بخصوص زيت سوبر جتي العلبه السوداء .. متهم ومطلوب للتحقيق

[قرم العيال]

السلام عليكم

مره كنت عند زميل لي نتناقش عن افضل زيوت المحركات

وقلت له انه سوبر جي الافضل

قال لي سلامتك هذا اول

الحين لا يقربك !!

يقول انه يسود البلوف وغطاء البلوف ..

قلت ما هب معقول

قال امش لـ ابو فلان ميكانيكي خبره ما شاء الله واساله

قلت صدق يا ابو فلان ..

قال الله الله يسود وشف هذي بلوف جي اكس ار شف وشلون هي سوداء

وما تنظف إلا بالحك وما يروح !!


قلت وقال ههه :D


يقول الميكانيكي انه السوبر جتي متغير من كم سنه

وما هب مثل اول

اغلب المكاين تجي سودء منه !!

هل هالزيت يا اخوان متهم من اغلب الميكانيكين

انه يسود بلوف الموتر

http://www.almlf.com/get-1-2010-almlf_com_iu8tdaj2.jpg



نبي العلم ..

والموضوع للنقاش

[سسته]

والله ماتدري ... الا الين تشوف بعينك ... يمكن البلوف اللي مع خويك الميكانيكي حاله خاصة او انها مخبطة او اي شي . لاتقيس عليها ... وبالنسبة للزيت هذا واحد من الاخويا معه كابرس 2001 من يوم مافكة وكالة ةهو على الزيت هذا الى يومك وموترة مافية الا العافية ... حتى انه يشتري من الغرابي كراتين علشان يقل سعره ... هذا المشكلة عندنا ... نصدق على طول لو قال واحد احسن سيارة التيرسل والله ماتقضبها بفوق السبعين .. ليه طيب ... لية اي شي نصدق ونمشي وراه ونطبل له ... ويارب انكم تسوون حملة مقاطع كود انه يرخص ونستعملة لمواترنا ... شف يالحبيب لاتصدق احد ابد الا الين تشوف بعينك ... مسالة يقولون ماعاد تمشي الا مع السبايك اللي يصدقون اي شي . شف ابقولك شي وابقرب لك الصورة / شف دوافير بريموس وش اللي طيرها واسعارها نار مع انها مهب ذيك الزين ... جو ناس وطيروها وطار بها العالم كله ... وطارت اسعارها .. مع العلم انه فية روس افضل منها ... وعمرنا كله ماعرفنا بريموس ولاضرنا ... طيب من المستفيد من تطيرت بريموس في العجة ( اترك الجواب لك ) .... ومن المتضرر منها ( اترك الجواب لك ) ..................... فمان الله

ملاحظة / احسن زيت الترا سفن <<< له سهم فيها .

[قرم العيال]

8888

888

هههههههههه

تبيه يرتفع

والله يالغالي انا شفت بعيوني

لكن وش مصلحه الميكانيكي انه يذم هذا او يمدح هذا

[هوايتي مكشات]

ياساتر كل شي مغشوش

[ردن]

انا ماستخدم الا هو ... الله يستر مايدمر مواترنا

[راعي الصطحه]

بارك الله فيك والله بانسبه لي انى استخدمه من يوم شريت الجيب لكن شكرا على النصيحه وبرضه بسأل مكانيكي يمكن يعطينى معلوووومه
ولكم اجمل تحيه

[واطي الجمرة]

استعمله منذ 5سنوات وهو افضل زيت مر علي

[mfmf]

ما بقى شيء زين الله يخلف

[الشوكيss]

8888

والله يالغالي انا شفت بعيوني

لكن وش مصلحه الميكانيكي انه يذم هذا او يمدح هذا


تسلم عيونك يالحبيب لكن احب افيدك ان موزعي الزيت يقومون ببث بعض الدعايات عند اماكن تغيير الزيت , وكذلك يعطون عمولات تختلف حسب الكميات التي يستهلكونها اصحاب المشاحم .
على هذا الأساس تحصل الواحد منهم يبذل قصارى جهده في سبيل بيع اكبر كميه

