سديرآوي
10/03/2010, 10:33 PM
السلام عليكم ورحمة الله وبركاته ,,
وشخباركم يالربع ,, كيف امسيتو ,, عساكم طيبين ,,
قبل أشهر اشتريت شريط أسمه (( سواليف النشامى )) للراوية ناصر السميري ,,
وانصحكم بشرائه لأنه شريط جميل وفيه العديد من سواليف الأولين الرائعه ومتبوعه بقصائد ومن القصص التي أذكرها في الشريط ,,
يذكر أن رجل بخيل أشد البخل والشح ,, عاش لحاله في بيته المتواضع ,, وتمر عليه الأيام وماياكل إلا شي يالله يمسك بطنه ,, وعايش على الناس أحد يعطيه تمر من جيرانه
ولا احد يقهويه ,, يعتبرها فرصة لاتفوت ومايفرط بها عشان يوفر القرش ,,
حتى إنه وصل الأربعين على ظني ولم يتزوج لشدة بخله وخوفه على ماله ,,
فكان منذ سنين يتكرر جدوله اليومي من ذهاب لدكانه الصغير صباحا ويعود بعد انتهائه من العمل ,,
وكلما انتهت بضاعته بالمحل كل اسبوع او اسبوعين يذهب لقرية مجاورة ويحمل بضاعته ويرجع لدكانه ,,
بالعربي الرجال حارم نفسه من كل شي يجمع الريال عالريال ومعذب عمره ,,
يوم من الايام نصحه أحد ربعه بالزواج من أرملة توفي زوجها ولها منه ولد صغير ,,
كان صديقه يريد ان يتغبر هذا الرجل عن بخله الشديد إذا تزوج ,,
ولكن البخيل رفض الزواج وقال أنا يسدني ربع المد ونصفه (أقل من ملئ الكف تقريبا ) ولو تزوجت بيأكلون دراهمي ,,
الرجال قال ماعليك انت لاتصرف عليهم شي رزقهم بيجيبهم بس انت تزوج واستر عالحرمة المسكينه وولدها ,,
بعد محاولات طويله وافق البخيل ,, ولم يتغير أبدا بل زاد شحه وبخله ,, وفي يوم من الأيام ,,
فرغت بضاعة دكانه فشد رحاله للذهاب لاحدى القرى كالعادة ليحمل بضاعة جديدة ,, وكان ذلك اليوم أول يوم من رمضان ,,
وقرر الرجال إنه يروح لقرية بعيدة شوي لانه سمع أن سوقها طيب وهالقرية ما عمره دخلها ,,
الرجال وصل القرية قبل المغرب وقعد بالمسجد ينتظر الاذان ليفطر على كم تمرة ,, وكان بالمسجد كثير ممن هم مثله مسافرين وقاطعين سبيل ,,
ودخل عليهم رجل حسن الهيئة والهندام ,, وقال يا أخوان المسافر والي ماله أهل ,, فطوركم واجب علي ولاني سامح لاحد ,,
البخيل انبسط وقال فرجها ربك ,, يوم دخل بيت الرجال وطارت عيونه ,, هاك المجلس الرحب وهاك السفرة الممدوده من كل خير ونعمة ,,
وافطر الرجال وهو مو مصدق الي يشوفه المهم ,, صلو المغرب وبعد الصلاة قاك الرجال الكريم,, وقال يا اخوان عشاكم علي ولاني سامح لاحد يمشي ,,
الرجال انبسط وماصدق ,, يوم دخل المجلس إلا والذبايح مسدحه والجريش والرز والفاكهه والخيرات من كل نوع ,, الرجال انهبل ,,
قال انا الحين أجمع الريال على الريال وهذا يلعب بالفلوس لعب ,, المهم الرجال سكت وما سأل أحد ,, وقعد كم يوم بالديرة,, وكل يوم نفس الوضع ,,
الرجال قرر أنه يروح الصبح للسوق ويشري بضاعته ويرجع لديرته ,, صلى الفجر وراح للسوق ,,
والمحلات مافتحت إلا رجال واحد قاعد راح جلس عنده ينتظر باقي المحلات يفتحن ,,
البخيل لقاها فرصة وسأل راعي المحل ,, قال ياخوي راعي هاك البيت الي يلزم عالناس وكل صلاة يقوم ويعزم ويلزم ,,
منين له هالمال أهو سارقه ولا لاقي له كنز ولا وش سالفته ..؟؟
راعي المحل قال هذا سالفته سالفة ,, أبو هالولد كان رجل بخيل يحرم نفسه من كل شي وعايش على الناس ,,
