طريق الرياض الكويت

[قناص سدير 999]

الاخوة اعضاء مكشات
السلام عليكم ورحمة الله وبركاتة
ارغب في السقر من الرياض الى دولة الكويت الشقيقة وامل معرفة اقصر طريق ويكون الوصف واضح ويذكر المدن والقري الموجودة على الطريق .
ولكم خالص الشكر والتقدير.

[جساس1]

افضل الطرق والله اعلم وهو طريق سريع من الرياض للمجمعه من طريق الرياض القصيم السريع ومن المجمعة للارطاويه ثم حفر الباطن ثم الى الكويت

[عصام 861]

افضل الطرق رياض الدمام الخفجى الكويت كلة خط رسريع 800كيلو الى مدينة الكويت

[الشنه]

الريض
المجمعه
الحفر
الرقعي

هذا اقصر طريق

[بدوي الرياض]

انا اشوف اغلب الكويتيين يسلكون طريق( الرياض رماح شويه القريه العليا الحفر الكويت )لكن عيب طريق شويه سيد واحد 000 توصل بالسلامه

[الشنه]

وعلشان ما تقلب راسك


طريق الريض القصيم رقمه 65 بتشوفها في اي لوحه على الطريق
ومن توصل المجمعه ادخل الديره والخط واضح كنك رايح الأرطاويه ومن المحمعه للأرطاويه للحفر للرقعي
رقم الطريق 50 بتشوفها واضحه


ارقام الطرق تجي بشكل خريطه للسعودي وعليها رقم الطريق

[NissaN 1990]

مارحت للكويت بس فيه ناس يحبون التمشيه لأن الطريق مكشوف ويمر بقرى ومراكز ،، ويقولون قريب اللي هو طريق
الرياض _ رماح _ شويه _ الرفيعه _ قريه العليا _ الخفجي _ الكويت _


أو فيه طريق ثاني _ الرياض _ رماح _ شويه _ الرفيعه _قريه العليا _ النعيريه _ الخفجي _ الكويت _

[دغيم1]

السلام عليكم ورحمة الله وبركاته
حياك الله أخوي
ماذكره الأخوة جيد
ولكن من وجهة نظري الخاصة ومن واقع تجربة أرى أن الطريق
الرياض - المجمعة - الأرطاوية - أم الجماجم - حفر الباطن - الرقعي - السليمي - الكويت .
هو الأفضل والأسهل
فقد مررت بالطريق من
الرياض - رماح -
وهو متعب وطريق مفرد وكثير المرور على الهجر ممايأخرك وتقاطعاته غير جيده وخطير شوي .
وعليك بالرابط التالي لعلك تجد فيه مايفيدك

دولة الكويت .. لؤلؤة الخليج (http://www.mekshat.com/vb/showthread.php?t=199823)

تمنياتي لكم برحلة سعيدة وآمنه
تقبل تحياتي

[قناص سدير 999]

الف شكر لكم عل سرعة التجاوب

[الميل1]

السلام عليكم

افضل طريق للكويت من الرياض

1- الرياض - رماح - الرفيعة - الصداوى - الحفر منفذ الرقعي ( قطر بندق )(شمال )

2- الرياض - رماح - الرفيعة - قرية العليا - ابرق الكبريت - الخفجي المنفذ (شمال شرق )

تقبل تحياتي وتروح سالم وترجع سالم وغانم باذن الله

[باني طوية]

هلاابك يالغاالي

اذا بغيت طريق مايوديك للعاصمة بس يوديك جنوب الكويت

اذا بغيته شف رح من الرياض للدمام ثم للحفر ثم للجهراء جنوب الكويت

اما اذا بغيته للعاصمة الكويت

رح من الرياض للدمام ثم للخفجي ثم للكويت


والله يحفظك تروح وتجي بالسلامة ان شاء الله

[عز1م]

والله اللي قلبتو راس الرجال .. يقولكم يبي اقصر طريق .. وانا اظنه هالطريق

2- الرياض - رماح - الرفيعة - قرية العليا - ابرق الكبريت - الخفجي المنفذ (شمال شرق )

لكن الاقضل اللي ذكره مشرفنا العزيز / دغيم 1 وهو /الرياض - المجمعة - الأرطاوية - أم الجماجم - حفر الباطن - الرقعي - السليمي - الكويت

[الميل1]

