لو خيروك بين هذه الثلاثة مواتر وش بتختار (اتمنى احتساب الاجر والافادة)

[فهد1415]

السلام عليكم

انا اريد استخدام فقط يعني سيارة لي وللزمن ..

معروض علي ثلاث سيارات..

الاولى اكسبلورر امريكي بطاقة جمركية لم يستخدم هنا مرتبتين ليس فيه مكيف خلفي فوق انما تحت عند التكايات

اللون ابيض ماشي 137 الف ميل سعره 45 الف

الثاني نفس السيارة الاولى ماعدا اللون فضي والبدي فيه حكات بسيطة واثر رمل او حصمات معلمة في كم موقع في الموتر ماشي 66 الف ميل وسعره 45 الف

الموتر الثالث تاهو ماشي حول المية ومواصفاته وبوديه طيب وسعره 50 الف

اتمنى الافادة فأنا محتار وخاصة مع الاكسبلورر ناس كثير تحذرني تقول ان فيه مشاكل في القير في كل الموديلات التي سبقت 2007 هل هذا صحيح...؟؟

مارأيكم اخواني !

[فيصل العاني]

هلا بك اخوي فهد
ان اشوف انك تبتعد عن الاستخدام الامريكي اي نوع مهما كان جمس او شفر او فورد وانا اكلمك لاني قد طلعت فورد من الصالة وصبر معي سنتين وبعدين كل شوي طالعة علة وبعدين سيارات الصالة حضوض وانا اشوف التاهو سعرة مناسب بنسبة اذا كان الموديل من الجدد والله يوفقك في اختيارك

[الماستر11]

تبي نصيحتي انحش من السيارت الامركية كلها غش في غش ينزلون عدادها وكلها مصدومه ومروشه وممكن مقصوصه نصين الاوهي السيارة المركية امستعمله الواردة من امريكا خاصه من الامارات ومينا جدة انحش انحش انحش

[بن شمروخ]

اخوي موديلات السيارة

[فهد1415]

جزاكم الله خير احبابي

نسيت اهم شي الموديل

الاكسبلورر الاول والثاني موديل 2006

التاهو موديل 2004

في الانتظار احبابي وجزى الله من نصح كل خير وبالنسبة للاخوة المواتر مضمونه محركات ثلاث سنوات ومشروطة لو طلع فيها صدم او غرق استرجع كامل فلوسي

[طحنون]

يالحبيب خليك على التاهو اذا كان نظيف توكل على الله الاكس بلور ماادري عنه لاني لم اجربه

[فهد1415]

بارك الله فيك اخي

ننتظر من جرب الاكسبلورر

[كاشت وحداني]

والله التاهو يمدحونه
ونصيحتي انحش من الامريكي
صحيح قوة وراحه
لكن كل يوم ناط لك عله

[ابن الضمين]

اخوي زي ما قالو انحش عن الامريكي
وخصوصا اذا كان ماشي كثير !!!!!!!!!!!!!!!!

[Riyadh City]

بالنسبة للفورد ترى أسعارهن ممتازه جداً على موديل 2006
ولا يهمك من يقول أعطال شف الديرة صار الاكسبلورر فيها اكثر من الكامري
بس أهم شي يكون الموتر نظيف ..

لكن بالنسبة لي وكانك تبي سيارة لك وللعمر خذ التاهو تراه أقوى ويصبر أكثر من الاكسبلورر ناهيك
أنه أوسع من الداخل بس أهم شي يكون دبل ..

بالتوفيق

[عذب الروح]

والله مالي علم بهالمواتر

لكن تبي نصيحتي ياولد الأجاويد

أستخر وطلب من الله العون فهو أعلوم بما ينفعك

تحيتي

أبو سليمان

[كاشت في الحوش]

أخوي فهد

أولا استخر
وأسأل الله أن يكتب مافيه الخير وأن ييسر لك الراكبه التي تعينك على قضاء حواجك وتسرك في حلك وترحالك
اللهم آمين

أبو أحمد

[خوي السفر]

