وفر 200 ريال من نقل المكية قصة الحراميه اصحاب المعارض ..

[الربذي]

السلام عليكم

اشتريت سيارة من معارض بريدة
وقال ننقلها لك ب650

350 تامين
150 نقل ملكية
100 كتابة العقد
50معقب
المجموع 650ريال

رحت انا بنفسي ومريت على مكتب تامين اذكره رخيص وامنت عنده ب275 ريال
وفرت 75 ريال والغريب انه كتب قيمة التامين 350ريال واعطاني وصل بقيمة 350 ريال
نقل الملكية ب75 بينما يقول المعرض 150 ريال
المعقب 50ريال تمرهم وانت واقف وتوفرها



بمعنى ياخذ على بيع كل سياره150ريال بطرق ملتويه من غير 150ريال الي ياخذ عن كتابة العقد والمعقب

[ابوشعيل97]

هذا شغل الشريطيه ومن له حيله فليحتال

يمشون على هالمثل
موفق

[هاوي نفود]

هلا بالحبيب

---

كلامك صحيح وكثير من أصحاب المعارض

لهم طرق عجيبه في زيادة المبلغ إللي يحصلونه منك لزيادة فائدتهم

---


لكن بالنسبة للتأمين

فإحرص إنه يكون من شركة موثوقة

موب عشان المعاملة ... لكن عشان تستفيد منه بشكل كامل

ولا يكون مبلغ يطير مع مصاريف النقل للملكية

----

بارك الله فيك على التنبية

[مراسل الشرق]

ما خفي أعضم

بارك الله فيك

[ابو شدون]

ماذبحنا الا الشريطيه

[عارف الشمري]

احس ان الشريطيه ناس مكرووهين ومنبوذين والله بعض الشريطيه بيعهم حلو وينصحونك وطيبين

لاتعمونهم كلنا لنا قرايب ومعارف يبيعون ويبشترون بسيارات يترزقون الله

بكل مكان شريطيه (( سيارات او حيوانات او عقار او اوا او الخ ))


الواحد مو مغصوب على السياره اذا سأل الشريطي كم سيمت فلوسك معك وسياراته معه




انا لا اتكلم على اني شريطي لا والله


والي مايخافون الله للاسف كثرو الايام هذي الي يبيع عليك سياراه ويغشك

وبتوفيق جميعآآآآآ

[أبوراشد]

والله انها كبيره
حراميه مره وحده ! وليش علشان يأخذ أتعاب تعقيب


,,,

[الفيصل2009]

صحيح المبلغ مبالغ فية بس لاتنسى هذي أتعاب ناس تعيش من وراى شغلة التعقيب
أنا عن نفسي الروح بنفسي كوني فاضي بس فية ناس كان الله في عونهم ماعندهم وقت فا أكيد راح يعطونها معقب
دمت بحفظ المولى

[الربذي]

والله انها كبيره
حراميه مره وحده ! وليش علشان يأخذ أتعاب تعقيب


,,,

بل حرامية وش يحلل لهم 150 يقولون نقل ملكية والحقيقه نقل الملكية ب75 فقط

يقولون التامين 350 وفيه شركات تامين ب275 ريال

حقهم بكتابه العقد 100 ريال ماهي مشكلة بالرغم اني كنسلت البيع وقطع ورقة العقد وطلب مني 100 ريال والورقه قطعها ...
50حق المعقب مانقول شي



لكن من يقول نقل الملكية 150 وهي 75 عشان يحط 75 بمخباه وش تسميه ياراشد
من يقول التامين 350 وهو 275 ...

كتبنا عقد مبايعه وهونا عن البيع وقال مااعطيك اوراقك لين تدفع لي 100 كتابة العقد ليه كاتبينه من ذهب بالرغم انه قطع الورقه قدامي قلت شوف ابي اعطيك 50 ريال سامح في خاطري اصر الا ميه ريال طبعا قلت له تراني ماني مسامحك وموعدك يوم لاظلم اليوم ...

