اشتري كفرات شاهين او ما أشتري ؟؟؟ عطني رايك..

[ابوخالد2004]

السلام عليكم ورحمة الله وبركاته
ياليت الي عنده خلفيه عن كفر الشاهين للباترل 2003 هل الكفر زين بالبر وش سلبياته وإجابياته
ياليت الي جربه يعطينا خبر
هل اشتريه او ابعد عنه ؟؟؟؟؟؟؟؟؟؟؟؟
وشكرا

[الوافي 9]

شوف أخوي الكفرات زينه لكن فيها عيب من تعدي السنة ابشر بالسلخه أنا كنت مركبهم ماشاء الله في البر حط هواهم 20 وانسى التغريز لكن أنصحك بالدنلوب كفر بر وديره والله يوفقك00000000

[escape_man]

كانك راعي نفود فما ازين منها

لكن بالحصى او الاسفلت مهيب ذاك الزود

انا مركبها على بليزر وتقعد معي ازود من 3 سنين

لكن مشواري فيه للنفود وراجع فقط

[ابوخالد2004]

شكرا على مروركم وتجاوبكم معي

[التعـ King ـديل]

افضل الكفرات بالنسبه لي

1/ البالون ماكسس 900

2/ الدنلوب

3/ الهنكوك

[marhoon]

صارلي أكثر من شهر من ركبت شاهين سوموتومو .من قبل كنت أستخدم دنلوب.لاحظت الفرق :
1- ليونة الشاهين في المطب, أفضليته في البر .الى الأن هذه الميزات اللي أكتشفتها.
2- عيوب الشاهين على الأسفلت أنه Traction Bو الموصى بها هو A.
للمعلومية : المقصود بي Traction هو قوة الألتصاق. يعني أن A هو أفضل على الأسفلت.

[ملف علاقي]

تحياتي اخوي من واقع تجربه علي موتر مثل موترك ركبت شاهين سوموتومو ماجلست معي شهر ماتنفع ابد باالخط وإلا الرمل حلوه بس المشكله انك علشان تطلع البر كم تقطع من كيلو علي السفلت ولا كن جربت هانكوك الي تركب علي الجمس الصالون نفس مقاس الشاهين بس خذ 6غاط والله حلوه مره علي الخط وفي الرمل احسن من الشاهين والله يوفق الجميع ....

[سفاري959]

انا مجربه على باترول في الرمل والخط خذ كفر في النفود ضغط الهوى 30 اوقات ما اشغل الدبل عيبه الوحيد وانت مديور في الحاره او عند اشاره يطلع صوت تصريخ وفي المطر يزحلق اكثر من باقي انواع الكفرات ونصيحه توكل على الله وخذه

[ابوخالد2004]

توكلت على الله وشريت شاهين
والحمد لله من افضل مايكون في الخط شريتهن من القصيم ورحت للرياض ولله الحمد ليونه وراحه وراسي بالطريق
للمعلوميه تراني سنتين وانا اركب بالون يعني فرق بين الكفرين

[escape_man]

توكلت على الله وشريت شاهين
والحمد لله من افضل مايكون في الخط شريتهن من القصيم ورحت للرياض ولله الحمد ليونه وراحه وراسي بالطريق
للمعلوميه تراني سنتين وانا اركب بالون يعني فرق بين الكفرين

اهم شي لاتدخلبه حصيان ولا ارض فيها شوك ولو شوك صغير

وانتبه لا امطرت

وغيرها فخذ بطل

[مصفي النية]

السلام عليكم
البركة الكفرات يابو خالد
انا من المعجبين بالشاهين لي 15 سنة اركب كفرات شاهين على الربع كفرات مسكتة خفيفة على الموتر يفحط بالخامس زي الحلاوه بس بدنلوب لا يالله بالرابع لينه بالمطب والبطناج برمل ماعليها كلام بالحصى زيها زي الدنلوب خذها مني مافيه فرق بس يبيلك تنتبه لهواها
بس على الجيوب الصوالين مدري بحكم ثقل الموتر.

[ابوخالد2004]

اشكر كل من تفاعل معي ارئكم محل اهتمامنا

[dehnoosh]

السلام عليكم
جزاكم الله خير جميعا
وين وكيل كفرات شاهين بالمنطقة الشرقية الله لايهينكم؟ و اذا ماهنا وكيل وش افضل محل يبيعهن جزاكم الله خير؟

[شت قان]

وكيلهم في الاحساء في الشارع الملكي اسأل تنه يدلونك

[صياد الاحساء]

عندي سفاري ربع مقاس جنوطه15 ابي اركب عليه كم سعرهم

[ساهر الليل2]

انصحك بكفرات بالون ماكس 900

[أبوفيصل8488]

السلام عليكم ورحمة الله وبركاته
ياليت الي عنده خلفيه عن كفر الشاهين للباترل 2009او البالون هل اي الكفرين ازين بالبر وش سلبياتهم وإجابياتهم
ياليت الي جربهن يعطينا خبر
هل اشتريهم او ابعد عنهم ؟؟؟؟؟؟؟؟؟؟؟؟
وشكرا

[ابوخالد2004]

السلام عليكم ورحمة الله وبركاته
ياليت الي عنده خلفيه عن كفر الشاهين للباترل 2009او البالون هل اي الكفرين ازين بالبر وش سلبياتهم وإجابياتهم
ياليت الي جربهن يعطينا خبر
هل اشتريهم او ابعد عنهم ؟؟؟؟؟؟؟؟؟؟؟؟
وشكرا

كفر البالون مافيه افضل منه بالبر لكن بالطريق سيئة ، والسبب يموج بالخط خاصة اذا راح من عمره يعني راحت وطيته يبدا يومي بالطريق، لكن بالبر خذ كفر ومن عيوبه حده ست شهور وبعده تبدا مشاكله السابقه المذكورة
الشاهين زين بالبر لكن يعيبه جنبه ليّن يعني لازم تحط بالك حصاة او عود قوي يبنشر على طول
وبالطريق منتاز جدا