اخوي فهد
الاستخارة قبل كل شي
وبعدين ترى لو تأخذ لك تاهو تراه موتر والله لن تندم بأذن الله
والواحد يشتري راحته
جميع السيارات الامريكية مريحة جداً جداً واسعارها في متناول الايدي
شيباننا مايستغنون عن الامريكي كل بيت عنده اقل شي جمس
والان مع تطور الصناعات وكثرة السيارات تحتار وش تأخذ
لكن اقول لك خذا وانا اخوك تاهو عزالله انها بتريحك انت وعائلتك
والله يكتبلك الاصلح

[_دربيل_999]

اخوي..
سيارات الصالات رجيع في امريكا والبوية ماتلائم اجوائنا تقلب مع اول شمس صيف..
عليك بالتويوتا والنيسان..

تحيتي لك..

الروقي

[همس الغدير]

مشاءالله اكيد اخوي(( التاهو))
شيخ الامريكي في المعارض هالايام

[taag1]

انتبه اخوي من سيارات الصالات لأنهم يغيرون ممشاها بسهوله وحاول تشيك عليها عند مواقع التشييك مثل (كارفيكس.....) برقم الشاصي
الموجود بالسياره والله يكتب لنا ولكم الخيره

[سيف الظفير]

السلام عليكم

انا اريد استخدام فقط يعني سيارة لي وللزمن ..

معروض علي ثلاث سيارات..

الاولى اكسبلورر امريكي بطاقة جمركية لم يستخدم هنا مرتبتين ليس فيه مكيف خلفي فوق انما تحت عند التكايات

اللون ابيض ماشي 137 الف ميل سعره 45 الف

الثاني نفس السيارة الاولى ماعدا اللون فضي والبدي فيه حكات بسيطة واثر رمل او حصمات معلمة في كم موقع في الموتر ماشي 66 الف ميل وسعره 45 الف

الموتر الثالث تاهو ماشي حول المية ومواصفاته وبوديه طيب وسعره 50 الف

اتمنى الافادة فأنا محتار وخاصة مع الاكسبلورر ناس كثير تحذرني تقول ان فيه مشاكل في القير في كل الموديلات التي سبقت 2007 هل هذا صحيح...؟؟

مارأيكم اخواني !





كم موديلاتها يالغالــــــــــــي !!!

وانصح بالتاااهو

[ام صتمه 87]

وش الصالة ..

وتراهم أحياناً يعدلون في الممشى ..

[فهد1415]

الله يجزاكم خير احبابي الكرام

ماقصرتم الله يكتب لكم الاجر

ووالظاهر اني بستخير وآخذ التاهو

الموديل 2004

والاكسبلورر 2006 بدون دبل

الصالة مزادي بين مخرج 13-14

[الشميسه]

تبي نصيحة اخو يالغالي انحش عن الامريكي وان كانك صامل التاهو ارحم لك

[اورنس الشرق]

عليك بالتويوتا والنيسان..

[التميمي 333]

اقول انحش من الامريكي وخلك على الياباني لك ولزمن ولا بعد سعر فيه

[$سهام الليل$]

قبل ماتشتري تأكد من السيارة مرشوشه وثاني شي وهو ضروري ينساه اكثر من يشتري الأستخدام وهو هل السيارة دخلها ماء وذلك بتأكد من الطبلون من الداخل واسفل الفرشات لأن اكثر اجزاء امريكا تتعرض إلى اشد الفيضانات في العالم مثل كارثة جدة من بعدها خاصة المعارض من السيارات اللي تعرضت لكارثة السيول تجد الكامري قبل 50ألف وبعد 30ألف هذا لتذكير يالربع

[لكزس_جيب]

الله يكتب لك السيارة اللي تريحك وتغنيك يارب عن أي سيارة غيرها..
وجهة نظري .. حاول تتأكد من كل الأشياء والملاحظات اللي قالوها الشباب ولا تنس تأخذ أحد المتخصصين في شراء وبيع السيارات من أحد المعارض مقابل مبلغ مالي وخليه يشوف السيارات ويعطيك رايه إذا كان فيها أي عيوب مخفية .. لأن الرأي الآخر مفيد بعد ..
المهم لو أنا كنت اللي بشتري أتوقع أني باخذ التاهو ..
موفق خير وأنا أخوك ..

