينة مشا الله لا قوة الا بالله مرن بشكل رهيب ... اما البرجستون فبعد 6 شهور يقسا وانصحك ايضن بالهانكون ايضن ممتاز لاني تجربتي معاه قديمة ومرن لأبعد حد ... اما ال دنلوب فلا والف لا .. كان مركب عندي بصالون Gxr الله المستعان قاسي جداً

ارجو ان اكون افدتك ... الله ولي التوفيق

[ابونايف77]

alsamr02 (http://www.mekshat.com/vb/member.php?u=159015)

الله يعطيك الصحة والعافية وربي يوفقك ويستر عليك يالغالي

بس كيف اليوكوهاما مع السرعه والحرارة ما ينصلخ طبعا الامور بيد الله تعالى لكن انا رحت وجيت وسالت ولقيت العالم ما تخرج من نوعين
1- الميشلان 2- القوديير

كم المدة وهو مركب بسيارتك الا الان ؟ وهل باقي لين ومريح ؟