[الربذي]

صحيح المبلغ مبالغ فية بس لاتنسى هذي أتعاب ناس تعيش من وراى شغلة التعقيب
أنا عن نفسي الروح بنفسي كوني فاضي بس فية ناس كان الله في عونهم ماعندهم وقت فا أكيد راح يعطونها معقب
دمت بحفظ المولى


ياعلها الف الف حل على المعقب انا مااقصد المعقب اخي الكريم ..بل ادفع له 100 ويخلصنا من مراجعات المرور ...

[الصخرة]

صراحة المرور من بد كل القطاعات والدوائر الحكومية هو اسهل واسرع خدمة شفتها يعني الواحد ما يضره ويتعبه إلا المشوار بس خاصة لأهل الرياض

مع العلم أنه يوجد عدد من مراكز المرور التي تقوم بالخدمة وتخليص المعاملات

[بن جعيثن]

السلام عليكم
لاحول ولاقوه الابالله
احتيال احتيال
وكله بظهر هل الغلبان الي ما يعرف الاسعار واغلبهم صغار السن
والي مشغول وغيرها
تقبلوا مروري
محبكم ابوعبدالله

[جيب شراع]

الشريطية الصادقين قلة
ونادر ماتلقاهم في المعارض

[حزوبر]

يا خوان وش فيكم على الحرامية المساكين من الشرطيه وأصحاب المعارض، والمساكين المعقبين:d
ترى هالأنظمة المرورية ، عثت عليها الدهور، ولم تتغير(رمز الأصالة)
يا أخي أنا شريت سيارة من الكويت، من غير معرض، ولا مكاتبه، ولا يحزنون
أقرب مكتب تأمين مثل البقلات، ثم أقرب حي ، وهو الحي الذي يسكنه صاحب السياره، تدفع الرسم ، تكنقل الملكيه خلال دقائق، والطوابع من مكينة
متى يتكرم السيد المرور، ويتطور ؟!!!!

[الربذي]

يا خوان وش فيكم على الحرامية المساكين من الشرطيه وأصحاب المعارض، والمساكين المعقبين:d
ترى هالأنظمة المرورية ، عثت عليها الدهور، ولم تتغير(رمز الأصالة)
يا أخي أنا شريت سيارة من الكويت، من غير معرض، ولا مكاتبه، ولا يحزنون
أقرب مكتب تأمين مثل البقلات، ثم أقرب حي ، وهو الحي الذي يسكنه صاحب السياره، تدفع الرسم ، تكنقل الملكيه خلال دقائق، والطوابع من مكينة
متى يتكرم السيد المرور، ويتطور ؟!!!!
iiiiiiiiiiiii

جبتها رمز الاصاله لابد كل يستفيد من بيع وشراء السياره ....
يااخوان ترا نقل الملكية 75 وليس 150
اشتريت سيارتين وادفع لهم 150نقل ملكيه وهو فقط75 فقط من غير 100 حقت العقد و50المعقب.

[هوايتي مكشات]

كل له حسيب ورقيب يالغالي

[barracuda]

شغل معقبين
ماله حل

[عبدالله1430]

السلام عليكم

اشتريت سيارة من معارض بريدة
وقال ننقلها لك ب650

350 تامين
150 نقل ملكية
100 كتابة العقد
50معقب
المجموع 650ريال

رحت انا بنفسي ومريت على مكتب تامين اذكره رخيص وامنت عنده ب275 ريال
وفرت 75 ريال والغريب انه كتب قيمة التامين 350ريال واعطاني وصل بقيمة 350 ريال
نقل الملكية ب75 بينما يقول المعرض 150 ريال
المعقب 50ريال تمرهم وانت واقف وتوفرها



بمعنى ياخذ على بيع كل سياره150ريال بطرق ملتويه من غير 150ريال الي ياخذ عن كتابة العقد والمعقب
ما هي شركة التامين

[ابومعتز99]

الله مقسم الارزاق

[اسعاف1980]

بسم الله
عجل كيف نبغى العساكر يمشون المعاملات بالواسطة من غبر مايدهن احد سيره ويقلك جف الشاى ويدفعون 200-300 ريال بالله عليكم اى شاي ب300 ريال (كل شيء ينبت من السحت فهوا فى النار)
نسأل الله العافيه

اخوكم ابو احمد

[الهاجر 7002]

آلحمدلله آنآ مآ بـ حيآتي آعطيت آلمعرض آلآورآق


آنآ آخلصهآ بنفسي آضمن لي ...