[سفاري959]

انصحك نصيحه اخو عليك بالياباني تراه ابرك من ناحيه الاستخدام وعند البيع لو تاخذ باجيرو فل 2005 او 2006 بحدود الاسعار هذي تراه اصرفلك وان كنت معزم على واحد من السيارات اللي ذكرتها انصحك بالتاهو والله يكتب لك اللي فيه صالح وخيره تقبل مروري

[فهد1415]

استخرنا الله

وأخذنا بشوركم وشور الاجواد شرواكم وشرينا التاهو..وان شاء الله بكره استلم السيارة

اعجز عن شكركم على هذا التفاعل والنصائح الله يجزاكم بالخير
ويكتب لكم الاجر ولا نستغني ابد عن نصائحكم

بالنسبة للرش والصدمات والغرق واللعب في العداد فتقرير الكارفيكس يفضح لك كل هذا ويعطيك الحالة الحقيقية لموترك في امريكا والحمد وجدتته مطمئن

وفحصتها عند الغروب وحصلنا اشياء بسيطة ولكن الحمد لله المحركات من قير ومكينه وديفرنس كلها سليمة بحمد الله.

دعواتكم يالربع وهذا الموقع هدية لكم لمن اراد حالة السيارات المستورده من امريكا

http://www.arabvin.info/index.htm (http://www.arabvin.info/index.htm)

[ابونويصر]

التاهو أفضل على ماأعتقد :c

[عاشق السيل]

أرجح التاهو ،،

وبالتوفيق يالغالي ....

[برنس 500]

الله يعطيك خيرة ويكفيك شرة

[جوبتير]

التاهو شيخ واتحدى من يقول غير ذا الكلام ،، من واقع تجربه سنتين انشهد انه سياره عز بشرط النظافه واما غيرها فهو منزل متحرك وخصوصا اذا كان ثلاث مقاعد

[هاوي غماره]

خذ تاهو وانت مغمض

[محمد بن سطام]

انا صراحه افضل التاهو
واذا كنت محتار صل صلاة الاستخاره وربي وربك بيسر امورك ان شاء الله
والله يوفقك

[سوسة حطب]

التاااااااااااااااااااااااااااااااااهو ولا تحتااااااار

[مهنا-715]

التاهو حليو بس اقول الياباني اطيب

[عشق الشمال]

اخوي فهد

الاستخارة قبل كل شي
وبعدين ترى لو تأخذ لك تاهو تراه موتر والله لن تندم بأذن الله
والواحد يشتري راحته
جميع السيارات الامريكية مريحة جداً جداً واسعارها في متناول الايدي
شيباننا مايستغنون عن الامريكي كل بيت عنده اقل شي جمس
والان مع تطور الصناعات وكثرة السيارات تحتار وش تأخذ
لكن اقول لك خذا وانا اخوك تاهو عزالله انها بتريحك انت وعائلتك

والله يكتبلك الاصلح




اضم صوتي للاخ / خوي السفر :good2:

وازيدك من الشعر بيت اذا حصلت استعمال امريكي بشرط يكون نظيييف والله انه سياره :good:

تجربه في الاستعمال الامريكي اكثر من 12 سنه ولله الحمد لم اشتكي من شي :)

والله يكتبلك اللي فيه خير

[السنع كله]

تجربتي في الاستعمال الامريكي من اكثر من عشرين سنه ولله الحمد لم اشتك من شي لكن ليس كل مستعمل امريكي نظيف

[أبوعلي الجاسر]

أخوي بعد الإستخاره وأنا مدري كم موديل التاهو

لكن بدون مقارنة التاهو أفضل بكثييييييييييييييييير

مركب عزم قوة شكل بدي قطع غيار متوفر بشكل أكثر أعطال أقل

[ابا سديم]

حاول عزيزي في التاهو و لو تدور سعودي احسن واجد. الامريكي شختك بختك واذا رحت لهم قالوا لك سؤ استعمال:l

[جلمود الجبيرى]