وكل يوم يجمع الريال عالريال ولايشتري شي ,, ويوم من الايام مرض الرجال وتوفي ,, ومابقى الا زوجته وولده ,,
وورث المال وولده هالمال الوفير وهو كل رمضان وكل يوم بابه مفتوح للضيوف ,,
قال وش اسم هالولد ,, قال راعي المحل اسمه قضاع ,, قال ايه ,, جزاك الله خير ومشى الرجال وهو يفكر وشرى بضاعته ورجع ,,
لديرته ,, وكل الطريق هواجيس الرجال وتفكير بهالولد المسرف وأبوه البخيل الي مات وكان حارم نفسه وراحت فلوسه لولده ,,
المهم الرجال حسم قراره ,, وما أن دخل ديرته ويطير للجزار ويشري له كم جنب حاشي ويروح للعطار ويشري قهوة وشعير وطحين وماخلى شي إلا
وشاله ,, ويروح ويشري فاكهه وتمر من كل نوع,, وكل ما مر على محل خذ منه شي ,, واعطي الي شراها للحمال بالسوق وقال ودها للبيت
شوي إلا ويطق على الحرمة المسكينه وولدها الحمال ويقول خذوا هذا لحم من ابوكم وكل شوي جايب شي يقول خذوا ذا من ابوكم ذا من ابوكم ,,
الحرمة مسكينه ماصدقت ولاقدرت تقول شي شوي إلا ودخل البخيل (سابقا ) وقالت زوجته أنت الي شاري هالنعايم والخيرات يافلان ,,
قال أي نعم ,, وشوله أحرم نفسي ولا متت بتاخذين هالفلوس انتي ووللدس وتلعبون بها ,, خلني اطرب عمري واستانس ,,
قالت وش السالفة عسا ماشر يافلان ,,قال أبي أبيد المال قبل يجي قضاع ويبيده >> وقضاع هو المسرف بذيك الديرة الي راح له ,,
قالت الحرمة ليتك شفت هالقضاع من اول وريحتنا ,, والحمد لله عاش الرجال مبسوط باقي حياته ,,
والأفضل في هذه الدنيا الاعتدال وعدم الاسراف المحرم أو البخل والشح ,,
هذا والله اعلم ,, أخوكم المحب سديرآوي
وشخباركم يالربع ,, كيف امسيتو ,, عساكم طيبين ,,
قبل أشهر اشتريت شريط أسمه (( سواليف النشامى )) للراوية ناصر السميري ,,
وانصحكم بشرائه لأنه شريط جميل وفيه العديد من سواليف الأولين الرائعه ومتبوعه بقصائد ومن القصص التي أذكرها في الشريط ,,
يذكر أن رجل بخيل أشد البخل والشح ,, عاش لحاله في بيته المتواضع ,, وتمر عليه الأيام وماياكل إلا شي يالله يمسك بطنه ,, وعايش على الناس أحد يعطيه تمر من جيرانه
ولا احد يقهويه ,, يعتبرها فرصة لاتفوت ومايفرط بها عشان يوفر القرش ,,
حتى إنه وصل الأربعين على ظني ولم يتزوج لشدة بخله وخوفه على ماله ,,
فكان منذ سنين يتكرر جدوله اليومي من ذهاب لدكانه الصغير صباحا ويعود بعد انتهائه من العمل ,,
وكلما انتهت بضاعته بالمحل كل اسبوع او اسبوعين يذهب لقرية مجاورة ويحمل بضاعته ويرجع لدكانه ,,
بالعربي الرجال حارم نفسه من كل شي يجمع الريال عالريال ومعذب عمره ,,
يوم من الايام نصحه أحد ربعه بالزواج من أرملة توفي زوجها ولها منه ولد صغير ,,
كان صديقه يريد ان يتغبر هذا الرجل عن بخله الشديد إذا تزوج ,,
ولكن البخيل رفض الزواج وقال أنا يسدني ربع المد ونصفه (أقل من ملئ الكف تقريبا ) ولو تزوجت بيأكلون دراهمي ,,
الرجال قال ماعليك انت لاتصرف عليهم شي رزقهم بيجيبهم بس انت تزوج واستر عالحرمة المسكينه وولدها ,,
بعد محاولات طويله وافق البخيل ,, ولم يتغير أبدا بل زاد شحه وبخله ,, وفي يوم من الأيام ,,
فرغت بضاعة دكانه فشد رحاله للذهاب لاحدى القرى كالعادة ليحمل بضاعة جديدة ,, وكان ذلك اليوم أول يوم من رمضان ,,