وفي الغالب تجد المصنع ينتج اكثر من نوع نفس المواصفات الأختلاف فقط في المسمى ( زيوت تايوتا , زيوت نيسان ...الخ ) مثلهم مثل محلات البويه وهكذا والله أعلم

[قرم العيال]

حياكم الله

وانا ما زلت استخدمه من عام 2005

وحاولوا تسألون خصوصا الي يعرف ميكانيكي

[سسته]

8888

888

هههههههههه

تبيه يرتفع

والله يالغالي انا شفت بعيوني

لكن وش مصلحه الميكانيكي انه يذم هذا او يمدح هذا

قرم العيال ... شف فية بعض الردود بالموضوع ... يقولون مانستخدم الا هو والبعض الاخر يقول لي خمس سنين استخمة .... حبيبي ... الميكانيكي يوم يذم ويمدح هو مثلك جاه العلم وصار مع الخيل ياشقرا ... الاشائعه هذي يمكنها من الشركات في مابينهم ... يعني الميكانيكي يوم تسود البلوف وش دراه انه من الزيت .... انت شفت بعيونك بلوف سودا طيب ... وش دراك انها من الزيت ... ياجماعه الربع وراكم مايبيلكم الا قمعه وتطيرون بالعجة ... الزيوت هذي ماتدخل الا مطابقة للمواضفات والمقاييس ... طبعاً يبي يجي واحد يقول الهيئة نايمة .... ويقالك ان عنده علم ... ولو اسئله وين مقر الهيئة فية فق خشتة :D

[مختيار]

والله انا ما استعمل الا سوبر جتي فوكس ولا وشفت شي......اتوقع شائعات مثل واقالو..

[العيسمود]

وانا ما استعمل الا هو ولا فيه اي مشكله
اغير على 3000 و 4000 ولله الحمد
والزيوت وانا اخوك كلها واحد
بس اشوف الناس مغلين الكاسترول مادري علشان شكل العبوة ههههه
وسلامتك.....................

[الشنه]

اخوي انا استخدمه منذ 6 سنوات على ربع تايوتا

و الأن لي2 ونص استخدمه على لاندكروزر ولا اشتكين منه

[قرم العيال]

اخواني يمكن ما فهمتوا علي

انا اسألت الرجال قلت يبين مثلا دخان ولاشي

قال لا يسكر البلوف فقط .. ويخليه سوداء ..


والموضوع للنقاش

[moooj]

والله ماتدري ... الا الين تشوف بعينك ... يمكن البلوف اللي مع خويك الميكانيكي حاله خاصة او انها مخبطة او اي شي . لاتقيس عليها ... وبالنسبة للزيت هذا واحد من الاخويا معه كابرس 2001 من يوم مافكة وكالة ةهو على الزيت هذا الى يومك وموترة مافية الا العافية ... حتى انه يشتري من الغرابي كراتين علشان يقل سعره ... هذا المشكلة عندنا ... نصدق على طول لو قال واحد احسن سيارة التيرسل والله ماتقضبها بفوق السبعين .. ليه طيب ... لية اي شي نصدق ونمشي وراه ونطبل له ... ويارب انكم تسوون حملة مقاطع كود انه يرخص ونستعملة لمواترنا ... شف يالحبيب لاتصدق احد ابد الا الين تشوف بعينك ... مسالة يقولون ماعاد تمشي الا مع السبايك اللي يصدقون اي شي . شف ابقولك شي وابقرب لك الصورة / شف دوافير بريموس وش اللي طيرها واسعارها نار مع انها مهب ذيك الزين ... جو ناس وطيروها وطار بها العالم كله ... وطارت اسعارها .. مع العلم انه فية روس افضل منها ... وعمرنا كله ماعرفنا بريموس ولاضرنا ... طيب من المستفيد من تطيرت بريموس في العجة ( اترك الجواب لك ) .... ومن المتضرر منها ( اترك الجواب لك ) ..................... فمان الله

ملاحظة / احسن زيت الترا سفن <<< له سهم فيها .


