مشوره باستخدام فولكس فاجن طوارق V8

[AL_3NZI]

السلام عليكم
شباب انا ناوي على سياره دفع رباعي والطوارق معجبني من زمان
لكن ابي استفسر عن القطع والصيانه وهل هو عملي بالبر؟
فيه مشاكل بالمساعدات وعمره طويل واقدر اغيرها الى عاديه مثل ال 6 سلندر الاستاندر؟
كيف صرفية البنزين؟
المواصفات الامريكيه فيها فرق عن السعودي ولا كله واحد؟
تنصحوني فيه مع العلم اني ماني راعي بر كثير ومطامر مثل الوانيتات والجيوب العاديه
انا راعي خط وسفر وسرعه

[قطب 999]

الطوارق دفع رباعي ممتاز داخل المدن وعلى الخط السريع وخلك حول الوكاله داخل دائره نصف قطرها 50 كم

[نوخذه البحرين]

السلام عليكم

للخط مريح جدا جدا ، وثابت كعادة الالماني

صرفية البنزين معقوله على ممشاه

للبر ابد ما ينفع ، مساعداته تخرب بسرعة ، ااضافة ان ارتفاعه عن الارض مو ذاك الزود

قطع غياره غاليه خل بالك وصيانته غاليه ، بس صيانته بالوكيل كل 20 الف ، وحتى غيار الزيت كل 20 الف

اكثر مشكله تتكرر به ، الكهربا ، خصوصا الانوار الخلفية ، كل شهر شهرين لازم تبدل واحد منهم

اغلب اللي عندهم طوارق ، عندهم ستة سلندر العادي ، ولداخل الديرة والخطوط وبس مو للبر

والله يوفقك