التاهو افضل والا صرت تاصل للقيمه هاذي دور باترول تحصل نظيف بلحيل والله يختار لك الصالح

[راكان الاول]

تاهو اذا نظيق بس لا يكون زيتي او دخاني ترا هاللونين يحومن الكبد والسعر ما اعرف هو مناسب او لا.
دعواتك وفقنا الله واياك

[AL.KNG]

مبروووووووووووووك والله يعطيك خيره ويكفيك شره

[الصقار3]

صل ركعتين الاستخارة واستخر الله وهو علام الغيوب سبحانة

[دواك عندي]

الله يطعمكم خيره ويكفيك شره ويجعله داخل عليك بالبركه ونعم الأختيار :good:

[الربذي]

انا لقيت ان الاستعمال الامريكي انظف واطلق من السعودي بشرط يكون نظيف عن تجربه سبع سنيييييييييييييييييييييييين

ومبارك السياره الله يعطيك خيرها ويكفيك شها يارب.

[سوبر152]

الله يوفقك
:good:يدا بيد للمحافظة على أشجار الطلح واستزراعها:good2:

[ابن غفيص]

تاهو وانت مغمظ

واستخر اولا واخيرا

[NOYEB]

كلً يمدح السيارة اللي عندة

[metub1404]

عليك بلاستخارة

[mahooy14]

اخوي عليك بالتاهوو



ووكل الله

[isz4all]

تاهو وتوكل على الله

[مكشات واحد]

خذ التاهو وتوكل على الله

[f450]

السلام عليكم اخوي انصحك في الاكسبلور وتبي نصيحتي لا تشتري الا امريكي راحه امان فخامه

[terke mekshat]

التاهو وبس

[سلطان تميم]

اخوي فهد الله يرزقك السياره الي تسرك ولاكن انصحك انك تستخير وبعدين تقرر وتشوف المقارنه بين السيارات بس انصحك التايوتا او النيسان اما السيارات الي ذكرت اذا انت صامل وتبي منه شي انا انصحك تاخذ رقم سطحات جميع الطرق في المملكه العربيه السعوديه لاني انا من الي جربو السيارات الامريكيه في البران الله لايعيده من ايام والله اني ارجع لاهلي مسحوبه سيارتي من قيبل اخوياي الي معهم تايوتا او نيسان او مع سطحه على الطريق والمشكله السياره الي معي مديل جديد الله يخلف معليش على الأيطاله والله يرزقك الي في خاطرك

[التعـ King ـديل]

انا اشوف ان الياباني افضل << نيسان مو اي ياباني بعد

لكن من بين الخيارات اللي حطيت الكفه ترجح للتاهو

[ال_تي_ما]

انا معي اكسبلورر 2003 امريكي ماشي 300 الف والحمدالله ماعمري اشتكيت منه وقطع غياره رخيص ارخص من التايوتا

[معشى الذيب*]

مشاءالله اكيد اخوي التاهو:good2:

[أمير الصيد]

استخرنا الله




وأخذنا بشوركم وشور الاجواد شرواكم وشرينا التاهو..وان شاء الله بكره استلم السيارة


اعجز عن شكركم على هذا التفاعل والنصائح الله يجزاكم بالخير
ويكتب لكم الاجر ولا نستغني ابد عن نصائحكم


بالنسبة للرش والصدمات والغرق واللعب في العداد فتقرير الكارفيكس يفضح لك كل هذا ويعطيك الحالة الحقيقية لموترك في امريكا والحمد وجدتته مطمئن


وفحصتها عند الغروب وحصلنا اشياء بسيطة ولكن الحمد لله المحركات من قير ومكينه وديفرنس كلها سليمة بحمد الله.


دعواتكم يالربع وهذا الموقع هدية لكم لمن اراد حالة السيارات المستورده من امريكا



http://www.arabvin.info/index.htm (http://www.arabvin.info/index.htm)




الف مبروك
والله يعطيك خيرها ويكفيك شرها وبالتوفيق ان شاء الله .

الغريب ان بعض الاعضاء ماعرفوا انك استخرت وشريت ؟؟؟