هل تصلح هذي السياره للصيد

[سعدسالم]

http://www.mekshat.com/pix/upload03/images150/mk28809_5[2].jpg

[BaHaR]

ليش ماتصلح ؟؟

[الشنه]

تصلح و بقوة

[قرناس صلا]

هلا اخوي سعد سالم , السيارة من تجربة شخصية :

تصلح للبر والكشتات والتطعيس والطرق الجبلية ومريحة فى البر والازفلت.

لا تصلح للصقار لان الرؤيه الامامية وعلى الجانبين مزعجة لقصر ارتفاع الزجاج الامامي ولوقوفة عاموديا
وتصميم غير مناسب لراعي الطيور ..ازعجتني جدا الرؤية في مقناص الطيور ..

هناك عيب اخر وهو صغر خزان الوقود (65 لتر فقط )

غير كذا السيارة رائعة .

تقبل تحياتي واتمنى لك التوفيق

[moooj]

انا شهد ما عاد في تويوتا غيره هو والأفالون

[(ــ النمر العربي ــ)]

الله يعطيك خيرها ويكفيك شرها
تصلح يا خوي
وتقبل مروري

[رفيع المقآم]

والله انها سياره صلبه

[التعـ King ـديل]

انا شهد ما عاد في تويوتا غيره هو والأفالون

والبرادو والباقي ماعندك احد

[البرقاووي]

لالا مراا ما يصلح والسبب ..

يعلق البنزيم حقه ..

اسال مجرب
اناا جربته مع واحد من اخوياي وطلعنا ابه البر ونلحق لنا طيور وفجاه علق البنزيم الا قدام ذاك العقم بغينا نروح فيها مغير ربك ستر ..

[الرسيفر]

هذا الموتر جبار يصلح للبر وبقوة خصوصا إنه ما فيه ذيك الحساسية والتكنلوجيا الزائدة فأقرب ما يكون للشاص والربع التايوتا إلا إنه أريح منهن كلهن .

[الادعج]

أخوي بارك الله فيك ..
#اذا كان لايهمك الشكل الخارجي
#اذا كان لايهمك الديكورات الداخليه وفخامتها
# اذا كان ربعك اثنين وانت ثالثهم بس مايزيدون عنهم مع فرشهم واغراضهم
#اذا كنت من النوع اللي اذا دخل البر مايطول ويرجع ..يعني ماتقعد بالبر اكثر من يوم وترجع للخط .. لان تانكي البنزين للسياره المذكروره صغير جدا
اذا كان ماعندك مشكله بالامور المذكروره بعاليه ..فتوكل على الله ..
......................
اما اذا كنت راعي طيور وقنص وطرد بالبر ...فنصيحه لوجه الله ..لاتقرب الموتر هذا ابد ابد .....لان اذا جلست على مرتبه السواق يالله يالله تشوف دربك ..فما بالك اذا كنت تبي تطرد او تبي تلحق الطير ...لان الزجاجه الاماميه ضيقه جدا ..لاتسمح لك بمجال رؤيه واسع لكامل الطريق ...
يعني بين قوسين (الموتر اذا اسرع ..ماتدري وشو هو واطي عليه ....)>>>تحت الله وبين ايديه.......
ناهيك عن تانكي البنزين الصغير مره ...
ناهيك عن ضيق مساحه السياره ..

[ابورايف]

يصلح للنقنص والرحلات والخط
وتقبل مروري

[فيصل الرحيمي]

اي شي يمشي على اربع يصلح حتى لو جمل