شدقم للمهمات الصعبه للبيع

[مطنوخ كالعاده]

جمس موديل 78 الموتر مجدد كامل من الى #قزاز تماتيك . دركسون كسر. مكينه 350 دبل. توانك بنزين ثنين. كفرات جديده بلون. مكيف. استماره جديده .ونسمع السومات الطيبه الصامله بعد اذن الاداره الموقع الرياض جوال 0541999696

[ال محميد]

مافي صوره للموتر؟؟

وكانك ناوي بدل بكابرس أس أس موديل 2000

راسلني على الخاص وهذا رابط الموضوع مع صور الموتر http://www.mekshat.com/vb/showthread.php?t=276153

تحياتي لك

[مطنوخ كالعاده]

مالك لوى اخوي موترك طيب ويسوى والله يرزقك البيعه الطيبه والجميع انشاء الله تحياتي

[الدبل]

اخوي مطنوخ
السلام عليكم ورحمة الله وبركاته
الموتر كم حجمه وهل هو مفخذ ولا مصفح
وكيف محركاته وبديه
وياليت صور له حتى ما نبخس الموتر
والله يعطيك خيره ويكفيك شره
ويرزقك البيعه اللي تسر خاطرك

[الشوشلي1]

13000 وش قلت

[مطنوخ كالعاده]

اقول الله يجزاك خير اخوي الشوشلي1 على السومه انا حاط فيه اكثر من 13 تحياتي لك

[مطنوخ كالعاده]

ملاحظه اللون احمر لتوضيح تحياتي

[الغريب2]

اخوي انت كم تبغى فيه حده على

[الشوشلي1]

الله يرزقك اخوي السعر اللي في بالك

[مطنوخ كالعاده]

مالي حد بين اخوي الغريب2 وشكرن لك اخوي الشوشلي1 ويعطيك العافيه

[أبو درويش]

عليك موضوع بايخ زي وجهك

ياخي حط صور ماتفهم انت تبي العالم تسوم على ايش على كلام فاضي

يا صور والا ريحنا الله يرحم والديك

[محمد باحاج]

أبو درويش
ماتسوى هاالكلام المسيء على الصبح واحسب لأخونا العذر

وأدع للرجال أن الله يبارك له لأن الملائكة تؤمن على دعائك وتقول لك بمثله

والله يغفر لنا ولك

[قرقور الأول]

أبو درويش...

صباح الخير...

ردك على الرجال اللي يبي يبيع الموتر ما هو رد رجال !!!!!!

[NOYEB]

لا اله الا الله محمد رسول الله
الله يرزقنا ويرزق المسلمين من واسع فضله ....آمين

[صقار الجبيل]

الله يرزقك البيعه اللي تسر خاطرك لكن أخوي ابو درويش ردك غلط وأسلوبك أسلوب جاهل الله يهديك

[ابوعبدالله9999]

الله يرزقك البيعة الزينه.

[مطنوخ كالعاده]

اول شي يا بو درويش انت درويش على اسمك عزا الله انه اسمن على مسمى وبعدين ليا حطيت صور مهيب تبين شي محد مجبر احد على السوم والي يبي يسوم الموقع موضح وانا بعدين بترفع عن الرد عليك وشكرن لكل من رد عني تحياتي

[أبو درويش]

اول شي يا بو درويش انت درويش على اسمك عزا الله انه اسمن على مسمى وبعدين ليا حطيت صور مهيب تبين شي محد مجبر احد على السوم والي يبي يسوم الموقع موضح وانا بعدين بترفع عن الرد عليك وشكرن لكل من رد عني تحياتي

المعذره وتحيتي لك ولاسلوبك واخلاقك الرائعه

عطنا صور يمكن انا اشتري موترك :good2:

[نقاء الجمل]

موفق بالبيعه الطيبه
ويرزقك بالحلال:good:

[مطنوخ كالعاده]

&لطيب فرصه والجمايل توافيق & والله ما اعرف انزل صور لكن ابى احاول انشاء وتحياتي لك يانقاء الجمل

[shagyteacher]

السلام عليكم
بالنسبه لراعي الموضوع
لاتزعل من الكلام الي تشوفه لان صراحه ما اشوف في اعلانك الا جمس وموديل 79 بس
شلون تبي الناس تسوم الله يرحم والديك
بعدين يمكن الجمس يكون سوبر بليز او ونيت

يعني حط الموصفات اللون من الخارج ومن الداخل
القير عادي والا تماتيك
صور من الداخل والخارج من كل جهه لان مثلك عارف في ناس ترهم يعني موديلات 79 تحط شبك 90 او 80 وزي كذا وتلعب بالمرايات واشياء واجد

ياليت تحط صور

[مطنوخ كالعاده]

اشكرك لاكن انا ذكرت اهم المواصفات وبعدين الموديل 78 مو 79* جمس حوض احمر اللون قير عادي دبل عشان نرضيك وانا ما عرفت انزل الصور والناس الي تلعب معروفه ورحم الله والدينا واللدين الناس اجمعين تقبل مروري

[أبو درويش]

طريقة سهله جداً

ارسل الصوره لكمبيوترك

وبعدين افتح موقع تحميل الصور

http://www.9q9q.org/ (http://www.9q9q.org/)

اذا ما فتح معك فيه ميتين مليون موقع تحميل اكتب تحميل صور في قوقول واختر اي موقع

يجيك استعراض اضغط عليه واختر الصوره واضغط على تحميل

وبعدين تعال عند الرد تلاقي هذه العلامه الموضحه في الصوره

http://www.mekshat.com/pix/upload/images33/mk23579_ayko.jpg


اضغط عليها وبعدين الصق الرابط الي يطلع لك بعد ما تحمل الصوره


http://www.mekshat.com/pix/upload/images33/mk23579_aykona2.jpg

واضغط على موافق واعتمد الرد والسلام ختام


ياخي والله اني متحمس ودي اشوف الموتر لاني ناوي اشتري هههههـآي بس انت قهرتني :mad:

[العبيدي1]

ابو درويش > اشكرك جزيل الشكر على اخلاقك الرائعة

[مطنوخ كالعاده]

اشكرك بعنف اخوي ابو درويش وابيض وجه على الافاده