وقرر الرجال إنه يروح لقرية بعيدة شوي لانه سمع أن سوقها طيب وهالقرية ما عمره دخلها ,,
الرجال وصل القرية قبل المغرب وقعد بالمسجد ينتظر الاذان ليفطر على كم تمرة ,, وكان بالمسجد كثير ممن هم مثله مسافرين وقاطعين سبيل ,,
ودخل عليهم رجل حسن الهيئة والهندام ,, وقال يا أخوان المسافر والي ماله أهل ,, فطوركم واجب علي ولاني سامح لاحد ,,
البخيل انبسط وقال فرجها ربك ,, يوم دخل بيت الرجال وطارت عيونه ,, هاك المجلس الرحب وهاك السفرة الممدوده من كل خير ونعمة ,,
وافطر الرجال وهو مو مصدق الي يشوفه المهم ,, صلو المغرب وبعد الصلاة قاك الرجال الكريم,, وقال يا اخوان عشاكم علي ولاني سامح لاحد يمشي ,,
الرجال انبسط وماصدق ,, يوم دخل المجلس إلا والذبايح مسدحه والجريش والرز والفاكهه والخيرات من كل نوع ,, الرجال انهبل ,,
قال انا الحين أجمع الريال على الريال وهذا يلعب بالفلوس لعب ,, المهم الرجال سكت وما سأل أحد ,, وقعد كم يوم بالديرة,, وكل يوم نفس الوضع ,,
الرجال قرر أنه يروح الصبح للسوق ويشري بضاعته ويرجع لديرته ,, صلى الفجر وراح للسوق ,,
والمحلات مافتحت إلا رجال واحد قاعد راح جلس عنده ينتظر باقي المحلات يفتحن ,,
البخيل لقاها فرصة وسأل راعي المحل ,, قال ياخوي راعي هاك البيت الي يلزم عالناس وكل صلاة يقوم ويعزم ويلزم ,,
منين له هالمال أهو سارقه ولا لاقي له كنز ولا وش سالفته ..؟؟
راعي المحل قال هذا سالفته سالفة ,, أبو هالولد كان رجل بخيل يحرم نفسه من كل شي وعايش على الناس ,,
وكل يوم يجمع الريال عالريال ولايشتري شي ,, ويوم من الايام مرض الرجال وتوفي ,, ومابقى الا زوجته وولده ,,
وورث المال وولده هالمال الوفير وهو كل رمضان وكل يوم بابه مفتوح للضيوف ,,
قال وش اسم هالولد ,, قال راعي المحل اسمه قضاع ,, قال ايه ,, جزاك الله خير ومشى الرجال وهو يفكر وشرى بضاعته ورجع ,,
لديرته ,, وكل الطريق هواجيس الرجال وتفكير بهالولد المسرف وأبوه البخيل الي مات وكان حارم نفسه وراحت فلوسه لولده ,,
المهم الرجال حسم قراره ,, وما أن دخل ديرته ويطير للجزار ويشري له كم جنب حاشي ويروح للعطار ويشري قهوة وشعير وطحين وماخلى شي إلا
وشاله ,, ويروح ويشري فاكهه وتمر من كل نوع,, وكل ما مر على محل خذ منه شي ,, واعطي الي شراها للحمال بالسوق وقال ودها للبيت
شوي إلا ويطق على الحرمة المسكينه وولدها الحمال ويقول خذوا هذا لحم من ابوكم وكل شوي جايب شي يقول خذوا ذا من ابوكم ذا من ابوكم ,,
الحرمة مسكينه ماصدقت ولاقدرت تقول شي شوي إلا ودخل البخيل (سابقا ) وقالت زوجته أنت الي شاري هالنعايم والخيرات يافلان ,,
قال أي نعم ,, وشوله أحرم نفسي ولا متت بتاخذين هالفلوس انتي ووللدس وتلعبون بها ,, خلني اطرب عمري واستانس ,,
قالت وش السالفة عسا ماشر يافلان ,,قال أبي أبيد المال قبل يجي قضاع ويبيده >> وقضاع هو المسرف بذيك الديرة الي راح له ,,
قالت الحرمة ليتك شفت هالقضاع من اول وريحتنا ,, والحمد لله عاش الرجال مبسوط باقي حياته ,,
والأفضل في هذه الدنيا الاعتدال وعدم الاسراف المحرم أو البخل والشح ,,
هذا والله اعلم ,, أخوكم المحب سديرآوي