تخيل محطات البنزين تخلط البنزين 95+91 على طلب الزبون----

[وسيع البنايد]

تخيل انك توقف عند محطة البنزين وتقول للعامل عبي بعشرين بنزين 95 وزيد عليه بعشرين بنزين 91 وتحاسبه وتمشي
العامل اكيد بينخرش
بس السياره لاهل الخبره هل امورها بتمشي تمام
يمكن نطلع لنا بخلطه مناسبه من حيث الاستهلاك والقيمه
اكرر نرجو من الاهل الخبره ان يفيدونا

[قطمان المحازم]

والله انا يطلع في موتري دخان اسود اعبي 91 واغيره واحط 95 ما ظبط قلت خلني اخلط وخلط 91 20 ريال 95 10 ريال الدخان رااح الموتر سار يشتغل من اول مادق السلف الموتر باترول ربع 99 سلقه ابجرب مره ثانيه وعلى سياره ثانيه

[المفكر1]

يوجد محطه في البحرين يوجد فيها ثلاث بمات 91 و95 و خلط وفي ناس يمدخونه

[راعي الصطحه]

يعطيك العاافيه والله ماجربت الخلطه

[فيصل التميمي]

مافيه اشكال نبي نجرب واعلمك وش صار

[أبوعذااب707]

من الناحيه العلميه اوكتان 95 يحترق اسرع من 91
فما ادري اذا كان هذا الشيء يسبب مشاكل
مع العلم اني احيانا لا اجد بالمحطه 95 فأظطر اعبي 91


اترك الموضوع لأهل الأختصاص

[ولد عم هتلر]

انا اذكر اني عبيت جمس الوالد 91 وكان فيه من النص وكان اللي فيه من اول 95 خربت الصفايه

[ابورايف]

اعرف واحد من لشباب يخلط من فترةطويلة والوضع زين عندة
لامشاكل والاشي
وتقبل مروري

[نيسان 807]

تخيل انك توقف عند محطة البنزين وتقول للعامل عبي بعشرين بنزين 95 وزيد عليه بعشرين بنزين 91 وتحاسبه وتمشي
العامل اكيد بينخرش
بس السياره لاهل الخبره هل امورها بتمشي تمام
يمكن نطلع لنا بخلطه مناسبه من حيث الاستهلاك والقيمه
اكرر نرجو من الاهل الخبره ان يفيدونا


أنت خابر اخوى في بعض القرى عندنا بها محطات تعبي بنزين 91 وان موترى مأسقيه الي 95 فاحاول اخلط مابين الاثنين والموتر مامثله مشاء الله

[م و ق]

والموضوع جديد وغريب ..
لكن ابعطيك اللي عندي :
انا ملحط طالب يعني 850 نهاية الشهر يعني اكيد 91
وابن عمي موظف واذا بغى يكشت اخذ سيارتي يعني مرتيين بالشهر تقريبا وجزاه الله خير يجيبه فل وبنزيمه مبارك يطول معي قلت شكل فلوسه حلال ولا يمكن المحطة اللي يعبي منها كويسه طولة السالفه ومالك بالطويله سألته تبين ان الرجال يبي لي الخير ويعبي 95 ! يعني الوتر يخلط لكني والله مالاحظة فرق فاتكل على الله واخلط . خليك غششاش على الموتر ( لا تخلط اللبن في الماء) !!!

[abo naseer]

لايوجد أي فرق نهائياً.....

[وسيع البنايد]

جزاكم الله خير على المشاركه بخبراتكم الممتازه

[عاشق الحوض99]

وان خبطت السياره؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[ابوجهاد]

والله ياخي الكريم
كان عندي باترول 2005 حوالى كل شهر او شهر ونص اعبي 50 ريال-95
ويكون باقي فيه بنزين 91
ولا اشعر بااختلاف ابدا
ولا كن في احد السواقين عندي استأجر سياره صغيره وعبئ 91
وضعف عزم السياره جدا واتصل علي الشركه الى استاجر منها السياره
وافادوه ان يعبي بنزين 95
وفعلا حط 95 ورجع الموتر طبيعي
ودمتم

[الشنه]

95 افضل شئ

[باوزير]

اذا السيارة بنزينها 91 ما يصير شي اذا عبيتها 95 لان النتيجة بتكون بنزين بين 91 و 95

اما اذا بنزينها 95 بيضعف عزمها و ممكن يضر المكينة

[DARK2]

مافية اي فرق طال عمرك بين بانزين 91 و 95 الا في النقاوة من الشوائب وسرعة الاحتراق وحاليا عندنا بالكويت بدأ انتاج بانزين اوكتين 98

[وسيع البنايد]

مشكورين يالاخوان على المشاركه بارائكم وننتظر المزيد من باقي الاخوان

[Abo-ibrahem]

بنزين 95 + 91 = 93 :)

[قناص متقاعد]

عليكم بالرخص الله يديم الرخص

جربتها كلها على

فتك 2003 و جيب لكزس وفي اكس ار 2009 ويوكن 2010 ولا فيه اي فرق

وللمعلوميه ولمستخدمي بنزين 95

انصحكم نصيحه بتعبئه بنزين 91 وذلك لضمان عدم الغش

فأن المحطات التي في القرى الناميه مثل اللي بوسط الصمان او الهجر القريبه مثل جراب وغيرها يغشون ها البنقاليه يخلطون في التانكي الارضي لبنزين 95 نسبة 80% من بنزين 91 لكي يستفيدون من الزياده لحسابهم الخاص .

[الربذي]

الوكاد 91 لدباب مايمشي مضبووووووووووووووووط اما السياره الاخضر بس يخلي الشكمان اسود
و95 يخليه اشقر واحس فيه فرق بالعزم بسيط لايذكر ..

[rigidman]

91 ماراح يتأثر بس 95 راح ينقص الاوكتان ويصير 93 او 92 اذا تم الخلط

[البرتقالي]

95 أفضل

91 يضعف عزم السيارة مع الوقت

[alhosam26]

السلام عليكم ورحمة الله وبركاته
موتري 2009فتك فاكه وكاله واعبيه 91 لانه مكتوب في الكتلوج البانزين المخصص91 ويلاحض على الغطاء حق التانكي من الداخل نوع البانزين والسبب ان ال95 ياكل البخاخات مع الوقت لقوت احتراقه حسب توصية الوكيل

[رفيع المقآم]

ارجال هي خربانه خربانه خلينا نعميها جرب وتوكل على ربك

[Traveller]

انا عن نفسي 95 من دون منازع

اما الخلط لا والله ماجربته ولا سمعت عنه لكن الواحد ياياخذ له 91 او 95 ولا الواحد يخلي موتره تجارب !

[باسم الرياض]

لو تخلط البنزين 91 و 95 يطلع لك بنزين 93

[سوبر مكشات]

قعققعقع
ههعهعهع

شكلك طالب شكشوكه بكتشب مع جبن

الحياة تجارب

اذكر واحد عبى ديزل من الهداره اللي فيه

اول ماتعدى المحطه والدخان تقل سيارة البلديه حقت المبيدات دخان اسووووود

رجع للمحطه وفك الصاجه حقت التانكى
ثم فك التانكي وفرغ اللي فيه

ثم عبى بنزين95

والسيارة تقل ما جاه شي\

\
السياره ددسن او مازدا

نسيت والله

فاتوقع اذا المكينه ما به تقنيه واجد
مايضره