والله اللي قلبتو راس الرجال .. يقولكم يبي اقصر طريق .. وانا اظنه هالطريق

2- الرياض - رماح - الرفيعة - قرية العليا - ابرق الكبريت - الخفجي المنفذ (شمال شرق )

لكن الاقضل اللي ذكره مشرفنا العزيز / دغيم 1 وهو /الرياض - المجمعة - الأرطاوية - أم الجماجم - حفر الباطن - الرقعي - السليمي - الكويت
عزام

هذا اقصر طريق للكويت من الرياض

انشدني انا قطاع خرايم

تقبل تحياتي

[هبــ حريملاااء ـبوب]

وعليكم السلام ورحمة الله وبركاته

هذي خريطه تقريبيه خلها معك بالجوال .. هلااا بك

http://img190.imageshack.us/img190/9003/20080731096.jpg (http://img190.imageshack.us/my.php?image=20080731096.jpg)

[saad1222]

افضل الطرق والله اعلم وهو طريق سريع من الرياض للمجمعه من طريق الرياض القصيم السريع ومن المجمعة للارطاويه ثم حفر الباطن ثم الى الكويت





الله الله هذا اسرع وافضل طرق


اسئلني انا


اروح ثلاث اربع مرات بالسنة من الرياض للكويت


خوالي والنسباي

[سعد الثوري]

افضل الطرق رياض الدمام الخفجى الكويت كلة خط رسريع 800كيلو الى مدينة الكويت

[سعود بن حايل]

الرياض
المجمعة
الارطاوية
ام الجماجم
حفرالباطن
الرقعي
السالمي
الجهرا
الكويت

ولا يقلبون راسك

[عبدالعزيزالثبيتي]

ماشاءالله
الله يعطيك العافيه

[جعد الوبر]

حياك الله
الاقصر وان كانك راعي تمشيه الرياض رماح اما غيره فهو ازود من الرياض رماح بس سيدين
الله يوصلك بالسلامه

[السنع كله]

الرياض طريق الدمام حتى مفرق النعيرية ومنها الخفجي الكويت اراه اقرب واكثر محطات وقود

[hsht]

على حسب موقعك اخي الكريم قناص سدير .. اذا كنت من ساكني سدير او القصيم والزلفي او الغاط فالطريق الوحيد هو المجمعه الحفر الرقعي وهذا الطريق بعيد بالنسبة لاهل الرياض . اما اذا كنت من ساكني الرياض فهناك 2 طرق وافضلها بالنسبة لي هو 1-طريق رماح شوية قرية العليا الخفجي ويختصر مسافة اكثر من 120 كيلومتر الى وسط الكويت . وهناك طريق ثالث يصلح لساكني شمال الرياض مثل احياء الصحافة والياسمين والملقا وهو من مفرق ملهم تطلع يمين (شرق) وتقطع متنزه الثمامة البري وحفر العتك ثم العاذرية وقرية العليا ثم الخفجي وهذا الطريق متساوي تقريبا مع طريق رماح ويختصر عنه مسافة 15 كيلومتر فقط وزحمة الدائري الشمالي وطريق الفحص الدوري.

[boazozi]

الاخوة اعضاء مكشات
السلام عليكم ورحمة الله وبركاتة
ارغب في السقر من الرياض الى دولة الكويت الشقيقة وامل معرفة اقصر طريق ويكون الوصف واضح ويذكر المدن والقري الموجودة على الطريق .
ولكم خالص الشكر والتقدير.


السلام عليكم،
تفضل أخوي هذي خياراتك مع المسافه و مدة وقت السفر
https://www.google.com.kw/maps/dir/Riyadh+%D8%A7%D9%84%D8%B1%D9%8A%D8%A7%D8%B6%E2%80% AD/Kuwait+City+%D9%85%D8%AF%D9%8A%D9%86%D8%A9+%D8%A7% D9%84%D9%83%D9%88%D9%8A%D8%AA%E2%80%AD/@27.0298408,44.6375426,7z/data=!3m1!4b1!4m14!4m13!1m5!1m1!1s0x3e2f03890d4893 99:0xba974d1c98e79fd5!2m2!1d46.6752957!2d24.713551 7!1m5!1m1!1s0x3fcf9c83ce455983:0xc3ebaef5af09b90e! 2m2!1d47.9774052!2d29.375859!3e0?hl=en

وأرجو أني أكون قد أفدتك
وحياك الله بالكويت
وشكراً