كلااااام سليم 100% :good2:

[الجمــــــــــــــل]

الله يستر والله لي 6 سنين ما استعمل غير سوبر جي تي الاسود

[التعـ King ـديل]

مشكله هالزيت يجي نوعين اصلي ويجي اماراتي مكرر

مثل بقيه الزيوت ويمكن خويك يقصد المكرر لانه انتشر بالوقت الاخير في اغلب الانواع

[الحيران421]

تجربتي مع هذا الزيت اكثر من عشر سنوات ممتاز ومايسود عند التغير تحصل لونة ذهبي وما شفت منه اية مشاكل

[شامخ ألهيلا]

استعملتة 10 سنوات
بس من حوالي سنتين وانا شاارة عليه
يطير بسرعه ويقلب اسود بسرعه

مع العلم ان فيه نوع نفس الشكل ونفس العلبة اسمه سوبر جيتي لاكن مو فووكس

[Bader-M]

اهم شي في الزيت يكون نفس الرقم الموجود بالكتلوج السيارة
وحتى لو كان عافية ما يضر

تحياتي اليك

[مدمن فتك]

من ادعى شيء فعليه بالبينه ..

[aooa]

العلبة الحديد هي اللي تجي مغشوشه واسمها مقارب لسوبر جي تي اما البلاستيك فاعتقد لا يوجد به غش وهو صناعة سعودية بتقنيه المانيه ... وانا اغير ليساراتي منه ولا شفت منه شيء ابد ...

[سوبر VTC]

من زواية اخرى

يجي زيت اماراتي سوبر جتي علبة حديد
سعره جملة ب5.40هللة تقريبا
يقال عنه انه مكرر

***

راعي ورشة تخصص تويوتا و نيسان
يوضب سيارات تويوتا استخدام امريكي مثل الكامري
يقول / متعبة جدا في تنظيف الراس و الكرتير
و السبب ان الزيت ماسك ترسبات مثل الاسمنت
و السبب عدم تغيير الزيت اطلاقا
اذا نقص يزودونه

الانسب لي الترا سفن

[راعي الفتك 9]

تجربتي ركبت هدرز وفلتر للفتك وجلد تطعيس وغيرت زيت جي تي بعد 3000 اعاير الزيت ناقص علبه غلقت بنفس الزيت اصبح الزيت يتبخر بسرعه وينقص
البلوف مافيها شي والمكينه ماشيه 30000 الموتر جديد
غيرت الزيت وحطيت بترومين النقص بالزيت أقل بثلثين من جي تي
فزيت جي تي مثل المويه يتبخر

[رفيع المقآم]

يا رجال من زمان وحنا نغيره ولا صار الا كل خير

[قرم العيال]

شكرا للجميع ..

يعني توصلنا تقريبا لامرين الاول

احتمال وجود الزيت الاماراتي المكرر

والامر الثاني

انه فوكس الاصلي هو الافضل والمجرب من الاغلبيه

ولا يلاحظ عليه شي


شكرا لكم جميعا

[asdali]

كل الزيوت مع الحرارة تسود وبالذات اذا طول اكثر من اللازم وللعلم البلوف سودة خلقة بزيت ولا بدونه ولا تعطي اذنك كل واحد بتتعب .

[شروكي ربع]

الزيت هذا من 8 سنوات وانا استخدمه على أكثر من موتر ولابعمري اشتكيت منه أو لاحظت عليه شيء ..

طبعا الزيت ألماني ومايحتاج معروف .

آخر موتر معي الشروكي كنت ما اغير الا كل 8 - 10 آلاف كيلو والزيت وضعه جيد .

