المساعد الشخصي الرقمي

مشاهدة النسخة كاملة : المستهلك ...ماسلم من غش الوكالات .. وغلاء الأسعـار .. لازم نسوي شيء ياناس !!!


abady2010
05/03/2010, 02:08 PM
السلام عليكم
الكل يعرف عن استدعاء السيارات من شركات تويوتا - نيسان - جنرال موتور .. وباقي شركات والله أعلم
وعندنا هنا يادوب تم استدعاء السيارات بعد المشاكل اللي صارت في امريكا
المشكلة ماكفاهم غلاء الاسعار وسلخ المستهلك بأرباح خيالية .. فوق هذا تطلع مشاكل خطيرة في السيارات قد تؤدي الى حوادث - لاسمح الله -
انا ودي اعرف ايش دور حماية المستهلك .. سواء في مشاكل السيارات او في غلاء الاسعار ..
و ايش نسوي حنا في هالحالة ؟؟
aooa
05/03/2010, 02:14 PM
اللي اشوفه ان هناك حملة منظمه على وكلاء السيارات بسبب تكرار المواضيع وتنوعها بهذا الخصوص ...
abady2010
05/03/2010, 02:19 PM
وينها ياخوك ... ودنا حملة بأسرع وقت وبأكبر عدد ممكن
والله مصخوها هالشجعين .. ماهمّهم الا فلوس والا الناس في الهاوي
حسبنا الله ونعم الوكيل
ابو العز بلس
19/08/2010, 02:18 AM
وعليكم السلام ورحمة الله وبركاته


وش فادية الحملة ولا حولكم احد
أبو إبراهيم !!
19/08/2010, 02:22 AM
في اعتقادي اشخصي لو كل واحد بقى على سيارته سنتين فقط راح تنزل الأسعار غصب عنهم
اليوم مرسلين نيسان لي رساله يقوولون خذ سياره وسدد بعد 4 شهور
يعني مندقين دق ...لازم نقاطعهم ونبقى على سيارتناء لمده محدوده وسوف يندمون اشد الندم
تحياتي للجميع
ريان2002
19/08/2010, 02:42 AM
أخوي عبودي مسائك ورد
تخبر حملة خلوها تصدي ؟
أستبشروا الناس فيها خير وبكل أسف طلع بعض أعضاء المنتدى يقول الحمله ماشجعها إلا ناس فقرانه ماتقدر تشتري الجديد وحاسدين الأغنياء وسمعت كثير خارج المنتدى مثل هالكلام
الخلاصه يد وحده ماتصفق ومثل هالأمور تحتاج إجماع شعبي كبير وهذا لن يحصل بسبب العينات اللي ذكرتها قبل شوي وبغير كذا ماحيتغير شئ وسلامتك
أبو نـآيف
19/08/2010, 03:10 AM
8

العينات هذي موظفين تبع الوكاله هدفهم نشر البلبله
وتفريق العالم

يقولك المثل فرق تسد
شمالات نجد
19/08/2010, 03:16 AM
نصيحه انس الموضوع لأنها ماجت على السيارات فقط

سلام
* ابو باسل *
19/08/2010, 03:23 AM
الحين خلوهم ينتبهون للمواد الغذائيه والاستهلاكيه الي اكلينا فيها اكل وكل يوم في زياده بعدين ينتبهون للسيارات الي هي في اخر الاهتمامات .
ريان2002
19/08/2010, 03:57 AM
الحين خلوهم ينتبهون للمواد الغذائيه والاستهلاكيه الي اكلينا فيها اكل وكل يوم في زياده بعدين ينتبهون للسيارات الي هي في اخر الاهتمامات .


ذكرتني بصلصة الطماطم اللي تجي في علب حديد صغيره كانت قبل 20 سنه تقريبا الكرتون فيه 100 حبه ب 14 ريال والحين حبتين ب 3 ريال
والله يعين ويرزق كل من عنده عائله كبيره وراتب قليل
ولد وايل..
19/08/2010, 08:49 AM
حسبنا الله ونعم الوكيل....
ياليتها وقفت علي ذي...!!


يقولون ليه القتل ؟؟

ليه المخدرات ؟؟

ليه التفحيط؟؟!

ليه السرقه ؟؟

ليه الناس انهبلوا ؟؟!


الللللللللللللللللللله يخارجنا !!
محب شبة النار ـــ بريدة ـــ
19/08/2010, 12:04 PM
كان معي هايلوكس 2002
ورحت أركب شمعات
شريتها أصلية جديد الوحدة 300 ريال
شريت ثنتين
ورحت أركبها بالوكلاء علشان الوزن
قال لي 300 ريال
ياخي حرام بس تركيب 300 ريال
هجيت منهم ركبتها بورشة 40 ريال
مع الوزن
حتى راعي الورشة علمني كيف آزن الأنوار علشان آزنها على كيفي
الوكلاء كلها نصب وحتيال