وش مكمن المشكلة لمبة مولعة

[الربذي]

اخواني ابي احد يخبرني ماهي مشكلتي
باختصار طلعت اليوم مشوار 300 كم وعلى سرعة 155 كم مثبت السرعة وفجاة نولع لمبة صفرا مكتوب عليها checkوقامت السيارة تقطع المهم رحد واحد كهرباي قال البواجي فك البواجي وجد 3 متفقعات وغيرت كل البواجي وضبطت ولله الحمد لكن المبة مازالت مولعة ورجعت وهي مولعة ممكن تفيدونني الله يجزاكم خيرا ياخواااااااااان واخص الفلتة سنايبر وكلكم مانتم مقصرين
تحبتى اخوكم
الله يخزي الشيطان طبعا المقصود بهذا الكلمة افحص المكينة لان المبة المولعة عليها صورة المكينة
وسيارتي باثفايندر 98

[أيمن]

ما ترى باس يالربذي ..

الله العالم أن المشكلة انحلت، لكن اللمبة "اللنبة" ما يطفيها إلا الوكالة ..
ربما ..

تحيتي

[غضنفر]

أنا صار لي قصة مع ها اللمبة
وهي اني اول ما شريت موتري(باثفايندر 2003)وفي أول مشوار لي ولعت اللمبة بتاع التشيك انجين يوم انهبلت ورحت للوكالة وانا مولع :director: :alarm: المهم يوم فحصوا الموتر ما حصلوا شي خربان في الأخير فكوا اصبع البطارية ثم ركبوه وطفت اللمبة.
والسبب زي ما قالي المهندس ان السيارة كانت مخزنة ومفصولة البطارية
.
.
.
أتوقع يا الربذي انك لو تفصل اصابع البطارية وتنتظر دقيقتين ثم تشبكها راح تطفي اللمبة

[الربذي]

مشرفنا الغالي ايمن الله لايوريك مكروة ويحفظك بحفظة سبحانة اشكر مرورك وشرفتنا ياغالينا
بلاك باث اشكرك ويالله صباح خير عاى هالصبحية راح انقز لسيارة وافك البطارية واشوف النتيجة بارك الله فيك وهذا ضني باعضاء هذا المنتدى الطيب تاخي تعاون تناصح جعل ربي مايفقدي تللك الوجوة الطيبة لو اني ماتشرفت بشوفكم لكن الكتاب يقراء من عنوانة ناقز ناقز على البطارية الله لايعوق بشر
ضحكتني اخي يو م تقول واروح للوكالة وانا مولع!!
اخوكم

[الربذي]

الغالي بلاك باث لم تنطفي اللمبة سويت مثل ماقلت وحيث ان الجو بارد جدا جدا اجد صعوبة في تحريك اصابعي لكتابتة هذى الاسطر
مازلت انتظر المساعدة لاطفاء تلك اللمبة مع شكري لاخي بلاك باث
اخوكم

[القماري]

مثل ما تفضل الأخ أيمن رح للوكالة .
بس أحب أضيف أن السيارات الحديثة لا تخلوا من جهاز يسمى (كمبيوتر) وهو بالفعل العقل لمعظم السيارات حاليا، أول ماتكون لديك مشكلة يعطيك الكمبيوتر تحذير ويضيء لك لمبة تحذير - تنبيه .. الخ ، قد تصلح المشكلة (بواجي - كهرباء - فرامل ... الخ) لكن عقل الكمبيوتر لا يزال غير مبرمج بأن الخلل قد عدل وهذا هو السبب أن عقل الآدمي أفضل من العقول الصناعية يبرمج حاله بحاله ، أما في السيارة فأفضل حل أن تذهب بها لورشة لديها كمبيوتر أو للوكالة. الفرق أن الورشة ستأخذ منك مبلغ لايتجاوز ال 100 ريال أما الوكالة فقذ ( ربما) ينصبون عليك. ولا حل آخر - قد تنفع طريقة فصل البطارية ولكن ليس في معظم الأمور

[المشرف]

ملك حل الا الوكاله لانك اذا صلحها في مكان ثاني توقع اي وقت ترجع
لكن الوكاله يعطونك ضمان
وبالتوفيق انشالله

[غضنفر]

احد الاخوان في هذه الخيمة ذكر طريقة لإعادة برمجة كمبيوتر السيارة لكني نسيت الطريقة وبإمكانك انك تبحث عنها

[غضنفر]

هذا رابط لموضوع قريب من موضوعك لكن ما ادري اذا كان بيفيدك (http://www.mekshat.com/vb/showthread.php?t=9232&highlight=%C8%D1%E3%CC%C9+%DF%E3%C8%ED%E6%CA%D1+%C 7%E1%D3%ED%C7%D1%C9)

[Bader-M]

شف فيه طريقه

تستخدم في السيارات الامركيه

ولكن مادري هل تنفع مع الياباني ام لا


ولكن جرب

لم تخسر شيئا


الطريقه هي

فصل اصبع البطاريه الموجب (+)

لمدة عشر ثواني ومن ثم تشبيكه مره اخرى

..........
ولك مني كل محبه وتقدير

[شايب الصمان]

الربذي: السلام عليكم ورحمه الله وبركاته

أخوي كلام أخونا القماري صحيح ولا يهونون الباقين لازم كمبيوتر لاعاده البرمجه .

وسبق أن صارت لاحد الاخوان كان عنده لاند كروزر وولعة لمبة (t.bilt) وغيرنا جينزير الصدر وماطفة اللمبه

ولاتطفة الا بعد اعاده البرمجه .وعليك بالوكاله( في الامور الحساسه أو المعقده) حتى لو أخذوا زياده بس ترتاح ولا تنسى أنهم يحاولون الحفاظ على سمعة سياراتهم بعد المنافسه القائمه الان ....لاحظ الوكالات تجديد بالديكور والورش ومعامله أحسن من السابق وأتصال بعد خروج السياره من الصيانه هل الصيانه ممتازه وهل وهل وهل وهل...........هذا رأيي الشخصي والله يوفق الجميع

[الربذي]

اشكركم وجزاكم الله خيرا
تصدقون لفيت معظم الكهربائئن وقالو نفصل البطارية ونركبة مرة ثانية لكن قلت عملتها والكثير قالو لازم الوكالة وتصدقون اني اكرة الوكالة لانها ماهو ربع ساعة وماشي يمرمطونك مرمطة احيانا يقلون تجي بكرة تحصلها جاهزة على العموم انا تعودت على المبة وليس هناك مشكلة لانهم طمنوني الكهربائئين
كما اشكر اخونا بلاك باث لاهتمامة بالموضوع والرابط الذى تم وضعه نفس مشكلتي لانها فعلا استعمال امريكي واقصد بذلك سيارتي الباثفيندر وبها موصفات ليست بالسعودى ولكم الشكر لاعدمناكم وشكر خاص لمشرفنا المحبوب (طاير بالعجة)اخوكم الى الابد .......الربذي