موفقين :good2:

[موادع الشمال]

تجربتي مع زيت سوبر جيتي

كنت ما استخدم
الاهو كنت اغير الزيت
على 4000او 5000
والقابه نقص نص علبة واللون قالب
قلت يمكن من البنزين الاخضر
وجيت بنشري ابي سوبر جيتي وكنت مستعجل ولالقيت
فغيرت الترا 7
ومشيت به اكثر من5000
والله لاتغير ولا نقص
ولا استخدم الا هو

وسلامتكم

[BaHaR]

من افضل الزيوت اللي جربتها
1- فوكس الأسود وهو علبه بلاستيك سودا سوبر جي تي وعليها طبعة فوكس
وانتبهو من الحديد لأنه مهوب تبع فوكس

2- الترا سفن < معروف

[ربع 2009]

انا ناصحني ميكانيكي ذو خبره قبل اسبوع من كتابتي لهذا السطر بأنه افضل زيت حاليا ينصح به والجيب نوعه باترول 92


اما انا فأقول مثل ما قالو اخواني (( كل الزيوت سوا )) اللي يفرق طريقة استخدام السيارهـ + المسافه اللي تمشي الزيت وبعدها يتم التغيير


وشكراااا على الطرح والنقاش المميز

[ابو الشمقمق]

انا ماستخدم الا هو لي اكثر من عشر سنوات ولا اشتكيت منه
وبالله التوفيق

[احساس الصمت]

السلام عليكم ورحمة الله
هذا رابط لأخينا العزيز/الأصيل الحجازي (مشرف خيمة أعطال السيارات)عن زيت بترومين
لعله يفيدكم
http://www.mekshat.com/vb/showthread.php?t=254024

تقبلوا تحياتي

[talol]

استخدمة من سنوات وممتاز جدا

وترا اذا بتسمع كلام المهندسين والناس بتتعب

[كعمور]

قـــــــــــرم العــــــــــيال
السلام عليكم والله النصيحة كانت بفلوس والحين بلاش لى يبي يصدق يصدق والى مايبى مو لازم لاكن انا اقولك انا عندي لاندكروزر وكنت اغيرة لمدة ثلاث سنوات والله معندك احد خاصة من سنة وجاي وغير انة يسود بلبلوف غير انة يبخر وتقل لزوجتة وتراة مكرر واستعد
اثبت للجميع خذ سوبر جيتي وخذ الترا 7 وصبة في وعاء ابيض ولاحظ الفرق

ويارجال والله اني كنت اغيرة وجنني لدرجة اني كرهت موترى من النقص لين غيرت الترا 7

[قرم العيال]

والله حيرتونا ياخوان

ناس تمدح وناس تذم :)

[سسته]

والله حيرتونا ياخوان

ناس تمدح وناس تذم :)

يعني الحين اللي يشوف ردك وانا اخوك ... يوق مافية الا هالزيت في العالم ...

شف هل الزيوت واجد / رح وطب وتخير
بس زيت نهبته / رجعة في مكانه

عاش بشير :D :D :D

[ابورايف]

اما بالنسبة لي ماغير الاسوبر جي تي وهوالزيت المفضل لدي
وتقبل مروري

[فيصل التميمي]

والله غريبة انا معي هايلكس 2004 وماستخدم الاهالزيت والحمد لله مافرقت شي

[الفورتنشر]

افاااا الله يستر
انا موتري الجديد عبيتلة جي تي ,, والحين يبي يتم ال 5000 كيلو
ما نقدر نغير الزيت

[راعي سمنان]

بعد ردود الأخوان اعتقد ردي ( ماله سنع ) ولكن ابي اقول اللي عندي

انا من عام 2002 استعمله ( سوبر جي تي - علبه بلاستيك اسود ) كل 5000 مع السيفون ولله الحمد والشكر ما شفت الا كل خير .... وهذا من تجربه شخصيه ما اقول يقولون .... والله يوفق الجميع

[الربذي]

اخواني يمكن ما فهمتوا علي

انا اسألت الرجال قلت يبين مثلا دخان ولاشي

قال لا يسكر البلوف فقط .. ويخليه سوداء ..


والموضوع للنقاش
الي يخليها سودا هو بانزين 91 اسالني انا
ماانت مصدق تخاو انت وشقردي وخله يعبي 95 وانت 91 واجلد السياره مشور وبعدين شوف الشكامين واحد كانه مدخنه وهو 91 والاخر اشقر وهو 95