مو قصة آني آبخل بآلزيآدهـ للمعرض لآ آبي آضمن آورآقي بعدين..

آخآف يكون فيهآ تزوير ومن هآلحركآت ..



آلله يعطيكـ آلعآفيه .. وضحت للآخوهـ آلغير قآدرين على دفع مثل هآلمبلغ ..

[القنــ أبو تركي ـــاص]

والله حكااية التأمين هذي ما ني مقتنع فيها
لاني امنت على سيارتي واعطوني ورقة ووالله الذي لا إله إلا هو اني رميتها بدرج السيارة وانتهت المدة وانا ناسيها
يعني مالها داعي من الاساااس

[الصحافة 15]

أخوي القناص أبو تركي تقول ناسيها وما لها أساس لكن ألله لايجب حاجتها لو سمح الله صار لك حادث بسيط وما معك تأمين شف المرمطة الي بتصير وبتعرف قيمة التأمين ( أسال مجرب) 0

[ابوخالد ب141]

اخواني سوف يحاسبني الله عما اقول من واقع مارأيته
في احد معارض النسيم
من الله علي وطقيت لي موتر جديد المهم
جيت استلم الموتر الصبح
وشطفت معرض احتفظ باسمه
لكن رايت مايغضبني وقلت ميد راعي المعرض اتق الله فيما تفعل كيف تاكل حرام بعد جدال طويل قالي بالعباره الصريحه ( تبي العلم انا اسرق اهون من الوكالات)
على العموم السالفه كالتالي
وجدت عده عماله فاكين بلا مبالغه 10 جيوب جديده ويركبون كميرا وتسليك ارضي لين الشاشه
والمشكله ان قيمت الشاشه مع الكمرا 540 ريال على ماقريت في الفواتير والله انها صينيه (made in china)
وواحد جالس يبرمجها على برنامج الوكاله
ويوم اسأل عن فرق الي كمرا وشاشه عن العادي لقيت الفرق الوووف الريالات والشغله كلها 540 ريال وصيني
واخر راكب لكزس مستعمله يوم جيت عنده يحسبني من احد اصحاب المعرض قالي بالحرف الواحد (انا سويت طبلون 54000 كويس اول 110000
قمت قلت كم شيل حساب قال انت زبون انا شيل 1 سياره 50 ريال قلت اااه
رحت للرجال وقلتله (والله حاول توقف عن الي تسويه ترى الله يحبك لأنه في ناس جات تذكرك بالله)
والله ياجماعة الربع ان دمعته نزلت على خده وحسيت انه تأثر بعدين رد علي رد تافه قال (ان الله غفور رحيم)....
هذا مارايت وما خفي اعظم
لكن يوجد ناس طيبين ويخافون الله من اصحاب المعارض وانتم عممتم على الكل لكن يوجد بعضهم وليس كلهم
الله يهديهم...

[الصحافة 15]

يوجد في معارض الشفاء مكاتب تسوي المكاتبة بــــــ10 ريال فقط 0

[ss1122ss]

الله يعين ....

[مطر وسم]

والله حكااية التأمين هذي ما ني مقتنع فيها
لاني امنت على سيارتي واعطوني ورقة ووالله الذي لا إله إلا هو اني رميتها بدرج السيارة وانتهت المدة وانا ناسيها
يعني( مالها داعي من الاساااس ) :good2:


ترى هالتأمين مو عشان يصلحون السياره بعد الحادث يمرمطون فيك مرمطه عشان تزهق وتتركهم زي ماصارلي المسئله شفط فلوس بس

[مطر وسم]

والله يافيه شريطيين طيبين ويخافون الله يعلمك وش بالسياره وخراباتها وينصحك بعد

وفيه شريطيين ودك تمسح فيهم الارض نجاسه وغش عيني عينك

مانعمم عليهم كلهم بالنصابيين

وشكرا