الإخوه الفاهمين في تمديدات المحول إلى البطارية أرجو الدخول

[ريان2002]

السلام عليكم ورحمة الله وبركاته
كانت تراودني فكرة تمديد أسلاك محول الكهرباء للبطارية مباشرة لأني مثبته قريب من الولاعه علشان الفيش وبعد بحثي في الإنترنت هونت عن الفكره لحد ماألاقي إجابه لسؤال في بالي
في أحد المنتديات موضوع بالصور لعضو مسوي الفكره على سيارته وطبعاً الموجب موصل سلكه من المحول للبطاريه وحاط له أفيوز وهذا طبيعي ولكن
سلك السالب وصله من محول الكهرباء لمسمار داخل السياره فيه ماص على قولته سؤالي هو
لماذا لم يتم توصيل سلك السالب إلى البطاريه مباشرة مثل الموجب ؟؟؟؟
وإذا وصلت السالب للبطاريه مثل الموجب هل هناك ضرر ؟
أعتذر على الإطاله وأرجو الإفاده ممن لديه العلم ودمتم في رعاية الله

[لاتكب البيالة]

وعليكم السلام ورحمة الله وبركاته
السالب وصله الى اي معدن بالسيارة ما عندك مشكلة ويكون غير مصبوغ او عليه عازل لكن اذا وصلته للبطاريه افضل لان المقاومة تبي تختلف وبيكون صرف الكهرب اقل بشكل بسيط

[ريان2002]

ماقصرت أخوي لا تكب البياله على ردك السريع وجعلك تسلم بس هذي مافهمتها ( لأن المقاومه تبي تختلف وبيكون صرف الكهرب أقل بشكل بسيط )

[لاتكب البيالة]

حياك الله
الكهرب تمشي من الموجب الى السالب اذا كنت موصل السلك على اصبع السالب يعمل المحول بكفائة افضل ومفاقيد اقل
زي الحين الشارع اذا صار مزفلت من مدينة لاخرى زفلت مضبوط ياصلون الناس باقل جهد اما اذا صار كله مطبات وعقوم ونصفه ممهد الناس بياصلون بعنا وممكن تفقد بعض الناس اللي تعلق بعقم واللي تعطل بالطريق واللي قلب ومات الله يرحمه

[ريان2002]

بارك الله فيك أخوي لا تكب البياله وشاكر ومقدر لك